இரு நூற்றாண்டுகளின் அதிசயிக்கத் தக்க மருத்துவ விஞ்ஞான வளர்ச்சியை ஒரு ஒளிப்படமாக விளக்குகிறது இந்த நியூ இங்கிலண்ட் மருத்துவ இதழின் வெளியீடு. ஆர்வமுள்ளவர்கள், மாணவர்கள் பார்த்துப் பயன் பெறுங்கள்!

http://nejm200.nejm.org/explore/medical-documentary-video/

நன்றி: நியூ இங்கிலண்ட் மருத்துவ ஆய்விதழ் (இணையப் பதிப்பு)

நன்றி ஐஸ்ரின் நல்லதொரு பதிவு

45 நிமிட ஒளிப்படத்தை நின்று பார்க்க இயலாத ஆர்வலர்களுக்காக இந்த தமிழ்ச் சுருக்கத்தை take away ஆகத் தருகிறேன்:

1812 தொடங்கி 2012 வரையான 200 வருட காலப் பகுதியில் மருத்துவத்தின் பல துறைகளும் பாரிய வளர்ச்சி கண்டிருக்கின்றன. இத்துறைகளுள், மனித வாழ்க்கையில் பாரிய தாக்கத்தை உருவாக்கக் கூடிய துறைகளான, சத்திர சிகிச்சை, புற்று நோய், எயிட்ஸ் நோய் எனும் துறைகள் கண்ட முன்னேற்றங்கள் குறிப்பிடத் தக்கவை

சத்திர சிகிச்சை:

ஆரம்ப காலங்களிலேயே அழுகிப் போன அவயவங்களை வெட்டி அகற்றும் சிகிச்சை முறை இருந்தாலும் சத்திர சிகிச்சைக் கூடம் கொலைக் களம் போல இருந்தது. மயக்க மருந்து பாவனையில் இல்லாததும், சத்திர சிகிச்சை செய்த காயத்தில் நுண்ணங்கித் தொற்று ஏற்படுவதும் இந்த நிலைக்குக் காரணம். ஈதர் (ether) என்ற ஆரம்ப கால மயக்க மருந்து கண்டு பிடிக்கப் பட்டதும், நுண்ணங்கித் தொற்றைத் தடுக்கும் அழுகல் எதிரிகள் கண்டு பிடிக்கப் பட்டதும் சத்திர சிகிச்சையை ஒரு பாதுகாப்பான சிகிச்சை முறையாக மாற்றின. இன்றைய சத்திர சிகிச்சைக் கூடங்களில் தொற்று நீக்கலுக்குக் கூடுதல் முக்கியத்துவம் கொடுக்கிறார்கள். அதை விட இப்போதுள்ள நவீன மருத்துவ உபகரணங்கள் காரணமாக மயக்க மருந்து செலுத்தும் வேளையில் மரணிக்கும் நோயாளிகளின் எண்ணிக்கையும் 200,000 இல் 1 என்ற அளவுக்குக் குறைந்து விட்டது.

புற்று நோய் சிகிச்சை:

புற்று நோய்கள் எனப் பொதுவாக அழைத்தாலும் ஒவ்வொரு புற்று நோயும் உண்மையில் தனியொரு நோய். அதிலும் திட வளர்ச்சியாக (solid tumour) இல்லாமல் உடலில் பரவலாக ஏற்படும் இரத்தப் புற்று நோய் தாக்கினால் மருத்துவம் இல்லாமல் இறக்க வேண்டிய நிலையே 50 ஆண்டுகளுக்கு முன்னர் இருந்தது. ஆரம்ப காலத்தில் இரத்தப் புற்று நோய்க்குக் காரணமான புற்று நோய்க் கலங்களை இரசாயன மருந்துகள் மூலம் கொன்றொழிப்பதே நடை முறையில் இருந்தது. இப்போதோ, ஒவ்வொரு வகையான புற்று நோயையும் அதன் அடிப்படைக் காரணிகளைக் கண்டறிந்து அதற்கேற்ப மருத்துவம் பார்த்து குணமாக்கும் விந்தை சாத்தியமாகி இருக்கிறது. இந்த இரத்தப் புற்று நோய் வளர்ச்சிப் போக்கில், எலும்பு மச்சை மாற்று சிகிச்சை (bone marrow transplant) முக்கியமான மைல் கல். இரத்தக் கலங்களை உருவாக்கும் எலும்பு மச்சையை ஆரோக்கியமான ஒருவரிடம் இருந்து எடுத்து நோயாளிக்கு ஏற்றுவதன் மூலம் ஆரோக்கியமான இரத்தக் கலங்களை உருவாக்குவதே இச்சிகிச்சையின் அடிப்படை.

எயிட்ஸ்:

எயிட்ஸ் நோயின் தனிப் பட்ட மற்றும் சமூகவியல் ரீதியான விளைவுகளைப் பற்றி விளக்க வேண்டியதில்லை. இன்னும் தடுப்பு மருந்து கண்டறியப் படாத எச்.ஐ.வி வைரஸ் தொற்றுக்கெதிரான போராட்டம் கடந்த 30 ஆண்டுகளில் சடுதியான வெற்றிகளைக் குவித்திருக்கிறது. எயிட்ஸ் நோயாளிகளின் ஆயுட் காலத்தை அதிகரிப்பதுடன், தாயின் உடலில் இருந்து எயிட்ஸ் வைரசுகள் சேயின் உடலினுள் தொற்றுவதைத் தடுப்பது வரை எயிட்ஸ் நோய்க்கெதிரான மருந்துகள் பல நன்மைகளைத் தந்திருக்கிறது. ஆனாலும் அபிவிருத்தி அடைந்து வரும் நாடுகளில் இன்னும் பலருக்கு இந்த மருந்துகள் இலவசமாகக் கிடைக்க வழி செய்ய வேண்டியிருக்கிறது.

Edited May 10, 201213 yr by Justin

நல்லதோர் பதிவுக்கு நன்றிகள், ஜஸ்டின்!