நில அபகரிப்புக்கு எதிரான தமிழர் தாயகத்தின் போராட்டத்திற்கு வலுவூட்டுவோம் ! பிரதமர் வி.உருத்திரகுமாரன்

[size=4]அடக்குமுறைகளுக்கும், இராணுவ அழுத்தங்களுக்கும் மத்தியிலும் தாயகமண்ணில் மேற்கொள்ளப்படும் போராட்டத்துக்கு வலுச் சேர்க்க, தமிழர்கள் வாழும் தேசமெங்கும், அணிதிரள்வோம் என நாடுகடந்த தமிழீழ அரசாங்கத்தின் பிரதமர் வி.உருத்திரகுமாரன் அவர்கள் அறைகூவல் விடுத்துள்ளார்.[/size]

[size=4]நில அபகரிப்புக்கு எதிரான மாபெரும் மக்கள் போராட்டம், தமிழர் தாயகத்தின் திருமுறிகண்டியில் எதிர்வரும் யூன் 26ம் செவ்வாய்கிழமை இடம்பெறுகின்றது.[/size]

[size=4]இப்போராட்டத்திற்கு வலுவூட்டும் வகையில், சமாந்திரமாக ஒரே நாளில் புலம்பெயர் நாடுகளிலும் நாடுகடந்த தமிழீழ அரசாங்கம் போராட்டங்களை ஏற்பாடு செய்து வருகின்றது.[/size]

[size=4]இந்நிலையில், நமது நிலத்தை காக்க போராடிக் கொண்டிருக்கும் தாயகத் தலைவர்களுக்கும் , மக்களுக்கும் தோழமையுணர்வை வெளிப்படுத்த அனைவரும் அணிதிரள்வோம் என பிரதமர் வி.உருத்திரகுமாரன் அவர்கள் தெரிவித்துள்ளார்.[/size]

[size=4]இது தொடர்பில் மேலும் அவர் தெரிவித்ததாவது...[/size]

[size=4]தமிழீழத் தாயகத்தினை சிங்களமயமாக்கும் திட்டத்தை, சிங்கள அரசு தீவிரப்படுத்தி வருவதனைத் தாயகத்தில் இருந்து கிடைக்கும் செய்திகள் துல்லியமாக வெளிப்படுத்துவனைத் தாங்கள் அறிவீர்கள்.[/size]

[size=4]திட்டமிட்ட சிங்களக் குடியேற்றங்களும் , வீதிக்குவீதி முளைக்கும் புத்தர் சிலைகளும், மேம்பாடு என்ற போர்வையில் சிங்களத்தால் மேற்கொள்ளப்படும் இனக்கப்ளீகர முயற்சிகளும், ஈழத் தமிழர் தேசத்தின் எதிர்கால வாழ்வைகேள்விக் குறியாக்கி வருகின்றன.[/size]

[size=4]தமிழீழத்தின் வீதிகள் யாவும், வீடுமனைகள் யாவும், வழிபாட்டுத் தலங்கள் யாவும் சிங்கள ஆக்கிமிப்புப் படைகளின் சப்பாத்துக்கால்களால் மிதிபட்டு அசிங்கப்பட்டுக் கிடக்கிறது.[/size]

[size=4]ஒரு நாடு ஒரு மக்கள் என்ற கோசத்தின் அடிப்படையில், இலங்கைத்தீவினை சிங்கள நாடாகவும், சிங்கள தேசத்தின் நாடாகவும் ஏற்று, அடங்கி வாழ் என தமிழீழ மக்களுக்கு இராணுவ ஆக்கிரமிப்பின் ஊடாக சிங்களம் கட்டளையிடுகிறது.[/size]

[size=4]சிறிலங்காவின் இராணுவ ஆக்கிரமிப்புக்கு மத்தியிலும், அடக்குமுறைச் சட்டங்களுக்கு மத்தியிலும் சிங்களத்தின் நிலஆக்கிமிப்புக்கு எதிரான போராட்டத்தை தாயக அரசியல் தலைவர்களும் , மக்களும் முன்னெடுத்து வருகிறார்கள்.[/size]

[size=4]தமிழர் தேசியக் கூட்டமைப்பு, தமிழ்த் தேசியமக்கள் முன்னணி ஆகிய அமைப்புக்களால்முன்னெடுக்கப்படும் எதிர்ப்புப் போராட்டங்களை , சட்டத்தின் மூலமும் , படையினரின் அடாவடித்தனத்தின் மூலமும், புலனாய்வாளர்களின் காடைத்தனம் மூலமும் அடக்கி ஒடுக்க முனைகிறது சிங்களஅரசு.[/size]

[size=4]அடக்குமுறைகளுக்கும் இராணுவ அழுத்தங்களுக்கும் மத்தியிலும், தாயகமக்கள் மேற்கொள்ளும் இப் போராட்டத்துக்கு வலுச் சேர்க்கவேண்டிய கடமைபுலத்தில் உள்ளமக்களுக்கு இருக்கிறது.[/size]

[size=4]இதன் நிமித்தம், தமிழர் வாழும் தேசம்யாவும் நமது புதிய போர்களம் என்ற அடிப்படையில், உலகந்தழுவிய அளவில் நமது தாயகத் தலைவர்களுக்கும் , மக்களுக்கும் தோழமையுணர்வு தெரிவித்து, தமிழர் வாழும் பல்வேறுநாடுகளிலும் எதிர்வரும் 26 ஆம் நாள் செவ்வாய்கிழமை அடையாள எதிர்ப்புப் போராட்டத்தை நாடுகடந்த தமிழீழு அரசாங்கம் ஏற்பாடு செய்திருக்கிறது.[/size]

[size=4]இப் பேராட்டத்தில் நாம் ஒவ்வொருவரும் கலந்து கொண்டு, நமது நிலத்தை காக்க போராடிக் கொண்டிருக்கும் நமது தாயகத் தலைவர்களுக்கும், மக்களுக்கும் தோழமையுணர்வை வெளிப்படுத்த முன்வருமாறு அன்புடன் வேண்டுகிறேன்.[/size]

[size=4]இவ்வாறு நாடுகடந்த தமிழீழ அரசாங்கத்தின் பிரதமர் வி.உருத்திரகுமாரன் அவர்கள் அறைகூவல்விடுத்துள்ளார்.[/size]

[size=4]நாதம் ஊடகசேவை[/size]

[size=4]

[/size]

[size=4]http://www.seithy.co...&language=tamil[/size]