[size=3][size=4]எதிர்வரும் 8ம் திகதி நடைபெற இருக்கும் கிழக்கு மாகாணசபை தேர்தல் பற்றி சர்வதேச சமூகம் ஆர்வம் கொள்வதாகக்[/size][/size]

[size=3][size=4]கருதமுடிகிறது. இது தொடர்பில் நடந்த வரும் அரசியல் காய் நகர்த்தல்கள் குறித்த பார்வையினனப் பதிவு செய்ய முனைகிறது பின் வரம் குறிப்புக்கள்.[/size][/size]

[size=3][size=4]கிழக்கு மாகாணசபை தேர்தலுக்கு இன்னும் சில நாட்களே எஞ்சியிருக்கும் இவ்வேளையில் தேர்தல் பிரச்சாரங்கள் இப்பிரதேசங்களில் சூடு பிடித்துள்ளன.[/size][/size]

[size=3][size=4]கிழக்கில் தமிழர்களை பிரதிநிதித்துவ படுத்தும் வகையில் தமிழ் தேசிய கூட்டமைப்பு ஒரு பக்கமும் , ஆட்சியில் இருக்கும் ஐக்கிய மக்கள் சுதந்திர கூட்டமைப்பு ஒரு பக்கமும் , முஸ்லிம்கள் என்கின்ற பெயரில் சிறிலங்கா முஸ்லிம் காங்கிரஸ் மறுபக்கமுமாக தேர்தல் களத்தில் உள்ளது. இது தவிர ஐதேக, ஜேவிபி, தேசிய சுதந்திர முன்னணி, இடதுசாரிக் கட்சிகள் போன்ற மற்றெல்லாமே அடுத்தடுத்த கட்டங்களில் உள்ளன.[/size][/size]

[size=3][size=4]கள நிலவரம் இவ்வாறு இருக்கின்ற இந் நிலையில், தேர்தல் முடிவடைந்தபின்னர் கிழக்கில் ஆட்சியை அமைப்பது யார் என்கின்ற கேள்வி பலமாக எழுந்துள்ளது. ஏனெனில் களத்தில் நிலவும் மும்முனை போட்டிகளைக் கரத்தில் கொள்ளும் போது, ஆட்சியினை யாராலும் தனித்து பெறமுடியாது என்பது திண்ணமாகிறது. இதற்கு ஏதாவது இரு கட்சிகள் கூட்டாக இணைந்திருந்தாலே ஆட்சியை கைப்பற்றமுடியும் என்ற ஒரு கருத்து வலுத்து வருகிறது.[/size][/size]

[size=3][size=4]ஸ்ரீலங்கா முஸ்லிம் காங்கிரஸ் உடன் இணைத்து ஆட்சியை பிடிக்க திட்டத்தை தமிழ்த் தேசியக் கூட்டமைப்பு முன் வைத்திருந்தது. ஆனால் ஸ்ரீலங்கா முஸ்லிம் காங்கிரஸ் அதில் அவ்வளவாக ஆர்வம் காட்டவில்லை. காரணம், தமிழ்த் தேசியக் கூட்டமைப்புடன் இணைந்து போட்டியிடுவதானால் அரசாங்கத்தை எதிர்த்து நிற்க வேண்டும். அப்படி எதிர்த்து நிற்பதாயின், அரசாங்கத்தில் இருந்து அமைச்சர் பதவிகளை விட்டு விலக வேண்டும். இதற்க்கு சிறிலங்கா முஸ்லிம் காங்கிரஸ் தயாராக இருக்கவில்லை. இதனால், தமிழ்த் தேசியக் கூட்டமைப்புடன் நெருங்கிச் செல்ல அது தயாராக இருக்கவில்லை.[/size][/size]

[size=3][size=4]ஸ்ரீலங்கா முஸ்லிம் காங்கிரஸ் அரசதரப்புடனேயே பேரம் பேசுவதில் அர்வம் காட்டியது. ஆனாலும் இறதியில் அரசதரப்பில் இருந்து விலகித் தனித்து போட்டியிடுகிறது. தனித்துப் போட்டியிட முடிவு செய்தபின்னர், தேர்தல் பிரசாரங்களில் அரசாங்கத்தை எதிர்க்கமாட்டோம், விமர்சிக்கமாட்டோம் என்று ஸ்ரீலங்கா முஸ்லிம் காங்கிரஸ் கூறியது.இது அமைச்சர் பதவிகளை தக்கவைத்துக் கொள்வதற்கான ஒரு உத்தியேயாகும்.[/size][/size]

[size=3][size=4]தமிழ்த் தேசியக் கூட்டமைப்பு இந்தத் தேர்தலில் தமக்கு கணிசமான ஆசனங்கள் கிடைக்கும் என்று உறுதியான நம்புகிறது. 2010 நாடாளுமன்றத் தேர்தல், மற்றும் 2011 உள்ளூராட்சித் தேர்தலில் கிடைத்த வெற்றிகள் அதற்கான நம்பிக்கையைக் கொடுத்துள்ளது. தமிழ்த் தேசியக் கூட்டமைப்பு எதிர்பார்ப்பது போலவே வெற்றிபெற்றால், ஒன்றில் ஆளும் ஐக்கிய மக்கள் சுதந்திர முன்னணியுடன் இணைந்து ஆட்சியமைக்க வேண்டும். அல்லது முஸ்லீம் காங்கிரசுடன் இணைந்து ஆட்சியமைக்க வேண்டும்.[/size][/size]

[size=3][size=4]ஆளும்கட்சியுடன் கூட்டணி ஆட்சி அமைப்பது பற்றி தமிழ்த் தேசியக் கூட்டமைப்பினால், நினைத்துக் கூடப் பார்க்க முடியாது. எனவே அவர்களுக்கு இருக்கின்ற ஒரே தெரிவு ஸ்ரீலங்கா முஸ்லிம் காங்கிரசாகத் தான் இருக்க முடியும். ஆனால், அதற்கு ஸ்ரீலங்கா முஸ்லிம் காங்கிரஸ் ஒத்துழைப்பு வழங்க முன்வருமா என்ற கேள்வி உள்ளது.[/size][/size]

[size=3][size=4]ஏனெனில் கிழக்கில் தமிழ்த் தேசியக் கூட்டமைப்புடன் இணைந்து ஸ்ரீலங்கா முஸ்லிம் காங்கிரஸ் ஆட்சியமைப்பதை அரசாங்கம் விரும்பாது. மேலும் கிழக்கு தமது கையை விட்டுப் போவதை அரசாங்கம் ஒரு போதும் விரும்பப் போவதில்லை.[/size][/size]

[size=3][size=4]இந்தக் கூட்டணி அமைவதானாலும் கூட, முதலமைச்சர் விகாரத்தில் ஒரு சிக்கல் இருக்கத்தான் செய்யும். அதை அரசாங்கம் எவ்வாறு தீர்க்கும் என்பது முக்கியமான விடயம். இதேவேளை மீண்டும் ஆளும்கட்சிக் கூட்டணி கிழக்கில் ஆட்சியமைப்பதை சர்வதேச சமூகம் விரும்புகிறதா? என்ற ஒரு கேள்வியும் எழுவது தவிர்க்க முடியாதாகிறது. ஏனெனில் அவ்வாறான அரசியல் நகர்வுகள் சில கிழக்கில் நடைபெறுவதாகவே கருதமுடிகிறது.[/size][/size]

[size=3][size=4]கிழக்கில் ஸ்ரீலங்கா முஸ்லிம் காங்கிரசும், தமிழ்த் தேசியக் கூட்டமைப்பும் இணைந்து ஆட்சியமைப்பதில் அமெரிக்கா ஆர்வம் கொண்டுள்ளதாக சில தகவல்கள் வெளியாகியுள்ளன. விரைவில் இலங்கை வரலாம் என்று நம்பப்படும் தெற்கு,மத்திய ஆசியப் பிராந்தியங்களுக்கான அமெரிக்காவின் உதவி இராஜாங்கச் செயலர் றொபேர்ட் ஓ பிளேக், இதற்கான முயற்சிகளில் ஈடுபடக் கூடும் என்றும் மேலும் அத் தகவல்கள் தெரிவிக்கின்றன.[/size][/size]

[size=3][size=4]முன்னதாக, தமிழ்த் தேசியக் கூட்டமைப்பையும். சிறிலங்கா முஸ்லிம் காங்கிரசையும் இணைந்து போட்டியிட வைக்க, நோர்வே அரசாங்கம் முயற்சிகளை மேற்கொண்டதாகவும், அதுதோல்வியில் முடிந்துள்ளதாகவும் சில ஊடகங்களில் செய்திகள் வெளியாகின. ஆனால் அதை நோர்வே அடியோடு நிராகரித்திருந்தது. அதேவேளை, அமெரிக்காவின் ஆர்வம் தொடர்பாக செய்திகள் வெளியான போது, நோர்வேயைப் போல அமெரிக்கா அதை நிராகரிக்கவில்லை என்பதம் குறிப்பிடத்தக்கது.[/size][/size]

[size=3][size=4]கிழக்கில் ஸ்ரீலங்கா முஸ்லிம் காங்கிரஸ், தமிழ்த் தேசியக் கூட்டமைப்பு இணைந்து ஆட்சி அமைப்பதை இந்தியாவும் கூட விரும்பலாம். எப்போதுமே வல்லரசு நாடுகள், தமது கவனிப்புக்குரிய நாடுகளில் எதிர்க்கட்சிகள் பலவீனமடைவதை விரும்புவதில்லை. ஆளும்கட்சி ஒட்டுமொத்த அதிகாரத்தையும் கையில் வைத்திருப்பது ஜனநாயகத்துக்கு ஆபத்தானது என்ற் வகையிலேயே அமெரிக்கா போன்ற நாடுகள் பரப்புரை செய்கின்றன.[/size][/size]

[size=3][size=4]கிழக்கில் ஸ்ரீலங்கா முஸ்லிம் காங்கிரசும், தமிழ்த் தேசியக் கூட்டமைப்புடன் இணைந்திருந்து ஆட்சியமைக்கின்ற ஒரு நிலை உருவானால், அதை அடிப்படையாக வைத்து அமெரிக்காவோ, இந்தியாவோ புதிய அரசியல் நகர்வுகளில் இறங்கக் கூடிய வாய்ப்புகள் இருக்கின்றன.[/size][/size]

[size=3][size=4]இவ்வாறு கிழக்கில் சர்வதேசத்தின் பார்வை திரும்பியிருப்பதனால், இம்முறை கிழக்கு மாகாண சபை தேர்தல் தமிழ் மக்களின் உரிமை குறித்த உரையாடல்களில் முக்கியபங்கு கொள்ளலாம் என எதிர்பார்க்கப்படும் அதேவேளை சர்வதேசத்தின் அக்கறை தமிழ்மக்களின் உரிமைகள் என்பதற்கும் அப்பால் கிழக்கின் வளங்கள் மீதான கரிசனை என்பதும் குறிப்பிடத்தக்கது.[/size][/size]

[size=3][size=4]மட்டக்களப்பிலிருந்து : நிகோஸ்[/size][/size]

[size=3]

http://www.4tamilmed...-08-18-07-19-08[/size]

கிழக்கு மாகாண சபையை த.தே.கூ. கைப்பற்றிவிடும் என்ற பயம் அரசாங்கத்திற்கு இருக்கிறது: அமைச்சர் ஹக்கீம்

'கிழக்கு மாகாண சபையை தமிழ் தேசியக் கூட்டமைப்பு கைப்பற்றி விடும் என்ற பயம் அரசாங்கத்திற்கு இருக்கின்றது. இந்தப் பயத்தை எமது சமூகத்தின் அந்தஸ்தை உயர்த்துவதற்கு நாம் பயன்படுத்த வேண்டும் என நீதி அமைச்சரும் ஸ்ரீ லங்கா முஸ்லிம் காங்கிரஸின் தலைவருமான றவூப் ஹக்கீம் கூறினார்.

கிழக்கு மாகாண சபைத் தேர்தலில் போட்டியிடும் முஸ்லிம் காங்கிரஸ் வேட்பாளர்களுக்கு ஆதரவான பிரச்சாரக்கூட்டமொன்று கிண்ணியாவில் கிழக்கு மாகாண சபை வேட்பாளர் மௌலவி எஸ்.எல்.எம். ஹஸன் (அஷ்ஹரி) தலைமையில் கிண்ணியா ஹஸனாத் பராமரிப்பு நிலையத்தில் இடம்பெற்றது. இந்நிகழ்வில் கலந்து கொண்டு உரையாற்றுகையிலேயே அமைச்சர் ஹக்கீம் மேற்கண்டவாறு தெரிவித்தார்.

இந்நிகழ்வில் அமைச்சர் ஹக்கீம் தொடர்ந்தும் பேசுகையில், 'எங்களுடைய கட்சிதான் மிகப்பெரிய அளவில் பிளவுபட்ட இயக்கமாக இருக்கின்றது. ஒவ்வொரு தேர்தலிலும் ஏதோ கட்சியில் பதவிகளுக்காக சேர்ந்து கொள்வதாக இருக்கின்றனர். ஸ்ரீ லங்கா முஸ்லிம் காங்கிரஸ் கட்சி என்ற இயக்கம் தனித்து போட்டிடுவது என்ற முக்கிய தீர்மானத்திற்கு வந்த காரணம் முஸ்லிம் சமுதாயத்தை நீண்ட சந்தேக கண்ணோட்டத்தில் பார்ப்பது, எடுத்ததற்கெல்லாம் எங்களைப் பார்த்து நீங்கள் வந்தான் வரத்தான் என்ற ரீதியில் பார்ப்பது போன்றவையாகும். எங்களது ஆன்மீக நடவடிக்கைகளில் வழிந்து வந்து குந்தகம் விளைவிக்கின்ற ஒரு காலம் இது.

இன்று நிறைய அநீதி, அநியாயங்கள் நடக்கின்றன. இதைக் தட்டிக் கேட்பதற்கு இயலாத அரசியல் சமநிலையில்லாத நிலையில் இருக்கின்றோம்.

நாங்கள் அரசாங்கத்தில் இணைந்திருக்கின்றோம், ஆட்சியாளரிடம் பங்காளியாகவும் இருக்கின்றோம்.

சிலர் எங்களிடம் கேள்விகளைக் கேட்டுக் கொண்டிருக்கின்றார்கள். 'நீங்கள் இன்னும் முஸ்லிம் காங்கிரஸ் தானே, அரசாங்கத்தில் தானே இருக்கின்றீர்கள் வெற்றி பெற்ற பின்னரும் மீண்டும் போய் அரசாங்கத்தில்தானே இருக்கப் போகின்றீர்கள் ?' என்று கேட்கிறார்கள்.

இது பற்றி தெளிவாக விளக்கத்தை சொல்ல வேண்டும். இன்று இச்சமூகம் மத்திய அரசில் இருந்து கொண்டு பேரம் பேசும் நிலை மாற வேண்டும்.

இன்று எமது கட்சியாளர்கள் அணிகளாக பிரிந்து சென்று ஆளுந்தரப்பில் அமைச்சராக பதவியில் இருக்கின்றார்கள். இந்த கிழக்கு மாகாணத்திலே இந்த தேர்தலில் முஸ்லிம்களின் வாக்குகளைப் பெற்று அதை சர்வதேச சமூகத்திற்கு காட்ட வேண்டும் என அரசாங்கம் பார்க்கின்றது.

இந்த தேர்தலில் முஸ்லிம்களின் வாக்குகள் ஆட்சியை தீர்மானிக்க வேண்டும். முஸ்லிம்களின் வாக்குத்தான் அரசாங்கத்தையும் தீர்மானிக்கும் என்பதும் அரசாங்கத்துக்கும் தெரியும். ஆனால், அது முஸ்லிம்களுடைய அதிகபட்ச ஆசனங்களை கொண்டதாக இருக்க வேண்டும்.

முன்கூட்டியே மாகாண சபையை கலைத்து விட்டனர். கலைத்து விட்டும் கதைப்பதற்கு அரசாங்கம் எங்களை கூப்பிடவில்லை. நானே வழியே போய் கதைத்தேன். எங்களுக்கொரு தார்மீக கடமையிருக்கின்றது. அரசாங்கத்துடன் இணைந்து தேர்தல் குறித்து முடிவெடுப்பதற்கு.

நாங்கள் இந்த நிலைமையில் அரசாங்கத்துடன் இணைந்து வெற்றிலைச் சின்னத்தில் போட்டியிட்டு இருந்தால் மக்கள் மத்தியில் பெரும் ஆபத்தை எதிர்நோக்க வேண்டியிருந்திருக்கும். இந்தக் கட்சியை ஓடு காய பயன்படுத்தப் பார்த்தார்கள். இந்த வகையில் நாம் மிகப் பக்குவமாக நேர்மையாக, சினேகபூர்வமாக நடவடிக்கை எடுத்து அவர்களை விட்டு விலகி வர சந்தர்ப்பமாக அமைந்தது.

தேர்தல் முடிந்த பின்னரும் என்ன நடக்கும்? நீங்கள் இந்த அரசாங்கத்திற்குத் தானே முட்டுக் கொடுக்கப் போகின்றீர்கள் என்று எம்மிடம் கேள்வி கேட்கின்றார்கள்.

கிழக்கின் தேர்தலை தீர்மானிக்கும் சக்தியாக இந்த முஸ்லிம் காங்கிரஸ் இருக்கும். இது மும்முனைப் போட்டியாக இருக்கும். ஐக்கிய தேசியக் கட்சிக்கு இங்கு சந்தர்ப்பமில்லை. ஆளும் கட்சி, ஸ்ரீ லங்கா முஸ்லிம் காங்கிரஸ், மற்றும் தமிழ் தேசியக் கூட்டமைப்பு ஆகியவையே இம்மூன்று தரப்புகளாகும்.

தமிழ் தேசியக் கூட்டமைப்பு இந்த தேர்தலில் கிழக்கு மாகாண சபையை கைப்பற்றி விடும் என்ற பயம் அரசாங்கத்திற்கு இருக்கின்றது. இந்தப் பயத்தை எமது சமூகத்தின் அந்தஸ்தை உயர்த்துவதற்கு நாம் பயன்படுத்த வேண்டும்.

நாம் இது பற்றி இன்னும் ஆழமாக சிந்திக்க வேண்டியிருக்கின்றது. முஸ்லிம் காங்கிரஸ் இனவாதமாக பேசுகிறது எனவும் அரசாங்கம் அதிருப்தியோடு உள்ளது எனவும் கூறுகிறார்கள். இருந்தும் முஸ்லிம் காங்கிரஸ் அரசாங்கத்தோடு இணைந்த ஆட்சியை அமைக்கும் என நம்பிக் கொண்டிருக்கின்றார்கள்' என்றார்.

இந்நிகழ்வில் திருகோணமலை மாவட்ட நாடாளுமன்ற உறுப்பினர் எம்.எஸ் தௌபீக் மற்றும் வேட்பாளர்கள் ஏ.ஆர்.எம். சைபுல்லா எம்.அன்வர் உட்பட பலர் கலந்து கொண்டனர்.

(தமிழ்மிரர்)