இந்த மாதிரி இருக்கு நம்ம இந்திய புலணாய்வு துறை

டில்லி: சி.பி.ஐ.,யின் கணக்கில் இருந்து ரூபாய் 18 லட்சத்தை மோசடி செய்த வாலிபர் கைது செய்யப்பட்டுள்ளார். சம்பள கணக்கு அலுவலர் புகார் கொடுத்ததை தொடர்ந்து இந்த அதிர்ச்சி தகவல் வெளிச்சத்துக்கு வந்துள்ளது.

டில்லியை சேர்ந்த பிரசாந்த் குமார் ஜா என்ற வாலிபர் தானியார் நிறுவனத்தின் மூலம் சி.பி.ஐ.யின் கணக்குகளை கையாண்டு வரும் சம்பள மற்றும் கணக்கு அலுவலகத்தில் டேட்டா என்ட்ரி பணியில் அமர்த்தப்பட்டார். கடந்த சில ஆண்டுகளாக அங்கு பணிபுரிந்த அந்த வாலிபர் இரண்டு காசோலைகள் மூலம் ரூபாய் 18 லட்சத்தை பணத்தை எடுத்து மோசடி செய்திருப்பது கண்டுபிடிக்கப்பட்டுள்ளது. இதையடுத்து சம்பளம் மற்றும் கணக்கு அலுவலக அதிகாரிகள் போலீசில் புகார் கொடுத்தனர். போலீசார் அந்த வாலிபரை கைது செய்து ஏமாற்று வேளை, சதி செயல் உள்ளிட்ட பிரிவுகளில் வழக்கு பதிவு செய்து, சிறப்பு சி.பி.ஐ., கோர்ட்டில் ஆஜர்படுத்தினர். அந்த வாலிபரை 10 நாள் காவலில் எடுத்து விசாரிக்க நீதிபதி அனுமதி அளித்தார்.

ரூபாய் 9 லட்சத்து 39 ஆயிரத்துக்கு தமது பெயரில் ஒரு காசோலையையும், 8 லட்சத்து 68 ஆயிரத்துக்கு இன்னொரு காசோலையை மற்றொருவர் பெயரிலும் அவர் டில்லி உத்தம் நகர் வங்கி ஒன்றில் பணமாக மாற்றியுள்ளார். இந்த இரண்டு காசோலைகளும் சி.பி.ஐ.யின் 2011-12 மற்றும் 2012-13ம் ஆண்டு கணக்குகளை ஆய்வு செய்த போது மோசடி செய்யப்பட்டது கண்டறியப்பட்டுள்ளது. இதுவரை அவர் 2 காசோலை மோசடிகள் மூலம் ரூபாய் 18 லட்சம் மோசடி செய்துள்ளது கண்டறியப்பட்டிருந்தாலும், அவர் மோசடி செய்த தொகையின் அளவு மேலும் கூடுதலாக இருக்கும் என்றும், முழுமையான விசாரணைக்கு பின்னரே அந்த நபர் சி.பி.ஐ. கணக்கில் இருந்து எவ்வளவு தொகை எடுத்துள்ளார் என்பது தெரிய வரும் என்றும் சம்பளம் மற்றும் கணக்கு அலுவலகம் கூறியுள்ளது.

Thanks to dinamalar