யாழில் படையினருக்கு மாவீரர் தினக் காச்சல் உச்சத்தில்- யாழ்.பல்கலைக்கழக வளவினுள் மாணவர்கள் நடமாடதடை

வட-கிழக்கில் மாவீரர் தின காய்ச்சல் தொடர்ந்தும் படையினரைத் தாக்கி வரும் நிலையில் இனறைய தினம் யாழ்.பல்கலைக்கழக வளவினுள் மாணவர்களுட்பட எவரும் நடமாட தடைவிதிக்கப்பட்டுள்ளது.

இன்று பல்கலைக்கழக வளவினுள் சென்ற சிவிலுடையணிந்த சிலர் பல்கலைக்கழக மாணவர்களுக்கு கொலை அச்சுறுத்தல் விடுத்து மிரட்டியுள்ளனர். அவர்கள் வசம் கைத்துப்பாக்கிகள் இருந்ததாகவும் அதனை காண்பித்தே தம்மை அவர்கள் மிரட்டியதாக பல்கலைக்கழக மாணவர்கள் தரப்பில் குற்றஞ்சாட்டப்படுகின்றது.

இன்றைய தினம் இலங்கை முழுவதும் பௌர்ணமி வெசாக் கொண்டாட்டத்திற்காக அரச விடுமுறை தினமாகும். இதனால் பாடசாலைகள் பல்கலைக்கழகங்கள் மற்றும் அரச திணைக்களங்கள் வங்கிகளென அனைத்திற்கும் விடுமுறையாகும். அவ்வகையில் பல்கலைக்கழகமும் விடுமுறையான போதும் வெளிமாவட்ட மாணவர்கள் அங்கு தங்கியிருந்து கற்றலில் ஈடுபட்டிருந்த வேளை சிவிலில் மோட்டார் சைக்கிளில் சென்றவர்களே மாணவர்களை பல்கலைக்கழக வளவினிலிருந்து வெளியேற அச்சுறுத்தியுள்ளனர்.

முன்னதாக பல்கலைக்கழக வளவினுள் மாவீரர் தினத்தை நினைவு கூரும் சுவரொட்டிகள் மற்றும் பிரபாகரனது பிறந்த தின வாழ்த்துக்களென பல சுவரொட்டிகள் படையினரை அச்சுறுத்திக் கொண்டு இருந்தமை குறிப்பிடத்தக்கதாகும்.

http://www.globaltamilnews.net/GTMNEditorial/tabid/71/articleType/ArticleView/articleId/85890/language/ta-IN/article.aspx