மருத்துவபீட மாணவர் போராட்டம் உறுதிமொழியால் கைவிடப்பட்டது

 

கைது செய்யப்பட்ட மருத்துவபீட மாணவர் இன்று விடுவிக்கப்படவுள்ளதாகவும், அதனால் போராட்டங்கள் மேற்கொள்ள வேண்டாம் எனவும் மருத்துவ பீட பீடாதிபதி உறுதியளித்ததைத் தொடர்ந்து மருத்துவ பீட மாணவர்களின் போராட்டம் கைவிடப்பட்டுள்ளது.

யாழ். பல்கலைக்கழக மாணவர்கள் 4 பேர் பயங்கரவாதத் தடுப்புச் சட்டத்தின் கீழ் கடந்த முதலாம் திகதி பொலிஸாரால் கைது செய்யப்பட்டிருந்தனர். இந்த மாணவர்களை விடுவிக்குமாறு கோரி யாழ். பல்கலைக்கழக மருத்துவ பீட மாணவர்கள் நேற்றுக் காலை கவனவீர்ப்புப் போராட்ட மொன்றை மருத்துவபீட வளாகத்தில் ஏற்பாடு செய்திருந்தனர்.

அந்த நேரத்தில் சம்பவ இடத்துக்கு வந்த மருத்துவ பீட பீடாதிபதி வைத்தியர் பாலகுமார், கைது செய்யப்பட்ட மருத்துவபீட மாணவரான உரும்பிராயைச் சேர்ந்த கணேசமூர்த்தி சுதர்சனை நாளை (இன்று) விடுதலை செய்வதாக உறுதியளிக்கப் பட்டுள்ளது.

எனவே நீங்கள் போராட்டம் செய்தால் அது படைத் தரப்பினரை வெறுப்பேற்றும் செயலாக அமைந்து விடும். அவரது விடுதலையையும் பாதித்து விடும் என்பதால் போராட்டத்தைக் கைவிட வேண்டும் என வேண்டுகோள் விடுத்துள்ளார்.

இதனையடுத்து மருத்துவ பீட மாணவர்கள் தமது போராட்டத்தைக் கைவிட்டுள்ளனர். அத்துடன் மருத்துவபீட மாணவன் விடுவிக்கப்படாவிட்டால் தமது போராட்டத்தை மேற் கொள்ளவுள்ளதாக அவர்கள் தெரிவித்தனர்.

இந்த விடயம் தொடர்பாக மருத்துவபீட பீடாதி பதியை நேற்று மதியம் தொடர்பு கொள்வதற்காக அவரது அலுவலகத்துடன் தொடர்பு கொண்டபோது, அவர் அங்கு இல்லை என்று தகவல் தெரிவிக்கப்பட்டதுடன் அவரது கையடக்கத் தொலைபேசி இலக்கத்தையும் வழங்க அங்கிருந்தவர்கள் மறுத்துவிட்டனர்.

 

http://onlineuthayan.com/News_More.php?id=275881669104735023

என்ன நடக்குது....மருத்துவ பீடம் வேறை.....மற்றய பீடங்கள் வேறையா....சகல பீடங்களில் இருந்தும் கைது செய்யப்பட்டவர்கள்...தமிழ் மாணவர்கள்.....இதிலை ஏன் வித்தியாசம்....விரிவுரையாளர் சொன்ன காரணங்களே...பிரித்தாளும் சூழ்ச்சி மாதிரி இருக்கு....மருத்துவ பீட மாணவர்களே சிந்தியுங்கள்....

யாழ் பல்கலைக்கழக மருத்துவ பீட மாணவன் விடுதலை; ஏனையவர்கள் எப்போது?

யாழ் பல்கலைக்கழக மருத்துவ பீட மாணவர் விடுதலை செய்யப்பட்டுள்ளதாக தெரிவிக்கப்படுகிறது.

சிறீலங்கா பொலீசாரினால் கைது செய்யப்பட்ட யாழ் பல்கலைக்கழக  மருத்துவ பீடத்தைச் சேர்ந்த கணேசமூர்த்தி சுதர்சன் என்பவரே விடுதலை செய்யப்பட்டுள்ளதாக தெரிவிக்கப்படுகிறது.

 

எனினும் கைது செய்யப்பட்ட நான்கு மாணவர்களில் ஒரு மாணவர் மட்டுமே விடுதலை செய்யப்பட்டுள்ளதாகவும் ஏனைய மூன்று மாணவர்கள் தொடர்ந்தும் தடுத்து வைக்கப்பட்டுள்ளதாக தெரியவருகின்றது.

இன்நிலையில் இன்றைய தினம் யாழ் இராணுவ கட்டளைத் தளபதிக்கும் பல்கலைக்கழக நிர்வாகத்தினருக்கும் இடையில் பேச்சுவார்த்தை ஒன்று இடம்பெற்று வருவதாக தெரியவருகிறது.

http://onlineuthayan.com/News_More.php?id=423201670604235626