பொதுநலவாய நடுகளின் கொள்கைகளை இலங்கை பின்பற்றாத பட்சத்தில் பொதுநலவாய நாடுகள் தலைவர்கள் மாநாட்டை இலங்கையில் நடத்தக் கூடாது என சர்வதேச மனிதவுரிமைகள் கண்ணகாணிப்பகம், பொதுநலவாய நாடுகள் அமைப்பிற்கு கோரிக்கை விடுத்துள்ளது.

 

இலங்கை அரசாங்கம் பொதுநலவாய நாடுகள் அமைப்பின் நியதிகளை மீறிச் செயற்பட்டு வருவதாக மனித உரிமை கண்காணிப்பகம் சுட்டிக்காட்டியுள்ளது.

இவ் விடயம் குறித்து, மனித உரிமை கண்காணிப்பகம், பொதுநலவாய நாடுகள் அமைப்பின் தலைவருக்கு, கடிதமொன்றையும் அனுப்பியுள்ளது.

 

மனித உரிமை விவகாரங்களில் இலங்கை அரசாங்கம் காத்திரமான மேம்பாட்டை ஏற்படுத்தத் தவறும் பட்சத்தில், இலங்கையில் பொதுநலவாய நாடுகள் தலைவர்கள் மாநாட்டை நடத்தக் கூடாது என அக் கடிதத்தில் கோரப்பட்டுள்ளது.

இறுதிக் கட்ட யுத்தத்தின் போது படையினர் மேற்கொண்டதாக சுமத்தப்படும் பாரியளவு மனித உரிமை மீறல்கள் குறித்து தற்போதைய அரசாங்கம் எவ்வித நடவடிக்கைகளையும் எடுக்கவில்லை எனவும் சிவில் சமூகம், நீதிமன்றக் கட்டமைப்பு மற்றும் ஏனைய நிறுவனங்கள் மீது அடக்குமுறைகள் பிரயோகிக்கப்பட்டு வருகின்றது எனவும் அக்கடிதத்தில் குறிப்பிட்டுள்ளது.

 

இது குறித்து கருத்துத் தெரிவித்திருக்கும் மனித உரிமை கண்காணிப்பகத்தின் ஆசிய பிராந்தியப் பணிப்பாளர் பிரட் அடம்ஸ், இலங்கை அரசாங்கம் பொதுநலவாய நாடுகள் அமைப்பின் நியதிகளை மீறிச் செயற்பட்டு வருகின்றது. அத்துடன் குற்றச் செயல்களுக்கு தண்டனை வழங்கப்படாத நிலைமை ஏற்பட்டுள்ளதாகவும் குற்றம் சுமத்தியுள்ளார்.

எனவே, பொதுநலவாய நடுகள் கொள்கைகளை பின்பற்றாத பட்சத்தில் இலங்கையில் அமர்வுகளை நடத்தக் கூடாது எனவும் அவர் கோரியுள்ளார்.

 

http://onlineuthayan.com/News_More.php?id=589841819907142237

Sri Lanka: Move Commonwealth Summit

 

“The Sri Lankan government’s blatant disregard for the Commonwealth’s principles of human rights and democratic reform makes it a poor host for this important event. Unless the government urgently addresses abuses and ends impunity, the international recognition it will gain by hosting the Commonwealth summit while repressing its key values will be an embarrassment to the Commonwealth and its member countries.” - Brad Adams, Asia director

 

http://www.hrw.org/news/2013/02/06/sri-lanka-move-commonwealth-summit