காதலர் தினத்தைக் கண்டித்து நாய்கள், கழுதைகளுக்கு திருமணம்

  By General 

2013-02-14 15:09:55

 

இந்தியாவில், காதலர் தினத்தை கண்டித்து இந்து முன்னணியினர் நாய்கள், கழுதைகளுக்கு திருமணம் செய்து வைத்தனர்.

 

வருடந்தோறும் பிப்ரவரி 14ம் திகதி காதலர் தினமாக கொண்டாடப்படுகிறது.

 

இந்நிலையில் காதலர் தினத்தன்று காதல் ஜோடிகள் அத்துமீறி நடப்பதை கண்டித்து இந்து முன்னணி சார்பில் நாய்களுக்கு திருமணம் செய்து வைக்கப்பட்டது.

 

புளியந்தோப்பு குட்டி தம்பிரான் தெருவில் உள்ள காந்தி சிலை அருகே இந்து முன்னணி மாநகர பொதுச் செயலாளர் எஸ்.எஸ். முருகேசன் தலைமையில் இந்து முன்னணி தொண்டர்கள் கூடினர்.

 

அவர்கள் ஒரு ஆண், ஒரு பெண் நாய்க்கு அலங்காரம் செய்து மாலை போட்டு மணமக்கள் கோலத்தில் அந்த இடத்திற்கு கொண்டு வந்தனர்.

 

அலங்கரிப்பட்ட நாய்களுக்கு பொதுமக்கள் முன்னிலையில் திருமணம் நடந்தது. பெண் நாய்க்கு மஞ்சள் கயிறு தாலி கட்டப்பட்டது.

 

அதன் பிறகு மணமக்கள் ஊர்வலமாக அழைத்துச் செல்லப்பட்டனர். அப்போது அவர்கள் காதலர்களுக்கு எதிராக கோஷம் எழுப்பினர். இந்த நூதன திருமணத்தில் 100 பேர் கலந்து கொண்டனர்.

 

இதே போன்று கொருக்குப்பேட்டையில் காதலர் தினத்தை கண்டித்து இந்து முன்னணியினர் அதன் மாநகர தலைவர் டி. மனோகர் தலைமையில் கழுதைகளுக்கு திருமணம் செய்து வைத்தனர்.

http://www.virakesari.lk/article/world.php?vid=500

நான் இதைக்கண்டிக்கிறேன் 

மிருகங்கள் என்ன தீங்கு செய்தன  

மிருகங்களை உலகில் மிகவும் மதிக்கும் இடங்களில் தமிழகமும் ஒன்று 

காதலர் தினத்தை கட்டிவளக்கும் தொழில் இல்லாதவர்களாக தமிழர் மாறக்கூடாது. ஆனால் இந்த மாதிரி மற்றவர்கள் உரிமையில் தலையிடுவதை நிறுத்த முதலில் முயற்சிகள் எடுக்கப்பட வேண்டும். 

காதலர் தினத்தைக் கண்டித்து நாய்கள், கழுதைகளுக்கு திருமணம்

இவர்களும் காதல் செய்யட்டும் என்றுதான் போலும்