இன்றைய ஆர்ப்பாட்டக்காரர்கள் அணிந்துள்ள முகமூடியின் பின்னணி என்ன?

இந்த
புகைப்படம் சமீக காலமாக மேற்கத்தேய நாடுகளில் அராஜகத்தை எதிர்த்தும்,
நீதிக்காக வீதிக்கிறங்கி போராடும் போராட்டக்காரர்கள் அணிந்திருப்பதை
அவதானித்திருக்கிறேன். இந்த முகமூடி எதனை குறிக்கிறது என்று ஆராய்ந்த போது
அந்த முகமூடி பயன்படுத்தப்பட்ட திரைப்படம் குறித்த தகவல்கள் கிடைத்தன.

"V for Vendetta"  

இரவே அதனை தரவிறக்கி பார்த்துவிட்டேன்.

132
நிமிடங்களை கொண்டது இந்த திரைப்படம். கதைக்களம் இங்கிலாந்து பாராளுமன்றம்.
 கட்டுக்கடங்கா அதிகாரங்களைக்கொண்ட ஒரு சர்வாதிகார அரசு. வெளிநாட்டவர்,
ஓரினச்சேர்கையாளர்கள், முஸ்லிம்கள், சிறுபான்பாமையினர் நலிந்தவர்கள்
 ஆகியோருக்கு எதிரான அரசு அது. அவர்களை கடத்தி சென்று சித்திரவதை செய்து,
மொட்டையடித்து தமது உயிரியல் ஆயுதங்களை பரீட்சிற்பதற்க்காக
பயன்படுத்துகின்றனர்.

அதில் பாதிக்கப்பட்டவர் எரிந்த
நிலையில் தப்பி இந்த முகமூடியை அணிந்துகொண்டு “கை பாக்ஸ்” எனும் “வீ”
தன்னந்தனியாக அந்த அரசாங்கத்தை சேர்ந்தவர்களை பழிவாங்க புறப்படும் பயணம்
அது. அப்பயணத்தில் மக்களை எப்படி இணைக்கிறார் என்பதும் கதையின் ஒரு பகுதி.

வழமையான ஆங்கில திரைப்படங்களை விட அதிக நேர படமாக இருந்தாலும் இறுதி வரை உற்சாகம் குன்றாமல் பார்க்க முடிந்தது.

தொடர்ச்சியாக
வி (V) முன் அரசு தோற்கிறது. இதனால் மக்கள் மிகுந்த நம்பிக்கையுடன் அரசை
துக்கியெறிய வீதிக்கு வருகிறார்கள், அவர்கள் முன் ராணுவம் செயலற்று நிற்க
பாசிசம் வீழ்த்தப்படுகிறது. இந்த போராட்ட்த்தில் வி அழிக்கப்படுகிறான்.
அவன் புகழ் மட்டும் மக்களிடம் அவனணிந்த முகமுடியாக நிலைக்கிறது.

வி
இந்த திரைப்படத்தில் மக்களுக்கு தொலைக்காட்சி மூலம் நிகழ்த்தும் அந்த உரை
மிக முக்கியமானது. மக்களின் உரிமை, சுதந்திரத்தை பறித்து அதிகாரம்
செலுத்தும் இந்த அரசை, மக்கள் எதிர்க்காமல் இருக்க காரணம் அவர்கள் மனதில்
இருக்கும் பயமும், தயக்கமும். என்பதை மக்களுக்கு சுட்டிகாட்டுகிறான்.மக்கள்
ஒன்று கூடி போராடினால் அரசு, அவர்கள் முன் பணியும் என்பதை மக்களுக்கு
விளக்குகிறான்.

கதை 2030 இல் இடம்பெறுவதாக
அமைக்கப்பட்டுள்ளது. படத்தின் இறுதியில் க்ளைமாக்சில் தான் ஏற்கெனவே
அறிவித்திருந்தபடி நவம்பர் 5 அன்று தனது இறந்த உடலை ஏற்றிக்கொண்ட நிலக்கீழ்
இரயிலை செலுத்தி இங்கிலாந்து பாராளுமன்றத்தை வெடிக்க வைத்து தகர்க்கிறான்
வீ.

மக்களை
துன்புறுத்தும் அரசாங்கத்துக்கு எதிராக கலகம்  செய்து 1605 நவம்பர் 5
அன்று  இங்கிலாந்து பாராளுமன்றத்தின் திறப்புவிழாவன்று அதனை தகர்ப்பதற்காக
முயற்சித்த குற்றச்சாட்டின் பேரில் தூக்கிலிடப்பட்டவர் “கை பாவ்க்ஸ்” (Guy
Fawkes). அவரது முகமே இந்த முகமூடி.

“கை பாவ்க்ஸ்"ஐ
கதாநாயனாகக் கொண்டு 1982-1985 காலப்பகுதியில் இங்கிலாந்தில் 10 பகுதிகளாக
இது காமிக்ஸ் தொடராக வெளிவந்தது  அப்போதைய பிரதமமந்திரி மார்கரட் தட்சரால்
கடும் கண்டனத்துக்கு உள்ளதாக பதிவுகள் தெரிவிக்கின்றன.

வீதியிறங்கி
போராடும் போராட்டக்காரர்கள் இந்த முகமூடியை குறியீடாக அணிந்திருப்பதன்
காரணத்தையும் நியாயத்தையும் இறுதியில் அறிந்துகொண்டேன்.

உங்களுடனும் பகிர்ந்துகொள்ளலாம் என்று தோனிற்று.

நன்றி:

என்.சரவணன்