அந்த மனிதர் வெறும் மனிதர் அல்ல.

 

அந்த மனிதர் வெறும் மனிதர் அல்ல.தோற்போம் என்று தெரிந்தும் சாவு கண் முன்னால் நிற்பது தெரிந்தும் சாவென்று அவர் சொன்னால் செத்துவிடலாம்..வெடி என்றால் வெடித்து விடலாம்..அடி என்றால் அடிக்கலாம் என்று ஆயிரக்கணக்கில் அவர் ஒருவருக்காக தான் வீழ்ந்தார்கள்.அத்தனை பேரும் முப்பதுகளை தாண்டாத இளைஞர்கள்.அதை தாண்டியவர்கள் உலகம் வியக்கும் போர்வல்லுனர்கள்.நூறு இராணுவ வீரனுக்கு ஒப்பான ஒவ்வொரு தளபதிகள்.

அத்தனை பேரும் வீழ்ந்தது அந்த ஒருவருக்காக தான்.அவர் ஒரு போதும் வார்த்தை
தவறியதில்லை.முடியாது என்றால் முடியாது தான்.முடியும் என்றால் முடியும்.இது
தான் அவர்.அதனால் தான் அத்தனை பேர் அவருக்காக மட்டும்
வீழ்ந்தார்கள்.அவர்களுக்கு தெரியும்.எஞ்சியவர்களால் எதுவும் செய்ய
முடியாது.எஞ்சியவர்கள் பேசிக்கொண்டே காலம் கடத்துவார்கள்.அவ்வாறு அதனை
கண்டு நொந்து போவதை விட வெந்து போவது மேலென்று வீழ்ந்தார்கள்.

அவருக்கு தெரியும்.பல வருடங்களுக்கு பிறகு நடக்க போவதை சர்வ சாதாரணமாக அந்த அபூர்வ விழிகளை உருட்டிக்கொண்டே குழந்தையை போல சிரித்துக்கொண்டே
சொல்லிவிட்டு போய்விடுவார்.அது நடக்கையில் வியந்து போய் அதனை நினைவு கூர மட்டுமே நம்மால் பல நூறு தடவைகள் முடிந்தது.

இப்போதும் அப்படித்தான்.அவர் மவுநிப்போம் என்று கூறி ஒரு ராஜாளியை போல மறைந்து விட்டார்.மவுநிப்போம் என்பதில் மற்றவர்கள் பேசட்டும் என்பது தொக்கி
நிற்கிறது.இதனை உலகம் உணர வேண்டும்.உலகம் அவர் கொடுத்த கால அட்டவணைக்குள் நமக்காக பேசாவிடில் மீண்டும் அவர் ஏதாவது வழியை காட்டுவார்.ஒரு சின்னசிறு தீவுக்குள் இத்தனை காலம் தான் போராட முடியும் என்பதை முடிந்தவரை அவர் செய்து காட்டினார்.இத்தனை அந்த குட்டி ராஜ்ஜியம் தாக்கு பிடித்ததே அவர் விதைத்த பயத்தில் தான்.

இது நல்ல சமயம்.உலகம் இப்போதும் அவர் இட்ட அட்டவணைப்படிதான் இயங்குகிறது நம் விஷயத்தில்.அவர் எப்படி கணக்கு போட்டாரோ அப்படியேதான்.நகர்த்த வேண்டியது நாங்கள் தான்.

 

- நன்றி முகநூல்-