கூடங்குளத்தில் கதிரியக்க கசிவு: இலங்கையும் குற்றச்சாட்டு

ஞாயிற்றுக்கிழமை, 03 மார்ச் 2013 01:14    

கூடங்குளம் அணு மின்நிலையத்தில் கதிரியக்க கசிவு ஏற்பட்டுள்ளதாக இலங்கையும் சாட்டியுள்ளது. கூடங்குளம் மின் நிலையத்துக்கு எதிரான இலங்கையை சேர்ந்த மக்கள் குழுவே இந்த குற்றச்சாட்டை முன்வைத்துள்ளது.

 

கூடங்குளம் அணு மின்நிலையத்தில் பெப்ரவரி மாதம் 27 ஆம் திகதியிலிருந்து கதிரியக்க கசிவு ஏற்பட்டுள்ளதாகவே இந்த குழு குற்றஞ்சாட்டியுள்ளது.

 

இது தொடர்பில் இந்திய ஊடகமொன்று வெளியிட்டுள்ள செய்தியில் மேலும் தெரிவிக்கப்பட்டுள்ளதாவது,

 

கூடங்குளம் அணு மின் நிலையத்தில் கசிவு ஏற்பட்டு அபாயகரமான பொருள் தீப்பற்றி எரிந்தமையினால் பலர் பலியாகிவிட்டதாக கடந்த இரு நாட்களாக குறுஞ்செய்திகள் மூலம் வதந்திகள் பரவின.

 

நெல்லை, குமரி மாவட்டங்களை சேர்ந்த பலருக்கு குறுஞ்செய்திகள் மூலம் வாந்திகள் பரவின இதனால் மக்கள் பெரும் பீதியடைந்திருந்தனர்.

 

ஆனால் இது திட்டமிட்டு பரப்படும் வதந்தி. எவ்விதமான கசிவும் ஏற்படவில்லை. அணு மின் நிலையம் இயக்கப்படாத நிலையில் எப்படி கசிவு ஏற்பட முடியும் என இந்திய அரசு மற்றும் இந்திய தூதரகங்கள் தெரிவித்திருந்தன. 

 

இந்நிலையிலேயே கூடங்குளம் மின் நிலையத்துக்கு எதிரான இலங்கையை சேர்ந்த மக்கள் குழு ஒன்று அணு மின் நிலையத்தில் கசிவு ஏற்பட்டிருப்பதாகவும், இது தொடர்பிலான எச்சரிக்கைகளை காணவிடாது, கண்களை குருடாக்கும் இதற்கு இலங்கை அரசே பொறுப்பு கூறவேண்டும் எனவும் அறிவுறுத்தியுள்ளது. 

 

இதன் விளைவுகளால், பாதிக்கப்பட்ட இந்திய, இலங்கை மீனவர்கள், விவசாயிகள், வர்த்தக சமூகங்கள் இதற்கு எதிராக போராடுவதை தடுக்க முயற்சிகள் நடைபெற்று வருவதாகவும் அந்த அமைப்பு, தெரிவித்துள்ளது.

 

எனினும், இந்தியாவில் உள்ள அனைத்து அணு மின் நிலையங்களும், கதிரியக்க கழிவுகளை கையாளும் திறன் கொண்டிருப்பதாகவும், கூடங்குளம் மின் கசிவு என்பது முற்றிலும் பொய்யான தகவல்கள் எனவும் இலங்கைக்கான இந்திய தூதரகம் தெரிவித்துள்ளது என்றும் அந்;த செய்தியில் தெரிவிக்கப்பட்டுள்ளது.

- See more at: http://tamil.dailymirror.lk/2010-07-14-09-13-23/59876-2013-03-02-15-48-04.html#sthash.PaBOJFBn.dpuf

கூடங்குளத்தில் கதிர்வீச்சு: இலங்கை அமைப்பு புகார்

 

கூடங்குளம் அணு மின் நிலையத்தில் இருந்து பிப்ரவரி 27ஆம் தேதியில் இருந்து கதிர்வீச்சு கசிவதாக இலங்கையைச் சேர்ந்த தன்னார்வ அமைப்பு குற்றம் சாட்டியுள்ளது. தமிழ்நாட்டில் அமைந்துள்ள கூடங்குளம் அணு மின் நிலையத்தில் இருந்து கதிர்வீச்சு கசிவதாக கடந்த வாரம் பத்திரிகைகளில் வெளிவந்த தகவல்களை இந்திய அதிகாரிகள் மறுத்தனர். இவை அடிப்படை ஆதாரமற்ற தகவல்கள் என்றும் கூடங்குளத்தில் இருந்து கதிர்வீச்சு கசியவில்லை என்றும் இலங்கையில் உள்ள இந்தியத் தூதரகம் விளக்கம் அளித்தது.

இந்தியாவில் உள்ள அனைத்து அணு மின் நிலையங்களுமே அணுக்கழிவுகளை நிர்வகிக்கும் திறன் படைத்தவை என்றும் தெரிவித்தது.

இந்நிலையில், இலங்கையைச் சேர்ந்த “கூடங்குளம் அணு மின் நிலையத்துக்கு எதிரான மக்கள் இயக்கம்’ என்ற அமைப்பு சனிக்கிழமை வெளியிட்ட அறிக்கையில், “கூடங்குளம் அணு உலையில் இருந்து பிப்ரவரி 27ஆம் தேதியில் இருந்து கதிர்வீச்சு பரவி வருகிறது. உண்மை நிலவரம் என்ன என்பதை அதிகாரிகள் தெரிவிக்க வேண்டும். கதிர்வீச்சு அச்சுறுத்தல் விவகாரத்தில் பாராமுகமாக இருப்பதற்கு இலங்கை அரசே பொறுப்பாகும்’ என்று தெரிவிக்கப்பட்டுள்ளது.

மூலம்/ஆக்கம் : இணையத்தள செய்தி