பொதுநலவாய நாடுகள் அமைச்சர்கள் மாநாட்டில் இலங்கை விவகாரம் குறித்து பேசப்பட மாட்டாது என பொதுநலவாய நாடுகள் அமைப்பின் பொதுச் செயலாளர் கமலேஷ் சர்மா தெரிவித்துள்ளார். எதிர்வரும் மாதம் பொதுநலவாய நாடுகள் அமைப்பின் அமைச்சர்கள் மாநாடு நடைபெறவுள்ளது. இந்த மாநாட்டில் இலங்கை விவகாரம் பற்றி பேசும் உத்தேசம் கிடையாது எனவும், நிகழ்ச்சி நிரலில் உள்ளடக்கப்படவில்லை எனவும் அவர் குறிப்பிட்டுள்ளார். எதிர்வரும் நவம்பர் மாதம் இலங்கையில் நடைபெறவுள்ள பொதுநலவாய நாடுகள் தலைவர்கள் மாநாட்டை, வேறு நாட்டில் நடாத்துமாறு கனடா கோரி வருகின்றது. இலங்கையில் மனித உரிமை நிலைமைகள் மோசமாகக் காணப்படுவதாகவும் இதனால் பொதுநலவாய நாடுகள் அமைச்சர்கள் மாநாட்டில் இந்த விடயம் குறித்து பேசப்பட வேண்டுமெனவும் கனடா வலியுறுத்தியுள்ளது. எவ்வாறெனினும், ஏற்கனவே திட்டமிட்டவாறு எதிர்வரும் நவம்பர் மாதம் இலங்கையில் அமர்வுகள் நடைபெறும் எனவும், அமைச்சர்கள் மாநாட்டில் இந்த விடயம் குறித்து பேசப்பட மாட்டாது எனவும் கமலேஷ் சர்மா தெரிவித்துள்ளார்.

  

2013ம் ஆண்டில் இலங்கையில் பொதுநலவாய நாடுகள் தலைவர்கள் மாநாட்டை நடாத்த வேண்டுமென ஏற்கனவே நாட்டுத் தலைவர்கள் தீர்மானித்துள்ளதாகவும், இந்தத் தீர்மானத்தை அமைச்சரவைக் கூட்டத்தில் மாற்றியமைக்க முடியாது எனவும் அவர் சுட்டிக்காட்டியுள்ளார். ஏப்ரல் மாதம் லண்டனில் நடைபெறவுள்ள பொதுநலவாய நாடுகள் அமைச்சர்கள் மாநாட்டில் இலங்கையும் பங்கேற்கவுள்ளமை குறிப்பிடத்தக்கது. உண்மையைக் கண்டறியும் ஆணைக்குழுவின் பரிந்துரைகளை அமுல்படுத்துவதன் மூலம் இனங்களுக்கு இடையில் நல்லிணக்கத்தை ஏற்படுத்த முடியும் என அவர் சுட்டிக்காட்டியுள்ளார். துரித கதியில் பரிந்துரைகளை அமுல்படுத்துமாறும், இதற்கு பொதுநலவாய நாடுகள் அமைப்பு பூரண ஆதரவளிக்கும் எனவும் அவர் தெரிவித்துள்ளார்.

 

http://www.seithy.com/breifNews.php?newsID=78916&category=TamilNews&language=tamil

எங்கேயும் நடாத்தட்டும்

ஆனால் இதில் இந்தியாவைக்கலந்து கொள்ளாது தடுத்துவிட்டால்...........???

அதைத்தான் செய்யணும்

அதைத்தொடர்ந்து கனடா பிரித்தானியா போன்ற முக்கிய  நாடுகள் பின் வாங்கிவிட்டால் பெரும் மாற்றங்கள் வரும்

 

யெயலலிதா முதலாவது அடியை  சரியாக வைத்துள்ளார்

மாணவர்களுக்கு கிடைத்த பெரும் படிக்கல் இது

ஒளி ஒன்று கண்ணுக்கு தெரிகிறது

 

யாழில் இதற்காக உழைக்கும் உறவுகளுக்கு இத்தால் நன்றி  சொல்லிக்கொள்கின்றேன்

முக்கியமாக

அகூதா

தமிழரசு

துளசி

மற்றும் நம்ம சுண்டல் தம்பி

(யாரையும் விட்டிருந்தால் மன்னிக்கவும்)

இனி இலங்கையை பிடுச்சு பாருங்கோவன்?