30 ஆயிரம் கோடி ரூபாவை நாசம் செய்துள்ளது அரசு! - எதிர்க்கட்சித் தலைவர் ரணில் கண்டனம்!!

 

பெரும் பொருளாதாரச் சுமையில் பாதிப்புறும் மக்களுக்கு மஹிந்த அரசு நிவாரணம் வழங்காது, ஸ்ரீலங்கன் எயார் லைன் விமானசேவைக்கு மேலும் 10 விமானங்களை கொள்வனவு செய்வதற்காக 33 ஆயிரத்து 300 கோடி ரூபாவை நாசம் செய்துள்ளது என்று எதிர்க்கட்சித் தலைவரும், ஐ.தே.க. தலைவருமான ரணில் விக்கிரமசிங்க தெரிவித்தார்.

ஸ்ரீலங்கன் எயார் லைன் விமானசேவை, மத்தல விமான நிலையம் ஆகியவற்றுக்காக அரசு 36 ஆயிரம் கோடி ரூபாவை நாசம் செய்துள்ளது. இதனால் நாட்டிலுள்ள ஒவ்வொரு பிரஜையும் அரசுக்கு மாதாந்தம் 18 ஆயிரம் ரூபா வரி செலுத்தவேண்டிய அவலநிலை ஏற்பட்டுள்ளது என்று அவர் தெரிவித்தார்.

குருநாகல், மாளிகாபிட்டிய மைதானத்தில் நேற்று இடம்பெற்ற பொது எதிர்க்கட்சிகளின் மே தினக் கூட்டத்தில் கலந்துகொண்டு உரையாற்றியபோதே அவர் மேற்கண்டவாறு தெரிவித்தார்.

அவர் மேலும் தெரிவித்தவை வருமாறு:

யுத்தத்தால் பாதிப்படைந்த மக்கள் அதன் பின்னர் தாம் வாழ்வதற்கு ஏற்ற சூழல் நாட்டில் ஏற்படுத்தப்படும் என்றும், தமது பொருளாதாரம் உயர்த்தப்படும் என்றும் எதிர்பார்த்தனர். ஆனால், யுத்தம் இடம்பெற்ற காலத்தைவிட தற்போது நாட்டின் பொருளாதாரம் பேராபத்தை நோக்கிப் பயணித்துக்கொண்டிருக்கிறது.

நாட்டு மக்கள் மீது அரசு சுமத்தியுள்ள பொருளாதாரச் சுமையால் அவர்கள் வாழ வழியின்றித் தவிக்கின்றனர். தமக்கு அரசிடமிருந்து நிவாரணம் கிடைக்கும் என்று எதிர்பார்த்தனர். ஆனால், அவை ஒன்றுமே நடக்கவில்லை.

நாட்டு மக்கள் துன்பங்களை அனுபவிக்கும் சூழ்நிலையில், அவர்களுக்கு மானியம் வழங்காமல், நட்டத்தில் இயங்கிக்கொண்டிருக்கும் ஸ்ரீலங்கன் எயார் லைன் விமானசேவைக்கு மேலும் 10 விமானங்களைக் கொள்வனவு செய்வதற்காக 33 ஆயிரத்து 300 கோடி ரூபாவை அரசு செலவுசெய்துள்ளது.

கடந்த ஆண்டில் மட்டும் ஸ்ரீலங்கன் எயார் லைன் சேவை நிறுவனம் 2 ஆயிரம் கோடி ரூபா நட்டமடைந்துள்ளது. மேலும் 6 ஆயிரம் கோடி ரூபா கடனை வங்கிகளிலும் பெற்றுள்ளது. இவ்வாறு 8 ஆயிரம் கோடி ரூபா நட்டத்தில் இயங்கும் விமானசேவைக்கு விமானங்களைக் கொள்வனவுசெய்து மக்கள் மீது அரசு மேலும் சுமையைச் சுமத்தியுள்ளது.

எயார் லைன் விமானசேவைக்கு 33 ஆயிரத்து 300 கோடி ரூபாவையும், மத்தல விமான நிலையத்துக்கு 2 ஆயிரத்து 700 கோடி ரூபாவையும் அரசு நாசம் செய்துள்ளது. இந்த 36 ஆயிரம் கோடி ரூபாவையும் அப்பாவி மக்கள்தான் செலுத்தவேண்டும். இதற்காக நாட்டிலுள்ள ஒவ்வொரு பிரஜையும் மாதாந்தம் 18 ஆயிரம் ரூபா வரிப்பணம் செலுத்தவேண்டிய நிலை ஏற்பட்டுள்ளது.

எனவே, மக்கள் மீது சுமை சுமத்தும் இந்த அரசை ஆட்சியிலிருந்து விரட்டியடிக்கவேண்டும். அதற்காகத்தான் பொது எதிர்க்கட்சிகளாகிய நாம் ஒன்றிணைந்து போராடுகின்றோம். நாட்டில் ஆட்சி மாற்றமொன்றை ஏற்படுத்துவதற்கான பொதுத் தேர்தலை அடுத்த வருடத்தில் அரசு நடத்தவேண்டும் என்று நாம் போராடவேண்டும்.

இவ்வாறு ரணில் விக்கிரமசிங்கா தெரிவித்துள்ளார்.

 

http://ponguthamil.com/showcontentnews.aspx?sectionid=1&contentid=24dab7e8-3f5a-4749-8920-ae4633a1f79a

எல்லாம் உலக மக்கள் எல்லோரயும் விட சிங்கள மக்களுக்கு ராஜதந்திர கொஞ்சம் கூடத்தெரிந்திருந்தனால் மாட்டுப்பட்டுபோய் இருக்கும் நிலைமை. போட்டுக்கட்ட வேண்டியத்துதான் வரியை.

நாம் ஏன் அவஸ்தைப்படுகிறோம், நமக்கென ஒரு நாடு இல்லாததால். சிங்களவன் ஏன் அவஸ்த்தைப்படுகிறான். ராஜதந்திர வித்தைகாட்டி தமிழரை அழிப்பதாக விட்ட தவறுகளால்.

 

 

30 ஆயிரம் கோடி ரூபாவை நாசம் செய்துள்ளது அரசு! - எதிர்க்கட்சித் தலைவர் ரணில் கண்டனம்!!

 

 

 

நீங்க இத பேசிட்டு இருக்கும்போதே உங்க கட்சில தனியா ஒரு கட்சி உருவாக்கிஇருப்பாங்க..போங்க போய் அதை மொதல்ல கவனிங்க...  

ரணில் சொல்லே மந்திரம் ....

ரணிலைப் பற்றிக் கதைக்க... ஒட்டுக் குழுக்களுக்கு என்ன... யோக்கியதை கிடக்குது.
நீங்கள் சிவப்பு, சால்வையில்... தொங்கியதற்கு, என்ன கிழித்து விட்டீர்கள்?