சுனிலாவுக்கு உதவுவதற்கான தருணமிது...

சுனிலா அபயசேகரா பற்றி தமிழ் பேசும் நல்லுலகம் நிறையவே அறிந்திருக்கிறது. இவரது தந்தை சாள்ஸ் அபயசேகா இனத்துவத்திற்கும் நீதிக்கும் சமத்துவத்திற்குமான அமைப்பின் (சரிநிகர் பத்திரிகையை வெளிக்கொண்டுவந்த மேர்ஜ் அமைப்பு)  தலைவராக இருந்தவர். 

சுனிலா தமிழ் மக்களுக்கு எதிரான ஒடுக்குமுறைகளுக்கு எதிராகவும், தமிழ்பேசும் பெண்கள் எதிர்கொண்ட ஒடுக்கு முறைகளுக்கு எதிராகவும் இலங்கையில் ஒட்டுமொத்த சமூகம் எதிர்கொண்ட அடக்கு முறைகளுக்கு எதிராகவும் மனித உரிமைகளுக்காகவும் தொடர்ச்சியாக குரல் கொடுத்தவர். அதனால் அவர் தனது சொந்த நாட்டில் வாழ முடியாமல் நெதர்லாந்தில் அஞ்ஞாததவாசம் புரிந்தவர். இவருக்கு உதவும் தருணம் இது என சுனிலா குழு வேண்டுகோள் விடுத்துள்ளது. அந்தக் குழுவின் வேண்டுகோளுடன் குளோபல் தமிழ்ச் செய்திகளுடம் இணைந்து கொள்கிறது.

நிட்சயமாக புலம்பெயர்ந்து வாழும் தமிழர்கள் தமிழ் அமைப்புகளும் உதவி புரிய வேண்டும் என குளோபல் தமிழ்ச் செய்திகள் சார்பிலும் அன்போடு வேண்டி நிற்கின்றோம்.

நடராஜா குருபரன்.

சுனிலா குழுவினரின் வேண்டுகோள் இது

முன்னணிப் பெண்ணுரிமைவாதியும் மனித உரிமைவாதியுமான சுனிலா அவர்களுக்கு உதவும் நோக்குடன் நாங்கள் இந்தவேண்டுகோளை விடுக்கிறோம் எனச் சுனிலா குழுவினர் என்னும் குழு கீழ்வரும் வேண்டு கோளை கொழும்பு டெலிகிறாபில் வெளியிட்டுள்ளனர்.

இலங்கையிலும் தென் ஆசியாவிலும் மனித உரிமைவாதியாகவும் பெண்ணுரிமைவாதியாகவும் அறியப்பட்ட சுனிலா அபயசேகரா அவர்கள் உலகளாவிய பெண் இயக்கச் செயற்பாடுகளில் ஈடுபட்டவராவார். இவர் தற் பொழுது நெதர்லாந்தில் உள்ள சமூகவியற் கற்கைகளுக்கான நிலையத்தில் புலமைப்பரிசில் ஒன்றைப் பெற்று வசித்துவருகிறார்.

இப்பரிசு மனிதஉரிமை நவடிக்கைகளில் ஈடுபட்டதனால் தனது சொந்தநாட்டில் பிரச்சனைகளை எதிர்கொள்ளும் அறிஞர்களுக்கு வழங்கப்படுவதாகும்

சுனிலா பல சமூக இயக்கங்களின் முன்னணியில் நிற்பதன் மூலம் துணிகரமான ஒருவாழக்கையை வாழ்கிறவர். பெண்களுக்கான மனித உரிமைகளுக்காகவும் நியாயத்திற்காகவும் தயக்கமின்றி விடாப்பிடியாக போராடுபவர். அதுமட்டுமன்றி அடையாளங்கள் மறுக்கப்பட்டவர்களுக்காவும் விளிம்பு நிலைக்கு தள்ளப்பட்டவர்களுக்காகவும் போராடியவர்.

பெருமளவு பெண்களுக்காகவும் ஆண்களுக்காகவும் அவர்கள் எந்த வயதினராக இருந்தபோதும் அக்கறை எடுத்து அவர்களின் நியாயத்துக்கு ஆதரவாகநின்றவர். உள்நாட்டுடிலும் சரி வெளிநாட்டிலும் சரி அதிகாரத்தைத் துஸ்பிரயோகம் செய்து ஒடுக்குமுறையில் ஈடுபடும் அதிகாரங்களுக்கு எதிராகவும் அவர் நின்றார்.

கடந்த வருடம் கார்த்திகைமாதம் சுனிலா அவர்கள் புற்றுநோயினால் பாதிக்கப்பட்டிருப்பது அறியப்பட்டது. பிந்தியநிலையில் அறியப்பட்ட இப்புற்று நோய்க்கான சிகிஸ்சையை தற்பொழுது நெதர்லாந்தில் பெற்றுவரும் சுனிலா அவர்கள்பல்வேறு காரணிகளால் தனக்கான சிகிஸ்ச்சையை தென் ஆசியநாடொன்றில் பெறுவதையிட்டுச் சிந்தித்துவருகிறார். ஆயினும் இதற்கான பொருளாதாரபலத்தை அவர் கொண்டிருக்கவில்லை என்பது யதார்த்தமாக இருக்கிறது. மருத்துவச்சிகிச்சைகள் போக்குவரத்துச் செலவுகள் மற்றும் அத்தியாவசியமான வாழக்கைச் செலவுகள் போன்ற வற்றை ஒன்று சேர்த்து எதிர் கொள்ளவேண்டிய நிலையில் சுனிலா அவர்கள் இருக்கிறார்கள்.  பல சமுகச்செயலாளிகள் எதிர்கொள்ளும் பொதுவான ஒரு பிரச்சனையாகவே இது இருக்கிறது .பொது நலனுக்காகச் செயற்படுபவர்கள் பலர்தமது பொருளாதார பலத்தை உறுதிப்படுத்துவதில் அக்கறைஎடுப்பதில்லை என்பதால் இந்தநிலையை அவர்கள் எதிர்கொள்கிறார்கள்..

சுனிலாவின் நண்பர் குழுவான நாங்கள் குறைந்தபட்சம் அவரது மருத்துவச் செலவுகளுக்கான அவரது கவலையையாவது குறைப்பது பற்றிச்சிந்திக்கிறோம். அவருக்கு தேவைப்படும் முழுத்தொகை பற்றியமதிப்பிடு தெரியாவிடினும் குறைந்ந்தபட்டசம் 25,000 அமெரிக்கடொலர்களை அவருக்கு மருத்துவச் செலவுகளுக்காக சேர்க்கவிரும்புகிறோம் உலகம்முழுவதுமுள்ள ஆர்வலர்களை சுனிலாவுக்கு உதவி செய்வது பற்றிச்சிந்திக்குமாறுவேண்டுகிறோம்.

KamlaBhasin, Charlotte Bunch, RoxannaCarrillo, AmritaChhachhi,  Susanna George, KumiSamuel

Ifquestions, email SunilaSolidarity@gmail.com

http://www.youcaring.com/medical-fundraiser/sunila-has-given-to-the-world-now-it-s-time-to-give-to-her-/60250

நன்றி: கொழும்பு டெலிகிறாஃப்

http://www.globaltamilnews.net/GTMNEditorial/tabid/71/articleType/ArticleView/articleId/92036/language/ta-IN/article.aspx