மட்டக்களப்பில் தையல் நிலையம் ஆரம்பம்.

[shanthy]

மட்டக்களப்பில் தையல் நிலையம் ஆரம்பம்.

 

எம்மால் ஆரம்பிக்கப்பட்ட நிறுவனத்தின் தொழில் முயற்சியின் முதலாவது முதலீட்டாளராக நேசக்கரம் அமைப்பின் நீண்ட கால ஆதரவாளரான யேர்மனியில் வசித்து வரும் திரு.சபேசன் அவர்கள் இணைந்துள்ளார்.

 

ஏற்கனவே போரில் பெற்றோரை இழந்த இரண்டு பெண் பிள்ளைகளுக்கு சபேசன் மாதாந்தம் உதவிக் கொண்டிருப்பதோடு அவசர உதவிகள் தொழில் முயற்சிகளுக்கும் உதவியுள்ளார். அத்தோடு தனது உறவினர்கள் நண்பர்களையும் நேசக்கரத்துடன் இணைத்து உதவிகளை வழங்கிக் கொண்டிருக்கிறார்.

அடுத்த கட்டமாக தையல் நிறுவனமொன்றை ஆரம்பிப்பதற்கான முதல் கட்ட உதவியையும் வழங்கியதோடு தையல் நிறுவனத்தை தொடர்ந்த வளர்ச்சியில் கொண்டு சென்று போரால் பாதிப்புற்றவர்களுக்கான ஆதரவை வழங்கும் நோக்கில் எம்முடன் இணைந்துள்ளார்.

 

சபேசனின் நிதியுதவியில் மட்டக்களப்பில் தையல் நிறுவனமொன்றினை கடந்தமாதம் ஆரம்பித்துள்ளோம். HAND MADE CREATORS (PVT) Ltd தையல் நிறுவனத்தில் 10பேர் தையல் பயிற்சி பெற்றுக் கொண்டிருக்கிறார்கள். பயிற்சியினைப் பெறுவோர் தொடர்ந்து வேலை செய்ய முடியும்.

அவர்கள் விரும்பாத பட்சத்தில் அல்லது தனியே தையல் தொழிலை மேற்கொள்ள விரும்பின் அதற்கான ஆதரவினையும் வழங்கி அவர்கள் அத்தொழிலைச் செய்வதற்கான ஆலோசனைகள் , இதர ஒழுங்குகளையும் செய்து கொடுப்போம்.

 

2வருட ஒப்பந்தத்தின் அடிப்படையில் எம்முடன் இணைந்துள்ள சபேசன் தையல் நிறுவனத்தில் கிடைக்கும் வருமானத்திலிருந்து வேலை செய்வோருக்கான மாதாந்த கொடுப்பனவு மற்றும  20சதவிகிதம் நேசக்கரம் சமூக சேவைகளுக்கும் தருவதற்கு முன்வந்து தனது முதலீட்டை வழங்கியுள்ளார்.

 

தனது முதலீட்டினை போரால் பாதிக்கப்பட்டவர்களுக்கான நல்வாழ்வுக்கு வழங்கும் நோக்கில் தனது ஆதரவை வழங்கிய சபேசனுக்கு எமது நிறுவனத்தின் சார்பான நன்றிகள்.

 

 

இத்திட்டத்தில் இணைந்து கொள்ள விரும்புவோர் எம்முடன் தொடர்பு கொள்ளுங்கள்.

Telephone: +49 (0)6781 70723 /Mobile – 0049 1628037418

 

nesakkaram@gmail.com
Skype – Shanthyramesh

 

www.nesakkaram.org

 

Nesakkaram e.V
Hauptstr – 210
55743 Idar-Oberstein
Germany

முக்கிய குறிப்பு :- முதலீட்டாளர்களின் முதலீடுகளுக்கான கணக்கறிக்கைகள் முதலீட்டாளர்களுக்கு மட்டுமே வழங்கப்படும். அவர்கள் விரும்பும் பட்சத்தில் பொதுவெளியில் பகிரப்படும்.

 

முதலீடுகளில் தொடர்பற்ற 3ம் நபர்களுக்கு கணக்கறிக்கை விபரங்கள் பரிமாறப்படமாட்டாது. யாரும் தமக்கான சந்தேகங்களை தீர்த்துக் கொள்ள விரும்பினால் முதலீட்டாளர்களுடன் நேரடியான தொடர்பினை ஏற்படுத்தி விபரங்களை பெற்றுக் கொள்ளலாம்.

 

http://nesakkaram.org/ta/%E0%AE%AE%E0%AE%9F%E0%AF%8D%E0%AE%9F%E0%AE%95%E0%AF%8D%E0%AE%95%E0%AE%B3%E0%AE%AA%E0%AF%8D%E0%AE%AA%E0%AE%BF%E0%AE%B2%E0%AF%8D-%E0%AE%A4%E0%AF%88%E0%AE%AF%E0%AE%B2%E0%AF%8D-%E0%AE%A8%E0%AE%BF%E0%AE%B2/

[விசுகு]

நல்லதொரு முன்னுதாரண  முயற்சி

தொடர்க  தங்கள் பணி

வாழ்த்துக்கள்.

 

உறவு சபேசனுக்கு  நன்றிகளும் வாழ்த்துக்களும்.

 

கொஞ்சம் அவகாசம்  கொடுங்கள்

என்னாலும்  ஏதாவது செய்யமுடியுமானால் நிச்சயம் செய்வேன்.

[shanthy]

சபேசன் அண்ணாவிற்கு நன்றி.

உங்கள் திட்டங்கள் வெற்றிபெற வாழ்த்துக்கள்.

 

சபேசன் முதலாவதாக இத்திட்டத்தில் இணையும் போது சிலசமயம் இத்தொழில் முயற்சி நட்டத்தில் செல்லுமாயின் அதனையும் தானே பொறுப்பதாக முன் வந்து தனது ஆதரவை வழங்கியுள்ளார். ஒரு முயற்சியின் வெற்றியும் தோல்வியும் பற்றி ஆராயாமல் மக்களுக்கான பணியில் தனது உதவியை வழங்கிய சபேசனுக்கு உங்கள் சார்பாகவும் மீண்டும் நன்றிகள்.

 

நல்லதொரு முன்னுதாரண  முயற்சி

தொடர்க  தங்கள் பணி

வாழ்த்துக்கள்.

 

உறவு சபேசனுக்கு  நன்றிகளும் வாழ்த்துக்களும்.

 

கொஞ்சம் அவகாசம்  கொடுங்கள்

என்னாலும்  ஏதாவது செய்யமுடியுமானால் நிச்சயம் செய்வேன்.

 

மிக்க நன்றிகள்.

[Gari]

நல்ல முயற்சி ,கள உறவு சபேசனுக்கு நன்றிகளும் பாராட்டுக்களும் .
நான் முதலிட்டு ,அதன் மூலம் கிடைக்கும் வருமானத்தில் இருந்துதான் 
நேசக்கரத்தின் சில திட்டங்களுக்கு உதவி செய்தனான் .நேசக்கரத்திட்கும் 
செய்துதர எண்ணியுள்ளேன் .சிறிய கால அவகாசம் தாருங்கள் .
நன்றி .

[Sayani]

பயனுள்ள பணிகள் சாந்தியக்கா!
உங்களுக்கும் உதவும் ஏனையோருக்கும் நன்றிகள்!

[shanthy]

நல்ல முயற்சி ,கள உறவு சபேசனுக்கு நன்றிகளும் பாராட்டுக்களும் .

நான் முதலிட்டு ,அதன் மூலம் கிடைக்கும் வருமானத்தில் இருந்துதான் 

நேசக்கரத்தின் சில திட்டங்களுக்கு உதவி செய்தனான் .நேசக்கரத்திட்கும் 

செய்துதர எண்ணியுள்ளேன் .சிறிய கால அவகாசம் தாருங்கள் .

நன்றி .

 

இதுவரையில் நீங்கள் செய்த உதவிகளால் பயனடைந்தவர்கள் ஏராளம். தொடர்ந்தும் உங்கள் உதவி கிடைப்பதில் மகிழ்ச்சி.

 

பயனுள்ள பணிகள் சாந்தியக்கா!

உங்களுக்கும் உதவும் ஏனையோருக்கும் நன்றிகள்!

 

உதவியென்றதும் ஓடிவந்து உதவுகிறவர்களுக்கே எல்லா நன்றியும் கருத்துக்கு நன்றிகள் சயனி.