எனது பார்வை

-------------------------

 

பொருளாதார அடியாட்கள் என்று அழைக்கப்படுபவர்கள் பல்லாயிரம் கோடி டாலர் மதிப்புள்ள மோசடிகளில் ஈடுபட்டு வருபவர்கள். உலகிலுள்ள ஒவ்வொரு நாட்டையும் கொள்ளையிட்டு வருபவர்கள். அமெரிக்காவில் பிறந்த John Perkins ஒரு பொருளாதார அடியாளாக வேலை செய்து பின்னர் மனசாட்சிக்கு கட்டுப்பட்டு அந்த வேலையை விட்டு வெளியே வந்து இந்த புத்தகத்தை எழுதினார்.

இந்த புத்தகம் ஆரம்பத்தில் ஒரு ஜெம்ஸ் பாண்ட் கதை போல் தோன்றினாலும் அடுத்து வந்த ஒவ்வொரு பகுதியும் நாமும் விரும்பியோ விரும்பாமலோ அமெரிக்க பேரரசின் அடியாள் வேலையை தான் செய்துகொண்டிருக்கிறோம் என்ற குற்றவுணர்வையே ஏற்படுத்துகின்றது.

இதுவரை நாம் பார்த்து வந்த உலகை வேறொரு கண்களால் பார்க்க தூண்டியது. எம் கண்முன்னே நடந்த, நடந்துகொண்டிருக்கும் அரசியல் பொருளாதார காய்நகர்த்தலின் பின்விளைவுகளை வெளிச்சம் போட்டு காட்டுகின்றது. 

உலக வங்கி , சர்வதேச நாணய நிதியம் (International Monetary Fund), USAID போன்ற நிறுவனங்கள் எம்மை அடிமையாக்குவதையே நோக்கமாக கொண்டவர்கள் என்பதை எம்மில் பலர் அறிந்திருக்க வாய்ப்பில்லை. 2005ஆம் ஆண்டு திருகோணமலை பகுதியில் இந்த அமைப்பு அபிவிருத்தி என்ற பெயரில் உளவு பார்த்ததாகவும் அதனால் புலிகள் அவர்களை தங்கள் பகுதிகளிற்குள் முழுமையாக அனுமதிப்பதில்லை என்பதையும் பலர் சொல்ல கேட்டிருக்கின்றேன். அப்பொழுது நம்ப மறுத்த மனம் இப்பொழுது நம்புகின்றது. 

இன்று சிறீலங்கா இந்த அமெரிக்க பேரரசின் அடிமை என்பதை இந்த புத்தகத்தின் முடிவில் நம்மால் புரிந்துகொள்ள முடியும். இன்று சிறீலங்காவில் நடந்து கொண்டிருப்பது ஏற்கனவே பல நாடுகளில் பரிசோதிக்கப்பட்டவையே. அந்த நாடுகளின் முடிவை இந்த புத்தகம் துல்லியமாக விவரிக்கின்றது. 

அபிவிருத்தி என்ற பெயரில் அமெரிக்க பேரரசு நிதிகளை வழங்கி தன்னை ஒரு உலக நாடுகளின் நலன்விரும்பியாக காட்டினாலும் அதன் தூரநோக்கு என்பது அந்த நாட்டை கத்தியின்றி ரத்தமின்றி அடிமையாக்குவதே. ஒருபுறம் அபிவிருத்தி நிதிகளை வழங்கி விட்டு மறுபுரம் அந்த அபிவிருத்தியை அமெரிக்க நிறுவனங்களை கொண்டே செய்துமுடித்து வழங்கிய நிதியை மீண்டும் அமெரிக்காவிற்கே கொண்டுவரும் நரித்தனம் தான் இது. 

ஒரு நாட்டினால் எப்பொழுதுமே திருப்பிக்கொடுக்க முடியாத தொகை கடனை கொடுத்து அந்த நாட்டை வாழ்நாள் முழுவதும் அடிமையாக்கி, அந்த நாட்டின் இயற்கை வளங்களை சுரண்டி அமெரிக்க பேரரசு என்ற வலைக்குள் அவர்களை சிக்க வைப்பதே நடந்துவருகின்றது. 

எந்தவொரு தருணத்திலும் இந்த நாடுகள் அமெரிக்காவிற்கு எதிராக திரும்ப முடியாத சூழலை உருவாக்கியுள்ளது. இராணுவ தளங்களை அமைத்தும், ஐக்கிய நாடுகள் சபையில் அந்த நாடுகளின் வாக்குகளை தமக்கு சாதகமாக பயன்படுத்தியும் இந்த விளையாட்டு தொடர்கின்றது. 

உணவில்லாமல் ஒவ்வொரு நாளும் 24 ஆயிரம் பேர் இறக்கின்றார்கள். அமெரிக்கா ஈராக் போருக்கு செலவிட்ட 87பில்லியன் டாலரில் பாதி தொகை இருந்தாலே ஏழ்மையை ஒழித்துவிடலாம் என்கிறது ஐ.நா. சபை. உலகில் உள்ள அனைத்து இயற்கை வளங்களையும் தனது கட்டுப்பாட்டில் கொண்டுவர நினைக்கும் அமெரிக்க பேரரசு இதற்கு சம்மதிக்கும் என்று நாம் எதிர்பார்த்தோமேயானால் அது பகல் கனவே.

தனது மிரட்டலிற்கு அடிபணியாத உன்னதாமா தலைவர்களை கொன்றொழித்து தனது பேரரசு கனவை நினைவாக்குதற்கும் இவர்கள் தயங்கவில்லை. 
Ecuador, Panama போன்ற நாடுகளின் தலைவர்களை கொன்றுவிட்டு விமான விபத்தில் இறந்ததாக நம்ப வைத்தார்கள். இவர்களிற்கு பின் வந்த ஆட்சியாளர்களை தங்களின் கைபொம்மையாக்கி அந்த நாட்டு வளங்களை அமெரிக்க நிறுவனங்களிற்கு விற்று கொள்ளை லாபம் அடைந்தார்கள். 

இப்படியான திட்டங்கள் தோல்வி அடையும் பட்சத்தில் ராணுவத்தை அனுப்பி ஈராக் போன்ற நாடுகளில் ஆட்சியை மாற்றி தங்களின் பேரரசு பாதையை தொடர்ந்தார்கள். அமெரிக்காவுடன் இணங்கி போயிருந்தால் இன்று சதாமிற்கு அமெரிக்காவே அணு ஆயுத தயாரிப்பில் உதவி இருக்கும் என்பதையும் John Perkins உரக்கச்சொல்கிறார். 

வெளிநாட்டு மாணவர்களை அமெரிக்காவிற்கு படிக்க அழைத்து அங்கே அவர்களிற்கு அமெரிக்க பேரரசின் சிந்தனைகளை விதைத்து அவர்களை ஒரு அடியாளாக திருப்பி அனுப்பி அவர்களின் நாட்டில் ஆட்சி கலைப்பில் ஈடுபடுவது அல்லது ஆட்சியை பிடிப்பது நாம் பிறக்க முன்னமே பரிசோதனைக்கு வந்துவிட்டது. இந்தியாவில் பா.சிதம்பரம், மன்மோகன் சிங், இத்தாலி பிரதமர் Mario Monti, இந்தோநேசியா பிரதமர் Susilo Bambang Yudhoyono, எக்குவாதோர் பிரதமர் Rafael Correa, பனாமா பிரதமர் Ricardo Martinelli, இப்படி அமெரிக்காவில் படித்து இன்று அமெரிக்க கைபொம்மையாக உள்ள பிரதமர்களை அடிக்கிக்கொண்டே போகலாம். 

தனிநாடு கேட்டுப்போராடும் நாம் எத்தனை பழங்குடி இனங்களை அழித்தொழிக்க துணையாக இருந்துள்ளோம். நாம் உபயோகிக்கும் ஒவ்வொரு லீட்டர் பெற்றோலும் தென் அமெரிக்காவின் பழங்குடி மக்களின் வாழ்விடங்களை பறித்து அங்கே தோண்டி எடுக்கப்பட்ட எண்ணை என்பதை நினைவில் கொள்வதில்லை. இந்த நிறுவனங்களுடன் அவர்கள் போராடி அழிவதை நாம் அறிவதில்லை.

எம் இனத்தை காக்க மற்றவர்களின் உதவியை எதிர்பார்க்கும் நாம் இன்னொரு இனத்தின் அழிவிற்கு துணைபோகின்றோம் என்பதை நினைத்தால் எம்மில் ஒவ்வொருவரும் வெட்கப்பட வேண்டும். இந்த தேவைகளை குறைப்பதை மட்டுமே எம்மால் செய்யமுடியுமே தவிர முற்றுமுழுதாக இதிலிருந்து எம்மால் விடுபடமுடியாது. நாமும் ஒருவகையில் அமெரிக்க பேரரசின் அடிமைகளே!

அமெரிக்காவிற்கு இணங்கி போயிருந்தால் நமக்கு நாடு கிடைத்திருக்கும் என்று ஓயாது கூறிக்கொண்டிருப்பவர்கள் இந்த புத்தகத்தை படிக்க வேண்டும். இந்த வல்லாதிக்க சக்திகளிற்கு அடிபணியாமல் வாழ்ந்த எம் தலைவரின் தூரநோக்கு பார்வை எமக்கு அப்பொழுது புரியும்.

இனி எங்கள் முறை. எமக்கு தெரிந்தவற்றை எம்மை சுற்றியுள்ளவர்களிற்கு சொல்லுவோம். சொற்களே மாற்றத்தை கொண்டும் வரும் என்கிறார் John Perkins.

 

 

தமிழில்: ஒரு பொருளாதார அடியாளின் ஒப்புதல் வாக்குமூலம்

Edited August 8, 201312 yr by செங்கொடி

மிக நல்ல பதிவு செங்கொடி.. உண்மையும் இதுதான் என தீர்க்கமாக நம்புகிறேன்.. இதிலிருந்து சுழித்து வெளிவர முடியுமா என்பதுதான் கேள்வி..

அமெரிக்காவிற்கு இணங்கி போயிருந்தால் நமக்கு நாடு கிடைத்திருக்கும் என்று ஓயாது கூறிக்கொண்டிருப்பவர்கள் இந்த புத்தகத்தை படிக்க வேண்டும். இந்த வல்லாதிக்க சக்திகளிற்கு அடிபணியாமல் வாழ்ந்த எம் தலைவரின் தூரநோக்கு பார்வை எமக்கு அப்பொழுது புரியும்.

 

இனி எங்கள் முறை. எமக்கு தெரிந்தவற்றை எம்மை சுற்றியுள்ளவர்களிற்கு சொல்லுவோம். சொற்களே மாற்றத்தை கொண்டும் வரும் 

 

உண்மை

அதையே  செய்வேன்

செய்கின்றேன்

நல்ல பதிவு

**********
 
அமெரிக்க  பொருளாதாரக்கொள்கை  என்பது ஏற்கனவே  அடிவாங்கி நொந்து நூலாகிவருவதற்கு அங்குள்ள  கம்பனிகளின் தொடர்  பூட்டுக்களே  சாட்சி.
அதற்கு காரணம் தேவையற்று தேவையற்ற  இடங்களில் மூக்கை  நுளைத்ததும்
காலை  விட்டதும் தான்.
 
 
*************

 

நியானி: மேற்கோள் நீக்கப்பட்டதால் அதற்கான பதிலும் நீக்கப்பட்டுள்ளது.

Edited August 8, 201312 yr by நியானி