அமெரிக்காவில் கறுப்பின மக்களின் விடுதலைக்காக போராடி துப்பாக்கிக் சன்னங்களினால் சல்லடையிடப்பட்டு உயிர் நீத்த மார்டின் லூதர் கிங்கின் வரலாற்றுப் புகழ் மிக்க ''எனக்கொரு கனவுண்டு" என்ற உரை நிகழ்த்தப்பட்டு இன்றுடன் ஐம்பது ஆண்டுகள் நிறைவு பெறுகின்றன.

1963ஆம் ஆண்டு ஆகஸ்ட் 27ஆம் திகதி வொஷிங்டனில் உள்ள ஆபிரகாம் லிங்கன் நினைவாக முன்றலில் அவர் ஆற்றிய உரை வரலாற்றின் ஏடுகளில் அழிக்கப்பட முடியாத ஆவணமாக பதியப்பட்டுள்ளது.

அன்றைய தினம் சுமார் இரண்டரை இலட்சம் ஆதரவாளர்கள் செவிமடுத்த அந்த உரை இன்று வரை பல்லாயிரக்கணக்கானோரால் மீட்டப்பட்டு வருகின்றமை அந்த உரையின் ஆழத்தினை பறை சாற்றுகின்றது.

''நான் உங்களுக்குச் சொல்கிறேன் தோழர்களே, இன்றும் நாளையும் நாம் துன்பங்களை சந்தித்தாலும் எனக்கு ஒரு கனவு உண்டு. அமெரிக்கக் கனவில் வேர்பிடித்திருக்கும் ஒரு கனவு அது. ஒரு நாள் நமது தேசம் எழும்; அதன் கொள்கைகளின் உண்மையான பொருளின்படி நடந்து கொள்ளும் என்ற கனவு எனக்கு உண்டு. எல்லா மனிதர்களும் சமமாகப் படைக்கப்பட்டிருக்கிறார்கள் என்கிற சுய நிரூபண உண்மையை ஏற்றுக் கொள்கிறோம்'' என்று தனது மக்களின் தளத்தில் இருந்து தனது கருத்தினை அவர் பதிவு செய்தார்.

"ஜோர்ஜியாவின் செம்மலை மேல், அடிமைகளின் மகன்களும், அடிமைகளின் சொந்தக்காரர்களின் மகன்களும் சகோதரத்துவம் என்ற மேசையில் ஒன்றாக அமர்வார்கள் என்ற கனவு எனக்கு உண்டு '' என்ற அவரது கனவை நிறப் பாகுபாட்டில் இருந்து தமது மக்கள் விடுதலை பெறுவார்கள் என்ற அவரது நம்பிக்கையின் தீர்க்க தரிசனமாக பார்க்க முடியும்.

'' எனது நான்கு குழந்தைகளும் நிறத்தால் அல்லாமல் குணத்தால் மதிக்கப்படும் நாட்டில் ஒரு நாள் வாழ்வார்கள் என்ற கனவு எனக்கு உண்டு. மிகத் தீவிரமான இனவெறியாளர்கள் உள்ள அலபாமாவில் ஒருநாள் கறுப்பின சிறுவர் சிறுமியர், வெள்ளைக்காரச் சிறுவர் சிறுமியருடன் சகோதரத்துவத்துடன் கைகோர்த்துக் கொள்வார்கள் என்று ஒரு கனவு எனக்கு உண்டு'' என அவர் அன்று கண்ட கனவு இன்று அமெரிக்க வல்லரசை ஆழும் அதிகாரம் கறுப்பின அதிபர் வசமானதன் மூலம் நனவாகியுள்ளது.

1964ஆம் ஆண்டு 14 அக்டோபர் சமாதானத்திற்கான நோபல் பரிசை தன்வசமாக்கிக் கொண்ட மாட்டின் லூதர் கிங், 1968 ஆம் ஆண்டு ஏப்ரல் 4ஆம் திகதி ஹோட்டல் ஒன்றில் வைத்து ஜேம்ஸ் ஏள் ரே என்ற வெள்ளை நிற வெறியனால் சுட்டுக் கொல்லப்பட்டார்.

http://www.sankathi24.com/news/32620/64//d,fullart.aspx

Edited August 28, 201312 yr by யாழ்அன்பு

எனக்கு இங்கிலிசு பேச ஆசை வந்ததே, இவற்றை பேச்சைக் கேட்டுத்தான்!

 

அவனது அடி மனதின் ஆழத்தில்,

அந்த மனிதம் சுடர் விடுவதை,

அவனது குரலில் வலிமை கூறியது!

Edited August 28, 201312 yr by புங்கையூரன்