கொழும்பில் நடைபெறும் பொதுநலவாய மாநாட்டில் பங்கேற்பது குறித்து இந்தியப் பிரதமர் இன்னமும் தீர்மானிக்கவில்லையென புதுடெல்லித் தகவல்கள் தெரிவிக்கின்றன.

எனினும், பிரதமர் மன்மோகன் இலங்கை பொதுநலவாய மாநாட்டில் கலந்துகொள்ளவுள்ளதாகவும் 13ஆம் திகதி யாழ்ப்பாணம் பயணிக்கவுள்ளதாகவும் இலங்கையிலுள்ள சில பத்திரிகைகள் செய்தி வெளியிட்டுள்ளன.

பிரதமர் மன்மோகன் சிங்கின் இறுதி முடிவு நேற்று வெளியாகும் என எதிர்பார்க்கப்பட்ட போதிலும் அந்த அறிவிப்பு வெளியாகவில்லை. அந்தத் தீர்மானத்தை இன்று எடுப்பதற்கு காங்கிரஸ் கட்சித் தலைவர் சோனியா காந்தி, பிரதமர் மன்மோகன் சிங், வெளியுறவு அமைச்சர் சல்மன் குர்ஷீத் ஆகியோர் கூடி மந்திரலோசனை நடத்தவுள்ளதாக தெரியவருகிறது.

கொழும்பு மாநாட்டில் பங்கேற்பது குறித்து நேற்றைய அமைச்சரவைக் கூட்டத்தில் இறுதித் தீர்மானத்தை பிரதமர் மன்மோகன் சிங் அறிவிப்பார் என்று எதிர்பார்க்கப்பட்ட போதிலும் அந்த அறிவிப்பு வெளியாகவில்லை.

பிரதமர் மன்மோகன் சிங் கொழும்பு மாநாட்டில் கலந்துகொள்வது குறித்து காங்கிரஸ் கட்சிக்குள் முரண்பாடான நிலைமை ஏற்பட்டுள்ளது.

இந்த நிலையில், மன்மோகன் சிங் கொழும்பு மாநாட்டில் கலந்துகொள்வதற்கு எதிராக தமிழகத்தில் ஆர்ப்பாட்டங்கள், போராட்டங்கள் முன்னெடுக்கப்பட்டு வருகின்றன.

பிரதமரின் தீர்மானத்தை இறுதி நேரத்தில் அறிவிப்பது இந்த ஆர்ப்பாட்டங்களை ஓரளவுக்கு குறைத்துக்கொள்ள முடியும் என்ற நோக்கிலும் பிரதமரின் தீர்மானத்தை இறுதி நேரத்தில் எடுப்பது என்ற நிலைப்பாட்டில் காங்கிரஸ் கட்சியின் உயர்பீடம் திட்டமிட்டுள்ளதாக தெரியவருகிறது.

எனினும், பொதுநலவாய மாநாடு இலங்கையில் நடைபெறுகின்ற போதிலும், இந்தியாவின் பங்களிப்பு குறித்தே தற்போது அனைவரின் கவனமும் திரும்பியுள்ளது.

http://tamilworldtoday.com/home

நாங்க எப்பவோ 'ரெடி' !!!

 

நாங்களும், எப்பவோ... ரெடி.

 

மனசாட்சியுடன் நடந்து கொள்ளுமாறு மன்மோகனிடம் கலைஞர் கோரிக்கை

 

காமன்வெல்த் மாநாட்டில் பங்கேற்பது குறித்து பிரதமர் மன்மோகன் சிங் மனசாட்சியுடன் நடந்து கொள்ள வேண்டும் என்று தி.மு.க. தலைவர் கருணாநிதி கூறியுள்ளார்.

சென்னை கோபாலபுரத்தில் உள்ள தனது இல்லத்தில் இன்று செய்தியாளர்களிடம் பேசியபோது இவ்வாறு அவர் தெரிவித்தார்.

மேலும், இலங்கையில் நடைபெற உள்ள காமன்வெல்த் மாநாட்டில் பிரதமர் பங்கேற்கக் கூடாது என்றும் கருணாநிதி மீண்டும் வலியுறுத்தினார்.

அதே சமயம் காமன்வெல்த் மாநாட்டில் பிரதமரின் பங்கேற்பு தொடர்பாக தி.மு.க நிபந்தனை ஏதும் விதிக்கவில்லை என்றும் அவர் கூறினார்.

காமன்வெல்த் மாநாட்டில் இந்தியா சார்பில் ஒரு துரும்பும் பங்கேற்கக் கூடாது என்றும், பிரதமர் கலந்து கொண்டால், அதனுடைய விளைவுகளை அவர்கள் சார்ந்துள்ள கட்சியே அனுபவிக்க நேரும் என்றும் கருணாநிதி ஏற்கனவே எச்சரிக்கை விடுத்திருந்தார் என்பது குறிப்பிடத்தக்கது.

 

Thanks:-  http://www.adaderana.lk

Edited November 8, 201312 yr by vimalk