'இணைந்த வடக்கு கிழக்கில் தமிழர்களுக்கு தீர்வு' பெற்றுக் கொடுக்கும் இந்திய அமைச்சர் சிதம்பரத்தின் கருத்துக்கு இலங்கை அரசு காட்டமான கண்டனத்தை வெளியிட்டுள்ளது.

இலங்கையின் உள்நாட்டு விவகாரம் பற்றி பேசுவதற்கு வெளியாட்களுக்கு உரிமை கிடையாது என ஆளும் ஐக்கிய மக்கள் சுதந்திரக் கூட்டணியின் பொதுச் செயலரும் அமைச்சருமான சுசில் பிரேம்ஜயந்த் பிபிசி தமிழோசையிடம் தெரிவித்தார்.

 

தமது நாடு தனி இறையாண்மை உள்ள ஒரு நாடு என்றும், இலங்கையில் அரசியலமைப்பு மற்றும் சட்ட நடைமுறைகள் பற்றியோ வெளியாட்கள் பேச வேண்டிய தேவையில்லை என்றும் அவர் தெரிவித்தார்.

இந்திய அமைச்சர் சிதம்பரம் தெரிவித்த கருத்துக்களை தாங்கள் பெரிய அளவில் கணக்கில் எடுக்க வேண்டியதில்லை எனவும் அவர் கூறுகிறார்.

இந்தியாவில் தேர்தல் நடக்கவுள்ளதால் அரசியல்வாதிகள் வாக்குகள் சேகரிப்பதற்காக இப்படியாக பேசுவார்கள் எனவும் கூறும் அவர், 13 ஆவது திருத்தத்தில் வட-கிழக்கு இணைப்பு குறித்து எந்த இடத்திலும் பேசப்படவில்லை எனவும் அமைச்சர் சுசில் பிரேம்ஜயந்த் கூறுகிறார்.

இலங்கையின் உச்சநீதிமன்றமே வட-கிழக்கு இணைப்புக்கு எதிராக தீர்ப்பை வழங்கியுள்ளதால், அது குறித்து வேறு யாரும் பேச முடியாது எனவும் அவர் சுட்டிக்காட்டினார்.

அவரது பேட்டியை இன்றைய தமிழோசையில் கேட்கலாம்.

 

http://www.bbc.co.uk/tamil/sri_lanka/2013/12/131201_lankareaxn_chidambaram.shtml

சரியாகச் சொன்னார். இந்திய அரசியல்வாதிகளின் தேர்தல்காலப் பேச்சுக்கள் வாக்குகளை மைய்யமாகக் கொண்டே நடைபெறுகின்றன. ஆகவே சிங்களம் கணக்கிலெடுக்கப்போவதில்லை. தான் செய்துகொண்ட 1987 ஆம் ஆண்டு ஒப்பந்தத்தின்படியான இணைந்த வடக்குக் கிழக்கையே சிங்களம் நீதிமன்றம் மூலம் பிரித்து வைத்துக்கொண்டு சண்டித்தனம் செய்கிறது. அதை தட்டிக் கேட்க வக்கில்லை (அல்லது தட்டிக் கேட்க எந்தத் தேவையுமே அதற்கில்லை என்பதுதான் சரி), இந்த லட்சணத்தில் இந்தியா ஈழத்தமிழர்க்கு சம அரசியல் தீர்வொன்றை பெற்றுக்கொடுக்கும் என்று சிதம்பரச் சக்கரம் சொல்வதை நம்பவா சொல்கிறீர்கள். 

எனக்கென்னமோ சிங்களவனும் கிந்திக்காரனும் சேர்ந்து எங்களுக்கு பூ சுத்திறமாதிரி தெரியுது. 

புலி பிடிக்க மட்டும் இந்தியா வந்தால் போதும் ......புலியை பிடிச்சம தூக்கில போட்டமா வீட்டை போனமா என்று இருக்க வேண்டும்....புலியை பிடிச்ச படியால் காடு உங்களுடையது என உரிமை கோரகூடாது.....

இலங்கை விவகாரங்களில் இந்தியாவை இன்னும் ஆதரவான நாடாக மாற்ற இது இலங்கைக்கு தேவையான அறிக்கை... !! 

 

இந்தியா எனும் தன்மானமுள்ள நாடு இந்திராவுடன் செத்துபோய்  நீண்டகாலம் ஆச்சுது....