ஒருநாள் கிரிக்கெட்டில் குறைந்த பந்துகளில் (36) சதமடித்த சாதனையை நிலைநாட்டியுள்ளார் நியுஸிலாந்து அணியின் கொரே அன்டர்ஸன்.

 

1996ஆம் ஆண்டு இலங்கைக்கு எதிரான போட்டியில் பாகிஸ்தான் அணியின் சயிட் அப்ர்டி குறைந்த பந்துகளில் (37) சதமடித்த சாதனையை நிலைநாட்டியிருந்தார்.

 

அந்தச் சாதனையையே கொரே அன்டர்ஸன் இன்று முறியடித்தார்.

 

நியுஸிலாந்து குயின்ரவுடன் மைதானத்தில் நடைபெற்று வரும் மேற்கிந்திய தீவுகள்- நியுஸிலாந்து அணிகளுக்கிடையிலான ஒருநாள் சர்வதேச போட்டியிலே இந்தச் சாதனை நிலைநாட்டப்பட்டுள்ளது.

 

மழை காரணமாக இப்போட்டி 21 ஓவர்களைக் கொண்டதாக நடைபெறுகின்றமை குறிப்பிடத்தக்கது.

 

மேற்கிந்தியத் தீவுகளுக்கெதிராக நியூசிலாந்திற்கு அதிரடி வெற்றி

நியூசிலாந்திற்குக் கிரிக்கெட் சுற்றுப்பயணம் மேற்கொண்டுள்ள மேற்கிந்தியத் தீவுகள் அணிக்கும், நியூசிலாந்து அணிக்குமிடையிலான 5 போட்டிகள் கொண்ட ஒருநாள் சர்வதேசப் போட்டித் தொடரின் 3ஆவது போட்டியில் அவ்வணியின் வீரர் கொரே அன்டர்சனின் உலக சாதனையின் உதவியுடன் நியூசிலாந்து அணி வெற்றிபெற்றது.

 

குயீன்ஸ்ரௌணில் இடம்பெற்ற இப்போட்டியில் நாணயச்சுழற்சியில் வெற்றிபெற்ற மேற்கிந்தியத் தீவுகள் அணி முதலில் களத்தடுப்பில் ஈடுபடத் தீர்மானித்தது. மழை காரணமாக இப்போட்டி 21 ஓவர்கள் கொண்ட போட்டியாகவே ஆரம்பித்தது.

 

இதன்படி முதலில் துடுப்பெடுத்தாடிய நியூசிலாந்து அணி 21 ஓவர்களில் 4 விக்கெட்டுக்களை இழந்து 283 ஓட்டங்களைக் குவித்தது.

 

முதலாவது விக்கெட்டை 5 ஓட்டங்களுக்கு இழந்த அவ்வணி, 7.4 ஓவர்களில் 3 விக்கெட்டுக்களை இழந்து 74 ஓட்டங்களுடன் காணப்பட்ட போது ஜெஸி றைடர், கொரே அன்டர்சன் இருவரும் இணைந்தனர். இருவரும் 12.3 ஓவர்களில் 191 ஓட்டங்களைக் குவித்தனர்.

 

ஒருநாள் சர்வதேசப் போட்டிகளில் வேகமான சதமான ஷகிட் அப்ரிடியின் 37 பந்துகளின் பெறப்பட்ட சதம் என்ற சாதனைய உடைத்த கொரே அன்டர்சன், 36 பந்துகளில் தனது சதத்தைப் பூர்த்தி செய்து உலக சாதனை படைத்தார். அவர் 47 பந்துகளில் ஆட்டமிழக்காமல் 131 ஓட்டங்களைக் குவித்தார். 46 பந்துகளில் தனது சதத்தைப் பூர்த்தி செய்த ஜெஸி றைடர், 51 பந்துகளில் 104 ஓட்டங்களைப் பெற்றார். தவிர, பிரென்டன் மக்கலம் 11 பந்துகளில் 33 ஓட்டங்களைப் பெற்றார்.

 

பந்துவீச்சில் மேற்கிந்தியத் தீவுகள் அணி சார்பாக பந்து வீசிய அனைவரும் ஓவரொன்றிற்கு சராசரியாக 11 ஓட்டங்கள் அல்லது அதனை விட அதிகமாக வழங்கியிருந்தனர். ஜேஸன் ஹோல்டர் 2 விக்கெட்டுக்களையும், சுனில் நரைன், நிக்கித்தா மில்லர் இருவரும் தலா ஒரு விக்கெட்டையும் கைப்பற்றினர்.

 

284 ஓட்டங்களை வெற்றி இலக்காகக் கொண்டு துடுப்பெடுத்தாடிய மேற்கிந்தியத் தீவுகள் அணி 21 ஓவர்களில் 5 விக்கெட்டுக்களை இழந்து 124 ஓட்டங்களைப் பெற்றது. இதன் காரணமாக அவ்வணி 159 ஓட்டங்களால் தோல்வியடைந்தது.

 

துடுப்பாட்டத்தில் மேற்கிந்தியத் தீவுகள் அணி சார்பாக டுவைன் பிராவோ 54 பந்துகளில் ஆட்டமிழக்காமல் 56 ஓட்டங்களையும், நர்சிங் டியோநரைன் 30 பந்துகளில் 29 ஓட்டங்களையும் பெற்றனர்.

 

பந்துவீச்சில் நியூசிலாந்து அணி சார்பாக மிற்சல் மக்லநகன் 2 விக்கெட்டுக்களையும், கைல் மில்ஸ், ஜெஸி றைடர், ஜேம்ஸ் நீஷம் ஆகியோர் தலா ஒரு விக்கெட்டையும் கைப்பற்றினர்.

 

இப்போட்டியின் நாயகனாக கொரே அன்டர்சன் தெரிவானார்.

 

5 போட்டிகள் கொண்ட இத்தொடரில் 3ஆவது போட்டியின் நிறைவில் இரு அணிகளும் தலா ஒரு போட்டியில் வெற்றிபெற்றுள்ளமை குறிப்பிடத்தக்கது.

 

Fastest ODI tons

 

http://stats.espncricinfo.com/ci/content/records/211608.html

 

 

Edited January 1, 201412 yr by Athavan CH

ஒரு நாள் சர்வதேசப் போட்டிகளில் அதிவேகமாக சதம் பெற்ற சாதனையாக இதுவரை காலமும் இருந்து வந்த (37 பந்துகளில் பாகிஸ்தானின் அப்ரிடி ) சாதனையை 18 வருடங்களின் பின்னர் இன்று மேற்கிந்தியத் தீவுகளுக்கு எதிராக இடம்பெறும் போட்டியில் அண்டர்சன் 36 பந்துகளில் சதம் பெற்றதன் மூலம் முறியடித்துள்ளார்.

 

இப் போட்டியில் அண்டர்சன் ஆட்டமிழக்காது 131 ஓட்டங்களைப் பெற்றுள்ளார். இதில் 14 ஆறு ஓட்டங்களையும் 6 நான்கு ஓட்டங்களையும் பெற்றுள்ளார்.

 

http://www.youtube.com/watch?v=qzqfqUhNh1s

வாழ்த்துக்கள் அண்டர்சன்.