இரணைமடு குடிநீர்த்திட்டத்தை TNA தடுக்கின்றது. மக்கள் கண்டிக்க வேண்டும் - EPDP வேண்டுகோள்:-

 

 

இரணைமடு - யாழ்ப்பாணம் குடிநீர்த்திட்டத்தை நடைமுறைப்படுத்துவதற்கு தமிழ்த் தேசியக் கூட்டமைப்பே தடையாக இருக்கின்றது. கிளிநொச்சி, யாழ்ப்பாணம் மாவட்ட மக்களின் வாழ்வாதார திட்டமாகவே இரணைமடு குடிநீர்த் திட்டம் அமைந்துள்ளது. இதை அரசியல் சுய இலாபங்களுக்காக எதிர்க்கும் கூட்டமைப்பை மக்கள் கண்டிக்கவேண்டும்.

மேற்படி குடிநீர்த் திட்டத்தை ஈ.பி.டி.பியாகி நாம் வரவேற்கின்றோம். இரணைமடு குடிநீர்த் திட்டமானது, பலவீனமாக உள்ள தற்போதைய இரணைமடுக் குளத்தின் கட்டினை புனரமைப்புச் செய்து மேலும் தேவைக்கேற்ப உயர்த்துவதோடு, கிளிநொச்சி மாவட்டத்திலுள்ள விவசாயிகளின் நீர்த்தேவையை  பூர்த்தி செய்வதாகும். அத்தோடு கிளிநொச்சி மாவட்டத்திலுள்ள குடிநீர் தட்டுப்பாடான பிரதேசங்களுக்கு குறிப்பாக பூநகரி போன்ற பிரதேசங்களுக்கு குடிநீர் விநியோகத்தை வழங்கவும் திட்டம் வாய்ப்பு வழங்குகின்றது.

கிளிநொச்சி மாவட்டத்தின் நீர்த்தேவையை பூர்த்தி செய்து மேலதிகமாக சேமிக்கப்படும் சொற்ப நீரை யாழ்ப்பாணத்துக்கு குடிநீர்த் தேவைக்கு வழங்குவதோடு, யாழ்ப்பாணத்தின் வடிகாலமைப்பு மற்றும் நீர் வழங்கள் திட்டத்தை நடைமுறைப்படுத்துவதுமே இந்த குடிநீர்த்திட்டத்தின் நோக்கமாகவுள்ளது. இவ்வாறு ஈழமக்கள் ஜனநாயகக் கட்சி விடுத்துள்ள ஊடக அறிக்கையில் தெரிவிக்கப்பட்டுள்ளதாவது,

கிளிநொச்சி மற்றும் யாழ்ப்பாண மாவட்ட மக்களுக்கு நன்மையளிக்கக்கூடிய இக்குடி நீர்த்திட்டத்தையே தமது அரசியல் சுய இலாப நோக்கங்களுக்காக தமிழ்த் தேசிய கூட்டமைப்பினர் எதிர்க்கின்றனர்.

இத்திட்டத்தை கைவிடுமாறு கூறுகின்றனர். இதனால் இத்திட்டத்திற்காக ஒதுக்கீடு செய்யப்பட்டுள்ள சுமார் 23000 மில்லியன் ரூபாய்கள் என்ற பாரிய நிதி திரும்பிச் செல்லக்கூடிய ஆபத்து ஏற்பட்டுள்ளது.

இவ்வாறான சூழலிலையே வடக்கு மக்களுக்கு வரப்பிரசாதமாக கிடைத்த அந்த நிதியை எமது மக்கள் இழந்துவிடக்கூடாது என்பதற்காக ஈ.பி.டி.பியாகி நாம் கடுமையான முயற்சிகளை மேற்கொண்டு வருகின்றோம். இரணைமடு, யாழ்ப்பாணம் குடிநீர்த்திட்டத்தை அமுல்படுத்துவதில் கூட்டமைப்பினர் ஏற்படுத்தும் தடை தொடர்பிலும் இரு மாவட்ட மக்களினதும் குடிநீர்த் தேவையை பூர்த்தி செய்வதற்கு மாற்று திட்டங்கள் ஏதும் உள்ளனவா? என்பது தொடர்பிலும் ஆசிய அபிவிருத்தி வங்கியின் பிரதிநிதிகளுடன் ஈ.பி.டி.பியாகி நாம் விரிவான பேச்சுவார்த்தைகளை நடத்தியிருந்தோம்.

இரணைமடுத் திட்டத்தோடு இணைந்த மாற்றுத்திட்டம் ஒன்றை ஆராயும் அதேவேளை கிளிநொச்சி, யாழ்ப்பாண மாவட்டங்களில் நிலவும் குடிநீர்ப்பிரச்சினைக்கு விரைவான தீர்வொன்றைக் காண்பதற்கான அவசர அவசியத்தையும் ஆசிய அபிவிருத்தி வங்கியின் பிரதிநிதிகளுக்கு ஈ.பி.டி.பி எடுத்துக்கூறியுள்ளது.

இவ்வாறான சூழலிலையே கூட்டமைப்பினர் இரணைமடு யாழ்ப்பாணம் குடிநீர்த்திட்டம் கைவிடப்பட்டுவிட்டதாக கூறிவருகின்றனர். மக்களுக்கு நன்மையளிக்கக்கூடிய நல்ல பல திட்டங்களை உதாசீனம் செய்துவரும் கூட்டமைப்பினர் இக்குடிநீர்த்திட்டத்தையும் எதிர்க்கின்றனர்.

பிரச்சினைகளுக்கும், திட்டங்களுக்கும் நடைமுறைச் சாத்தியமான தீர்வைக் காண்பதைவிடவும் தமது அரசியல் பிழைப்புக்காக அனைத்தையும் சீர்குலைக்கின்ற கூட்டமைப்பின் செயற்பாடுகளை தமிழ் மக்கள் கண்டிக்க வேண்டும். திட்டமும், நிதியும் கைவசம் இருந்தும் மாகாண சபையை பொறுப்பேற்றுள்ள கூட்டமைப்பு அர்த்தமற்ற காரணங்களைக் கூறி இரணைமடு, யாழ்ப்பாணம் குடிநீர்த் திட்டத்தை நிராகரிக்கின்றது. செயற்படுத்த தெரியாமையும், செயற்படுத்த விரும்பாமையுமே கூட்டமைப்பின் தொடர்ச்சியான நிலைப்பாடாக இருப்பதை மக்கள் புரிந்து கொள்ள வேண்டும் என்றும் ஈ.பி.டி.பி கேட்டுக் கொள்கின்றது.

http://www.globaltamilnews.net/GTMNEditorial/tabid/71/articleType/ArticleView/articleId/111773/language/ta-IN/article.aspx

நீரு.. இத்தனை வருசம் அமைச்சரா இருந்து செயற்படுத்திய திட்டங்களை தான் பார்க்கிறோமே. வேலணையில் கிண்ட கிண்ட மண்டையோடா வருகுதாம். அதுவும் உங்கள் திட்டங்கள் தான்.

 

இவருக்கு.. திட்டம் செயலாகுதோ இல்லையோ.. சாத்தியமோ இல்லையோ.. அந்த மில்லியன்களில் பாதியை தான் சுருட்டிடனும் என்றது தான் நோக்கம்..!

 

ஆசிய வங்கியிடம்.. இந்த நிதியை வேறு அபிவிருத்திக்கள் நோக்கித் திரும்ப இவர் மாகாண சபையோடு ஒரு கலந்துரையாடலை செய்யலாமே. எதுக்கு போய் ஆசிய அபிவிருத்தி வங்கி ஆக்களோட ரகசியமா பேசிக்கிட்டு இருக்கனும்..???!