மகிந்தவின் பிரகடனம்

மகிந்தவின் பிரகடனம்

படையினருக்கு எதிரான தாக்குதல் இடம்பெறும் பட்சத்தில் அதற்கு எதிர் நடவடிக்கை எடுக்கப்போவதாக சிறிலங்கா சனாதிபதி மகிந்த ராஜபக்ச இணைத்தலைமை நாடுகளின் தூதுவர்களிடம் தெரிவித்துள்ளதாக சனாதிபதிச் செயலகம் விடுத்துள்ள செய்திக்குறிப்பில் தெரிவிக்கப்பட்டுள்ளமையானது சிறிலங்கா இராணுவம் எவ்வேளையிலும் வலிந்த தாக்குதல் ஒன்றிற்குத் தயாராகவுள்ளது என்பதன் பிரகடனமாகவே கொள்ளத்தக்கது.

ஏனெனில் சிறிலங்காப் படைத்தரப்பு அண்மையில் பல வலிந்த தாக்குதலை மேற்கொண்டது என்பது வெளிப்படையானது. சில வலிந்த தாக்குதல்களுக்குக் காரணங்கள் கூறிக்கொண்டும் சில வலிந்த தாக்குதல்களுக்குக் காரணங்கள் எதுவும் கூறாமலும் சிறிலங்கா அரசு படை நடவடிக்கைகளை மேற்கொண்டது.

யுத்த நிறுத்த உடன்பாடு கைச்சாத்தானபோது சிறிலங்கா அரசு வன்முறைகளை நிறுத்தவில்லை. ஏதோ ஒரு விதத்தில் வன்முறைகளை மேற்கொண்டவாறே இருந்தது. ஆரம்பத்தில் இராணுவக் கட்டுப்பாட்டுப்பகுதியில் சிறிலங்காப் புலனாய்வுத்துறையினரும் ஒட்டுக்குழுவினரும் வன்முறைகளில் ஈடுபட்டார்கள். விடுதலைப் புலிகளின் ஆதரவாளர்கள், அரசியல்துறைப் போராளிகள் தமிழ்த் தேசியத்தின் பால் உறுதியான, நம்பிக்கை கொண்டவர்கள் சிறந்த தமிழ் ஊடகவியலாளர்கள் எனப்பலரைப் படுகொலை செய்தனர்.

யுத்த நிறுத்த உடன்பாட்டை மீறியதாக இராணுவத் துணைக்குழுக்களை வளர்த்தெடுப்பதிலும் அவர்கள் மூலம் வன்முறைகளை மேற்கொள்வதிலும் தீவிரம் காட்டினர். இராணுவத்தினரின் அங்கீகாரத்துடன் ஒட்டுக்குழுக்களின் அராஜகம் கட்டவிழ்த்துவிடப்பட்டது. இதற்குப் பாராளுமன்ற உறுப்பினர்கள் கூடப் பலியாகவேண்டியும் வந்தது.

அதன் பின்னர் விடுதலைப் புலிகளின் கட்டுப்பாட்டுப்பிரதேசத்தின