கிழவி,

சைக்கிளில் போனால் போகட்டும் ஆனால் அதை ஆள் வச்சு படம் எடுத்து விளம்பரம் செய்வானே?

நான் மட்டும் உங்களில் ஒருத்தி சைக்கிளில் போறேன் என்ற பூச்சுத்தல் தானே இது?

வாகனத்தில் போறதில் ஒரு தப்புமில்லை. ஏன் கைதடிச் சந்தில இறங்கி உறவினர் கொண்டு வரும் சைக்கிளில் ஓடி மாகணசபை வரை போக வேண்டும்?

இதுதான் பம்மாத்து. சுற்றுசூழல் பற்றி அனந்தியே சொல்லவில்லை, நீங்கள்தான் புதுக்காரணம் சொல்கிறீர்கள்.

 

நானும் அனந்தி சசிதரன் சைக்கிளில் போகும் படத்தை முன்பு பார்த்தேன். அந்தச்செய்தியில் அனந்தி தனது வீட்டில் இருந்து நேராக பத்து பதினைந்து கிலோமீற்றர் தூரங்கள் மிதிவண்டியில் மிதித்து மக்கள் பிரதிநிதியாக அலுவலகத்திற்கு பணிக்கு வருதாய் ஒன்றும் சொல்லப்படவில்லையே? அவ்வாறு அனந்தி உண்மையில் செய்திருப்பின்கூட அது அவருக்கு பாதுகாப்பானது இல்லையே.

 

நீங்கள் அனந்தி மிதிவண்டியில் வரும் படத்தை பார்த்து உங்கள் கற்பனை குதிரையை தட்டிவிடுவதற்கு யார் பொறுப்பு?

 

கனடா தமிழ் எம்பி ராதிகா சிற்சபேசன் பாராளுமன்றத்துக்கு புடவையுடன் செல்வதாக படம் வந்தால், அவர் வீட்டியில் இருந்து ஒவ்வொரு நாளும் புடவை கட்டிக்கொண்டு பாராளுமன்றம் செல்கின்றார் என்று அர்த்தமாகிவிடுமா? அனந்தி மீது ஏன் உங்களுக்கு இவ்வளவு கடுப்பு?

 

மேலைநாடுகளில் தமது தொகுதி மக்களின் மனங்களை வெல்வதற்கு மக்கள் பிரதிநிதிகள் எத்தனையாயிரம் விளம்பரங்களை, தந்திரங்களையெல்லாம் பாவிக்கின்றார்கள். லேட்டஸ்டாய் ஐஸ்கட்டியை தலையில் கொட்டி சவால் விடுகின்றார்கள். ஆனால், அனந்தி சசிதரன் ஒரு சராசரி தமிழ்ப்பெண்ணின் வாழ்க்கையை பிரதிபலிக்கும் வகையில் மிதிவண்டியில் அலுவலகம் வருவதாக படம்பிடித்து போட்டால் அது ஏன் உங்களுக்கு எரிச்சலை கிளப்புகின்றது?

 

அனந்தி பெண் என்பதற்காக அவர் மீது காழ்ப்புணர்வுடன் கருத்துக்கள் கூறக்கூடாது. 

சத்தியமாக அனந்தி பெண் என்பதால் சொல்லவில்லை. மாவை சைக்கிளில் போனாலும் இப்படித்தான் சொல்லியிருப்பேன். அவர் கைதடியில் சைக்கிளுக்கு மாறுவது ஊரில் சுழிபுரத்தில் அவர் வீட்டருகே இருபவரின் வீட்டுக்கு போனபோது கேள்விப்பட்ட கதை.

மகிந்த அரசு அனந்தியை தமக்கு சாதகமான முறையில் சரியாக பயன்படுத்தி கொண்டது. மைத்ரி அரசும் அதே பாணியை பின்பற்றுமா பார்க்கலாம். ஐரோப்பாவில் இருக்கும் பொஸ்கோவுக்கு முன்பு பணம் கொடுத்தது இலங்கையின் அப்போதைய உளவுத்துறை. இனியும் கொடுப்பார்களா? கபில ஹெந்தவிதரணவுக்கு இனியும் செல்வாக்கு இருக்குமா? அதுவும் அனந்தி புரொஜெக்ட்டில்?  சந்தேகமே.

Edited January 17, 201510 yr by sabesan36

சத்தியமாக அனந்தி பெண் என்பதால் சொல்லவில்லை. மாவை சைக்கிளில் போனாலும் இப்படித்தான் சொல்லியிருப்பேன். அவர் கைதடியில் சைக்கிளுக்கு மாறுவது ஊரில் சுழிபுரத்தில் அவர் வீட்டருகே இருபவரின் வீட்டுக்கு போனபோது கேள்விப்பட்ட கதை.

 

சுழிபுரத்தில் இருந்து கைதடிக்கு வாகனத்தில் வந்து பின்னர் கைதடியில் சைக்கிளுக்கு மாறுவது ஏன் தப்பு? இங்கு கைதடியில் சைக்கிளுக்கு மாறுவது ஒரு மோசடி எனும் உங்கள் வாதம் என்னால் கிரகித்துக் கொள்ளப்படமுடியாமல் உள்ளது.

 

ஒரு மக்கள் பிரதிநிதி தனது போக்குவரத்து முறையை தெரிவு செய்வது உங்களுக்கு ஏன் குற்றமாக தெரிகின்றது?

 

அனந்தி மிதிவண்டியை பிரச்சாரமாக பயன்படுத்தினாலும் அது அவரது சாமர்த்தியமே ஒழிய மோசடி ஏதும் இல்லையே. விருப்பம் என்றால் முதல்வர் விக்கினேஸ்வரனும் மிதிவண்டியில் சென்று படத்தை பிரசுரம் செய்யட்டும். மக்களிடையே நிச்சயம் நல்ல வரவேற்பு கிடைக்கும். காரணம், அவர் எங்கிருந்து மிதிவண்டியை பயன்படுத்தினார் என்பது அல்ல, மிதிவண்டியை பயன்படுத்தினார் என்பதே விடயம். மிதிவண்டி என்பது மக்களின் வாழ்வின் ஓர் அங்கம், அடையாளம்.

 

காலைப்பொழுதில் சிறிது நேரம் என்றாலும் மிதிவண்டியில் பயணம் செய்வது ஒரு சுகமான அனுபவம். இது மக்களுடன் இயல்பான தொடர்பாடலுக்கு உதவும், நல்லதொரு வழிமுறையும் கூட. அனந்தி காலைப்பொழுதில் அந்த சுகத்தை அனுபவிப்பதில் உங்களுக்கு என்ன பிரச்சனை?

Edited January 17, 201510 yr by கிழவி

இது ஒரு சுத்துமாத்து அரசியல் என்பது என் நோக்கு.

சைக்கிள் ஓடுவதென்றால் சுழிபுரத்தில் ஓடட்டும். அல்லது சண்டிலிப்பாய் வரை சைக்கிளில் வந்து பின் மாகாணசபை வரை காரில் போகட்டும்.

அதைவிடுத்து மாகாணசபை அருகில் வந்து சைக்கிளுக்கு மாறுவது ஒரு சுத்துமாத்து வேலையே. அதை bottom to top ஆங்கிளில் படம் எடுத்து பதிவுக்கு அனுப்புவது. அதை அவர்களும் புரசுரிப்பது.

இதன் பின்னால் உள்ள தமிழகத்தை போன்ற கோமாளி அரசியலை நீங்கள் காணாது இருக்கலாம் ஆனால் என்னால் அப்படி இருக்க முடியவில்லை.

சுவிற்சர்லாந்து பாதுகாப்பு அமைச்சர் கோடைகாலத்தில் நல்ல காலநிலை உள்ள நாட்களில் சைக்கிளில் வேலைக்கு செல்வது சுவிஸ் ஊடகங்களில் வெளியாகிருந்தது. நான்கு மொழி பேசும் நாட்டில் எல்லாமக்களுக்கும் உரிய அதிகாரம் பகிர்தளிக்கட்டிருப்பதால் பாதுகாவலர்கள இன்றி தனியே சைக்கிலில் தனது அலுவலகத்திற்கு செல்வார். நான் நினைக்கிறேன் உலகிலேயே பாதுகாவலர் இன்றி தனியே வேலைக்கு சைக்கிலில் சென்ற ஒரு பாதுகாப்பு அமைச்சர் இவராகதான் இருப்பார்.