இன்று நள்ளிரவுக்குள் அனைத்து ஆளுநர்களையும் இராஜினாமாச் செய்யுமாறு அதிரடி உத்தரவு !

மகிந்த ராஜபக்ச நியமனம் செய்த அனைத்து ஆளுநர்களையும் இன்று ஞாயிற்றுக் கிழமை நள்ளிரவுக்குள் தமது பதவிகளை தாமே இராஜினாமாச் செய்யுமாறு உத்தரவிடப் பட்டுள்ளது. மகிந்த ராஜபக்ச நியமித்த ஆளுநர்கள் மீது நாட்டு மக்களுக்கு அதிருப்தி காணப்படுவதாகவும் பொருத்தமான ஆளுநர்களை நியமிக்கத் திட்டமிடப்பட்டுள்ளதாகவும் கூறப்படுகின்றது. வடக்கு மாகாண ஆளுநர் சந்திரசிறியின் இடத்திற்கு பளிக்கார நியமிக்கப்பட்டிருந்தார். இராணுவம் சாராத ஒருவரை நியமிக்க வேண்டும் என்ற கோரிக்கைக்கு இணங்க இந்த நியமனம் வழங்கப்பட்டது.

இதேவேளை கடந்த ஜனாதிபதித் தேர்தலில் மகிந்த ராஜபக்ச தோல்வியை தழுவிய நிலையில் மாகாண சபை ஆட்சியிலும் மாற்றங்கள் ஏற்பட்டு வருகின்றன. இந் நிலையிலேயே மகிந்தவால் நியமனம் செய்யப்பட்ட ஆளுநகர்களை தமது பதவிகளை இராஜினாமாச் செய்யுமாறு உத்தரவிடப்பட்டுள்ளது. இந்த அதிரடி உத்தரவு அலரிமாளிகையில் இருந்தே சென்றுள்ளதாக மேலும் அறியப்படுகிறது. மகிந்த தனக்கு நெருக்கமானவர்களை ஆளுனராக நியமித்து இருந்தார். அதற்கும் தற்போது ஆப்பு ஆரம்பித்துவிட்டது.

http://www.jaffnatime.com/contents/?i=6050