இந்தியர் மீது தாக்குதல் அமெரிக்காவின் அலபாமா மாகாணத்தில் மடிசன் நகரில் என்ஜினீயராக பணியாற்றி வரும் தனது மகன் சிராக்கையும், மருமகளையும் பார்ப்பதற்காக இந்தியரான சுரேஷ்பாய் பட்டேல் அண்மையில் அமெரிக்கா சென்றார். அவர் கடந்த 6–ந் தேதி மகனின் வீட்டுப்பகுதியில் சுற்றித்திரிந்தார். இதைப் பார்த்த ஒருவர் சந்தேகத்துக்கு இடமான விதத்தில் ஒருவர் சுற்றித்திரிவதாக கூறி போலீசுக்கு தகவல் கொடுத்தார்.

   

இதையடுத்து, அங்கு விரைந்த 2 அமெரிக்க போலீஸ் அதிகாரிகள் சுரேஷ்பாய் பட்டேலிடம் சரமாரியாக ஆங்கிலத்தில் அவருடைய பெயர், முகவரியை கூறும்படியும், அடையாள அட்டையை காட்டுமாறும் கேட்டு உள்ளனர். ஆனால் இந்தி மட்டுமே பேசத் தெரிந்த அவர் ‘நோ இங்கிலீஷ்’ (ஆங்கிலம் தெரியாது) என்று மட்டும் கூறினார். அதே நேரம் தனது மகனின் வீட்டை கைவிரலால் சுட்டிக்காண்பித்தார்.

இதனால் ஆத்திரமடைந்த ஒரு போலீஸ் அதிகாரி சுரேஷ்பாய் பட்டேலை கீழே தள்ளிவிட்டார். அப்போது கீழே விழுந்த அவர் பலத்த அதிர்ச்சி காரணமாக பக்கவாதத்தால் பாதிக்கப்பட்டார். இதைத் தொடர்ந்து அவர் அங்குள்ள மருத்துவமனையில் அனுமதிக்கப்பட்டு சிகிச்சை பெற்று வருகிறார். இந்த சம்பவம் அமெரிக்காவில் பெரும் பரபரப்பை ஏற்படுத்தியது.

இதனால் அதிர்ச்சியடைந்த சிராக்கின் குடும்பத்தினர் தாக்குதல் நடத்திய போலீஸ் அதிகாரி மீது வடக்கு அலபாமா கோர்ட்டில் வக்கீல் ஹென்ரி எப்.ஷெரோடு என்பவர் மூலம் வழக்கு தொடர்ந்தனர். மேலும் பக்கவாதத்தால் பாதிக்கப்பட்ட சுரேஷ்பாய் பட்டேலுக்கு முழுமையான நஷ்டஈடு வழங்கவேண்டும் என்று அதில் கோரியுள்ளனர். இந்த சம்பவத்துக்காக அமெரிக்க வெளியுறவுத்துறை நேற்று முன்தினம் மன்னிப்பு கேட்டுக்கொண்டது.

இந்த நிலையில் மடிசன் நகர தலைமை போலீஸ் லேரி முன்கேவும் இதற்காக நேற்று மன்னிப்பு கேட்டார். சுரேஷ்பாய் பட்டேல் மீது தாக்குதல் நடத்தியவர் எரிக் பார்க்கர் என்ற தகவலையும் அவர் வெளியிட்டார். நடந்த சம்பவம் தொடர்பான ஆடியோ மற்றும் வீடியோ காட்சிகளை வெளியிட்டு லேரி முன்கே நிருபர்களிடம் கூறியதாவது..

எந்த விதிமுறைகளையும் மீறாத நிலையில், கேட்ட கேள்விகளுக்கு ஆங்கிலத்தில் பதில் அளிக்க முடியாத காரணத்துக்காக சுரேஷ்பாய் பட்டேலை போலீஸ் அதிகாரி பார்க்கர் தாக்கியது தவறு. அவருடைய செயல் ஏற்றுக்கொள்ள முடியாதது. அதற்காக சுரேஷ்பாய் குடும்பத்தினரிடமும், அமெரிக்க சமூகத்திடமும் மன்னிப்பு கேட்டுக்கொள்கிறேன். பார்க்கர் நடந்து கொண்ட விதமாக ஒரு போலீஸ் அதிகாரிக்கு உரியதாகவும், மடிசன் நகர போலீசின் எதிர்பார்ப்புகளுக்கு ஏற்றதாகவும் அமையவில்லை.

எரிக் பார்க்கரை பதவியில் இருந்து நீக்குவதற்கு பரிந்துரை செய்யப்பட்டு உள்ளது. இந்த சம்பவம் தொடர்பாக மூன்றாம் நிலை தாக்குதல் நடத்திய குற்றச்சாட்டின் அடிப்படையில் பார்க்கர் கைது செய்யப்பட்டு உள்ளார். இது குறித்து அமெரிக்க உளவுத்துறையினருக்கும் தகவல் தெரிவிக்கப்பட்டு இருக்கிறது. இந்த சம்பவத்தில் அமெரிக்க போலீசின் விதிமுறைகள் எதுவும் மீறப்பட்டு உள்ளதா? என்பதை உறுதிசெய்ய அமெரிக்க உளவுத்துறையினரும் விசாரணை நடத்துமாறும் கேட்டுக்கொள்ளப்பட்டு உள்ளது என்று அவர் கூறினார்.

http://seithy.com/breifNews.php?newsID=126540&category=WorldNews&language=tamil

பரவாயில்லை.. கறுப்பர்களைவிட மண்ணிற தோல் காரருக்கு கொஞ்சம் கூடுதல் மரியாதை இருக்கு..

இதைவிட autism உள்ள ஆசியரை இரு பிரித்தானிய பொலிசார் தாக்கிய வழக்கில் இருந்து விடுதலை செய்யப் பட்டுள்ளனர் .

http://disabilitynewsservice.com/2014/12/officers-cleared-attack-man-autism/