கனடாவிற்குச் செல்ல வேண்டுமென்ற ஒரே நோக்குடன் எம்.வீ. சன் சீ அகதிகள் கப்பல்களில் பயணம் மேற்கொண்டு வருகின்றனர் என கனேடிய ஊடகமொன்று செய்தி வெளியிட்டுள்ளது.

ஐந்நூறுக்கும் மேற்பட்ட இலங்கை இளைஞர்கள் ஆபத்து குறித்து யோசிக்காமல் இக்கப்பல்களில் பயணித்து வருகின்றனர் என அவ் ஊடகம் தெரிவித்துள்ளது.

கடந்த 5 வருடங்களில் மாத்திரம் அகதி அந்தஸ்து கோரி பிரிட்டிஷ், கொலம்பியா கடற்கரையை நோக்கி சென்றவர்களில் ஆயிரத்து 700 பேர் இதுவரை மத்தியதரைக்கடல் பகுதியில் உயிரிழந்துள்ளதாக கனேடிய ஊடகம் தெரிவித்துள்ளது.

2010ம் ஆண்டு ஓகஸ்ட் மாதம் இக்கப்பலில் பயணம் செய்த 380 ஆண்களும், 4 கர்ப்பிணி தாய்மார்கள் உட்பட 63 பெண்களும், 49 சிறுவர்களும் மத்திய தரைக்கடல் பகுதியில் தடுத்து வைக்கப்பட்டனர்.

2009ம் ஆண்டு ஒக்டோபர் மாதம் 76 தமிழ் புகலிட கோரிக்கையாளர்களுடன் வந்த எம்.வீ.ஓசியன் லேடி எனும் கப்பலை தொடர்ந்தே குறித்த சம்பவம் இடம்பெற்றது என கப்பலில் பயணம் செய்த ஒருவர் குறிப்பிட்டுள்ளார்.

இவ்வாறு வருகைதந்த கப்பலில் வெறுமனே இரு கழிவறைகள் மாத்திரமே காணப்பட்டன. அதிகாலை 4.00 மணி முதல் கழிவறைக்கு செல்ல காத்திருக்க நேரிட்டுள்ளது.

புகலிட கோரிக்கையாளர் ஒருவருக்கு போரின் பொழுது நெஞ்சுப் பகுதியில் கடுமையான காயங்கள் ஏற்பட்டுள்ளது. இவ்வாறான ஒருவர் கழிவறைக்கு செல்வதற்கு வரிசையில் காத்திருப்பது கடினமானச் செயலாகும்.

விமானங்கள் எம்மை முற்றுகையிட்டுவிடும் என்ற அச்சத்தினால் கப்பலின் மேற்புறத்திற்கு நாங்கள் செல்ல அனுமதிக்கப்படுவதில்லையென கப்பலில் பயணஞ் செய்த அகதியொருவர் குறிப்பிட்டார்.

அவர் மேலும் விபரிக்கையில், நாங்கள் கைகால்களை நீட்டி உறங்க இயலாது. ஏனெனில் மிகவும் சன நெருக்கடி மிக்கதாகவே இருந்தது. கடுமையான சூறாவளியின் பொழுது கப்பல் கவிழ்ந்து விடுமோ என்ற அச்சத்திலேயே பல இரவுகளை பயணிகள் கழித்தனர்.

எங்களுடன் பயணித்த நேசன் என்ற பயணி வாந்திபேதி காரணமாக உயிரிழந்தார். பயணிகள் இறுதிக்கிரியை ஒழுங்குச் செய்தனர். இறுதியாக அவருடைய உடல் கடலில் வீசப்பட்டது. இம்மரணம் எங்களையும் மரணத்திற்கு ஆயத்தமாகுமாறு ஆணித்தரமாக கூறுவதாகவே நாங்கள் உணர்ந்தோம்.

மூன்று மாதக்கால கடல் பயணத்தின் பொழுது நாங்கள் வாந்தியெடுத்தோம். கொண்டுவந்திருந்த சிறிதளவு உணவை உட்கொண்டதுடன் மழை நீரை சேமித்து பருகுவதற்கு பயன்படுத்தினனோம் என அவர் தெரிவித்துள்ளார்.

கடந்த ஓர் ஆண்டு காலத்திற்கு முன்னர் இவரை நாடு கடத்துமாறு அறிவித்தல் விடுக்கப்பட்டதுடன், தற்சமயம் மீள் புகலிட விண்ணப்ப கோரிக்கையின் இறுதி முடிவுகளிற்காக காத்திருக்கின்றார்.

கடனாவை தன்னுடைய சொந்த குடியேற்ற தேசமாக மாற்றிக் கொள்வதே இவரது ஒரே எதிர்பார்ப்பாகும் என அவ்வூடகம் மேலும் தெரிவித்துள்ளது.

புகலிட கோரிக்கையாளர்கள் தொடர்பான பிரச்சினைகள் பற்றி ஆராய்வதற்காக ஐரோப்பிய ஒன்றிய தலைவர்கள் அவசர கூட்டமொன்றை கூட்டவுள்ளனர்.

தமிழ் புகலிடக் கோரிக்கையாளர்களுடன் இக்கப்பல் கனேடிய கரையை வந்தடைந்த தினம் முதல் கனேடிய அரசாங்கமானது சர்வதேச பொலிஸாருக்கு நிதியுதவி அளித்து இவ்வாறு புகலிட கோரிக்கையாளர்களை ஏற்றி வரும் கப்பல்களை கடனாவிற்குள் உள்நுழையவிடாது தடுத்துவிடுமாறு கோரப்பட்டுள்ளது.

http://www.ctvnews.ca//canada/migrant-deaths-worth-the-risk-says-man-who-boarded-mv-sun-sea-for-canada-1.2338565

- See more at: http://www.canadamirror.com/canada/41588.html#sthash.ROxxNCDK.dpuf

இது... சம்பந்தன், சுமந்திரன், மாவைக்கு... தெரியுமா?
புலியை பற்றி, இந்த  "நரகங்கள்".... இனியும், கதைத்தால்...  நடக்குறது... வேறை.
அதற்கு, அவர்கள், முதலில்.... தங்களை தயார் படுத்திக் கொள்ள வேண்டும்.