இந் நிகழ்வு ஜூன் 6 ஆம் திகதி, சனிக்கிழமை மாலை 6 மணிக்கு கனடா கந்தசாமிக் கோவிலில் இடம்பெறும். இங்கு விடமேறிய கனவு நாவலும், நஞ்சுண்ட காடு நாவலும் விற்பனைக்கு வரும் என்பதை அறிய முடிகின்றது.

இன்று இவ் நிகழ்வுக்கு 6:30 மணியளவில் செல்ல இருக்கின்றேன். வேறு எவராவது வருகின்றீர்களாயின் அறியத்தரவும். பிளேன் ரீயும் வடையும் வாங்கி சாப்பிட்டுக் கொண்டு உரையாடலாம்.

நேற்று பின்னேரம் 'நஞ்சுண்ட காடு' நாவல் எழுதிய
குணா கவியழகனின் புதிய படைப்பான 'விடமேறிய கனவு' நூல் வெளியீட்டுக்கு நிகழ்வுக்கு சென்றிருந்தேன்.

இப்படியான நூல் வெளியீட்டு நிகழ்வுகளில் நூலை வாங்க மட்டுமே செல்வதுண்டு. முடியும் வரை இருந்து கருத்துப் பகிர்வு என்ற ரீயில் மைக் கிடைத்தால் வெளுத்து வாங்கும் 'மைக் மோகன்களின்' சொற்பொழிவுகளை கேட்கும் பொறுமை இன்னும் எனக்கு வரவில்லை (வராமலே இருக்க கடவு)

நான் பார்த்த வரைக்கும் இவ் நிகழ்வில் சில விடயங்கள் வழக்கத்துக்கு மாறாக இருந்தன.

சிறிய அரங்காயினும், பல பேர் வந்திருந்தனர்.

அதுவும் கடும் புலி எதிர்ப்பாளர்ளும் , புலிகளை அதி மனிதர்களாக (தமிழ்நதிக்கு நன்றி) புகழும் பேராதரவாளர்களும் என்று இரண்டு குழுக்களின் ஆட்களும் வந்திருந்தனர்.

இவற்றை எல்லாவற்றையும் விட 'விடமேறிய கனவு' நாவலை வாங்க பலர் முண்டியடித்தது. இது உண்மையில் சந்தோசமாக இருந்தது. 'நஞ்சுண்ட காடு' பலரை அவரது எழுத்தின் மீது நம்பிக்கை கொள்ளச் செய்து இருக்கு என்பதை புரிய முடிகின்றது.

வாசிப்பு என்பதே அறவே அற்று இருக்கும் புலம்பெயர் தமிழர் மத்தியில் இப்படியான ஒரு காட்சியை பார்க்க காண கண் கோடி வேண்டும்.

சந்தோசமாக இருக்கு.

குணா கவியழகனுக்கு வாழ்த்தும என் அன்பும்