சிறுநீரக தொற்று: சென்னையில் பேரறிவாளனுக்கு சிகிச்சை

 

முன்னாள் பிரதமர் ராஜீவ் காந்தி கொலை வழக்கில் தூக்கு தண்டனை விதிக்கப்பட்ட முருகன், சாந்தன், பேரறிவாளன் ஆகியோர் வேலூர் சிறையில் அடைக்கப்பட்டுள்ளனர்.

 

இந்நிலையில் பேரறிவாளன் சிறுநீர் தொற்று, முதுகுவலி, உயர் ரத்த அழுத்தம் உள்ளிட்ட நோய்களால் அவதிப்பட்டுள்ளார்.

 

அவர் கடந்த 5 மாதத் துக்கு முன்னர் வேலூர் அடுக்கம் பாறை அரசு மருத்துவமனையில் அவருக்கு சிறுநீரக தொற்றுக்கு சிகிச்சை அளிக் கப்பட்டது.

 

இந்நிலையில் சிறுநீர் தொற்று பிரச்சினைக்கு சிகிச்சை அளிக்க வேலூரில் போதிய வசதிகள் இல்லை என்றும் எனவே சென்னை அரசு பொது மருத்துவ மனையில் சிகிச்சை அளிக்க வேண்டு மென்றும் அரசுக்கு பேரறிவாளன் மனு அளித்தார்.

 

இதையடுத்து, சென்னையில் சிகிச்சை பெறுவதற்கு வசதியாக நேற்று வேலூர் சிறையில் இருந்து பேரறிவாளன் புழல் சிறைக்கு மாற்றப்பட்டார்.

 

இதைத் தொடர்ந்து, இன்று காலை 9.20 மணி அளவில் புழல் சிறையில் இருந்து பேரறிவாளன் பலத்த பாதுகாப்புடன் சென்னை ராஜீவ் காந்தி அரசு பொதுமருத்துவ மனைக்கு அழைத்துச் செல்லப்பட்டார்.

 

10 மணி அளவில் அவர் அரசு மருத்துவமனைக்கு அழைத்துவரப்பட்டார். அங்கு மருத்துவர் தியாகராஜன் தலைமையிலான மருத்துவ குழுவினர் அவரது உடல் நிலையை பரிசோதித்தனர்.

 

அவரது ரத்தம், சிறுநீர் ஆகியவை பரிசோதிக்கப்பட்டன. சிறுநீரக பாதிப்பை கண்டறி யும் "ஸ்கேன்" எடுக்கப்பட் டது. தொடர்ந்து சிறுநீரக தொற்றுக்கான மருத்துவ பரிசோதனை நடந்து வருகிறது.

 

இதன் முடிவுகள் தெரிந்த பிறகே பேரறிவாளன் உள்நோயாளியாக அனுமதிக்கப்படுவாரா அல்லது புறநோயாளியாக சிகிச்சை பெறுவாரா என்பது தெரியவரும்.

 

பேரறிவாளன் உயர் ரத்த அழுத்த நோயால் கடந்த 5 ஆண்டுகளாக அவதிப் பட்டு வருகிறார். இதற்காக தொடர்ந்து மருந்து மாத்திரைகளையும் சாப்பிட்டு வருகிறார்.

 

கடந்த ஒராண்டுக்கு முன்னர் நிச்சயம் விடுதலை செய்யப் பட்டு விடுவோம் என்கிற நம்பிக்கையில் பேரறிவாளன் இருந்தார்.  ஆனால் விடுதலையில் ஏற்பட்ட தடைகள் அவரது உடல் நிலையை மேலும் பாதித்துள்ளதாகக் கூறப்படுகிறது.

 

மிகுந்த மன உளைச்சலாலும் அவர் பாதிக்கப்பட்டுள்ளார். இதனுடன்  முதுகு வலி, சிறுநீரக கோளாறும் ஏற்பட் டதால் பேரறிவாளன் உடல் ரீதியாக மிகுந்த பாதிப்புக்குள்ளானார்.

 

கடந்த 10 மாதங்களாக கடுமையான முதுகுவலியால் அவதிப்பட்டு வருகிறார். உட்கார்ந்து விட்டு எழுவதற்கு  கூட அவரால் முடியாத நிலையில் பாதிக்கப்படுள்ளார். இதனால் அவர் காலைக்கடனை முடிப்பதற்கு பெரும் சிரமப்பட்டு வருகிறார்.

 

இந்நிலையில், வேலூர் மத்திய சிறை துறை நிர்வாகத்திடம் பேரறிவாளன், "வெஸ்டன் கழிவறை" கேட்டும் விண்ணப்பித்துள்ளார். இதனை ஏற்று அவருக்கு சிறையில், இந்த கழிவறை வசதியை விரைவில் ஏற்படுத்திக் கொடுக்கவும் சிறைதுறை அதிகாரிகள் முடிவு செய்துள்ளனர்.

 

பேரறிவாளன், முருகன், சாந்தன் ஆகியோர் கடந்த 23 ஆண்டுகளாக சிறையில்  அடைக்கப்பட்டுள்ளனர் என்பது குறிப்பிடத்தக்கது.