என்ன இருக்கிறது இந்த மர்ம புத்தகத்தில்?

என்ன இருக்கிறது இந்த மர்ம புத்தகத்தில்? (வீடியோ இணைப்பு) [ புதன்கிழமை, 17 யூன் 2015, 12:17.18 பி.ப GMT ] இத்தாலியில் 1912ம் ஆண்டு கண்டுபிடிக்கப்பட்ட The Voynich manuscript எனப்படும் கையெழுத்து பிரதியில் என்ன எழுதப்பட்டுள்ளது என்பது இன்று வரை கண்டுபிடிக்கப்பட முடியாத மர்மமாகவே விளங்குகிறது.

இத்தாலியில் உள்ள மடமொன்றில் கண்டுபிடிக்கப்பட்ட அந்த கையெழுத்துப் பிரதியில் எழுத்துக்கள் மட்டுமல்லாமல் பல எடுத்துக்காட்டுக்கள் மற்றும் விளக்கப்படங்களும் இடம்பெற்றுள்ளன.

இடது பக்கத்தில் தொடங்கி வலது பக்கம் வரை செல்லும் வகையில் எழுதப்பட்டுள்ள அந்த கையெழுத்துப் பிரதியில் உள்ள செய்தியை பல்லாண்டுகளாக நிபுணர்கள் புரிந்து கொள்ள முயன்றும் இன்றும் சாத்தியமாகவில்லை.

”கார்பன் டேட்டிங்” எனப்படும் சோதனை மூலம், இந்த கையெழுத்து பிரதி 15ம் நூற்றாண்டை சேர்ந்த இத்தாலிய மறுமலர்ச்சி காலத்தை சேர்ந்தது என்று கண்டறிந்துள்ளனர்.

Vellum எனப்படும் பசு மாட்டின் மென் தோலில் செய்யப்பட்ட 240 பக்கங்களில் எழுதப்பட்டுள்ள அந்த புத்தகத்தில், மர்மமான எழுத்துக்கள் இடமிருந்து வலமாக எழுதப்பட்டுள்ளன. மேலும், எண்ணற்ற விளக்கப்படங்களாலும் அலங்கரிக்கப்பட்டுள்ளன.

அந்த புத்தகத்தின் எழுத்துக்களை படிக்கும் முறையை அறிவியலாளர்களால் எவ்வளவு போராடியும் கண்டுபிடிக்க இயலவில்லை.

600 ஆண்டுகளுக்கும் மேலாக ஆகியும் அந்த மர்ம புத்தகம் யாரால் எழுதப்பட்டது, அதில் என்ன குறிப்பிடப்பட்டுள்ளது, எந்த துறை சார்ந்த விடயங்கள் அதில் உள்ளன என்பது மர்மமாகவே விளங்குகிறது.

தமிழ்வின்.காம்