படிப்பினை

வாய்க்காலில் தண்ணீர் ஓடும் போதே, நடவை முடித்துவிட்டால், தண்ணீர் பிரட்சனை வராதல்லவா.....

காளை மாடுகள் இரண்டும் பரம்புத்தடியை இழுத்துச் செல்ல, பரம்புத் தடிமீது ஏறி நின்று கொண்டான் முருகேசன்.

ஏதோ விமானத்தில் பறப்பது போல் இருந்தது முருகேசனுக்கு.

உன்மையில் விமானத்தில் பறக்க ஆசைப்பட்டவன்தான் முருகேசன்.......

இயற்பியலின் மீதும், விண்வெளி ஆராய்ச்சியிலும், மிக்க ஈடுபாடு உள்ளவன்தான்.

அதனாலேயே இயற்பியல் துறையை தேர்ந்தெடுத்து படித்தான், தனது இளங்கலை மற்றும் முதுகலை கல்லூரிப் படிப்பில்.

வயலில் காளை மாடுகள் பரம்புத்தடியை இழுத்துக் கொண்டு ஒட, முருகேசனின் மனது தனது கல்லூரி படிப்பை நோக்கி ஓடியது.

கல்லூரி நாட்களில் படித்த, பயன்பாட்டு கணிதம், கோட்பாட்டு இயற்பியல், குவாண்டம் ஈர்ப்பு, குவாண்டம் இயந்திரவியல், வெப்ப இயக்க விசைகள் யாவும் நினைவில் வந்து போயின.

இங்கு வயலில் இறங்கி வேலை செய்வதற்கா இவற்றையெல்லாம் படித்தோம் என்ற எண்ணமும் தோன்றிற்று.

படித்து முடித்தவுடன் வேலையும் கிடைக்கவில்லை, வேலை செய்யாமல் தண்டச்சோறு சாப்பிடவும் விரும்பவில்லை.

அதனால்தான், அப்பாபிற்கு துணையாக, விவசாயம் செய்து கொண்டிருந்தான்.

முருகேசனின் திறமையின் மீதும், அவனது புத்திக் கூர்மை மீதும், அவனது அப்பாவிற்கு நம்பிக்கை இருந்தது.

ஒருநாள் இல்லை ஒருநாள், அவனுடைய படிப்புக்கேற்ற வேலை கிடைக்கப்போவது உறுதி.

அப்படி செல்லும் போது, விவசாயத்தை பற்றியும், விவசாயிகள் படும் பாடுகளையும் அவன் தெரியமல் இருந்துவிடக் கூடாதல்லவா.......?

அதனாலேயே, தனது அருமை மகனை சிறிது காலம் சேற்றிலும் மழையிலும் உழல விட்டார், அவன் தந்தை.

ஒரு மனிதனுக்கு, அவன் படித்த படிப்பை விட, அவன் பெற்ற படிப்பினைதான் முக்கிமென்று கருதினார் முருகேசனின் தந்தை.

மாடுகள் இரண்டும் சேற்றை மிதித்து மிதித்து, அடியெடுத்து முன்னேறிக்கொண்டேயிருந்தன......