13வது திருத்தசட்டத்தினை அமுல்படுத்த கடந்த அரசாங்கங்கள் முயற்சிக்காமையே தேசிய இனப்பிரச்சினைக்கான தீர்வு இதுவரை எட்டப்படாமைக்கு காரணம் என எதிர்க்கட்சி தலைவரும் தமிழ்த் தேசிய கூட்டமைபின் தலைவருமான இரா சம்பந்தன் தெரிவித்தார்.

பாலமுனையில் இன்று சனிக்கிழமை இடம்பெற்ற ஸ்ரீ லங்கா முஸ்லிம் காங்கிரசின் 19 ஆவது தேசிய மாநாட்டில் கலந்துக்கொண்டு உரையாற்றிய போதே இவ்வாறு தெரிவித்தார்.

அனைத்து சமூகங்களும் அதிகாரப்பகிர்வில் நன்மையைடைய வேண்டும் என்பதற்காகவே  தமிழ்த் தேசிய கூட்டமைப்பு தொடர்ச்சியாக அதிகார பகிர்வினை வலியுறுத்தி  வருகின்றது.

அதிகார பகிர்வினை மேற்கொள்ளவதில் அரசாங்கம் பாரிய பிரச்சினைகளை  எதிர்நோக்கி வருகின்றது.

எனினும் இலகுவாக தீர்க்க கூடிய விடயங்களை காலம் தாழ்த்தி மேற்கொள்வதால் மக்கள் பெரும் சௌகரியங்களை எதிர்நோக்கி வருகின்றனர் என அவர் குறிப்பிட்டார்.

அதிகார பகிர்வு எனும் விடயமானது 13 ஆவது அரசியல் அமைப்பு திருத்தத்துடன் தொடர்புடையது.  எனினும் அதனை அமுல்படுத்த கடந்த அரசாங்கங்கள் முயற்சிக்கவில்லையென இரா. சம்பந்தன் குற்றம் சுமத்தியுள்ளார்.

http://www.tamilwin.com/show-RUmuyDSdSXmq6H.html

உலகத்தில எதிர்கட்சித் தலைவர் ஆளுங்கட்சியோடு இணைந்து செயற்பட்டு.. ஒரே மேடையில் தோன்றி... அந்த ஆளுங்கட்சியை செல்லத் தட்டு தட்டுவது அதுவும் இதே எதிர்கட்சி தலைவர் முன்னர் நிராகரித்த 13 ஐ அமுல்படுத்தென்று சொல்லி அழுகிறது போல ஜனநாயக் கேவலம் எங்கும் நடந்திருக்க வாய்ப்பே இல்லை.

அதுசரி.. ஸ்காட்லாந்துக்கு போன விசயம் என்னாச்சு. இந்தா 2016 இல் அதிசயம் நடக்குப் போகுது என்று 3 மாதம் ஓடிட்டு.. இன்னும் ஒரு அறிகுறியையும் காணம். 13 க்கு கெஞ்சல் தான் நிகழுது.

மக்கள் ஏமாளிகளாக உள்ள வரை தலைவர்கள் ஏமாற்றியே தமது பதவிகளைக் காத்துக் கொள்வார்கள் என்பதே இங்குள்ள ஒரே வெளிப்படை உண்மை. 

இடையில் ஜேர்மனி போறது என்றும் கதைத்தார்கள்.