முளைவிடும் ஈழத்து தமிழ் சினிமா - வ.ஐ.ச.ஜெயபாலன்

EMERGING EELAM TAMIL CINIMA
முழைவிடும் ஈழத்து தமிழ் சினிமா
 

- வ.ஐ.ச.ஜெயபாலன்

*

யாழ் நண்பர்களே கீழே கருத்து பகுதியில் உங்களுக்குப் பிடித்த உலகத்தமிழரதும் ஏனையோரதும் குறும்படங்களை பதிவு செய்யுங்கள்.

*

சில நாட்களின் முன்னம் இலங்கையில் இருந்து நண்பர் ஹசீன் (fb: Haseen Atham) என்னை தொலைபேசியில் அழைத்தார். இயக்குனர் ஹசீன் உதவி இயக்குனராக முதலில் தங்கர்பச்சனுடனும் பின்னர் ஆடுகளத்தில் வெற்றிமாறனுடனும் சிறப்பாகப் பணியாற்றி சினிமாவை கற்றுக்கொண்டவர். இப்போது அக்கறைபற்றில் வசிக்கும் ஹசீன் சிங்கள இனவாதிகளுக்கு அஞ்சி தமிழர்கள் பதிவு செய்ய தயங்கும் முன்னைநாள் போராளிகள் இன்று அனுபவிக்கும் துன்பங்களை விவரணப் படங்களாக பதிவுசெய்கிறார், அவரது துணிச்சலான வரலாற்றுப் பணியை யாரும் ஆதரிக்காததால் அவரால் பெரிய அளவில் செயல்பட முடியவில்லை. .போரும் போருக்குப் பிந்திய காலங்களில் மனிதர்களின் கதையை என்னையும் ஈடுபடுத்திப் படமாக்கும் அவரது இலட்சியமும் கனவாகவே இருக்கு. யாழ்பாணம் மட்டக்களப்பு மற்றும் தென்கிழக்கு பல்கலைக் களக நாடக நுண்கலைப் பிரிவுகளோ குறும்பட ஆர்வலர்களோ அவரை அழைத்து சினிமா கலையைக் கற்றுக்கொள்ள முயலவில்லை என்பது துரம் தருகிற்து. அவரை புலம் பெயர்ந்த தமிழ் சினிமா ஆர்வலர்களும் கண்டு கொள்ளவில்லை. அவர் தாய்நாட்டில் தோற்றுப்போய் திரும்பவும் தமிழ்நாட்டுக்கு ஓடிவருகிற சூழல் உருவாகக்கூடாது என்பதே எனது வேண்டுதலாக இருக்கிறது.

2

தொலைபேசியில் என்னுடன் பேசியபோது இலங்கையில் தமிழ் திரைப்பட முயற்சிகளின் நிலை என்ன என்று விசாரித்தேன். தமிழில் குறும்படங்கள் குறிப்பாக பாடல்காட்ச்சிகள் அதிகமாக வெளிவருகிறது என்று சொன்னார். தரம்பற்றி கேட்டபோது திரைக்கலை குறிப்பாக திரை மொழி எடிற்றிங் ஒலிப்பதிவுக்கலை பற்றி இன்னும் கற்ருகொள்ள வேண்டி இருந்தாலும் சிறப்பாகவே முயற்சிக்கிறார்கள். கலை அம்சம் பொறுத்து குறிப்பாக பாடல் காட்ச்சிகள் உருவாக்கத்தில் ஆசரியப் படத்தக்க புதிய வீச்சு உருவாகிறது என்றார். பதிலுக்கு இதுதான் இலங்கைத் தமிழ் திரைப்பட வரலாற்றின் ஆரம்பப்புள்ளி என்று கூறினேன். தமிழகத்தில் பாலு மகேந்திராபோல ஈழத்தில் தமிழ்ச் சினிமா ஆசானாக நீ மேம்பட வேண்டும் என வலியுறுத்தினேன். அவரது பதிலில் தன்னை யாரும் கண்டுகொள்ளவில்லையே என்கிற வலி தொனித்தது,

3

இலங்கையில் தமிழ்த் திரைபடத்துறை இன்னும் வளரவில்லை. இதற்கு தொழில்நுட்ப பின்னணி வளராமையும் முதலீட்டாளர்களை ஊக்குவிக்கும் சந்தைவாய்ப்பு இன்மையும் காரணமாக சொல்லப்பட்டது. சிங்களத்தில் அரச உதவியோடு திரைப்படத் துறை வளர்க்கப்பட்டாலும் சிறிய சந்தைப் பிரச்சினை அங்கும் முதலீடுகளுக்குத் தடையாக இருந்தது. எனினும் விருதுகளையும் தங்கள் கலை ஆற்றலையும் நம்பிய பிரசன்ன விதானகே போன்ற ஒரு சில கலைஞர்கள் சிங்கள திரையுலகை வேறொரு தளத்துக்கு எடுத்துச் சென்றார்கள். 
இது நமக்கு சிறந்த படிபினையாக உள்ளது. ஈழத்திலும் தமிழக வர்த்தக சினிமாக்களை பிரதிபண்ணாமல் ஈழத்து மண்ணையும் முகங்களையும் உலகத் தரமுள்ள சினமாவாக்கும் காலக்கட்டம் உருவாக போகிறது. புலம்பெயர் நாடுகளில் நம்மவர் சிலர் சினிமா கல்லூரிகளில் கற்றுவருகிறார்கள். கனடாவைச் சேர்ந்த லெனின் மதிவாணன் சுமதி ரூபன் போன்றவர்கள் தரமான சினிமாவை உருவாக்கும் பணியில் வெற்றிகரமாக ஆரம்ப கவடு வைத்திருக்கிறார்கள். ஈழத்தில் குறும்படங்களும் பாடல்காட்சிகளும் ஹொகை ரீதியாக மட்டுமன்றி தர ரீதியாகவும் மேம்பட ஆரம்பிதிருக்கிறது. அடுத்த பாச்சல் உலகத் தரமுள்ள ஈழ தமிழ் சினமாதான் என்பதில் எனக்கு எந்தச் சந்தேகமும் இல்லை. 
*
இலங்கையில் குறும்படம் மற்றும் பாடல் காட்சி பதிவுகள் அதிகரித்து வருவதால் சினிமா ஆர்வலர்களும் அவர்களுக்கான வாய்ப்புகளும் வளங்களும் அதிகரிக்க ஆரமித்துள்ளது. இசைமைப்பாளர்கள் படப்பிடிப்பாளர்கள் தொழில்நுட்பக்கலைஞர்கள் நடிகர்கள் என தமிழ்பேசும் இளைய கலைஞர்கள் மெல்ல மெல்ல நிமிர ஆரம்பிதிருக்கிறார்கள். இவர்களுள் குறிபிடத்தக்க சிலர் பெண்கள் என்பது சிறப்பு. சுயமாக கற்றுக்கொண்டு தீவிரமாக இயங்கி வருகிற இவர்கள் ஹசீன், லெனின் மதிவாணன். சுமதிரூபன்போன்ற முன்னோடிகளை போன்றவர்களை நிச்சயம் இனம் கண்டு கொள்வார்கள்..

புலம்பெயர்ந்த தமிழ் சினிமா கலைஞர்களும் இலங்கை தமிழ் பேசும் சினிமா ஆர்வலர்களும் சேர்ந்து ஒரு பெரும் பாச்சலுக்குத் தயாராகி வருகிறார்கள் என முன்னுணர்கிறேன். புலம்பெயர்ந்த தமிழ் இளைஞர்களுக்கு தமிழ் வர்தக போமுலா சினிமா கசக்க ஆரம்பித்துள்ள தருணம் இது, தரமான ஈழத்து சினிமா உருவாகும் சர்வதேச விருதுகளையும் சர்வதேச சினிமா அந்தஸ்தையும் பெறும் நாள் தொலைவில் இல்லை என்பதும் உறுதியாக தெரிகிறது, ஈழ தமிழ் சினிமாவின் வளற்சியில் தரமான தமிழக சினிமா கலைஞர்களது ஆதரவு மிக முக்கியம். உகதரம்வாய்ந்த சிங்கள சினிமாக்கள் பல பிற்தயாரிப்பு () பணிகளுக்கு சென்னை பம்பாய் என்றே பறக்கிறார்கள். சென்னையில் உள்ள தொழில் நுட்ப்ப கட்டமைப்பை பயன்படுத்தாமல் அவவப்போது கூட்டுத் தயாரிப்புகளிலும் ஈடுபடாமல் ஈழத்து தமிழ் சினிமாவை ஒரு மட்டத்துக்கு மேம்படுத்துவது சாத்தியமில்லை.

3
ஈழத்து தமிழ் சினிமா முயற்சிகளில் இன்று முக்கியமாகவுள்ள பாடல் காட்ச்சிப் பதிவுகளில் குறும் படம் என்று சொல்லுமளவுக்கு செளித்துள்ளது என்பதனை பதிவு செய்ய விரும்புகிறேன்.

அண்மையில் என்னக்கு அனுப்பப்பட்ட பாடல் காட்சி ஒன்றை இங்கு இணைக்கிறேன். இப்பாடல்காட்ச்சி ஒரு இசைக் குறும்படமென்று சொல்லும் வகையில் அமைந்துள்ளது. கவிதைபோல மனசைத் தொடும் ஒரு சில காட்சிபடிமங்கள் குறிப்பிடத்தக்கவை. சப்தமி குழுவின் பாடலை தனபாலசிங்கம் மதீசன் இசையில் பல்வேறு கலைஞர்களின் பங்களிபோடு சிவலிகம் சிவரஜ் இயக்கியிருக்கிறார், இத்தகைய முயற்ச்சிகளை பார்க்கும்போது ஹசீன் கனவுகாணுகிற ஈழத்து திரைபட சகப்தம் அதிக தூரத்தில் இல்லை என்பதனை உணர்கிறேன். புலம் பெயர்ந்த தமிழர்கள் மனசு வைத்தால் அது இன்றைய சரித்திரமாகிவிடும்.

*
ஈழத்து தமிழ் குறும்படங்கள் மட்டுமல்ல தமிழகம் மலேசியா சிங்கபூர் புலம்பெயர் நாடுகளின் குறும்படங்களையும் கிழே கருத்து பகுதியில் இணையுங்கள்.