சீனாவின் அழுத்தமும் மஹிந்தவின் வியூகமும்

 

வெளி­நாட்டு முத­லீட்டில் மேற்­கொள்­ளப்­படும் திட்­டங்கள் தொடர்­பாக, இலங்கை அர­சாங்கம் நிலை­யான கொள்­கையைக் கடைப்­பி­டிக்க வேண்டும் என்ற நிலைப்­பாட்டை சீனா தீவி­ர­மாக வலி­யு­றுத்த ஆரம்­பித்­துள்­ளது.

கிட்­டத்­தட்ட இதனை ஒரு நிபந்­த­னை­யாக விதிக்­கின்ற அள­வுக்கு சீனா சென்­றி­ருப்­ப­தாகத் தெரி­கி­றது.

மூன்று வாரங்­க­ளுக்கு முன்னர், கொழும்பில் தெரிவு செய்­யப்­பட்ட சில ஊட­க­வி­ய­லா­ளர்­களைச் சந்­தித்­தி­ருந்தார் சீனத் தூதுவர் யி ஷியாங்­லியாங். நிதி­ய­மைச்சர் ரவி கரு­ணா­நா­யக்­கவின் பெயரைக் குறிப்­பிட்டு, கடன்­க­ளுக்­கான வட்டி வீதம் தொடர்­பான சர்ச்­சைக்­கு­ரிய கருத்­துக்­களை வெளி­யிட்ட செய்­தி­யாளர் சந்­திப்பே இது.

அந்த செய்­தி­யாளர் சந்­திப்பின் போது, சீனத் துதுவர் வலி­யு­றுத்­தி­யி­ருந்த மற்­றொரு முக்­கி­ய­மான விடயம், அப்­போது அதி­க­ளவில் கண்­டு­கொள்­ளப்­ப­ட­வில்லை.

வெளி­நாட்டு முத­லீட்டுத் திட்­டங்கள் இலங்­கையில் ஆட்சி மாற்­றங்கள் ஏற்­ப­டு­கின்ற போது பாதிப்­பு­களைச் சந்­தித்துக் கொள்­ளாமல், தடுப்­ப­தற்கு நிலை­யான கொள்கை வகுக்­கப்­பட வேண்டும். அவ்­வாறு செய்­யப்­ப­டா­து­போனால், வெளி­நாட்டு முத­லீ­டு­களை இலங்கை இழக்க நேரிடும் என்று அவர் எச்­ச­ரித்­தி­ருந்தார்

சீனத் தூதுவர் தமது நாட்டின் முத­லீ­டு­களை முன்­னி­றுத்­தியே அந்தக் கருத்தைக் கூறி­யி­ருந்தார்.

ஏனெனில், இலங்­கையின் வெளி­நாட்டு முத­லீ­டுகள் பாதிக்­கப்­ப­டு­வது குறித்து அவர் அக்­க­றைப்­பட வேண்­டிய அவ­சி­யமும் இல்லை, ஏனைய வெளி­நாட்டு முத­லீ­டுகள் அண்­மைய ஆட்சி மாற்­றத்­தினால் நெருக்­க­டிக்கு உள்­ளா­கவும் இல்லை.

தற்­போ­தைய அர­சாங்கம் பத­விக்கு வந்த பின்னர் சீனாவின் முத­லீட்டுத் திட்­டங்கள் தொடர்­பாக எடுத்த சில கசப்­பான நட­வ­டிக்­கைகள், இரு­த­ரப்பு உற­வு­களில் நெருடல் நிலையை ஏற்­ப­டுத்­தி­யி­ருந்­ததை மறுக்க முடி­யாது.

அந்த நெருடல் நிலை நீங்­கு­வ­தற்­கான அறி­கு­றிகள் தென்­ப­டு­கின்ற நிலையில் தான், முத­லீட்டுத் திட்­டங்கள் தொடர்­பான நிலை­யான கொள்கை பின்­பற்­றப்­பட வேண்டும் என்­பதை சீனா வலி­யு­றுத்த ஆரம்­பித்­தி­ருக்­கி­றது.

கடந்த புதன்­கி­ழமை கொழும்பில் நடந்த சீன- - இலங்கை முத­லீடு மற்றும் வர்த்­தகம் தொடர்­பான கூட்­டத்தில் உரை­யாற்­றி­யி­ருந்த சீனத் தூதுவர் யி ஷியாங்­லியாங், இந்த விட­யத்தை பகி­ரங்­க­மாக கூறி­யி­ருந்தார்.

அண்­மையில் தாம், ஜனா­தி­பதி மைத்­தி­ரி­பால சிறி­சே­ன­வையும், பிர­தமர் ரணில் விக்­கி­ர­ம­சிங்­க­வையும் சந்­தித்தபோது, கொழும்பு துறை­முக நகரத் திட்டம் இடை­நி­றுத்­தப்­பட்­டது போன்ற சம்­ப­வங்கள் நடக்­கா­தி­ருப்­பதை உறு­திப்­ப­டுத்த வேண்டும் என்றும், எதிர்­கா­லத்தில் இது­போன்று நடக்கக் கூடாது என்றும் கூறி­ய­தாக சீனத் தூதுவர் குறிப்­பிட்­டி­ருந்தார்.

அர­சாங்கம் மாறும்போது, பொரு­ளா­தார உடன்­பா­டு­க­ளுடன் தொடர்­பு­டைய கொள்­கை­களில் இனிமேல் மாற்­றங்கள் நிக­ழாது என்று நம்­பு­வ­தா­கவும், அவர் தெரி­வித்­தி­ருந்தார்.

வெளி­நாட்டு முத­லீட்டுத் திட்­டங்கள் தொடர்­பாக நிலை­யான கொள்கை வகுக்­கப்­பட வேண்டும் என்ற சீனாவின் எதிர்­பார்ப்பை, அந்த நாட்டின் தூது­வரின் கருத்து தெளி­வா­கவே புலப்­ப­டுத்­து­கி­றது.

கொழும்பு துறை­முக நகரத் திட்டம் இடை­நி­றுத்­தப்­பட்­ட­தனால் சீனா பொரு­ளா­தார ரீதி­யாக நட்­ட­ம­டைந்­தது என்­பது உண்மை.

அதற்­காக நிலை­யான பொரு­ளா­தாரக் கொள்கை ஒன்றை நடை­மு­றைப்­ப­டுத்த வேண்டும் என்று சீனா அழுத்­தங்­களைக் கொடுப்­பது நியா­ய­மா­னதா என்ற கேள்­வியும் இருக்­கி­றது.

தாம் உள்­நாட்டு அர­சியல் விவ­கா­ரங்­களில் தலை­யி­டு­வ­தில்லை என்று கூறும் சீனா, தனது முத­லீ­டு­களைக் காப்­பாற்றிக் கொள்­வ­தற்­காக நிலை­யான பொரு­ளா­தாரக் கொள்­கையை கடைப்­பி­டிக்க வேண்டும் என்று ஒரு நாட்டை வலி­யு­றுத்­து­வது, அந்த நாட்டின் இறை­மையின் மீதான தலை­யீ­டா­கவே இருக்கும் என்­பதை மறந்துவிட்­டது.

ஒவ்­வொரு அர­சாங்­கமும் ஒவ்­வொரு வித­மான பொரு­ளா­தார கொள்­கை­களைக் கடைப்­பி­டிக்கும். அது எல்லா நாடு­க­ளிலும் உள்ள வழக்கம். அதற்கு சீனா கூட விதி­வி­லக்­கா­ன­தல்ல.

முன்­னைய சீன அர­சாங்கம் கடைப்­பி­டித்த பொரு­ளா­தாரக் கொள்­கையை, முன்னாள் சீன ஜனா­தி­பதி டெங் ஷியாவோ பிங் அடி­யோடு மாற்றி, பொரு­ளா­தார மறு­சீ­ர­மைப்­பு­களைக் கொண்டு வந்தார். அதற்குப் பின்னர் சீனாவின் எழுச்­சியும் வளர்ச்­சியும் பிர­மிப்­பூட்­டு­வ­தாக மாறி­யது.

இப்­போ­தைய, ஷி ஜின்­பிங்கும், பல்­வேறு பொரு­ளா­தார மறு­சீ­ர­மைப்பு நட­வ­டிக்­கை­களை மேற்­கொண்டு வரு­கிறார்.

எனவே, அது­போன்ற முடி­வு­களை எடுக்கும் உரிமை இலங்­கையின் அர­சாங்­கத்­துக்கும் இருக்கும் என்­பதை சீனா ஏற்­றுக்­கொள்ளத் தயா­ராக இல்லை.

மஹிந்த ராஜபக் ஷ அர­சாங்­கத்தின் மோச­மான பொரு­ளா­தாரக் கொள்கை நாட்டை கடன் பளுவில் வீழ்த்­தி­யது.

அதிலிருந்து மீள்­வ­தற்குப் புதிய அர­சாங்கம் முயற்­சி­களை மேற்­கொள்­கி­றது. நாளை அமையும் இன்­னொரு அர­சாங்கம், வேறொரு திட்­டத்தை முன்­வைக்­கலாம்.

எது எவ்­வா­றா­யினும், மக்­களால் தெரிவு செய்­யப்­பட்ட அர­சாங்கம் ஒன்று, நாட்டின் நலனை முன்­னி­றுத்தி எடுக்கும் முடி­வு­களை வெளி­நாடொன்று மாற்­றி­ய­மைக்க அழுத்தம் கொடுத்தால் அது இறை­மையின் மீதான தலை­யீ­டா­கவே கரு­தப்­படும்.

மனித உரி­மைகள் விவ­கா­ரத்தில், இலங்கை மீது அழுத்­தங்கள் கொடுக்­கப்­பட்ட போது, இந்தக் கருத்தை சர்­வ­தேச அளவில் வலி­யு­றுத்­திய சீனா, தனது பொரு­ளா­தார நலன்­களை முன்­வைத்து அதே­வ­கை­யான அழுத்­தங்­களை இலங்கை மீது கொடுக்க முனை­கி­றது.

இலங்­கையில் சீனாவின் மிகச்­சி­றந்த நண்பன் என்று கூறக் கூடிய, மஹிந்த ராஜபக் ஷவே இந்த திட்­டத்­துக்கு இணங்­குவார் போலத் தெரி­ய­வில்லை. ஏனென்றால், அவர் கடந்த வாரத்தில் வெளி­யிட்­டி­ருந்த சில கருத்­துக்கள், சீனா­வுக்கு அச்­சு­றுத்­தலை ஏற்­ப­டுத்தக் கூடி­யவை.

அம்­பாந்­தோட்­டையில், 15 ஆயிரம் ஏக்கர் காணிகள், முத­லீட்டு வல­யத்தை அமைப்­ப­தற்­காக சீனா­வுக்கு வழங்­கப்­ப­டு­வதை அவர் கடு­மை­யாக விமர்­சித்­துள்ளார்.

அம்­பாந்­தோட்­டை­யிலும், திரு­கோ­ண­ம­லை­யிலும், வெளி­நாட்டுக் கொல­னி­களை உரு­வாக்க அர­சாங்கம் முயற்­சிப்­ப­தாக பாரா­ளு­மன்­றத்தில் மஹிந்த ராஜபக் ஷ குற்­றச்­சாட்­டு­களை முன்­வைத்­தி­ருந்தார்.

அது மாத்­தி­ர­மன்றி, அம்­பாந்­தோட்டை துறை­முகம், மத்­தல விமான நிலையம் உள்­ளிட்ட தமது ஆட்­சிக்­கா­லத்தில் அமைக்­கப்­பட்ட அபி­வி­ருத்தித் திட்­டங்­களை வெளி­நா­டு­க­ளுக்கு விற்க அர­சாங்கம் முனை­வ­தா­கவும், அவர் கூறி­யி­ருக்­கிறார். மற்­றொரு சந்­தர்ப்­பத்தில், அம்­பாந்­தோட்டை துறை­முகம், விமான நிலையம் என்­ப­ன­வற்றை, சீனா என்ன, இந்­தியா என்ன எந்த நாடு வாங்­கி­னாலும், தாம் ஆட்­சிக்கு வந்­ததும், அவற்றை அர­சு­ட­மை­யாக்­குவோம் என்றும் மஹிந்த ராஜபக் ஷ எச்­ச­ரித்­தி­ருக்­கிறார்.

இது தற்­போ­தைய அர­சாங்­கத்­துடன் இணைந்து சீனா மேற்­கொள்ளும் முத­லீட்டுத் திட்­டங்­களைக் குழப்பும் நோக்கில் வெளி­யி­டப்­பட்ட கருத்­தா­கவும் இருக்­கலாம்.

ஆனாலும், இந்த விட­யத்தை, இலங்­கையில் முத­லீடு செய்­வ­தற்கு முன்னர், சீனா கவ­னத்தில் கொள்­ளாது என்று கரு­து­வ­தற்­கில்லை. சீனாவின் செல்­லப்­பிள்­ளை­யாக இருந்த போதிலும், மகிந்த ராஜபக் ஷ இத்­த­கைய கருத்தை துணிச்­ச­லோடு வெளிப்­ப­டுத்­தி­யி­ருக்­கிறார்.

மஹிந்த ராஜபக் ஷவைப் பின்­பு­ல­மா­கக கொண்ட சிறி­லங்கா பொது­ஜன பெர­முன என்ற கட்சி உரு­வாக்­கப்­பட்­டுள்ள சூழலில், ஆட்­சியைப் பிடிப்­ப­தற்­கான நகர்­வு­களில் அவர் இறங்­கி­யுள்ள சூழலில் சீனா இந்த விட­யங்­களை கவ­னத்தில் கொள்­ளாமல் விடாது.

இலங்­கையில் ஆட்சி மாற்­றத்தை ஏற்­ப­டுத்தும் முயற்­சி­களில் சீனா ஈடு­பட்­டுள்­ள­தா­கவும், அதற்­காக மஹிந்த ராஜபக் ஷ, கோத்­தா­பய ராஜபக் ஷ போன்­ற­வர்­களைப் பயன்­ப­டுத்தி வரு­வ­தா­கவும், பர­வ­லான சந்­தே­கங்கள் நில­வு­கின்­றன.

இப்படிப்பட்ட சூழலில் மஹிந்த ராஜபக் ஷ வரும் 23ஆம் திகதி சீனாவுக்கான பயணம் ஒன்றை மேற்கொள்ளவும் திட்டமிட்டிருக்கிறார், சீனாவின் அழைப்பின் பேரில் தான் இந்தப் பயணம் இடம்பெறுவதாகவும் கூறப்படுகிறது.

ஒரு பக்கத்தில் சீனாவுடன் இணைந்து ஆட்சிமாற்றத்தை மேற்கொள்வதற்கான முயற்சிகளில் ஈடுபட்டிருக்கும் மகிந்த ராஜபக் ஷ இன்னொரு பக்கத்தில் சீனாவின் முதலீடுகள் தொடர்பாக அச்சுறுத்தும் கருத்துக்களையும் வெளியிட்டுக் கொண்டிருக்கிறார்.

இந்த இரட்டை நிலைப்பாடு குறித்து மகிந்த ராஜபக் ஷ வுடன் சீனா பேசியதா அல்லது பேசுவதற்குத் திட்டமிட்டிருக்கிறதா என்று தெரியாது.

ஆனால், சீனாவினதும், மகிந்த ராஜபக் ஷவினதும் நிலைப்பாடுகள், தற்போதைய அரசாங்கத்துக்கு சிக்கலைக் கொடுக்கக் கூடியவை என்பதில் மாற்றுக் கருத்துக்கு இடமில்லை.   

http://content.epaper.virakesari.lk/newspaper/Weekly/samakalam/2016-11-20#page-4

அமைதியா இருந்த சீனாக்காரர், ஒபாமா கிளம்பி, எங்கண்ட சிங்கன் ட்ரம்ப் உள்ள வருற கப்பில, கடாய் வெட்ட நிக்கினம்.