கிறிஸ்துமஸ் ரெசிப்பி

December 10, 20169 yr

கிறிஸ்துமஸ் ரெசிப்பி

கிறிஸ்துமஸ் ரெசிப்பி

* கருப்பட்டி முட்டை புடிங்

* எக்லெஸ் டூட்டி ஃப்ரூட்டி குக்கீஸ்

* கேரள ப்ளம் கேக்

* பிஸ்தா பாயசம்

* வான்கோழி பிரியாணி

* ப்ரான் பாப்ஸ்

* செர்ரி மஃபின்ஸ்

* செர்ரி அண்ட் ஃப்ரூட் ஜெல்லி

* கிரில்டு சிக்கன்

* ஸ்பைஸ்டு குக்கீஸ்

விளக்குகளும், பரிசுகளும், கேக் வாசமும் மணக்கும் கிறிஸ்துமஸ் தினத்தை தன் ரெசிப்பி மூலம் கூடுதல் சிறப்பாக்கியிருக்கிறார் தூத்துக்குடியைச் சேர்ந்த திவ்யா.

கருப்பட்டி முட்டை புடிங்

தேவையானவை:

கருப்பட்டி - 100 கிராம்

தண்ணீர் - 5 டேபிள்ஸ்பூன்

முட்டை - 2 (90 -100 கிராம் இருக்க வேண்டும்)

வெனிலா எசென்ஸ் - 1 டீஸ்பூன்

வெண்ணெய்/எண்ணெய் - தேவைக்கேற்ப

செய்முறை:

கருப்பட்டியை நன்றாகப் பொடித்துத் தூளாக்கவும். அடுப்பில் வாணலி வைத்து பொடித்த கருப்பட்டி, 5 டேபிள்ஸ்பூன் தண்ணீர் சேர்த்துக் கரைக்கவும். அதிக நேரம் அடுப்பில் வைக்க வேண்டாம். கரைந்ததும் வடிகட்டி ஆறவிடவும். முட்டையை லேசாக அடித்து (நுரை வரும்வரை அடிக்கக் கூடாது), ஆறிய கருப்பட்டிப் பாகு, எசன்ஸ் சேர்த்து லேசாகக் கலக்கவும். மோல்டு அல்லது டம்ளரில் சிறிதளவு வெண்ணெய் அல்லது எண்ணெய் (வாசனையில்லா எண்ணெய்) தடவி, முட்டை - கருப்பட்டிக் கலவையை அதில் ஊற்றவும். வாய்ப்பகுதியை ஃபாயில் பேப்பரால் மூடவும் (இல்லையென்றால் வேகவைக்கும்போது தண்ணீர் உள்ளே சென்றுவிடும்).

அடுப்பில் ஒரு பான் வைத்து தண்ணீர் சேர்த்து நன்றாகக் கொதித்ததும் இந்த மோல்டு/டம்ப்ளரை தண்ணீரில் மூழ்கிவிடாதபடி உள்ளே வைக்கவும். மூடி போட்டு 30 நிமிடங்கள் வேகவிடவும். வெந்துவிட்டதா என்று பதம் பார்க்க, கத்தியை கலவையின் நடுவே விட்டுப் பார்க்கவும். ஒட்டாமல் வந்தால் வெந்துவிட்டது என்று அர்த்தம். இல்லை என்றால் சிறிது நேரம் வேகவிடவும். வெந்ததும் வெளியே எடுத்து கட் செய்து பரிமாறவும். ஜெல்லிபோல இருக்கும் இந்த புடிங்..

எக்லெஸ் டூட்டி ஃப்ரூட்டி குக்கீஸ்

தேவையானவை:

மைதா மாவு - 50 கிராம்

சர்க்கரை - 30 கிராம்

கஸ்ட்டர்ட் பவுடர் - 10 கிராம்

பேக்கிங் பவுடர் - ஒரு சிட்டிகை

பால் - 3 டீஸ்பூன்

உருக்கிய வெண்ணெய் - 2 டீஸ்பூன்

டூட்டி ஃப்ரூட்டி - ஒரு டேபிள்ஸ்பூன்

உப்பு - ஒரு சிட்டிகை

செய்முறை:

பேக்கிங் அவனை 175 டிகிரி செல்சியஸில் 10 நிமிடங்களுக்கு ப்ரீஹீட் செய்யவும். மைதா மாவு, சர்க்கரை, கஸ்ட்டர்ட் பவுடர், பால், உப்பு, பேக்கிங் பவுடர், டூட்டி ஃப்ரூட்டி, உருக்கிய வெண்ணெய் ஆகியவற்றைச் சேர்த்து சப்பாத்தி மாவு பதத்துக்குப் பிசையவும். பிறகு, மாவை சிறு உருண்டைகளாக உருட்டி, வடை போன்று தட்டவும். பேக்கிங் டிரேயில் பட்டர் பேப்பர் விரித்து, தட்டியவற்றை வைக்கவும். இதனை பேக்கிங் ‘அவன்’ நடுவில் வைத்து 20 நிமிடங்கள் (அ) ஓரங்கள் பிரவுன் ஆகும்வரை பேக் செய்யவும். பின்னர் அவனில் இருந்து எடுத்து, ஆறியதும் காற்றுப்புகாத டப்பாக்களில் சேமித்து வைத்துச் சுவைக்கவும்.

குறிப்பு:

பேக் செய்ததும் குக்கீஸ் மிருதுவாக இருக்கும். குளிரக் குளிர கடினமாகிவிடும். ஒருவேளை அதற்குப் பிறகும் மிருதுவாக இருந்தால், மீண்டும் சில நிமிடங்களுக்கு பேக் செய்யவும்.

கேரள ப்ளம் கேக் (Non - alcoholic )

அரை கிலோ கேக் செய்யத் தேவையானவை:

மைதா மாவு - 150 கிராம்

சர்க்கரை - 150 கிராம்

முட்டை - 2

எண்ணெய்/உருக்கிய வெண்ணெய் - 50 மில்லி

வெனிலா எசன்ஸ் - ஒரு டீஸ்பூன்

உப்பு - கால் டீஸ்பூன்

பேக்கிங் பவுடர் - ஒரு டீஸ்பூன்

ஏலக்காய் - 4

பட்டை - 2 இஞ்ச் நீளத்துண்டு

கிராம்பு - 6

டூட்டி ஃப்ரூட்டி - 4 டேபிள்ஸ்பூன்

கிஸ்மிஸ் (உலர் திராட்சை) - 4 டேபிள்ஸ்பூன்

முந்திரி - 1 டேபிள்ஸ்பூன்

பாதாம் - 1 டேபிள்ஸ்பூன்

ஆரஞ்சு (அ) ஆப்பிள் ஜூஸ் - அரை கப்

கேரமல் செய்ய:

சர்க்கரை - கால் கப்

தண்ணீர் - 2 டேபிள்ஸ்பூன் கப்

செய்முறை ஊறவைக்க:

பாதாம், முந்திரி, கிஸ்மிஸ் (உலர் திராட்சை) இவற்றை அரை கப் ஆப்பிள் (அ) ஆரஞ்சு ஜூஸில் 24 மணி நேரம் ஊறவிடவும்.

கேரமல் செய்ய:

அடுப்பில் ஒரு அடிகனமான வாணலியை வைத்து மிதமான தீயில், சர்க்கரையைச் சேர்த்துக் கருகவிடவும். முழுவதும் கருகி நிறம் டார்க் பிரவுனாக மாறும்போது தள்ளி நின்றுகொண்டு (மேலே தெறிக்கும் என்பதால்), கொஞ்சம் தண்ணீர் சர்க்கரையில் சேர்க்கவும் தீயை அதிகமாக வைத்து நன்றாகக் கரையவிடவும். இப்போது சர்க்கரை கரைந்து கறுப்பு கலர் தண்ணீர் போன்று இருக்கும். கருகிய வாசம் வரும். இதுதான் பிளம் கேக் செய்யத் தேவையான கேரமல். இதனை ஆறவைக்கவும்.

கேக் செய்முறை:

கேக் பானில் (6-8 இன்ச்) லேசாக வெண்ணெய் (அ) எண்ணெய் தடவவும். இதில், ஒரு டேபிள்ஸ்பூன் மைதா மாவு தூவி, பானின் எல்லா பக்கங்களிலும் ஒட்டுமாறு தட்டி வைக்கவும். ஏலக்காய், பட்டை மற்றும் கிராம்பை மிக்ஸியில் சேர்த்துப் பொடித்துக் கொள்ளவும். ஊறிய பருப்பு வகைகள், கிஸ்மிஸ் (உலர் திராட்சை), டூட்டி ஃப்ரூட்டி அனைத்தையும் ஒரு பவுலில் எடுத்து ஒன்றாகக் கலந்து, 2 டேபிள்ஸ்பூன் மைதா மாவில் புரட்டி வைக்கவும். ஊறியதில் மீதமிருக்கும் ஜூஸை தனியாக எடுத்து வைக்கவும்.ஒரு பவுலில் மைதா மாவு, உப்பு, பேக்கிங் பவுடரைச் சேர்த்து நன்றாகக் கலக்கவும். மற்றொரு பவுலில் உருக்கிய வெண்ணெய் அல்லது எண்ணெய் சேர்க்கவும். இத்துடன், சர்க்கரை, முட்டை சேர்த்து நன்றாக நுரைத்துப் பொங்கும்வரை அடித்துக் கலக்கவும் (எலக்ட்ரிக் பீட்டர் கொண்டு அடித்தால், கேக் மிகவும் சாஃப்ட் ஆக வரும்). இதனுடன் ஆறிய கேரமல் சாஸ், வெனிலா எசன்ஸ், பொடித்த ஏலக்காய் கிராம்பு, பட்டைத்தூள் சேர்த்து சிறிது நேரம் அடிக்கவும். இத்துடன் மாவுக் கலவையைச் சிறிது சிறிதாகச் சேர்த்து முட்டை அடிக்கும் விஸ்க் (whisk) அல்லது ஃபோர்கினால் மெதுவாகக் கலக்கவும் (இப்போது எலக்ட்ரிக் பீட்டர் பயன்படுத்த வேண்டாம்). பதம் இட்லி மாவைவிட கெட்டியாக இருக்க வேண்டும்.

இதில், மாவில் புரட்டி வைத்திருக்கும் டூட்டி ஃப்ரூட்டி, நட்ஸ் மற்றும் உலர் திராட்சை(கிஸ்மிஸ்), எடுத்து வைத்த ஜூஸ் சேர்த்து லேசாகக் கிளறவும். இதனை வெண்ணெய்/எண்ணெய் தடவி, மாவு தட்டி வைத்திருக்கும் பானில் ஊற்றி சமன் செய்யவும். பிறகு குக்கர் அல்லது பேக்கிங் அவனில் வைத்து பேக் செய்யவும்.

குக்கரில் பேக் செய்யும் முறை:

குக்கரை அடுப்பில் வைத்து உள்ளே ஒரு தட்டை வைக்கவும். குக்கர் மூடியை, தலைகீழாக மூடவும். பத்து நிமிடத்தில் குக்கர் நன்றாகச் சூடானதும், உள்ளே எந்த நீர்த் துளிகளும் இல்லை என்ற நிலையில், ரெடி செய்த கேக் பேனை, குக்கரின் உள்ளே உள்ள பிளேட்டின் மேல் வைக்கவும். மறுபடியும் மூடியைத் தலைகீழாக வைத்து மிதமான தீயில் 45 நிமிடங்கள் வேகவிடவும். பிறகு, மூடியை எடுத்துவிட்டு, டூத் பிக்கால் கேக் வெந்துவிட்டதா என்று குத்திப்பார்க்கவும். டூத் பிக்கில் மாவு ஒட்டினால், கூடுதலாக 10 நிமிடங்கள் தலைகீழாக மூடிபோட்டு வேகவிடவும். வெந்ததும் எடுத்து ஆறவிடவும். பிறகு, பேனில் இருந்து கேக்கை வெளியே எடுத்து துண்டுகள் போட்டு பரிமாறவும்.

குறிப்பு:

குக்கரில் நீர் சேர்க்கத் தேவையில்லை. இது பேக் செய்வது, நீரில் வேகவைப்பது அல்ல.

அவனில் பேக் செய்யும் முறை:

பேக்கிங் அவனை 10 நிமிடங்கள் ப்ரீஹிட் செய்யவும். 175°C அல்லது 180 °Cல் டெம்பரேச்சர் செட் செய்யவும். அவனின் உள்ளே இருக்கும் இரண்டு ராட்களையும் ஃப்ரீ ஹீட்டின் போது ஆன் செய்ய வேண்டும். பிறகு நடுவில் உள்ள டிரேவில் ரெடி செய்து வைத்த கேக் பேனை வைத்து, 40-50 நிமிடங்கள் பேக் செய்யவும் (கேக் பேனின் அளவைப் பொறுத்து நேரம் மாறுபடும்).

பிஸ்தா பாயசம்

தேவையானவை:

பிஸ்தா(உப்பில்லாதது) - 100 கிராம்

துருவிய பிஸ்தா - ஒரு டீஸ்பூன்

ரவை - 3 டேபிள்ஸ்பூன்

சர்க்கரை - 10 டேபிள்ஸ்பூன்

பால் - அரை லிட்டர்

கன்டெண்ஸ்ட் மில்க் - 2 டேபிள்ஸ்பூன்

ஏலக்காய்த்தூள் - ஒரு டீஸ்பூன்

பிஸ்தா எசன்ஸ் - அரை டீஸ்பூன்

பச்சை ஃபுட் கலர் - 1 சிட்டிகை (விரும்பினால்)

நெய் - ஒரு டேபிள்ஸ்பூன்

செய்முறை:

50 கிராம் பிஸ்தாவுடன் சிறிது பால் சேர்த்து விழுதாக அரைக்கவும். மீதமுள்ள பிஸ்தாவை சிறுதுண்டுகளாக நறுக்கவும். அடுப்பில் வாணலி வைத்து நெய் சேர்த்து, நறுக்கிய பிஸ்தாவைச் சேர்த்து வதக்கவும்(லேசாக வறுத்தால் போதும்). இதில் ரவையைச் சேர்த்து 30 வினாடிகள் வதக்கவும். பின்னர் பால், அரைத்து வைத்துள்ள பாதாம் பேஸ்ட் சேர்த்துக் கிளறவும். சர்க்கரை சேர்த்து, ரவை நன்றாக வேகும்வரை மிதமான தீயில் வேகவிடவும். வெந்ததும் கன்டெண்ஸ்ட் மில்க், ஏலக்காய்த்தூள் சேர்த்துக் கிளறவும். பாயசம் கெட்டியானதும் எசன்ஸ், ஃபுட் கலர் சேர்த்து இறக்கவும். நறுக்கிய பிஸ்தா தூவிப் பரிமாறவும்.

செர்ரி மஃபின்ஸ்

தேவையானவை:

கிளேஸ் செர்ரீஸ் (Glace cherries) - 150 கிராம்

மைதா மாவு - 100 கிராம்

பேக்கிங் பவுடர் - அரை டீஸ்பூன்

சர்க்கரை - 75 கிராம்

முட்டை - ஒன்று

காய்ச்சிய பால் - 50 மில்லி

வெனிலா எசன்ஸ் - ஒரு டீஸ்பூன்

எண்ணெய் - 50 மில்லி (வாசனை இல்லாதது)

உப்பில்லாத வெண்ணெய் (உருக்கியது) - 2 டேபிள்ஸ்பூன்

உப்பு - ஒரு சிட்டிகை

செய்முறை:

பாதி செர்ரிக்களை மிக்ஸியில் நன்றாக விழுதாக அரைக்கவும். மீதி செர்ரிக்களை நறுக்கி வைக்கவும்.

மைதா மாவு, உப்பு, பேக்கிங் பவுடர் ஆகியவற்றை ஒன்றாகச் சேர்த்து நன்றாகச் சலித்து வைத்துக்கொள்ளவும். முட்டையுடன் சர்க்கரையைச் சேர்த்து நுரைக்க நன்றாக அடிக்கவும். பின்னர் எசன்ஸ் சேர்த்து அடிக்கவும். இதனுடன் உருக்கிய வெண்ணெய், எண்ணெய், பால் சேர்த்து ஒரு நிமிடம் அடிக்கவும். இதனுடன் செர்ரி விழுதைச் சேர்த்து எக் பீட்டரால் நன்கு கலக்கவும். பிறகு, மாவுக் கலவையை கொஞ்சம் கொஞ்சமாகச் சேர்த்து இட்லி மாவு பதத்துக்குக் கிளறவும் (அதிகம் கிளற வேண்டாம்).

அதில் நறுக்கிய செர்ரித் துண்டுகளைச் சேர்க்கவும். கப் கேக் பேப்பர்களை கப் கேக் ட்ரேயில் வைத்து அதனுள் செய்து வைத்திருக்கும் மாவை முக்கால் பாகம்வரை ஊற்றவும்.

20 நிமிடம் ப்ரீஹீட் செய்த அவனில் 160 டிகிரி செல்சியஸில் கப் கேக்களை வைத்து 20 - 25 நிமிடங்கள் வைத்து பேக் செய்து எடுக்கவும். டூத்பிக் அல்லது பணியாரக் கம்பியை உள்ளேவிட்டு கேக் வெந்துவிட்டதா என்று பார்க்கவும். மாவு ஒட்டினால் இன்னும் சிறிது நேரம் பேக் செய்யவும். ஒட்டவில்லையென்றால் கேக் ரெடி. ஆறியதும் பரிமாறவும்.

வான்கோழி பிரியாணி

தேவையானவை:

வான்கோழிக் கறி - ஒரு கிலோ

பாஸ்மதி அரிசி - ஒரு கிலோ

தேங்காய்ப் பால் - ஒரு கப்

தயிர் - அரை கப்

பெரிய வெங்காயம் - 5

தக்காளி - 3 (நீளவாக்கில் நறுக்கவும்)

பச்சை மிளகாய் - 5 (கீறி விடவும்)

புதினா - 2 கப்

கொத்தமல்லித்தழை - 2 கப்

ஏலக்காய் - 10

பிரியாணிப் பூ - 6

பிரிஞ்சி இலை - 4

கிராம்பு - 10

இஞ்சி-பூண்டு விழுது - 2 டேபிள்ஸ்பூன்

மிளகாய்த்தூள் - 2 டேபிள்ஸ்பூன்

மல்லித்தூள் (தனியாத்தூள்) - 3 டேபிள்ஸ்பூன்

மஞ்சள்தூள் - அரை டேபிள்ஸ்பூன்

சோம்புத்தூள் - ஒரு டேபிள்ஸ்பூன்

முந்திரி - 10

கிஸ்மிஸ் (உலர் திராட்சை) - 10

நெய் - 200 கிராம்

எண்ணெய் - தேவையான அளவு

உப்பு - தேவையான அளவு

பிரியாணி மேல் தூவுவதற்கு:

கொத்தமல்லித்தழை, புதினா (நறுக்கியது) - 2 டேபிள்ஸ்பூன்

மெல்லிய நீளமாக நறுக்கிய பெரிய வெங்காயம் - 2 டேபிள்ஸ்பூன் (இதனை எண்ணெய் அல்லது நெய்யில் பொன்னிறமாக வதக்கிவைக்கவும்)

குங்குமப்பூ - 2 பிஞ்ச் (2 டேபிள்ஸ்பூன் பாலில் ஊறவைக்கவும்)

நெய்யில் வறுத்த முந்திரி - கொஞ்சம்

செய்முறை:

வான்கோழிக் கறியைக் கழுவி சுத்தம் செய்து அதில் மிளகாய்த்தூள், மல்லித்தூள் (தனியாத்தூள்), மஞ்சள்தூள், சோம்புத்தூள், உப்பு, கீறிய பச்சை மிளகாய், கொத்தமல்லித்தழை (பாதி), புதினா (பாதி), தயிர் சேர்த்துக் கலந்து இரண்டு மணி நேரம் ஊறவைக்கவும் (முந்தின நாள் இரவே ஃபிரிட்ஜில் ஊறவைக்கலாம்). நன்கு கழுவிய பாஸ்மதி அரிசியை ஒரு பாத்திரத்தில் சேர்த்து, மூழ்கும் வரை தண்ணீர் சேர்த்து பத்து நிமிடம் ஊறவைக்கவும்.

அடுப்பில் பாத்திரத்தை வைத்து தேவையான அளவு தண்ணீர் சேர்த்து, கொதித்ததும் உப்பு, ஊறவைத்த பாஸ்மதி அரிசி சேர்த்து அரைவேக்காடாக வேகவிடவும். மீதமுள்ள தண்ணீரை வடிகட்டி, அரிசியை மட்டும் தனியாக எடுத்துவைக்கவும்.

அடுப்பில் குக்கர் வைத்து நெய் மற்றும் எண்ணெய் சேர்த்து, ஏலக்காய், பிரியாணிப் பூ, கிராம்பு, பிரிஞ்சி இலை, கிஸ்மிஸ் (உலர் திராட்சை), முந்திரி, நறுக்கிய வெங்காயம், நறுக்கிய தக்காளி, மீதமுள்ள கொத்தமல்லித்தழை, புதினா சேர்த்து நன்றாக வதக்கவும். பின்னர் இஞ்சி-பூண்டு பேஸ்ட் சேர்த்து வதக்கவும். இதனுடன் ஊறவைத்த கறியை மசாலாவுடன் சேர்த்து நன்றாகக் கிளறவும்.

மசாலா நன்றாகச் சேர்ந்ததும் தேங்காய்ப்பால் சேர்த்து, வான்கோழி மூழ்கும் வரை தண்ணீர் சேர்த்து குக்கரை மூடி 30 நிமிடங்கள் குறைந்த தீயில் வேகவிடவும். பிறகு, திறந்து பார்த்து கறி வேகவில்லை என்றால், கூடுதலாக 10 நிமிடங்கள் வேகவிடவும்; தண்ணீர் அதிகம் இருந்தால் கிரேவிபோல் வற்றவைக்கவும்.

பிரியாணி அடுக்கும் முறை:

அடுப்பில் மற்றொரு குக்கரை வைத்து முதலில் அரை வேக்காடாக வெந்த அரிசியைச் சேர்த்து, அதன் மேல் வான்கோழி கிரேவியைச் சேர்க்கவும். இந்த அரிசி, கிரேவி அடுக்குகளை மீண்டும் மீண்டும் செய்யவும். புதினா, கொத்தமல்லித்தழை தூவவும். இறுதியில் ஓர் அடுக்கு அரிசி பரப்பி, வறுத்து வைத்த நட்ஸ், வெங்காயம் தூவி, குங்குமப்பூ பால் சேர்த்து குக்கரில் மூடி போடவும்.

அடுப்பின் மீது ஒரு பெரிய தோசைக் கல்லை வைத்து, அதன் மீது இந்த குக்கரை வைத்து 15 நிமிடங்கள் குறைந்த தீயில் தம் போடவும். பிறகு, அடுப்பிலிருந்து இறக்கி 20 நிமிடங்கள் கழித்து குக்கரைத் திறந்து லேசாகக் கிளறிப் பரிமாறவும்.

ப்ரான் பாப்ஸ்

தேவையானவை:

இறால் - 150 கிராம்

முட்டை - ஒன்று

துருவிய சீஸ் - 2 டீஸ்பூன்

பூண்டு - ஒரு பல்

சோயா சாஸ் - ஒரு டீஸ்பூன்

தக்காளி சாஸ் - ஒரு டீஸ்பூன்

ரெட் சில்லி சாஸ் - ஒரு டீஸ்பூன்

மிளகுத்தூள் - ஒரு டீஸ்பூன்

மைதா மாவு - ஒரு கப்

வுடன் ஸ்கீவர்ஸ் (Wooden skewers) அல்லது ஐஸ்கிரீம் ஸ்டிக்ஸ் - தேவையான அளவு

பிரெட் கிரம்ப்ஸ் - ஒரு கப்

எண்ணெய் - தேவைக்கேற்ப

உப்பு - அரை டீஸ்பூன்

செய்முறை:

முட்டையை நன்றாக அடித்து வைக்கவும். மைதா மாவு மற்றும் பிரெட் கிரம்ப்ஸை தனித் தனிக் கப்களில் வைக்கவும். இறாலை நன்கு கழுவி சுத்தம் செய்து, அதனுடன் உரித்த பூண்டு, சோயா சாஸ், ரெட் சில்லி சாஸ், தக்காளி சாஸ், உப்பு, மிளகுத்தூள், துருவிய சீஸ் (மொசரல்ல/அமுல் சீஸ்), 2 டேபிள்ஸ்பூன் அடித்த முட்டை சேர்த்து மிக்ஸியில் நன்றாக அரைக்கவும் (தண்ணீர் துளியும் சேர்க்க வேண்டாம்). கலவையை நன்றாகப் பிசைந்து மீடியம் சைஸ் உருண்டைகளாக உருட்டி ஒரு தட்டில் எடுத்து வைக்கவும். ஒரு சிறிய ஸ்கீவர் அல்லது ஐஸ்கிரீம் குச்சியை முட்டையில் தோய்த்து, இந்த உருண்டைகளை அதில் செருகவும். பிறகு, மைதா மாவில் புரட்டி, பின்னர் முட்டையில் தோய்த்து, மீண்டும் பிரெட் கிரம்ப்ஸில் புரட்டி வைக்கவும். எல்லா உருண்டைகளையும் இப்படிச் செய்துகொள்ளவும்.

அடுப்பில் வாணலியை வைத்து எண்ணெய் சேர்த்துச் சூடாக்கி, செய்துவைத்த பாப்ஸ்களைப் பொரித்தெடுக்கவும். இறால் சீக்கிரம் வெந்துவிடும் என்பதால் சிறிது நேரம் பொரித்தால் போதுமானது. சாஸுடன் பரிமாறவும்.

செர்ரி அண்ட் ஃப்ரூட் ஜெல்லி (அகர் அகர் (agar agar) பயன்படுத்திச் செய்வது)

ஜெல்லி செய்ய:

அகர் அகர் - 5 கிராம்

மிக்ஸ்டு ஃப்ரூட் எசன்ஸ் - அரை டீஸ்பூன்

சர்க்கரை - 3 டேபிள்ஸ்பூன்

பச்சை நிற ஃபுட் கலர் - ஒரு சிட்டிகை

செர்ரி ஜாம் செய்ய:

எலுமிச்சைச் சாறு - ஒரு டீஸ்பூன்

ஃப்ரெஷ் செர்ரி (கிடைக்கவில்லை என்றால் பிளம்ஸ் பயன்படுத்தலாம்) - 100 கிராம்

சர்க்கரை - 5 டேபிள்ஸ்பூன்

ஜெல்லி செய்முறை:

அகர் அகரை தண்ணீரில் கழுவி, அரை லிட்டர் தண்ணீருடன் சேர்த்து அடுப்பில் வைத்து கொதிக்க விடவும். நன்றாகக் கரைய, நேரம் எடுக்கும். கரையும்வரை காத்திருக்கவும். கரைந்ததும், சர்க்கரை சேர்த்துக் கரையவிட்டு அடுப்பிலிருந்து இறக்கி, மிக்ஸ்டு ஃப்ரூட் எசன்ஸ், ஃபுட் கலர் சேர்த்துக் கரைத்து, வடிகட்டி, மோல்டு அல்லது கப்பில் ஊற்றி அரை மணி நேரம் வைக்கவும். ஃபிரிட்ஜில் வைக்கலாம். வெளியே வைத்தாலும் செட் ஆகிவிடும். அதுதான் அகர் அகரின் ப்ளஸ்.

ஜாம் செய்முறை:

செர்ரிக்களை சுத்தம் செய்து விதைகளை நீக்கி நறுக்கவும். அடுப்பில் அடிகனமான பான் வைத்து, நறுக்கிய செர்ரி, சர்க்கரை சேர்த்து நன்றாகக் கிளறவும். சர்க்கரை கரைந்து சாஸ் பதத்துக்கு வந்ததும், எலுமிச்சைச் சாறு சேர்த்து நன்கு கிளறி இறக்கி ஆறவைக்கவும்.

ஜாம் ஆறியதும், செட் ஆகியிருக்கும் ஜெல்லியின் மேல் இதைச் சேர்த்து, ஃபிரிட்ஜில் 10 நிமிடங்கள் குளிரவைத்து எடுத்துப் பரிமாறவும்.

கிரில்டு சிக்கன் (அவனில் செய்யும் முறை)

தேவையானவை:

முழுக் கோழி - 1 கிலோ

மிளகாய்த்தூள் - 3 டேபிள்ஸ்பூன்

மல்லித்தூள் (தனியாத்தூள்) - 4 டேபிஸ்பூன்

மிளகுத்தூள் - ஒரு டீஸ்பூன்

சீரகத்தூள் - 2 டேபிள்ஸ்பூன்

எலுமிச்சை - ஒன்று

உருளைக்கிழங்கு - இரண்டு

அலுமினியம் ஃபாயில் - தேவையான அளவு

உப்பு - ஒன்றரை டேபிஸ்பூன்

செய்முறை:

முழுக் கோழியைத் தோலுடன், அதன் வயிற்றுப் பகுதியில் உள்ள அனைத்தையும் நீக்கிவிட்டுத் தரும்படி கடையிலேயே கேட்டு வாங்கவும். வாங்கிவந்த முழுக் கோழியை நன்றாகக் கழுவி சுத்தம் செய்யவும்(கோழியில் சிறிது உப்பு, மஞ்சள்தூள் சேர்த்துத் தேய்த்தும் கழுவிக்கொள்ளலாம்).

மசாலாத்தூள் அனைத்தையும் ஒன்றாகச் சேர்த்து, அரை மூடி எலுமிச்சைச் சாற்றை அதில் பிழிந்து, சிறிது தண்ணீர் சேர்த்து கெட்டியான மசாலாவாகப் பிசையவும். அந்த மசாலாவை, கழுவி வைத்திருக்கும் கோழியின் மேலும், உட்பகுதியிலும் நன்றாகத் தடவவும்(மசாலா கெட்டியாக இருந்தால் மட்டுமே கோழியுடன் பிடித்துக்கொள்ளும் என்பதால், மசாலா பேஸ்ட் செய்யும்போது தண்ணீர் அதிகம் சேர்க்க வேண்டாம்). வயிற்றின் உள் பகுதியில் மீதமிருக்கும் எலுமிச்சையை இரண்டு துண்டுகளாக்கி வைக்கவும். அப்போதுதான் நாம் தடவி வைத்திருக்கும் மசாலாவின் சாறு வயிற்றுப் பகுதியில் இறங்கி சுவை கொடுக்கும் மசாலா தடவிய கோழியை ஒரு பாக்ஸ் அல்லது ப்ளாஸ்டிக் பையில் வைத்து ஃபிரிட்ஜில் வைக்கவும்(ஃப்ரீஸரில் அல்ல). ஓர் இரவு இப்படி வைத்து மறுநாள் வெளியே எடுத்து, ரூம் டெம்ப்பரேச்சருக்கு வரும்வரை வைத்திருக்கவும்.

அவனை 10 நிமிடங்களுக்கு 200 டிகிரி செல்சியஸில் ப்ரீஹீட் செய்யவும். அலுமினியம் ஃபாயில் பேப்பரை உருட்டி, சிறிய உருண்டைகளாகச் செய்து வைக்கவும். ஒரு பேக்கிங் ட்ரேயில் அலுமினியம் ஃபாயிலைப் பரப்பவும். அதில் இரண்டு உருளைக்கிழங்குகளை நறுக்கிச் சேர்க்கவும். கூடவே உருட்டிய அலுமினியம் ஃபாயில் பேப்பர் உருண்டைகளையும் சேர்க்கவும். இந்த ஃபாயில் பேப்பர் உருண்டைகளின் மேல் சிக்கனை வைக்கவும். இந்த ஃபாயில் பேப்பர் உருண்டைகள் சிக்கனின் முதுகுப்பகுதி, அதாவது அடிப்பாகம் டிரேயின் சூட்டில் கருகாமல், முழுமையாக வேக உதவும்.

இப்போது இதை அவனின் நடு ரேக்கில் வைத்து 200 டிகிரி செல்சியஸில் 15 நிமிடங்கள் வேகவிடவும். பின்னர் 170 டிகிரி செல்சியஸுக்கு மாற்றி ஒரு மணி நேரம் வேகவிடவும். (முதலில் வெப்பம் அதிகமாக வைப்பதால் சிக்கன் ஜுஸியாக இருக்கும்).

அவனை இடையிடையே இரண்டு முறை திறந்து பார்த்து, வெந்த சிக்கனில் இருந்து வடிந்திருக்கும் சாற்றை, ஃபுட் பிரஷ் மூலம் தொட்டு சிக்கன் மேலே தடவ வேண்டும் (அல்லது, வெண்ணெய்/சன்ஃபிளவர் ஆயில் சிறிது மேலே தடவிவிடலாம்). இது சிக்கன் டிரை ஆவதைத் தடுக்கும்.

முடிந்ததும் எடுத்து அப்படியே பரிமாறலாம். கீழுள்ள உருளைக்கிழங்கு சிக்கன் வெளியிட்ட சாறில் நன்றாக வெந்திருக்கும். அதையும் சாப்பிடலாம்.

ஸ்பைஸ்டு குக்கீஸ்

தேவையானவை:

மைதா மாவு - 50 கிராம்

உப்பில்லாத வெண்ணெய் - 20 கிராம்

பொடித்த சர்க்கரை - 3 டேபிள்ஸ்பூன்

ஏலக்காய்த்தூள் - ஒரு சிட்டிகை

கிராம்புத்தூள் - 2 சிட்டிகை

பட்டைத்தூள் - ஒரு சிட்டிகை

உப்பு - ஒரு சிட்டிகை

பட்டர் பேப்பர் - தேவையான அளவு

செய்முறை:

வெண்ணெயை ஃபிரிட்ஜில் இருந்து எடுத்ததும் பயன்படுத்தாமல், நன்கு நெகிழவிடவும். அந்த வெண்ணெயுடன் மைதா மாவு, உப்பு, பொடித்த சர்க்கரை, ஏலக்காய்த்தூள், கிராம்புத்தூள், பட்டைத்தூள் சேர்த்து நன்றாகக் கிளறிப் பிசையவும். சப்பாத்தி மாவு பதத்தில் இருக்க வேண்டும். தேவைப்பட்டால் சிறிது பால் தெளித்துப் பிசையலாம். பிசைந்த மாவை மெல்லிசாக சப்பாத்தி உருட்டுவது போல் உருட்டி அரை இஞ்ச் தடிமனில் சப்பாத்திபோலத் தேய்த்து, அதில் விரும்பிய வடிவங்களில் கட் செய்யவும்.

ஒரு தட்டில் பட்டர் பேப்பர் விரித்து அதன் மேல் கட் செய்த வடிவங்களை அடுக்கி 30 நிமிடங்கள் ஃபிரிட்ஜில் வைத்து எடுக்கவும்.

அவனை 10 நிமிடங்கள் 180 டிகிரி செல்சியஸில் ப்ரீஹீட் செய்யவும். பேக்கிங் ட்ரே மீது பட்டர் பேப்பர் விரித்து, அதன் மேல் குளிரவைத்து எடுத்த குக்கீஸ்களை வைத்து, 8 நிமிடங்கள் நடு ரேக்கில் வைத்து பேக் செய்யவும். ஓரங்கள் லேசாக பிரவுன் ஆனால் போதும். சீக்கிரம் வெந்துவிடும். அவனில் இருந்து எடுத்து குக்கீஸை ஆறவைக்கவும். ஆறியதும் காற்றுப்புகாத டப்பாக்களில் சேமித்து வைத்து ருசிக்கவும்.

http://www.vikatan.com/

December 17, 20169 yr

தொடங்கியவர்

Plum Cake Recipe | Christmas fruit Cake

December 17, 20169 yr

தொடங்கியவர்

Christmas Gooey Butter Cookies

December 18, 20169 yr

தொடங்கியவர்

Chocolate Plum Cake

December 18, 20169 yr

தொடங்கியவர்

புத்தாண்டு மற்றும் கிறிஸ்துமஸ்க்கான ப்ளாக் ஃபாரஸ்ட் கேக் வீட்டிலேயே தயாரிக்கலாம்

இது கிறிஸ்துமஸ் நேரம். உணவுப் பிரியர்களுக்கு இது கேக் நேரம். சுவை மிகுந்த கேக் மற்றும் குக்கீஸ்களை தயாரிக்காத கிருஸ்துமஸ் முழுமையடையாது.

இது கிறிஸ்துமஸ் நேரம். உணவுப் பிரியர்களுக்கு இது கேக் நேரம். சுவை மிகுந்த கேக் மற்றும் குக்கீஸ்களை தயாரிக்காத கிருஸ்துமஸ் முழுமையடையாது. பிளாக் ஃபாரஸ்ட் கேக் செய்து கிறிஸ்துமஸ் அன்று சாண்டா க்ளாஸை நீங்கள் ஏன் வரவேற்கக் கூடாது. இந்த கேக் மிகவும் அழகானது மற்றும் மிகவும் ருசி மிகுந்தது.

இதை உங்களின் வீட்டிலேயே எளிதாக செய்து விட முடியும். உங்களுக்கு உதவுவதற்காக இந்த கேக்கின் செய்முறை மற்றும் அதற்கு தேவையான பொருட்களை கொடுத்துள்ளோம்.

தேவையான பொருட்கள்:

கேக்கிற்கு

1. சாக்லேட் கேக் - 1

2. அடிக்கப்பட்ட கிரீம் - 4 கப்

3. டின் செர்ரிக்கள் - 16 (பகுதிகளாக வெட்டப்பட்டது)

சக்கரை பாகிற்கு

4. சர்க்கரை - ½ கப்

5. தண்ணீர் - ¾ கப்

அழகுப்படுத்துவதற்காக

6. சாக்லேட் சுருள் - 1¼ கப்

7. டின் செர்ரிக்கள் - 10 (முழுமையானது)

செயல்முறை:

1. ஒரு சாக்லேட் கேக்கை அருகில் உள்ள பேக்கரியில் இருந்து வாங்குங்கள். இது எளிதாக கிடைக்கின்றது. மேலும் இதில் முட்டை கிடையாது. இந்த சாக்லேட் கேக்கை 3 அடுக்குகளாக வெட்டி எடுத்துக் கொள்ளுங்கள். இப்போது, நீங்கள் கேக்கை ஊற வைக்க சர்க்கரை பாகு தயாரிக்க வேண்டும். ஒரு பாத்திரத்தை அடுப்பில் வைத்து அதில் நீர் மற்றும் சர்க்கரை சேர்க்கவும். தண்ணீரில் சக்கரை கரையும் வரை நன்கு கலக்கவும்.

2. பாகிற்கு சுவை சேர்க்க நீங்கள் பிராந்தி, ரம், முதலியனவற்றை சிறிது சேர்க்கலாம். பாகு நன்கு கொதித்த பின்னர் அடுப்பை அணைத்து விடவும். சர்க்கரை பாகு அறை வெப்பநிலைக்கு வரும் வரை பாகை குளிர விடவும். இப்போது, ஒரு பெரிய பாத்திரத்தை எடுத்து அதில் அடிக்கப்பட்ட க்ரீமை சேர்த்து நன்கு அடிக்கவும். க்ரீம் பொங்கி பஞ்சு போன்று வரும் வரை க்ரீமை நன்கு அடித்து கலக்கவும்.

3. ஒரு கேக் ஸ்டேண்ட் எடுத்து அதில் ஒரு அடுக்கு கேக் வைக்கவும். இப்போது, அதில் சர்க்கரை பாகு சேர்க்க வேண்டும். மேலும் அதில் அடிக்கப்பட்ட க்ரீமை சேர்த்து ஒரு அடுக்கு போன்று செய்யவும்.

4. கேக் அடுக்குகளின் மீது தடித்த கிரீம் அடுக்குகளை உருவாக்கவும். மிகவும் கவனமாக கேக்குகளின் மீது க்ரீம் நன்கு பரவும் படி தடவவும். இப்போது, கேக் அடுக்குகளின் மீது செர்ரிகளை சேர்க்க வேண்டும். நீங்கள் முழு செர்ரிகள் அல்லது பாதியாக வெட்டப்பட்ட செர்ரிக்களை பயன்படுத்தலாம்.

5. இப்பொழுது முதல் கேக் அடுக்கின் மீது இரண்டாவது கேக் அடுக்கை உருவாக்கவும். மேலே குறிப்பிடப்பட்ட செய்முறைகளை மீண்டும் பின்பற்றவும். இதே போன்று மூன்றாவது மற்றும் கடைசி அடுக்கை உருவாக்கவும். அதன் பின்னர், கேக் முழுவதும் பரவும் படி கிரீமை முழுமையாக பரப்பவும். க்ரீம்களை நன்கு சமன்செய்யவும். சாக்லேட் பட்டையை துருவி அதில் இருந்து சாக்லேட் சுருளை உருவாக்குங்கள். அதை வைத்து கேக்கை அலங்கரியுங்கள் மேலும் கேக்கை அலங்கரிக்க செர்ரிக்களை பயன்படுத்தலாம்.

6. இந்த கேக்கின் பக்கவாட்டில் சாக்லேட் சுருள்களை தடவ மறவாதீர்கள். இப்பொழுது உங்களுடைய வீட்டிலேயே தயாரிக்கப்பட்ட பிளாக் ஃபாரஸ்ட் கேக் தயார்.

7. பிளாக் ஃபாரஸ்ட் கேக்கை சிறிய பகுதிகளாக வெட்டி உங்களின் விருந்தினர்களுக்கு பறிமாறுங்கள்.

Read more at: http://tamil.boldsky.com/recipes/sweets/mouth-watering-black-forest-cake-recipe-new-year-christmas/gallery-cl5-13748.html

December 23, 20169 yr

தொடங்கியவர்

கிறிஸ்துமஸ் ஸ்பெஷல்: சாக்லேட் கேக்

கிறிஸ்துமஸ் என்றதும் நினைவுக்கு வருவது கேக். இப்போது வீட்டிலேயே எளிய முறையில் சாக்லேட் கேக் செய்வது எப்படி என்று பார்க்கலாம்.

தேவையான பொருட்கள் :

வெண்ணெய் - 150 கிராம்
சீனி - 200 கிராம்
மைதா - 250 கிராம்
முட்டை - 3
பேக்கிங் பவுடர் - 1 மேசைக்கரண்டி
கொதி நீர் - அரை கப்
கோக்கோ பவுடர் - 2 மேசைக்கரண்டி

செய்முறை :

* கோக்கோ பவுடரை வெந்நீரில் கட்டியில்லாமல் கலக்கவும்.

* மைதாவையும், பேக்கிங் பவுடரையும் 3 முறை சலித்துக் கொள்ளவும்.

* ஒரு பாத்திரத்தில் வெண்ணெயையும், பொடித்த சீனியையும் போட்டு நன்கு மிருதுவான அடித்துக் கொள்ளவும்.

* பின் ஒவ்வொரு முட்டையாக உடைத்து ஊற்றி நன்றாக கட்டி இல்லாமல் அடிக்கவும்.

* அடுத்து மைதா கலவையையும், கோக்கோ கலவையையும் மாற்றி மாற்றி கொஞ்சம் கொஞ்சமாக வெண்ணெய்க்கலவையில் சேர்த்துக்கொண்டே கைவிடாமல் கட்டி இல்லாமல் அடிக்கவும்.

* பின்னர் கேக் செய்யும் அதாவது கனமான அலுமினிய பாத்திரத்தில், ஒரு ஸ்பூன் எண்ணெய் ஊற்றி அது எல்லா இடங்களிலும் பரவும் படி தடவவும். அதன் மேலே கொஞ்சம் மைதா மாவை தூவவும். இப்படி செய்தால் கேக் ஒட்டாமல் வரும்.

* இப்போது கேக் கலவையை அந்த பாத்திரத்தில் பாதியளவு வரும்படி ஊற்றவும். எப்பொழுதும் கேக் பாத்திரத்தின் பாதி அளவு தான் ஊற்ற வேண்டும், அப்போது தான் கேக் வெந்தவுடன் மேலே எழும்பி வரும்.

* மைக்ரோ வேவ் அவனில் 160 டிகிரி C-யில்25 -35 நிமிடங்கள் வைத்து பேக் செய்யவும்.

* கேக் நன்கு வெந்ததும் அவனில் இருந்து எடுத்து துண்டங்கள் போடவும்.

* கிறிஸ்துமஸ் ஸ்பெஷல் சாக்லேட் கேக் ரெடி.

http://www.maalaimalar.com

December 24, 20169 yr

தொடங்கியவர்

கிறிஸ்துமஸ் ஸ்பெஷல் ஃபுரூட் கேக்

கேக் என்று வரும் போது அதில் எத்தனை வெரைட்டிகள் இருந்தாலும், ஃபுரூட் கேட் தான் எப்போதுமே சிறந்தது. இப்போது ஃபுரூட் கேக் எப்படி செய்வதென்று பார்க்கலாம்.

இங்கு கொடுக்கப்பட்டுள்ள ஃபுரூட் கேக்கிற்கு பழங்களை ரம் மற்றும் பிராந்தியில் 1 மாதத்திற்கு முன்பு ஊற வைத்து செய்தால், அதன் சுவையே தனி. அதற்கு நேரம் இல்லாவிட்டால், குறைந்தது 1 வாரத்திற்காவது ஊற வைத்து செய்யுங்கள்.

தேவையான பொருட்கள் :

கேரமலுக்கு…

சர்க்கரை - 1 கப்
தண்ணீர் - 1 கப்

கேக்கிற்கு…

மைதா - 2 1/2 கப்
இன்ஸ்டன்ட் காபி தூள் - 1 டீஸ்பூன்
பேக்கிங் பவுடர் - 2 டீஸ்பூன்
பட்டை தூள் - 1 டீஸ்பூன்
கிராம்பு தூள் - 1 டீஸ்பூன்
ஏலக்காய் பொடி - 1/2 டீஸ்பூன்
ஜாதிக்காய் பொடி - 1/2 டீஸ்பூன்
உப்பு - 1/4 டீஸ்பூன்
உப்பில்லாத வெண்ணெய் - 1 கப்
நாட்டுச்சர்க்கரை - 1 1/2 கப்
முட்டை - 5
வென்னிலா எசன்ஸ் - 2 டீஸ்பூன்
கேரமல் - 1 கப்
ரம் மற்றும் பிராந்தியில் ஊற வைத்த பழங்கள் - 3 கப்
ரம் - 5 டீஸ்பூன்

EE929FA9-06E6-4132-858B-7FD06FCE2071_L_s

கேரமல் செய்முறை :

* முதலில் ஒரு வாணலியில் சர்க்கரையைப் போட்டு, அடுப்பில் வைத்து சர்க்கரை கரைய வைக்க வேண்டும். குறிப்பாக இந்நிலையில் கரண்டியைப் பயன்படுத்த வேண்டாம். சர்க்கரையானது நன்கு கரைந்து பொன்னிறமாகும் வரை அடுப்பில் வைக்க வேண்டும். சர்க்கரை அடிப் பிடிக்காமல் பார்த்து கவனமாக செய்ய வேண்டும்.

* சர்க்கரையானது கரைந்து பொன்னிறமான பின்னர், அதனை அடுப்பில் இருந்து இறக்கி, அதில் சிறிது தண்ணீர் ஊற்றி, பின் கரண்டி கொண்டு கிளறி, மீண்டும் அடுப்பில் வைத்து, ஒரு நிமிடம் கிளறி இறக்கி கலவையை குளிர வைக்கவேண்டும்.

கேக் செய்முறை :

* முதலில் ஓவனை 160 டிகிரி செல்சியஸில் சூடேற்றிக் கொள்ள வேண்டும்.

* பின்னர் 2, 8×2 இன்ச் பேனில் சிறிது வெண்ணெய் தடவிக் கொள்ள வேண்டும்.

* அடுத்து ஒரு பௌலில் மைதா, காபி பவுடர், பேக்கிங் பவுடர், ஏலக்காய் பொடி, பட்டை தூள், கிராம்பு தூள், ஜாதிக்காய் பொடி மற்றும் உப்பு போட்டுக் கொள்ள வேண்டும்.

* பின்பு மற்றொரு பௌலில் வெண்ணெய் மற்றும் சர்க்கரை சேர்த்த, எலெக்ட்ரிக் பீட்டர் கொண்டு நன்கு 5 நிமிடம் மென்மையாகும் வரை அடித்துக் கொள்ள வேண்டும்.

* அடுத்து அதில் முட்டையை ஒவ்வொன்றாக உடைத்து ஊற்றி நன்கு அடிக்க வேண்டும்.

* பின் வென்னிலா எசன்ஸ் மற்றும் குளிர வைத்துள்ள கேரமல் சேர்த்து நன்கு கிளறிவிடவேண்டும்.

* பிறகு அதில் மைதா கலவையை கட்டி சேராதவாறு கொஞ்சம் கொஞ்சமாக கலந்து சேர்த்து கிளறி விட வேண்டும்.

* பின் ஊற வைத்துள்ள பழங்களை சேர்த்து கிளறி, பேக்கிங் செய்யக்கூடிய பேனில் ஊற்ற வேண்டும்.

* இறுதியில் அதனை ஓவனில் வைத்து, 1 மணிநேரம் பேக் செய்ய வேண்டும். இவ்வளவு 1 நேரம் பேக் செய்த பின்னர், அதனை திறந்து ஒரு டூத்பிக் கொண்டு குத்தி பார்க்கும்போது, அதில் மாவு ஒட்டியிருந்தால், மீண்டும் பேக் செய்ய வேண்டும்.

* பின்னர் அதனை ஓவனில் இருந்து வெளியே எடுத்து குளிர வைத்து, பின் பேனில் இருந்து ஒரு தட்டிற்கு மாற்ற வேண்டும்.

* பின் கேக்கின் ஆங்காங்கு லேசான ஓட்டைகளைப் போட்டு, கேக்கின் மேல் ரம்மை தெளித்துவிட்டு, காற்றுப்புகாத ஒரு டப்பாவில் போட்டு வைத்து, 2-3 நாட்கள் கழித்து சாப்பிட்டால் சூப்பராக இருக்கும்.

* கிறிஸ்துமஸ் ஸ்பெஷல் ஃபுரூட் கேக் ரெடி.

http://www.maalaimalar.com/Health/Kitchenkilladikal/2016/12/24101203/1057999/Special-Christmas-Fruit-Cake.vpf

December 24, 20169 yr

தொடங்கியவர்

கிறிஸ்துமஸ் ஸ்பெஷல்: வீட்டிலேயே செய்யலாம் கப் கேக்

இந்த (நாளை) வருட கிறிஸ்துமஸ் விழாவைச் சிறப்பானதாக்க வீட்டிலேயே செய்யக்கூடிய கப் கேக் வகைகளை கீழே விரிவாக பார்க்கலாம்.

தேவையான பொருட்கள் :

முட்டை - 5
சர்க்கரை - கால் கிலோ
வெண்ணெய் - 2 டீஸ்பூன்
மைதா - 200 கிராம்
பேக்கிங் பவுடர் - முக்கால் டீஸ்பூன்
வெனிலா எசென்ஸ் - 2 டீஸ்பூன்
முந்திரி, டூட்டி ஃப்ரூட்டி, கோகோ பவுடர், செர்ரி - சிறிதளவு
பேப்பர் கப் மோல்டு - தேவையான அளவு

DE02EBC8-691A-4B8A-AA42-BD6BBD239E16_L_s

செய்முறை :

* மைதாவுடன் பேக்கிங் பவுடரைச் சேர்த்து 3 முறை நன்றாக சலித்து வைக்கவும்.

* சர்க்கரையைப் பொடித்துக்கொள்ளவும்.

* பொடித்த சர்க்கரையை ஒரு பாத்திரத்தில் போட்டு அதனுடன் முட்டையை உடைத்து ஊற்றி நன்றாக அடிக்கவும்.

* சலித்த மாவை கொஞ்சம் கொஞ்சமாக முட்டைக் கலவையுடன் சேர்த்து கட்டி விழாமல் நன்றாகக் கலந்து மூன்று பங்காகப் பிரித்து வைக்கவும்.

* ஒரு பங்குடன் கோகோ பவுடரைக் கலக்கவும்.

* இரண்டாவது பங்குடன் டூட்டி ஃப்ரூட்டீயைக் கலக்கவும்.

* மூன்றாவது பங்குடன் செர்ரியைச் சேர்த்துக் கலந்து கொள்ளவும்.

* பேப்பர் கப்பில் வெண்ணெய் தடவி, அதனை மோல்டினுள் வைக்கவும். அதனுள் கலந்து வைத்துள்ள மாவு கலவையை ஊற்றவும்.

* மைக்ரோ வேவ் அவனில் 160 டிகிரி வெப்பநிலையில் 5 முதல் 7 நிமிடங்கள் வரை பேக் செய்யவும்.

* 7 நிமிடம் ஆனவுடன் சிறிய மரக்குச்சியை வைத்து கேக் வெந்துவிட்டதா எனப் பார்த்து, எடுக்கவும்.

* விரும்பினால் கேக் வகைகளின் மேல் ஐசிங்கைப் பரப்பலாம்.

* சூப்பரான கப் கேக் ரெடி.

http://www.maalaimalar.com/

11 months later...

December 1, 20178 yr

தொடங்கியவர்

கிறிஸ்துமஸ் ஸ்பெஷல்

கிறிஸ்துமஸ் என்றால் நம் நினைவுக்குவருவது விளக்குகளும், பரிசு பொருள்களும், அதற்கடுத்து கிறிஸ்துமஸ் ஸ்பெஷல் கேக்களும்தானே! உலக அளவில் கிறிஸ்துமஸ் கேக் தயாரிப்பையே மிகப்பெரிய நிகழ்வாக நடத்தும் அளவுக்கு கிறிஸ்துமஸ் கேக் தயாரிப்பு மிக முக்கியமான ஒன்றாக உள்ளது.

கிறிஸ்துமஸ் கொண்டாடும் அன்பர்கள் இல்லத்தில் தவறாமல் இடம்பெறும் கேக் வகைகளை அனைவரது இல்லங்களிலும் செய்து அசத்தும் விதமாக, ரெசிப்பி மற்றும் படங்கள் மூலம் இந்தக் கொண்டாட்டத்தைக் கூடுதல் சிறப்பாக்கியிருக்கிறார் தூத்துக்குடியைச் சேர்ந்த சமையல் கலைஞர் திவ்யா.

நோ பேக் கிறிஸ்துமஸ் ட்ரீ கேக்

தேவையானவை:

மேரி பிஸ்கட் - 2 பாக்கெட்
உருக்கிய வெண்ணெய் - 2 டேபிள்ஸ்பூன்
சாக்லேட் - 20 கிராம்
டூட்டி ஃப்ரூட்டி, உலர்திராட்சை - தலா ஒரு டேபிள்ஸ்பூன்
வறுத்துத் துண்டாக்கிய நட்ஸ் கலவை - ஒரு டேபிள்ஸ்பூன்

அலங்கரிக்க:

வெண்ணெய் - 2 டீஸ்பூன்
டார்க் சாக்லேட் (அ) மில்க் சாக்லேட்- 50 கிராம்
சர்க்கரை - 5 டேபிள்ஸ்பூன்
பச்சை ஃபுட் கலர் - கால் டீஸ்பூன்

செய்முறை:

பிஸ்கட்டைத் துண்டுகளாக்கி மிக்ஸியில் போட்டு நன்றாகப் பொடிக்கவும். சாக்லேட்டை மைக்ரோவேவ் அவனில் உருக்கவும். அல்லது டபுள் பாய்லிங் முறையில் உருக்கவும். பிஸ்கட் தூள், உருக்கிய சாக்லேட், உருக்கிய வெண்ணெய், நட்ஸ் கலவை, உலர்திராட்சை மற்றும் டூட்டி ஃப்ரூட்டி சேர்த்து பூரி மாவு பதத்துக்குக் கலக்கவும் (தேவையானால் சிறிதளவு பால் தெளித்துக்கொள்ளலாம்). பிறகு, மாவை உருண்டையாக உருட்டி பத்து நிமிடங்கள் மூடி வைக்கவும். இந்த மாவு உருண்டையை பட்டர் பேப்பர் நடுவே வைத்து ஒரு இன்ச் தடிமனுக்குப் பூரியாகத் தேய்க்கவும். பிறகு சிறிது நேரம் ஃப்ரிட்ஜில் வைத்து வெளியே எடுத்து, கேக் அட்டை அல்லது தட்டின் மீது வைத்து கிறிஸ்துமஸ் ட்ரீ வடிவத்துக்கு வெட்டவும். (விரும்பிய வடிவத்திலும் வெட்டலாம்).

டார்க் சாக்லேட் அல்லது மில்க் சாக்லேட்டைத் துண்டுகளாக நறுக்கி, வெண்ணெய் சேர்த்து டபுள் பாய்லிங் முறையில் உருக்கி ஆறவிடவும். மைக்ரோவேவ் அவனில் வைத்தும் உருக்கலாம். இதை கேக்கின் மீது பரப்பி அலங்கரிக்கவும். சர்க்கரையுடன் சிறிதளவு ஃபுட் கலர் சேர்த்துக் கைபடாமல் `டாஸ்’ செய்து கலக்கவும். இதனை கேக் மீது தூவி அலங்கரித்துப் பரிமாறவும்.

(ஃபுட் கலர் அதிகம் சேர்த்தால் சர்க்கரை உருகிவிடும். துளித் துளியாக சேர்க்கவும்.)

சாக்லேட் கிறிஸ்துமஸ் கேக்

தேவையானவை:

மைதா மாவு - 50 கிராம்
கோகோ பவுடர் - ஒரு டேபிள்ஸ்பூன்
பேக்கிங் பவுடர் - அரை டீஸ்பூன்
சமையல் சோடா - ஒரு சிட்டிகை
உப்பு சேர்க்காத வெண்ணெய் - 75 கிராம்
கிராம்பு, முட்டை - 2
சர்க்கரை - 100 கிராம்
சர்க்கரை – 20 கிராம் (கேரமல் செய்ய)
காய்ச்சி ஆறவைத்த பால் - தேவையான அளவு
பேரீச்சை - 30 கிராம் (கொட்டை நீக்கி, பொடியாக நறுக்கவும்)
டூட்டி ஃப்ரூட்டி- 30 கிராம் (பொடியாக நறுக்கவும்)
உலர்திராட்சை, முந்திரி - 30 கிராம் (பொடியாக நறுக்கவும்)
பாதாம், வால்நட் - தலா 20 கிராம் (பொடியாக நறுக்கவும்)
ஆரஞ்சு (அ) எலுமிச்சை தோல் துருவல் - கால் டீஸ்பூன்
வெனிலா எசென்ஸ் - 5 சொட்டுகள்
பட்டை - ஒரு சிறிய துண்டு
ஜாதிக்காய்த்தூள் - கால் டீஸ்பூன்
உப்பு - கால் டீஸ்பூன் (விரும்பினால்)

செய்முறை:

வெண்ணெயை ஃப்ரிட்ஜிலிருந்து வெளியே எடுத்துக் கொஞ்ச நேரம் அப்படியே வைக்கவும். மைதா மாவுடன் பேக்கிங் பவுடர், சமையல் சோடா, உப்பு, கோகோ பவுடர் சேர்த்துச் சலிக்கவும்.

ஒரு டீஸ்பூன் மைதா மாவுடன் பாதாம், முந்திரி, வால்நட், பேரீச்சை, டூட்டி ஃப்ரூட்டி, ஆரஞ்சு (அ) எலுமிச்சை தோல் துருவல், உலர்திராட்சை சேர்த்துக் கலக்கவும். கிராம்புடன் பட்டை, ஜாதிக்காய்த்தூள் சேர்த்து மிக்ஸியில் பவுடராக அரைத்து எடுக்கவும் (சிறிதளவு சர்க்கரை சேர்த்தால் சுலபமாகப் பொடிக்கலாம்).

வாணலியில் கேரமல் செய்யக் கொடுத்துள்ள சர்க்கரையைச் சேர்த்து லேசாகக் கறுகும் வரை சிறு தீயில் வைத்துக் கிளறவும். சர்க்கரை பிரவுன் நிறமாக மாறும்போது கவனமாகக் கால் கப் தண்ணீர் சேர்த்து நன்றாகக் கலக்கவும் (மேலே தெறிக்கும் என்பதால் கவனமாகச் செய்ய வேண்டும்). நன்றாகக் கரைந்ததும் இறக்கி ஆறவிடவும். இதுவே கேரமல் சிரப்.

பாத்திரத்தில் முட்டையை உடைத்து ஊற்றவும். அதனுடன் வெண்ணெய், சர்க்கரை சேர்த்து நன்றாக நுரை வரும் வரை பிளெண்டரால் அடிக்கவும். பிறகு, மைதா கலவையைச் சிறிது சிறிதாகச் சேர்த்து கரண்டியால் மெதுவாகக் கலக்கவும் (முட்டை அடிக்கும் கரண்டியால் கலக்கவும். பிளெண்டர் உபயோகிக்க வேண்டாம். கேக் எழும்பாது. தேவைப்பட்டால் சிறிதளவு பால் சேர்த்துக்கொள்ளலாம்). பிறகு கேரமல் சிரப், வெனிலா எசென்ஸ், நட்ஸ் கலவை, பொடித்த கிராம்பு கலவை சேர்த்து மெதுவாகக் கலக்கவும்.

குக்கரில் ஒரு கப் தூள் உப்பைப் பரப்பவும். உப்பின் மீது தட்டு வைத்து குக்கரை மூடி மூன்று நிமிடங்கள் வரை சூடாக்கவும் (குக்கர் விசில் பயன்படுத்த வேண்டாம். குக்கர் வெடித்துவிடும்). பிறகு ஆறு இன்ச் அளவு கேக் பானில் சிறிதளவு வெண்ணெய் தடவி, மைதா மாவைத் தூவவும். (கேக் ஒட்டாமல் வர உதவும்). இதனுள் கேக் மாவை முக்கால் பாகம் வரை ஊற்றவும். பிறகு லேசாகத் தட்டி குக்கர் மூடியைத் திறந்து பாத்திரத்தை உள்ளே வைத்து மீண்டும் மூடி, சிறு தீயில் முப்பது நிமிடங்கள் வரை வேகவிட்டு எடுக்கவும். தேவையானால் மீண்டும் பத்து நிமிடங்கள் வேகவிட்டு எடுக்கவும். பிறகு கேக் பாத்திரத்தை வெளியே எடுத்து ஆறவிடவும். பானில் இருந்து கேக்கை வெளியே எடுத்து துண்டுகளாக்கிப் பரிமாறவும்.

கிறிஸ்துமஸ் ட்ரீ கப் கேக்ஸ் (ஜிஞ்சர் பிரெட் கப் கேக்ஸ்)

தேவையானவை:

மைதா மாவு - 150 கிராம்
உப்பு சேர்க்காத வெண்ணெய் - 150 கிராம்
பிரவுன் சுகர் (பழுப்பு சர்க்கரை) - 150 கிராம்
முட்டை - 3
தோல் சீவி, துருவிய இஞ்சி - ஒரு டீஸ்பூன்
பட்டைத்தூள் - அரை டீஸ்பூன்
ஜாதிக்காய்த் துருவல் - ஒரு சிட்டிகை
காய்ச்சி ஆறவைத்த பால் - ஒரு டீஸ்பூன்
உப்பு - 2 சிட்டிகை
பேக்கிங் பவுடர் - ஒரு சிட்டிகை
வெனிலா எசென்ஸ் - அரை டீஸ்பூன்
காய்ச்சி ஆற வைத்த பால், வெண்ணெய் - சிறிதளவு

மேலே க்ரீம் டெகரேட் செய்ய:

உப்பு சேர்க்காத வெண்ணெய் - 100 கிராம்
ஐசிங் சுகர் - 200 கிராம்
வெனிலா எசென்ஸ் - ஒரு டீஸ்பூன்
உப்பு - ஒரு சிட்டிகை (விரும்பினால்)
பட்டைத்தூள் - ஒரு சிட்டிகை

செய்முறை:

மைக்ரோவேவ் அவனை 180 டிகிரி செல்ஷியஸுக்கு ப்ரீஹீட் செய்யவும். பாத்திரத்தில் முட்டையை உடைத்து ஊற்றவும். அதனுடன் வெண்ணெய், பழுப்பு சர்க்கரை சேர்த்து நன்கு அடிக்கவும். பிறகு பட்டைத்தூள், இஞ்சித் துருவல், ஜாதிக்காய்த் துருவல், உப்பு, பேக்கிங் பவுடர் சேர்த்துக் கலக்கவும். இறுதியாக பால், எசென்ஸ் சேர்த்துக் கலக்கவும். கப் கேக் தட்டில் கப் கேக் பேப்பர் வைத்து மாவை முக்கால் பாகம் வரை நிரப்பவும். இதனை ப்ரீஹீட் செய்த அவனுள் வைத்து 20 நிமிடங்கள் வரை `பேக்’ செய்து எடுக்கவும். (12 கப் கேக் வரும்).

கிறிஸ்துமஸ் ட்ரீ போல டெகரேட் செய்ய...

ஆறு கப் கேக்குடன் சிறிதளவு பால், உருக்கிய வெண்ணைய் சேர்த்து மிக்ஸியில் அரைத்து எடுக்கவும். கையில் சிறிதளவு நெய் தடவிக்கொண்டு, அரைத்த கலவையை கோன் போல பிடித்து வைக்கவும். ஆறிய கப் கேக்கினுள் ஒரு டூத் பிக் செருகி அதன் மேல் கோனைச் செருகவும். க்ரீம் டெகரேட் செய்யக் கொடுத்துள்ள பொருள்களை ஒன்றாகச் சேர்த்துக் கலக்கவும். இதை கோனின் மீது தடவி டெகரேட் செய்யவும்.

சிக்கன் கேக்

தேவையானவை:

சிக்கன் (அரைத்தது) - 400 கிராம்
மைதா மாவு - 300 கிராம்
வெண்ணெய் - 200 கிராம்
முட்டை - 3
தயிர் - 100 மில்லி
சர்க்கரை - 2 டீஸ்பூன்
நறுக்கிய வெங்காயம், குடமிளகாய் - 3 டீஸ்பூன்
பேக்கிங் பவுடர் - ஒரு டீஸ்பூன்
பேக்கிங் சோடா - அரை டீஸ்பூன்
உலர்ந்த ஆரிகானோ, ரோஸ்மேரி - தலா 2 டீஸ்பூன்
உலர்ந்த பேசில் இலைகள் - 3 டீஸ்பூன்
ரெட் சில்லி ஃப்ளேக்ஸ் - ஒரு டீஸ்பூன் (விரும்பினால்)
மிளகு - ஒரு டீஸ்பூன் (தட்டவும்)
மிளகுத்தூள், உப்பு - தலா 2 டீஸ்பூன்
கொத்தமல்லித்தழை- 3 டீஸ்பூன்
எண்ணெய் (அ) வெண்ணெய் - 2 டீஸ்பூன்
மயோனைஸ் (அ) வொயிட் சாஸ் - தேவையான அளவு

சிக்கன் டாப்பிங் செய்ய:

எலும்பில்லாத சிக்கன் - 200 கிராம் (துண்டுகளாக்கவும்)
தக்காளி சாஸ் - 3 டீஸ்பூன்
காய்ந்த மிளகாய் விழுது - அரை டீஸ்பூன் (விரும்பினால்)
மிளகுத்தூள் - அரை டீஸ்பூன்
பேசில் இலைகள் -அரை டீஸ்பூன்
ஆரிகானோ - அரை டீஸ்பூன்
பூண்டு - ஒரு பல்

செய்முறை:

வாணலியில் எண்ணெய் அல்லது வெண்ணெய் விட்டு வெங்காயம், குடமிளகாய் சேர்த்து வதக்கவும். அதனுடன் அரைத்த கோழி, அரை டீஸ்பூன் உப்பு, அரை டீஸ்பூன் மிளகுத்தூள் சேர்த்து வதக்கி வேகவிடவும். மைதா மாவுடன் ஒன்றரை டீஸ்பூன் உப்பு, பேக்கிங் பவுடர், பேக்கிங் சோடா சேர்த்து நன்கு கலக்கவும். பாத்திரத்தில் முட்டையை உடைத்து ஊற்றவும். அதனுடன் வெண்ணெய், சர்க்கரை சேர்த்து நுரை வரும் வரை அடிக்கவும். பிறகு ஆரிகானோ, பேசில் இலைகள், ரோஸ் மேரி, தட்டிய மிளகு, ரெட் சில்லி பிளேக்ஸ், மீதமுள்ள மிளகுத்தூள் சேர்த்து மெதுவாகக் கலக்கவும். பிறகு, மாவுக் கலவையைச் சிறிது சிறிதாகச் சேர்த்துக் கலக்கவும். இதனுடன் தயிர், தண்ணீர் (சுமார் 50 முதல் 100 மில்லி) சேர்த்து மெதுவாகக் கலக்கவும். பிறகு வேகவைத்த சிக்கன் துண்டுகள், கொத்தமல்லித்தழை சேர்த்து மெதுவாகக் கிளறவும். இரண்டு சிறிய கேக் பானை (pan) எடுத்து உள்ளே வெண்ணெய் தடவி, மாவு தூவவும். அதனுள் கேக் கலவையை முக்கால் பாகம் வரை நிரப்பவும்.

160 டிகிரி செல்ஷியஸுக்கு பத்து நிமிடங்கள் ப்ரீஹீட் செய்த அவனுள் வைத்து முப்பது நிமிடங்கள் அல்லது வேகும்வரை வைத்து `பேக்’ செய்து எடுக்கவும். வாணலியில் வெண்ணெய்விட்டு டாப்பிங் செய்யக் கொடுத்துள்ள சிக்கன் துண்டுகள், பூண்டு சேர்த்து வதக்கவும். இதனுடன் காய்ந்த மிளகாய் விழுது, மிளகுத்தூள், உப்பு, பேசில் இலைகள், ஆரிகானோ சேர்த்து, அடுப்பைச் சிறு தீயில் வைத்து வதக்கவும். நன்கு வெந்த பிறகு தக்காளி சாஸ் சேர்த்துக் கிளறி இறக்கவும். கேக்குகளின் மீது டோம் போல குவிந்திருக்கும் பகுதியை வெட்டிவிடவும். ஒரு கேக்கின் மீது கெட்செப், வெள்ளை சாஸ் அல்லது மயோனைஸ் பரத்தவும். அதன் மீது மற்றொரு கேக்கை அடுக்கவும். (வொயிட் சாஸ் உபயோகித்தால் கேக்கின் மேலே கேக் நாசில் வைத்து க்ரீம் போன்று அலங்காரம் செய்யலாம்). இதன் மீது சிக்கன் டாப்பிங்கை ஊற்றி, கொத்தமல்லித்தழை தூவி அலங்கரித்துப் பரிமாறவும்.

எக்லெஸ் கிறிஸ்துமஸ் கேக்

தேவையானவை:

மைதா - 150 கிராம்
சர்க்கரை - 300 கிராம்
வெனிலா எசென்ஸ் - 2 டீஸ்பூன்
உப்பில்லா வெண்ணெய் - 75 கிராம்
சூரியகாந்தி எண்ணெய் - 25 மில்லி
பால் - அரை கப்
வினிகர் - 2 டீஸ்பூன்
பேரீச்சை - 10
டூட்டி ஃப்ரூட்டி - ஒரு கைப்பிடி அளவு
முந்திரி, பாதாம் மற்றும் உலர்ந்த திராட்சை - ஒரு கைப்பிடியளவு
கஸ்டர்ட் பவுடர் - 2 டேபிள்ஸ்பூன்
உப்பு - ஒரு சிட்டிகை
பேக்கிங் சோடா - அரை டீஸ்பூன்
கிராம்பு - ஒன்று
பட்டை - சிறிய துண்டு
ஏலக்காய் - 2
ஜாதிக்காய் பொடி - ஒரு சிட்டிகை

செய்முறை:

2 டேபிள்ஸ்பூன் சர்க்கரையைத் தனியாக எடுத்து வைக்கவும். பேரீச்சையுடன் சிறிதளவு தண்ணீர் சேர்த்துக் கொதிக்கவைத்து ஆறிய பின் விழுதாக அரைக்கவும். வெண்ணெய், பாலை லேசாக சூடாக்கி, வெண்ணெய் உருகியதும் அடுப்பிலிருந்து இறக்கி, ஆறியதும் தட்டிய கிராம்பு, தட்டிய பட்டை, ஜாதிக்காய் பொடி, தட்டிய ஏலக்காய், வெனிலா எசென்ஸ், வினிகர், சூரியகாந்தி எண்ணெய், அரைத்த பேரீச்சை சேர்த்துக் கலக்கவும். இதனுடன் சர்க்கரை சேர்க்கவும் (பழுப்பு நிற சர்க்கரை சேர்த்தால் மிகவும் நல்லது). 2 டேபிள்ஸ்பூன் சர்க்கரையில் கேரமல் செய்து இதனுடன் சேர்த்துக் கலக்கவும். (`சாக்லேட் கிறிஸ்துமஸ் கேக்’ ரெசிப்பியில் கேரமல் செய்முறை கொடுக்கப்பட்டுள்ளது).

மைதாவுடன் உப்பு, பேக்கிங் சோடா, கஸ்டர்ட் பவுடர் சேர்த்து நன்கு சலிக்கவும். இதைச் சிறிது சிறிதாக முதலில் செய்த கலவையுடன் சேர்க்கவும். தோசை மாவு பதம் வர வேண்டும். இல்லை என்றால் சிறிதளவு பால் சேர்த்துக்கொள்ளலாம். ஒரு டீஸ்பூன் மாவுடன் டூட்டி ஃப்ரூட்டி நறுக்கிய நட்ஸ் - உலர்திராட்சை சேர்த்துப் பிசிறி இதை கேக் மாவுடன் சேர்த்து மெதுவாகக் கலக்கவும். இந்தக் கலவையை கேக் பானில் ஊற்றி மைக்ரோவேவ் அவனில் அல்லது குக்கரில் வைத்து `பேக்’ செய்யவும்.

குறிப்பு:

குக்கரில் பேக் செய்யும் முறை `சாக்லேட் கிறிஸ்துமஸ் கேக்’ ரெசிப்பியில் கொடுக்கப்பட்டுள்ளது.

ராகி சாக்லேட் பிரவுனீஸ்

தேவையானவை:

சாக்லேட் ஸ்ப்ரெட் - ஒரு கப்
முட்டை - 2
ராகி மாவு (கேழ்வரகு மாவு) - 10 டேபிள்ஸ்பூன்
வெண்ணெய் - சிறிதளவு

செய்முறை:

வெறும் வாணலியில் ராகி மாவை வாசனை வரும் வரை வறுத்து எடுக்கவும். பாத்திரத்தில் முட்டையை உடைத்து ஊற்றவும். அதனுடன் ராகி மாவு, சாக்லேட் ஸ்ப்ரெட் சேர்த்துக் கலக்கவும். கேக் பானில் (pan) சிறிதளவு வெண்ணெய் தடவி, ராகி மாவு தூவி கேக் கலவையை ஊற்றவும். இதனை 180 டிகிரி செல்ஷியஸுக்கு 10 நிமிடங்கள் ப்ரீஹீட் செய்த மைக்ரோவேவ் அவனுள் வைத்து 20 நிமிடங்கள் வரை பேக் செய்து எடுக்கவும் (`சாக்லேட் கிறிஸ்துமஸ் கேக்’ ரெசிப்பியில் குறிப்பிட்டுள்ளபடி குக்கரிலும் செய்யலாம்). ஆறிய பிறகு துண்டுகளாக்கிப் பரிமாறவும்.

ராகி மாவுக்குப் பதிலாக மைதா மாவு சேர்த்தும் செய்யலாம்.

கிறிஸ்துமஸ் கேக் பாப்ஸ்

தேவையானவை:

பிளம் கேக் (அ) கிறிஸ்துமஸ் கேக் துண்டுகள் - அரை கிலோ
நெய் - 2 டேபிள்ஸ்பூன்
பேரீச்சை – 5 (கொட்டை நீக்கி, சிறிய துண்டுகளாக்கவும்)
காய்ச்சி ஆறவைத்த பால் - சிறிதளவு
வறுத்த நறுக்கிய முந்திரி (அ) பாதாம் - 2 டேபிள்ஸ்பூன்
ஐசிங் சுகர் – தேவையான அளவு

செய்முறை:

பேரீச்சையுடன் பால் சேர்த்து அரை மணி நேரம் ஊறவைத்து மிக்ஸியில் விழுதாக அரைத்து எடுக்கவும். அடிகனமான பாத்திரத்தில் பேரீச்சை பாலை ஊற்றிச் சிறு தீயில் வைத்துக் கிளறவும். பால் கலவை கெட்டியாக வரும்போது இறக்கி ஆறவிடவும். கேக் துண்டுகளை மிக்ஸியில் போட்டுப் பொடித்து எடுக்கவும் (கையாலும் பிசையலாம்). இதனுடன் பேரீச்சைக் கலவை, நெய், முந்திரி (அ) பாதாம் சேர்த்து நன்றாகப் பிசைந்து சிறிய உருண்டைகளாக்கவும். மேலே ஐசிங் சுகர் தூவிப் பரிமாறவும்.

ஏலக்காய் - முட்டை புடிங்

தேவையானவை:

முட்டை - 2
சர்க்கரை - 100 கிராம் (மிக்ஸியில் பொடித்து எடுக்கவும்)
ஏலக்காய் - 5 (பொடிக்கவும்)
காய்ச்சி ஆறவைத்த பால் (அ) கெட்டித் தேங்காய்ப்பால் - தேவையான அளவு
ஏலக்காய் எசென்ஸ் - அரை டீஸ்பூன்
ஃபுட் கலர் - ஒரு துளி (விரும்பினால்)

செய்முறை:

பாத்திரத்தில் முட்டையை உடைத்து ஊற்றவும்.

முட்டையின் அளவு பால் அல்லது தேங்காய்ப்பால் எடுக்கவும். பாலுடன் முட்டை, பொடித்த சர்க்கரை, ஏலக்காய்த்தூள், ஏலக்காய் எசென்ஸ் சேர்த்து நன்றாகக் கிளறவும் (அடிக்க வேண்டாம்).

இதை ஒரு புடிங் பாத்திரத்தில் ஊற்றி, அலுமினியம் ஃபாயில் வைத்து மூடவும். இட்லிப் பாத்திரம் அல்லது இட்லி குக்கரில் தண்ணீர் ஊற்றி, அதனுள் தட்டை வைத்து, மூடி போட்டு மூடவும். பாத்திரத்தில் இருந்து ஆவி வரும்போது புடிங் பாத்திரத்தை உள்ளே வைத்து மூடி, ஆவியில் 7 முதல் 10 நிமிடங்கள் வரை வேகவிட்டு எடுக்கவும். நடுவில் டூத்பிக் வைத்துக் குத்தி வெந்துவிட்டதா என்று பார்க்கவும். ஒட்டாமல் வரும்போது இறக்கவும். ஏலக்காய் - முட்டை புடிங் தயார்.

ஏலக்காய் கேக்

தேவையானவை:

கோதுமை மாவு - ஒன்றரை கப்
வெண்ணெய் - அரை கப்
முட்டை - 2 (வெள்ளைக் கரு மட்டும்)
சர்க்கரை - முக்கால் கப்
தேங்காய்ப்பால் - முக்கால் கப்
ஏலக்காய்த்தூள் - ஒரு டீஸ்பூன்
ஏலக்காய் - 2
ஏலக்காய் எசென்ஸ் - அரை டீஸ்பூன்
உப்பு - 2 சிட்டிகை
பேக்கிங் பவுடர் - 2 டீஸ்பூன்
பேக்கிங் சோடா - 2 சிட்டிகை

செய்முறை:

முட்டையை உடைத்து, சர்க்கரை, வெண்ணெய் சேர்த்து நன்றாக நுரை வரும் வரை அடிக்கவும்.

கோதுமை மாவுடன் பேக்கிங் பவுடர், பேக்கிங் சோடா, உப்பு, ஏலக்காய்த்தூள் சேர்த்துச் சலிக்கவும். அடித்த முட்டையுடன் மாவுக் கலவையைச் சிறிது சிறிதாகச் சேர்த்துக் கிளறவும். பிறகு ஏலக்காய் எசென்ஸ், தேங்காய்ப்பால் சேர்த்து தோசை மாவு பதத்துக்கு கலக்கவும். கேக் பானில் (pan) சிறிதளவு வெண்ணெய் தடவி, மாவு தூவி, கேக் கலவையை முக்கால் பான் வரை ஊற்றி, 2 ஏலக்காய் சேர்க்கவும். கலவையை லேசாகத் தட்டவும். குக்கரின் அடியில் ஒரு கப் தூள் உப்பைப் பரத்தவும். அதன்மீது ஒரு தட்டு வைத்து மூடி சூடாக்கவும் (குக்கர் விசில் பயன்படுத்த வேண்டாம். குக்கர் வெடித்துவிடும்). மூன்று நிமிடங்கள் கழித்து கேக் பானை வைத்து மூடி, சிறு தீயில் 30 நிமிடங்கள் வரை வேகவிடவும். கேக் வெந்துவிட்டதா என்பதைப் பார்த்த பிறகு எடுக்கவும். தேவையானால் மேலும் பத்து நிமிடங்கள் வேகவிட்டு எடுக்கவும். பிறகு பானை வெளியே எடுத்து ஆறவிட்டு கேக்கைத் துண்டுகளாக்கிப் பரிமாறவும்.

நட்டி சாக்லேட்

தேவையானவை:

மில்க் சாக்லேட் பார் - 75 கிராம் (துண்டுகளாக்கவும்)
கண்டன்ஸ்டு மில்க் - 50 மில்லி
இனிப்பு கோகோ பவுடர் - 2 டீஸ்பூன்
விரும்பிய நட்ஸ் கலவை (வால்நட், பாதாம், முந்திரி, உலர்திராட்சை) - ஒரு டேபிள்ஸ்பூன் (வறுக்கவும்)

செய்முறை:

சாக்லேட்டை டபுள் பாய்லிங் முறையில் உருக்கவும். அதனுடன் நட்ஸ், கண்டன்ஸ்டு மில்க் சேர்க்கவும்.

30 நொடிகளுக்குப் பிறகு இறக்கி நன்கு கலக்கவும். சாக்லேட் நன்றாகக் கரைந்த பிறகு ஆறவிடவும். இதை ஒரு கரண்டியால் எடுத்துச் சிறிய உருண்டைகளாக்கி, மேலே கோகோ பவுடர் தூவி உருட்டவும். பிறகு, கப் கேக் லைனருக்குள் வைத்து ஃப்ரிட்ஜில் வைக்கவும். தேவையானபோது எடுத்துச் சுவைக்கலாம்.

குறிப்பு:

ஒரு கிண்ணத்தில் கால் பங்கு தண்ணீரில் நிரப்பி அதை கொதிக்கவிடவும். இன்னொரு கிண்ணத்தில் நறுக்கிய சாக்லேட் சேர்த்து இந்தக் கிண்ணத்தைத் தண்ணீர் இருக்கும் பாத்திரத்தினுள் வைத்து சாக்லேட்டை உருக்கவும். இதுதான் டபுள் பாய்லிங் முறை.

https://www.vikatan.com

December 5, 20178 yr

தொடங்கியவர்

எக்லெஸ் கேக் - குக்கீஸ் ரெசிப்பி

கிறிஸ்துமஸ், புத்தாண்டு என அடுத்தடுத்து தொடர்கின்றன கொண்டாட்டங்கள். இவை மட்டுமல்லாமல் பிறந்த நாள், திருமண நாள், பண்டிகை நாள் என மற்ற நிகழ்ச்சிகளுக்கும் சிறப்பு சேர்க்கக்கூடியதாக விளங்குகிறது கேக்.

இன்றைய நாள்களில் அனைவராலும் விரும்பப்படும் கேக்கை வீட்டிலேயே தயாரித்துச் சுவைத்து மகிழ... சைவ உணவுகளை உண்பவர்கள், விரத நாள்களைக் கடைப்பிடிப்பவர்கள் சாப்பிடும் விதமாக... எக்லெஸ் கேக், குக்கீஸ் ரெசிப்பிகளை நமக்காகச் செய்து அசத்துகிறார், சமையல் கலைஞர் ஸ்வாதி நந்தினி.

குலாப் ஜாமூன் கேக்

தேவையானவை:

குலாப் ஜாமூன் மிக்ஸ் - அரை கப்
கோதுமை மாவு - அரை கப்
சர்க்கரை - அரை கப்
எண்ணெய் - கால் கப்
பால் - அரை கப் (காய்ச்சி ஆறவைத்தது)
ஏலக்காய்த்தூள் - ஒரு டீஸ்பூன்
பேக்கிங் பவுடர் - அரை டீஸ்பூன்
பேக்கிங் சோடா - கால் டீஸ்பூன்
பொடித்த சர்க்கரை – சிறிதளவு

அலங்கரிக்க:

குலாப் ஜாமூன் - 3 (துண்டுகளாக்கவும்)

செய்முறை:

பேக்கிங் அவனை 180° செல்ஷியஸுக்கு ப்ரீஹீட் செய்யவும். பேக்கிங் ட்ரேயில் எண்ணெய் தடவி, சிறிதளவு கோதுமை மாவைத் தூவவும். குலாப் ஜாமூன் மிக்ஸுடன் கோதுமை மாவு, பேக்கிங் பவுடர், பேக்கிங் சோடா சேர்த்துச் சலிக்கவும். அதனுடன் ஏலக்காய்த்தூள் சேர்த்துக் கலக்கவும். சர்க்கரையுடன் எண்ணெய், பால் சேர்த்து, சர்க்கரை கரையும் வரை கலக்கவும். பிறகு, இதனுடன் மாவுக் கலவைச் சேர்த்துக் கலக்கவும். இந்தக் கலவையை பேக்கிங் ட்ரேயில் ஊற்றி, ப்ரீஹீட் செய்த அவனில் 30 நிமிடங்கள் வைத்து `பேக்’ செய்து எடுக்கவும். ஆறிய பின்பு பொடித்த சர்க்கரை தூவி, குலாப் ஜாமூன் துண்டுகளை வைத்து அலங்கரிக்கவும்.

குறிப்பு: ஒரு கப் = 250 கிராம்.

கோதுமை - பனீர் கேக்

தேவையானவை:

பனீர் துண்டுகள் - 20
கோதுமை மாவு - ஒரு கப்
சர்க்கரை - அரை கப்புக்கு சற்று அதிகமாக
பேக்கிங் பவுடர் - ஒரு டீஸ்பூன்
பேக்கிங் சோடா - அரை டீஸ்பூன்
ஏலக்காய்த்தூள் - கால் டீஸ்பூன்
எண்ணெய் - 2 டேபிள்ஸ்பூன்
வினிகர் - ஒரு டேபிள்ஸ்பூன்
டூட்டி ஃப்ரூட்டி - 3 டேபிள்ஸ்பூன்
பால் - ஒரு கப் (காய்ச்சி ஆறவைத்தது)

செய்முறை:

பேக்கிங் அவனை 180° செல்ஷியஸுக்கு ப்ரீஹீட் செய்யவும். பேக்கிங் ட்ரேயில் எண்ணெய் தடவி, சிறிதளவு கோதுமை மாவைத் தூவவும். பனீரைக் கைகளால் நன்கு உதிர்த்து சர்க்கரை, எண்ணெய், வினிகர் சேர்த்துக் கலக்கவும். கோதுமை மாவுடன் பேக்கிங் பவுடர், பேக்கிங் சோடா சேர்த்துச் சலிக்கவும். இதனுடன் ஏலக்காய்த்தூள், பனீர் கலவை, டூட்டி ஃப்ரூட்டி, பால் சேர்த்துக் கலக்கவும். இந்தக் கலவையை பேக்கிங் ட்ரேயில் ஊற்றி, ப்ரீஹீட் செய்த அவனில் 35 முதல் 40 நிமிடங்கள் வரை வைத்து `பேக்’ செய்து எடுக்கவும்.

டூட்டி ஃப்ரூட்டி - ரவை கிறிஸ்துமஸ் கேக்

தேவையானவை:

ரவை - 2 கப்
டூட்டி ஃப்ரூட்டி - 1/3 கப்
பேக்கிங் பவுடர் - ஒரு டீஸ்பூன்
பேக்கிங் சோடா - அரை டீஸ்பூன்
உப்பு - கால் டீஸ்பூன்
சர்க்கரை - ஒரு கப்
தயிர் - ஒரு கப்
எண்ணெய் - 1/3 கப்
வெனிலா எசென்ஸ் - ஒரு டீஸ்பூன்
ஏலக்காய்த்தூள் - ஒரு டீஸ்பூன்
பொடித்த சர்க்கரை - 2 டீஸ்பூன்

செய்முறை:

பேக்கிங் அவனை 180° செல்ஷியஸுக்கு ப்ரீஹீட் செய்யவும். பேக்கிங் ட்ரேயில் எண்ணெய் தடவி, சிறிதளவு கோதுமை மாவைத் தூவவும். ரவையுடன் சர்க்கரை, ஏலக்காய்த்தூள், உப்பு, பேக்கிங் பவுடர், பேக்கிங் சோடா சேர்த்துக் கலக்கவும். இதனுடன் தயிர், எண்ணெய், டூட்டி ஃப்ரூட்டி, வெனிலா எசென்ஸ் சேர்த்துக் கலக்கவும் (தேவையானால் சிறிதளவு பால் சேர்த்துக் கலக்கலாம்). இந்தக் கலவையை பேக்கிங் ட்ரேயில் ஊற்றி ப்ரீஹீட் செய்த அவனில் 40 முதல் 45 நிமிடங்கள் வரை வைத்து `பேக்’ செய்து எடுக்கவும். ஆறிய பின் பொடித்த சர்க்கரை தூவி அலங்கரிக்கவும்.

சுகர் ஃப்ரீ பப்பாயா கேக்

தேவையானவை:

கோதுமை மாவு - ஒரு கப்
ரவை - அரை கப்
பேக்கிங் பவுடர் - ஒரு டீஸ்பூன்
பேக்கிங் சோடா - கால் டீஸ்பூன்
பப்பாளி ப்யூரி - ஒன்றரை கப்
ரோஸ் வாட்டர் - 2 டீஸ்பூன்
எண்ணெய் - அரை கப்
டேட் சிரப் - கால் கப்
தேன் - கால் கப்

அலங்கரிக்க:

டேட் சிரப் - சிறிதளவு

செய்முறை:

பேக்கிங் அவனை 180° செல்ஷியஸுக்கு ப்ரீஹீட் செய்யவும். பேக்கிங் ட்ரேயில் எண்ணெய் தடவி, சிறிதளவு கோதுமை மாவைத் தூவவும். பப்பாளி ப்யூரியுடன் எண்ணெய், தேன் சேர்த்து நன்றாகக் கலக்கவும். கோதுமை மாவுடன் பேக்கிங் பவுடர், பேக்கிங் சோடா சேர்த்துச் சலிக்கவும். இதனுடன் ரவை, பப்பாளி ப்யூரி, ரோஸ் வாட்டர், டேட் சிரப் சேர்த்துக் கலக்கவும். இந்தக் கலவையை பேக்கிங் ட்ரேயில் ஊற்றி, ப்ரீஹீட் செய்த அவனில் 40 முதல் 45 நிமிடங்கள் வரை வைத்து `பேக்’ செய்து எடுக்கவும். ஆறியதும் மேலே சிறிதளவு டேட் சிரப் ஊற்றி அலங்கரித்துப் பரிமாறவும்.

குறிப்பு: பப்பாளியின் தோல், விதைகளை நீக்கி, சிறிய துண்டுகளாக்கி, சிறிதளவு தண்ணீர் விட்டு மிக்ஸியில் அரைத்து எடுத்தால் பப்பாளி ப்யூரி தயார்.

கோதுமை - குல்கந்து கேக்

தேவையானவை:

கோதுமை மாவு - ஒன்றரை கப்
கண்டன்ஸ்டு மில்க் - ஒன்றரை கப்
குல்கந்து - 1/3 கப்
ரோஸ் எசென்ஸ் - ஒரு டேபிள்ஸ்பூன்
பேக்கிங் பவுடர் - ஒரு டீஸ்பூன்
பேக்கிங் சோடா - அரை டீஸ்பூன்
பால் - ஒன்றே முக்கால் கப்
எலுமிச்சைச் சாறு - ஒரு டீஸ்பூன்
உப்பு - ஒரு சிட்டிகை

அலங்கரிக்க:

குல்கந்து - 3 டேபிள்ஸ்பூன்

செய்முறை:

பேக்கிங் அவனை 180° செல்ஷியஸுக்கு ப்ரீஹீட் செய்யவும். பேக்கிங் ட்ரேயில் எண்ணெய் தடவி, சிறிதளவு கோதுமை மாவைத் தூவவும். கோதுமை மாவு, உப்பு, பேக்கிங் பவுடர், பேக்கிங் சோடா ஆகியவற்றைச் சேர்த்துச் சலிக்கவும். குல்கந்துடன் ரோஸ் எசென்ஸ், எலுமிச்சைச் சாறு, கண்டன்ஸ்டு மில்க் சேர்த்து நன்றாகக் கலக்கவும். இதனுடன் மாவு கலவையைச் சேர்த்து, கொஞ்சம் கொஞ்சமாகப் பால் சேர்த்து ஒன்றாகக் கலக்கவும். இந்தக் கலவையை பேக்கிங் ட்ரேயில் ஊற்றி, ப்ரீஹீட் செய்த அவனில் 35 முதல் 40 நிமிடங்கள் வரை வைத்து `பேக்’ செய்து எடுக்கவும். ஆறியதும் குல்கந்தை மேலே தடவி அலங்கரித்துப் பரிமாறவும்.

பேசன் கீ குக்கீஸ்

தேவையானவை:

கடலை மாவு - ஒரு கப்
அரிசி மாவு - 2 டேபிள்ஸ்பூன்
பொடித்த முந்திரி, பாதாம் கலவை - கால் கப்
சர்க்கரை - அரை கப்
நெய் - அரை கப்
ஏலக்காய்த்தூள் - அரை டீஸ்பூன்

செய்முறை:

கடலை மாவுடன் அரிசி மாவு சேர்த்துச் சலிக்கவும். சர்க்கரையை மிக்ஸியில் பவுடராக அரைத்து எடுக்கவும். சலித்த மாவுடன் சர்க்கரை, முந்திரி, பாதாம், ஏலக்காய்த்தூள் சேர்த்துக் கலக்கவும். இதனுடன் உருக்கிய நெய்யைச் சிறிது சிறிதாகவிட்டு மென்மையாகப் பிசையவும். இந்த மாவுக் கலவையை ஒரு பிளாஸ்டிக் பேப்பரில் சுற்றி ஃப்ரிட்ஜில் அரை மணி நேரம் வைத்து எடுக்கவும். பிறகு, மாவைச் சமப்படுத்தி குக்கீ கட்டரால் வெட்டி எடுக்கவும் (சிறிய உருண்டைகளாக்கித் தட்டியும் வைக்கலாம்).
பேக்கிங் ட்ரேயில் நெய் தடவி, சிறிதளவு கடலை மாவைத் தூவவும். அதன்மீது குக்கீஸ்களை இடைவெளிவிட்டு அடுக்கவும். இந்த ட்ரேயை 180° செல்ஷியஸுக்கு ப்ரீஹீட் செய்த அவனில் 15 முதல் 20 நிமிடங்கள் வரை வைத்து `பேக்’ செய்து எடுக்கவும். சுவையான கடலை மாவு நெய் பிஸ்கட் தயார்.

தம்ப் பிரின்ட் கஸ்டர்ட் ஜாம் கேக்

தேவையானவை:

கோதுமை மாவு - ஒரு கப்
கஸ்டர்ட் பவுடர் - அரை கப்
பேக்கிங் பவுடர் - ஒரு டீஸ்பூன்
சோள மாவு (கார்ன்ஃப்ளார்) - 2 டேபிள்ஸ்பூன்
சர்க்கரை - அரை கப்
தயிர் - 3 டேபிள்ஸ்பூன்
வெனிலா எசென்ஸ் - அரை டீஸ்பூன்
எண்ணெய் - கால் கப்
ஜாம் - தேவையான அளவு

செய்முறை:

கோதுமை மாவுடன் பேக்கிங் பவுடர் சேர்த்துச் சலித்து எடுக்கவும். ஜாமை மைக்ரோவேவ் அவனில் ஒரு நிமிடம் வைத்து உருக்கி எடுக்கவும். சர்க்கரையுடன் எண்ணெய் சேர்த்து நன்றாகக் கலக்கவும். இதனுடன் தயிரைச் சேர்த்து நன்றாக நுரை வரும் வரை அடிக்கவும். பிறகு கோதுமை மாவு, கஸ்டர்ட் பவுடர், சோள மாவு, வெனிலா எசென்ஸ் சேர்த்து மென்மையாகப் பிசையவும். இந்த மாவைச் சமப்படுத்தி வட்ட வடிவமாக குக்கீஸ் கட்டரால் வெட்டி எடுக்கவும். அதன் நடுவில் கட்டை விரலை வைத்துச் சிறிய குழி செய்து, குழிகளில் உருக்கிய ஜாமை வைத்து நிரப்பவும். எண்ணெய் தடவிய பேக்கிங் ட்ரேயில் போதுமான இடைவெளிவிட்டு அடுக்கவும். இந்த ட்ரேயை 180° செல்ஷியஸுக்கு ப்ரீஹீட் செய்த அவனில் 12 முதல் 15 நிமிடங்கள் வரை வைத்து `பேக்’ செய்து எடுக்கவும். மேலே சிறிதளவு சர்க்கரையைத் தூவி ஆறவிடவும். சுவையான தம்ப் பிரின்ட் ஜாம் குக்கீஸ் தயார்.

ராகி அண்ட் வீட் குக்கீஸ்

தேவையானவை:

ராகி மாவு (கேழ்வரகு மாவு) - அரை கப்
கோதுமை மாவு - அரை கப்
பேக்கிங் பவுடர் - ஒரு டீஸ்பூன்
சர்க்கரை - அரை கப்
குளிர்ந்த வெண்ணெய் (cold butter) - அரை கப்
பால் - 3 டேபிள்ஸ்பூன் (காய்ச்சி ஆறவைத்தது)

செய்முறை:

கோதுமை மாவுடன் பேக்கிங் பவுடர் சேர்த்துச் சலிக்கவும். வெறும் வாணலியில் ராகி மாவை வாசனை வரும் வரை வறுத்து ஆறவிடவும். அதனுடன் கோதுமை மாவு, குளிர்ந்த வெண்ணெய், சர்க்கரை சேர்த்துக் கைகளால் உதிர் உதிராகப் பிசிறவும். பிறகு, பால் சேர்த்து மென்மையாகப் பிசைந்து பிளாஸ்டிக் பேப்பரில் சுற்றி ஃப்ரிட்ஜில் 15 நிமிடங்கள் வைத்து எடுக்கவும். பிறகு, அதைச் சமப்படுத்தி குக்கீ கட்டரால் வெட்டி எடுக்கவும். எண்ணெய் தடவிய பேக்கிங் ட்ரேயில் போதுமான இடைவெளிவிட்டு அடுக்கவும். இந்த ட்ரேயை 180° செல்ஷியஸுக்கு ப்ரீஹீட் செய்த அவனில் 15 முதல் 18 நிமிடங்கள் வரை வைத்து `பேக்’ செய்து எடுக்கவும். ஆறியதும் ஒரு கப் பாலுடன் பரிமாறலாம்.

ஜிஞ்சர் பிரெட் மேன் குக்கீஸ் (கிறிஸ்துமஸ் குக்கீஸ்)

தேவையானவை:

கோதுமை மாவு - 2 கப்
பொடித்த வெல்லம் - ஒரு கப்
பேக்கிங் பவுடர் - ஒரு டீஸ்பூன்
எண்ணெய் - 1/3 கப்
உப்பு - கால் டீஸ்பூன்
தண்ணீர் - கால் கப்
ஏலக்காய்த்தூள் - ஒரு டீஸ்பூன்
பட்டைத்தூள் - ஒரு டீஸ்பூன்
சுக்குத்தூள் - 2 டீஸ்பூன்
சீரகத்தூள் - அரை டீஸ்பூன்
கிராம்புத்தூள் - அரை டீஸ்பூன்
ஜாதிக்காய்த்தூள் - அரை டீஸ்பூன்

செய்முறை:

வெல்லத்துடன் தண்ணீர் சேர்த்துக் கொதிவிட்டு இறக்கி வடிகட்டவும். கோதுமை மாவுடன் பேக்கிங் பவுடர் சேர்த்துச் சலித்து எடுக்கவும். இதனுடன் உப்பு, எண்ணெய், வெல்லக் கரைசல், ஏலக்காய்த்தூள், பட்டைத்தூள், சுக்குத்தூள், சீரகத்தூள், கிராம்புத்தூள், ஜாதிக்காய்த்தூள் சேர்த்துப் பிசையவும். இதை பிளாஸ்டிக் பேப்பரில் சுற்றி ஃப்ரிட்ஜில் பத்து நிமிடங்கள் வைத்து எடுக்கவும். பிறகு, அதை சமப்படுத்தி `ஜிஞ்சர் பிரெட் மேன்’ வடிவிலான குக்கீ கட்டரால் வெட்டி எடுக்கவும். குக்கீஸ்களை எண்ணெய் தடவிய பேக்கிங் ட்ரேயில் போதுமான இடைவெளிவிட்டு அடுக்கவும். இந்த ட்ரேயை 180° செல்ஷியஸுக்கு ப்ரீஹீட் செய்த அவனில் 15 முதல் 18 நிமிடங்கள் வரை வைத்து `பேக்’ செய்து எடுக்கவும்.

க்ரான்பெர்ரி சுகர் குக்கீஸ்

தேவையானவை:

மைதா மாவு - ஒன்றரை கப்
பேக்கிங் பவுடர் - கால் டீஸ்பூன்
உப்பு - கால் டீஸ்பூன்
சர்க்கரை - அரை கப்
தேங்காய் எண்ணெய் - 1/3 கப்
வெனிலா எசென்ஸ் - ஒரு டீஸ்பூன்
உலர்ந்த க்ரான்பெர்ரி - கால் கப்

செய்முறை:

மைதா மாவுடன் பேக்கிங் பவுடர், உப்பு சேர்த்துச் சலிக்கவும். தேங்காய் எண்ணெயுடன் வெனிலா எசென்ஸ், சர்க்கரை சேர்த்து, சர்க்கரை நன்கு கரையும் வரை கலக்கவும். இதனுடன் சலித்த மாவு, உலர்ந்த க்ரான்பெர்ரி சேர்த்து நன்கு பிசையவும். இதை பிளாஸ்டிக் பேப்பரில் சுற்றி, அரை மணி நேரம் ஃப்ரிட்ஜில் வைத்து எடுக்கவும். பிறகு, அதை சமப்படுத்தி குக்கீ கட்டரால் வெட்டி எடுக்கவும். எண்ணெய் தடவிய பேக்கிங் ட்ரேயில் போதுமான இடைவெளிவிட்டு அடுக்கி, 10 நிமிடங்கள் ஃப்ரிட்ஜில் வைத்து எடுக்கவும். இந்த ட்ரேயை 180° செல்ஷியஸுக்கு ப்ரீஹீட் செய்த அவனில் 10 முதல் 12 நிமிடங்கள் வரை வைத்து `பேக்’ செய்து எடுக்கவும்.

https://www.vikatan.com

December 9, 20178 yr

தொடங்கியவர்

கிறிஸ்துமஸ் கேக்

என்னென்ன தேவை?

வெண்ணெய், சர்க்கரை, மைதா - தலா 200 கிராம்

முட்டை - 2

ஆரஞ்சு ஜூஸ் - 50 மி.லி

பேக்கிங் பவுடர் - முக்கால் டீஸ்பூன்

ஆரஞ்சு எசென்ஸ் - 1 டீஸ்பூன்

ஆரஞ்சு கலர் - சில துளி

எப்படிச் செய்வது?

வெண்ணெயில் சர்க்கரையைச் சிறிது சிறிதாகச் சேர்த்து, கட்டியில்லாமல் கலக்கவும். இதனுடன் ஒவ்வொரு முட்டையாகச் சேர்த்து நன்றாக அடிக்கவும். மைதா மாவுடன் பேக்கிங் பவுடரைச் சேர்த்து, மூன்று முறை சலிக்கவும். அப்போதுதான் இரண்டும் நன்றாகக் கலந்துவிடும். அதனுடன் ஆரஞ்சு ஜூஸைச் சேர்த்து நன்றாகக் கலக்கவும். அதை வெண்ணெய் கலவையுடன் சேர்த்து கலக்கவும். இந்தக் கலவையுடன் ஆரஞ்சு கலர், எசென்ஸ் இரண்டையும் கலந்து நன்றாகக் கலக்கவும். ஒரு செவ்வக வடிவ டிரேயில் வெண்ணெய் தடவி, அதன் மீது இந்தக் கலவையை ஊற்றவும். இதை 120 டிகிரி வெப்ப நிலையில் மைக்ரோ வேவ் அவனில் வைத்து 15 முதல் 20 நிமிடங்கள் வரை பேக் செய்யவும். கேக்கின் நடுவில் சிறு மரக்குச்சியால் குத்தி, வெந்துவிட்டதா எனப் பார்த்து எடுக்கவும்.

கோட்டை அலங்காரம்

என்னென்ன தேவை?

ஃப்ரெஷ் கிரீம் - 100 கிராம்

ஐசிங் சர்க்கரை - 200 கிராம்

குறுக்கப்பட்ட பால் - 1 டேபிள் ஸ்பூன்

எப்படிச் செய்வது?

ஃப்ரெஷ் கிரீம், ஐசிங் சர்க்கரை, குறுக்கப்பட்ட பால் மூன்றையும் நன்றாகக் கலக்கவும். செவ்வக வடிவ கேக்கை இரு சம பாகங்களாக வெட்டி, ஒன்றன் மேல் ஒன்றை வைக்கவும். கேக்கைச் சுற்றி ஐசிங்கைப் பரப்பவும். இதன் மேல் பல வண்ண மிட்டாய்கள், பிஸ்கட்டுகளைப் பதிக்கவும். ஓரங்களில் ஐஸ்கிரீம் கோன் வைத்து, கிறிஸ்துமஸ் மரம், கிறிஸ்துமஸ் தாத்தா பொம்மைகளை வைத்து அலங்கரித்துவிட்டால் அருமையான கிறிஸ்துமஸ் கேக் தயார்.

http://tamil.thehindu.com/society/recipes/வீட்டிலேயே-செய்யலாம்-கிறிஸ்துமஸ்-கேக்/article6715919.ece

2 weeks later...

December 21, 20178 yr

தொடங்கியவர்

கிறிஸ்துமஸ் ஸ்பெஷல்: வீட்டிலேயே ஃபுரூட் கேக் செய்வது எப்படி

கேக் என்று வரும் போது அதில் எத்தனை வெரைட்டிகள் இருந்தாலும், ஃபுரூட் கேட் தான் எப்போதுமே சிறந்தது. கிறிஸ்துமஸ் ஸ்பெஷல் ஃபுரூட் கேக் எப்படி செய்வதென்று பார்க்கலாம்.

ஃபுரூட் கேக்கிற்கு கொடுக்கப்பட்டுள்ள பழங்களை ரம் மற்றும் பிராந்தியில் குறைந்தது 1 வாரத்திற்காவது ஊற வைக்க வேண்டும். அப்போது தான் அதன் சுவை சூப்பராக இருக்கும்.

தேவையான பொருட்கள் :

கேரமலுக்கு…

சர்க்கரை - 1 கப்

தண்ணீர் - 1 கப்

கேக்கிற்கு…

மைதா - 2 1/2 கப்

இன்ஸ்டன்ட் காபி தூள் - 1 டீஸ்பூன்

பேக்கிங் பவுடர் - 2 டீஸ்பூன்

பட்டை தூள் - 1 டீஸ்பூன்

கிராம்பு தூள் - 1 டீஸ்பூன்

ஏலக்காய் பொடி - 1/2 டீஸ்பூன்

ஜாதிக்காய் பொடி - 1/2 டீஸ்பூன்

உப்பு - 1/4 டீஸ்பூன்

உப்பில்லாத வெண்ணெய் - 1 கப்

நாட்டுச்சர்க்கரை - 1 1/2 கப்

முட்டை - 5

வென்னிலா எசன்ஸ் - 2 டீஸ்பூன்

கேரமல் - 1 கப்

ரம் மற்றும் பிராந்தியில் ஊற வைத்த பழங்கள் - 3 கப்

ரம் - 5 டீஸ்பூன்

201712211231020427_1_FruitCake._L_styvpf.jpg

கேரமல் செய்முறை :

* முதலில் ஒரு வாணலியில் சர்க்கரையைப் போட்டு, அடுப்பில் வைத்து சர்க்கரை கரைய வைக்க வேண்டும். குறிப்பாக இந்நிலையில் கரண்டியைப் பயன்படுத்த வேண்டாம். சர்க்கரையானது நன்கு கரைந்து பொன்னிறமாகும் வரை அடுப்பில் வைக்க வேண்டும். சர்க்கரை அடிப் பிடிக்காமல் பார்த்து கவனமாக செய்ய வேண்டும்.

* சர்க்கரையானது கரைந்து பொன்னிறமான பின்னர், அதனை அடுப்பில் இருந்து இறக்கி, அதில் சிறிது தண்ணீர் ஊற்றி, பின் கரண்டி கொண்டு கிளறி, மீண்டும் அடுப்பில் வைத்து, ஒரு நிமிடம் கிளறி இறக்கி கலவையை குளிர வைக்கவேண்டும்.

கேக் செய்முறை :

* முதலில் ஓவனை 160 டிகிரி செல்சியஸில் சூடேற்றிக் கொள்ள வேண்டும்.

* பின்னர் 2, 8×2 இன்ச் பேனில் சிறிது வெண்ணெய் தடவிக் கொள்ள வேண்டும்.

* அடுத்து ஒரு பௌலில் மைதா, காபி பவுடர், பேக்கிங் பவுடர், ஏலக்காய் பொடி, பட்டை தூள், கிராம்பு தூள், ஜாதிக்காய் பொடி மற்றும் உப்பு போட்டுக் கொள்ள வேண்டும்.

* பின்பு மற்றொரு பௌலில் வெண்ணெய் மற்றும் சர்க்கரை சேர்த்த, எலெக்ட்ரிக் பீட்டர் கொண்டு நன்கு 5 நிமிடம் மென்மையாகும் வரை அடித்துக் கொள்ள வேண்டும்.

* அடுத்து அதில் முட்டையை ஒவ்வொன்றாக உடைத்து ஊற்றி நன்கு அடிக்க வேண்டும்.

* பின் வென்னிலா எசன்ஸ் மற்றும் குளிர வைத்துள்ள கேரமல் சேர்த்து நன்கு கிளறிவிடவேண்டும்.

* பிறகு அதில் மைதா கலவையை கட்டி சேராதவாறு கொஞ்சம் கொஞ்சமாக கலந்து சேர்த்து கிளறி விட வேண்டும்.

* பின் ஊற வைத்துள்ள பழங்களை சேர்த்து கிளறி, பேக்கிங் செய்யக்கூடிய பேனில் ஊற்ற வேண்டும்.

* இறுதியில் அதனை ஓவனில் வைத்து, 1 மணிநேரம் பேக் செய்ய வேண்டும். இவ்வளவு 1 நேரம் பேக் செய்த பின்னர், அதனை திறந்து ஒரு டூத்பிக் கொண்டு குத்தி பார்க்கும்போது, அதில் மாவு ஒட்டியிருந்தால், மீண்டும் பேக் செய்ய வேண்டும்.

* பின்னர் அதனை ஓவனில் இருந்து வெளியே எடுத்து குளிர வைத்து, பின் பேனில் இருந்து ஒரு தட்டிற்கு மாற்ற வேண்டும்.

* பின் கேக்கின் ஆங்காங்கு லேசான ஓட்டைகளைப் போட்டு, கேக்கின் மேல் ரம்மை தெளித்துவிட்டு, காற்றுப்புகாத ஒரு டப்பாவில் போட்டு வைத்து, 2-3 நாட்கள் கழித்து சாப்பிட்டால் சூப்பராக இருக்கும்.

* கிறிஸ்துமஸ் ஸ்பெஷல் ஃபுரூட் கேக் ரெடி.

http://www.maalaimalar.com/

December 21, 20178 yr

தொடங்கியவர்

கிறிஸ்துமஸ் ஸ்பெஷல்: பேரீச்சம்பழ கேக்

இந்த வருடம் கிறிஸ்துமஸ் பண்டிகைக்கு பேரீச்சம்பழ கேக் செய்து வீட்டில் உள்ளவர்களை அசத்துங்கள். இன்று இந்த கேக் செய்முறையை பார்க்கலாம்.

தேவையான பொருட்கள்:

பேரீச்சம்பழம் - 25 (விதை நீக்கப்பட்டது )

மைதா - 1 கப்

பால் - 3 /4 கப்

சர்க்கரை - 3 /4 கப்

சமையல் சோடா - 1 தேக்கரண்டி

எண்ணெய் - 1 /2 கப்

அக்ரூட், முந்திரி - தேவையான அளவு.

201712211518525804_1_dates-cake444._L_styvpf.jpg

செய்முறை :

பேரீச்சம்பழத்தை விதை நீக்கிவிட்டு பாலில் 20 நிமிடங்கள் ஊற வைக்கவும்

பேரீச்சம் பழம் நன்றாக ஊறியதும் அதனுடன் சர்க்கரை சேர்த்து நன்றாக அரைத்துக் கொள்ளவும்.

நன்றாக அரைத்த விழுதுடன் எண்ணெய் சேர்த்து நன்றாக கலந்து கொள்ளவும்.

மற்றொரு பாத்திரத்தில் மைதா, சமையல் சோடா இரண்டையும் சேர்த்து நன்றாக கலந்து கொள்ளவும்.

கலந்த மாவை அரைத்த விழுதுடன் சிறிது சிறிதாக சேர்த்து கட்டிஇல்லாமல் நன்றாக கலக்கவும்.

இறுதியாக அக்ரூட், முந்திரி ஆகியவற்றை சேர்த்து கலந்து கொள்ளவும்.

பேக்கிங் பானில் வெண்ணெய் தடவி பின்னர் கலவையை ஊற்றி பரப்பவும்.

மைக்ரோவேவ் ஓவன் 350 F ல் சூடு பண்ணவும்.

பின்னர் பேக்கிங் பானை வைத்து 350 Fஇல் 35 - 40 நிமிடங்களுக்கு பேக் செய்யவும்

சூப்பரான பேரீச்சம்பழ கேக் ரெடி.

http://www.maalaimalar.com

December 22, 20178 yr

தொடங்கியவர்

கிறிஸ்துமஸ் ஸ்பெஷல்: சாக்லேட் கப் கேக்

குழந்தைகளுக்கு கப் கேக் என்றால் மிகவும் பிடிக்கும். இன்று கிறிஸ்துமஸ் ஸ்பெஷல் சாக்லேட் கப் கேக் செய்வது எப்படி என்று பார்க்கலாம்.

தேவையான பொருட்கள் :

மைதா மாவு - ஒன்றே முக்கால் கப்

பேக்கிங் சோடா - கால் டீஸ்பூன்

பேக்கிங் பவுடர் - ஒன்றரை டீஸ்பூன்

கோகோ பவுடர் - முக்கால் கப்

உப்பு - அரை டீஸ்பூன்

வெண்ணெய் - 3 டேபிள்ஸ்பூன்

ஐஸிங் சர்க்கரை - ஒன்றரை கப்

முட்டை - 2

வெனிலா எசன்ஸ் - ஒரு டீஸ்பூன்

பால் - அரை கப்

மஃபின் கேக் லைனர், மோல்ட் - தேவையான அளவு

சாக்லேட் சிப்ஸ் - தேவையான அளவு

201712221514032233_1_Chocolatecupcake._L_styvpf.jpg

செய்முறை :

மைக்ரோவேவ் ஓவனை 180 டிகிரியில் 15 நிமிடம் பிரீஹீட் செய்யவும்.

மஃபின் கேக் மோல்டின் உள்ளே இதன் லைனர்களை வைக்கவும்.

மைதா, பேக்கிங் பவுடர், பேக்கிங் சோடா, கோகோ பவுடர், உப்பு ஆகியவற்றை ஒன்றாகக் கலந்து சலித்துக்கொள்ளவும்.

பெரிய பவுலில் வெண்ணெய், ஐஸிங் சர்க்கரை, வெனிலா எசன்ஸ் சேர்த்து நன்கு மிருதுவாகும் வரை அடித்துக் கொள்ளவும்.

இதில் முட்டைகளை ஒவ்வொன்றாக உடைத்து ஊற்றி, நன்கு அடித்துக் கலக்கவும்.

அடுத்து இதில் சிறிது மைதா மாவுக் கலவை, சிறிது பால் என்கிற ரீதியில் ஒன்றன் பின் ஒன்றாகச் சேர்த்து மிருதுவாகவும், கட்டியில்லாமலும் நன்கு கலக்கவும். கட்டிகள் விழக்கூடாது.

பிறகு மோல்டின் உள்ளே இருக்கும் லைனரின் உள்ளே இக்கலவையை ஊற்றி, பேக்கிங் அவனில் 180 டிகிரியில் 15 முதல் 17 நிமிடங்கள் வரை வைத்து பேக் செய்து எடுக்கவும்.

ஒவ்வொரு சாக்லேட்டின் கப் கேக்கின் மேலும் சாக்லேட் சிப்ஸ் தூவி அலங்கரித்து பரிமாறவும்.

சூப்பரான கிறிஸ்துமஸ் ஸ்பெஷல் சாக்லேட் கப் கேக் ரெடி.

http://www.maalaimalar.com

December 23, 20178 yr

தொடங்கியவர்

கிறிஸ்துமஸ் ஸ்பெஷல்: முட்டையில்லாத பிளாக் ஃபாரஸ்ட் கேக்

புத்தாண்டு மற்றும் கிறிஸ்துமஸ் பண்டிகைக்கு முட்டையில்லாத பிளாக் ஃபாரஸ்ட் கேக்கை எப்படி வீட்டிலேயே தயாரிக்கலாம் என்று பார்க்கலாம்.

தேவையான பொருட்கள் :

கன்டென்ஸ்டு மில்க் - 1 டின்,

சூடான பால் - 1/2 கப்,

வெண்ணெய் - 100 கிராம்,

சர்க்கரை - 60 கிராம்,

வெனிலா எசென்ஸ் - 2 டீஸ்பூன்,

மைதா - 250 கிராம்,

பேக்கிங் பவுடர் - 2 டீஸ்பூன்,

சமையல் சோடா - 1 டீஸ்பூன்,

கோகோ - 4 டீஸ்பூன்.

அலங்கரிக்க...

ஃப்ரெஷ் க்ரீம் - 1/2 கிலோ,

சாக்லேட் பார் - 50 கிராம்,

செர்ரி பழம் - தேவைக்கு.

201712231214579890_1_1blackforestcake._L_styvpf.jpg

செய்முறை :

செர்ரி பழங்களை நீளவாக்கில் வெட்டிக்கொள்ளவும்.

ஒரு பாத்திரத்தில் வெண்ணெய், சர்க்கரை, கன்டென்ஸ்டு மில்க், வெனிலா எசென்ஸ் ஆகியவற்றை போட்டு நுரைக்க அடிக்கவும்.

அடுத்து மைதா, பேக்கிங் பவுடர், கோகோ ஆகியவற்றைச் சேர்த்து சலித்துக் கொள்ளவும்.

அடித்த வெண்ணெய்-சர்க்கரை கலவையுடன் மைதா, பேக்கிங் பவுடர், கோகோ கலவையை சிறிது சிறிதாக சேர்த்து கட்டியில்லாமல் அடித்து கலக்கவும்.

அடுத்து அதில் சூடான பாலையும் ஊற்றி தோசை மாவு பதத்துக்குக் கலந்து, கொள்ளவும்.

ஒரு பேக்கிங் டிரேயில் சிறிது வெண்ணெய் தடவி மைதா மாவை சிறிது தூவி கலந்து வைத்துள்ள கலவையை அதில் ஊற்றறி மைக்ரோவேவ் ஓவனின் 180°C உஷ்ணத்தில் பேக் செய்யவும்.

வெந்ததும் சாக்லேட் கேக்கை வெளியே எடுத்து வைத்து ஆற வைக்கவும். ஆறியதும் சாக்லேட் கேக்கை கத்தியால் 3 பகுதிகளாக பிரிக்கவும். ( தோசை வடிவில்).

ஒரு பாத்திரத்ல் ஃப்ரெஷ் க்ரீமை சேர்த்து நன்றாக நுரைக்க அடிக்கவும். அடித்த ஃப்ரெஷ் க்ரீமில் சிறிதளவு எடுத்து கேக்கின் ஒரு பகுதியின் மேல் தடவவும். பின் அதன் மேல் சாக்லேட் பாரைத் துருவவும்.

அதன் மேல் இன்னொரு கேக் பகுதியை வைத்து அதன் மேல் மீண்டும் ஃப்ரெஷ் க்ரீம், சாக்லேட்டை துருவவும்.

3வது பகுதி கேக்கை அதன் மீது வைத்து மீண்டும் க்ரீம் தடவி சாக்லேட் பாரைத் துருவவும். இப்படி மூன்று முறை செய்தபின் கடைசியில் நான்குபுறமும் க்ரீம் தடவி சாக்லேட் துருவலைத் தூவி, பொடியாக நறுக்கிய செர்ரி பழங்களையும் தூவி அலங்கரித்து சுமார் 4 மணி நேரம் ஃப்ரிட்ஜில் வைத்துப் பரிமாறவும்.

சூப்பரான முட்டையில்லாத பிளாக் ஃபாரஸ்ட் கேக் ரெடி.

http://www.maalaimalar.com

December 26, 20178 yr

கருத்துக்கள உறவுகள்

பேரிச்சம் பழ கேக்கும், பிளாக் ஃ பாரஸ்ட் கேக்கும்தான் நம்மோட டிராவல் பண்ணும்......!

Archived

This topic is now archived and is closed to further replies.

Go to topic listing

Love கருத்துக்களம்? Tell a friend!

யாழ் கள T20 உலகக் கிண்ண கிரிக்கெட் போட்டி - 2026

நீங்களும் நானும் ஒரே அணிகளை இறுதிப் போட்டிக்கு அனுப்பி, எதிர் எதிர் அணிகள் வெல்லும் என்று கணித்திருக்கிறம்.

By செம்பாட்டான் · 1 hour ago1 hr
முன்னாள் அமைச்சர் டக்ளஸ் தேவானந்தா கைது!

டக்ளஸ் தேவானந்தாவை நீதிமன்றில் ஆஜர்படுத்த நடவடிக்கை!
27 Dec, 2025 | 10:49 AM

குற்றப் புலனாய்வு பிரிவினரால் கைதுசெய்யப்பட்ட முன்னாள் அமைச்சர் டக்ளஸ் தேவானந்தாவை கம்பஹா நீதவான் நீதிமன்றில் ஆஜர்படுத்த நடவடிக்கை எடுக்கப்பட்டுள்ளதாக தெரிவிகன்கப்படுகிறது.
தனிப்பட்ட துப்பாக்கியை பாதாள உலகக் குழுவினரிடம் வழங்கியதாகக் கூறப்படும் குற்றச்சாட்டின் கீழ், முன்னாள் அமைச்சர் டக்ளஸ் தேவானந்தா குற்றப்புலனாய்வு திணைக்கள அதிகாரிகளால் வெள்ளிக்கிழமை (26) கைதுசெய்யப்பட்டார்.
கைதுசெய்யப்பட்ட முன்னாள் அமைச்சர் டக்ளஸ் தேவானந்தாவை நீதிமன்றில் ஆஜர்படுத்த நடவடிக்கை எடுக்கப்பட்டுள்ளமை குறிப்படத்தக்கது.
https://www.virakesari.lk/article/234520

By ஏராளன் · 1 hour ago1 hr
இலங்கை மீண்டும் ஒரு பொருளாதார வீழ்ச்சியை சந்திக்குமா? தவிர்ப்பதற்கான 3 வழிகள்

இலங்கை மீண்டும் ஒரு பொருளாதார வீழ்ச்சியை சந்திக்குமா? தவிர்ப்பதற்கான 3 வழிகள்

பட மூலாதாரம்,Getty Images
படக்குறிப்பு,பேரனர்த்தத்தினால் ஏற்பட்ட பௌதிக ரீதியான நேரடிப் பாதிப்புகளின் பெறுமதி 4.1 பில்லியன் அமெரிக்க டாலராக மதிப்பிடப்பட்டுள்ளது.
கட்டுரை தகவல்
ஆர்.யசிஹரன்
பிபிசி தமிழுக்காக
3 மணி நேரங்களுக்கு முன்னர்
இலங்கையில் 'திட்வா' புயல் மழையால் ஏற்பட்ட வெள்ளப்பெருக்கு மற்றும் மண்சரிவு அனர்த்தங்களில் சிக்கி நூற்றுக்கணக்கானோர் பலியாகியிருப்பதுடன், இலட்சக்கணக்கானோர் தமது இருப்பிடங்களையும் வாழ்வாதாரத்தையும் இழந்துள்ளனர்.
இது ஒருபுறம் மனித துயரத்தை வெளிப்படுத்தியிருக்கும் அதே வேளையில் மறுபுறம் தொடர்ச்சியான காலநிலை அதிர்ச்சிகளைத் தாங்கும் அளவுக்கு இலங்கையிடம் போதிய நிதி வசதி இல்லை எனவும், இத்தகைய தீவிர வானிலை மாற்றங்கள் 2022 பொருளாதார வீழ்ச்சிக்குப் பின்னர் எட்டப்பட்ட முன்னேற்றங்களைத் தலைகீழாக மாற்றக்கூடும் எனவும் பொருளாதார நிபுணர்கள் சுட்டிக்காட்டுகின்றனர்.
இந்நிலையில் இலங்கை அரசாங்கத்துடன் நெருங்கிய ஒருங்கிணைப்பை ஏற்படுத்தி, ஜப்பான் அரசாங்கத்தின் உதவியுடன் உலக நாடுகளைச் சேர்ந்த அனர்த்த முகாமைத்துவ தொழில்நுட்ப நிபுணர்கள் ஊடாக இப்பேரனர்த்தத்தினால் ஏற்பட்ட பாதிப்புகள் தொடர்பில் உலக வங்கி மதிப்பீடு ஒன்றை மேற்கொண்டு வருகின்றது. அம்மதிப்பீட்டின் ஊடாகக் கண்டறியப்பட்ட ஆரம்பகட்டத் தகவல்களை உள்ளடக்கிய பூர்வாங்க அறிக்கை இந்த வாரம் வெளியிடப்பட்டது.
பேரனர்த்தத்தினால் 4.1 பில்லியன் அமெரிக்க டாலர் மதிப்பிலான பாதிப்பு
'திட்வா' புயலினால் ஏற்பட்ட பாதிப்புகள் தொடர்பான உலக வங்கியின் பூர்வாங்க மதிப்பீட்டு அறிக்கையின் தரவுகளுக்கு அமைய, இப்பேரனர்த்தத்தினால் ஏற்பட்ட பௌதிக ரீதியான நேரடிப் பாதிப்புகளின் பெறுமதி 4.1 பில்லியன் அமெரிக்க டாலராக மதிப்பிடப்பட்டுள்ளது. இது இலங்கையின் மொத்த உள்நாட்டு உற்பத்தியின் 4 சதவீதம் எனவும் கணிக்கிடப்பட்டுள்ளது.
அத்துடன் இந்த அனர்த்தத்தினால் ஏற்பட்ட மறைமுகப் பாதிப்புகளின் பெறுமதி மற்றும் மீளக்கட்டியெழுப்பல் செலவினங்கள் என்பன கணிப்பிடப்பட்டதன் பின்னர் நாட்டின் பொருளாதாரத்துக்கு ஏற்பட்ட மொத்தப் பாதிப்பின் அளவு மேலும் உயர்வடையக்கூடும் எனவும் உலக வங்கி தெரிவித்துள்ளது.
இந்த 4.1 பில்லியன் அமெரிக்க டாலராகக் கணிப்பிடப்பட்டிருக்கும் பௌதிக ரீதியான நேரடிப் பாதிப்புகளில் வீதிகள், பாலங்கள், புகையிரதப் பாதைகள், மின்விநியோகக் கட்டமைப்புகள், தொலைத்தொடர்புக் கட்டமைப்புக்கள், நீர் விநியோகக் கட்டமைப்புகள், போக்குவரத்து வசதிகள் உள்ளிட்ட உட்கட்டமைப்பு வசதிகளுக்கு ஏற்பட்ட சேதத்தின் பெறுமதி 1.735 பில்லியன் அமெரிக்க டாலராகும்.
பொதுமக்களின் வீடுகளுக்கு ஏற்பட்ட சேதத்தின் பெறுமதி 985 மில்லியன் அமெரிக்க டாலராகும்.
நெற்பயிர்ச்செய்கை நிலங்கள், ஏனைய விவசாய நிலங்கள், விவசாய நடவடிக்கைகளுக்கு அவசியமான உட்கட்டமைப்பு வசதிகள், உள்ளூர் மீன்பிடி நடவடிக்கைகளில் ஏற்பட்ட பாதிப்புகள் என்பன உள்ளடங்கலாக விவசாயம் மற்றும் மீன்பிடித்துறைக்கு ஏற்பட்ட பாதிப்பின் பெறுமதி 814 மில்லியன் அமெரிக்க டாலராகும்.
பாடசாலைகள், சுகாதார வசதிகள், வணிகங்கள், கைத்தொழில் என்பன உள்ளிட்ட வீடுகள் அல்லாத கட்டடங்களுக்கு ஏற்பட்ட சேதத்தின் பெறுமதி 562 மில்லியன் அமெரிக்க டாலராகும்.
"வறுமைக்கோட்டின் கீழ் வாழும் மக்களின் வாழ்வாதாரத்தையே பறித்துள்ளது"

பட மூலாதாரம்,Getty Images
படக்குறிப்பு,வாழ்வாதாரத்தை மீட்டெடுக்கும் செயற்பாடுகள் மிகவும் கடினமான ஒன்றாக மாறியுள்ளது
இந்த நேரடித் தாக்கமானது இலங்கையின் பொருளாதார மீட்சிப்பாதையை கேள்விக்குறியாக்கி உள்ளதுடன், அடுத்த கட்ட நிலைமைகளை கையாள்வதில் அரசாங்கம் நெருக்கடிகளைச் சந்திக்க நேர்ந்துள்ளதாக இலங்கையின் முன்னணி பொருளாதார ஆய்வு அமைப்பான "அட்வகாட்டா" சுட்டிக்காட்டுகின்றது.
இது குறித்து அட்வகாட்டா அமைப்பின் நிறைவேற்றுப் பணிப்பாளர் தனநாத் பெர்னாண்டோ பிபிசி தமிழிடம் பேசுகையில், "இந்த அனர்த்தம் மிகவும் வறுமைக்கோட்டின் கீழ் வாழும் மக்களின் வாழ்வாதாரத்தையே பறித்துள்ளது. இலங்கையின் ஏனைய மாவட்டங்களுடன் ஒப்பிடுகையில் மத்திய மலைநாட்டின் பிரதேசங்களில் மிகவும் கடினமாக உழைக்கும் மக்களின் அன்றாட வாழ்வாதாரத்தை நாசமாக்கியுள்ள நிலையில் அவற்றை மீட்டெடுக்கும் செயற்பாடுகள் மிகவும் கடினமான ஒன்றாக மாறியுள்ளது." எனத் தெரிவித்தார்.

மறைமுக தாக்கங்கள் குறித்து ஆராய்ந்தால் இந்த இழப்பானது மேலும் பல மடங்கு அதிகரிக்கும் என்று கூறும் தனநாத், இலங்கை கடினமான சூழலை எதிர்கொண்டுள்ளது என்றும் தெரிவிக்கிறார்.
தொடர்ந்து பேசிய அவர், "பாதிக்கப்பட்ட பிரதேசங்களில் மக்களின் வாழ்வாதாரம், அவர்கள் மீண்டெழும் கால எல்லை, இதனால் அடுத்ததாக நாட்டின் பொருளாதாரத்திற்கு ஏற்படப்போகும் தாக்கங்களை கணக்கிட்டால் இந்த சேதங்கள் மற்றும் அதனால் ஏற்படப் போகும் விளைவுகள் மிக மோசமானதாக அமையப் போகின்றது." என்றார்.
அதுமட்டுமல்லாது இந்த பேரனர்த்தத்தில் அதிகளவில் பொது சொத்துகளே அழிந்துள்ளன என்றும் தனநாத் தெரிவித்தார்.
"இவற்றை மீள் கட்டமைக்க அரச நிதியே முழுமையாக செலவாகும். ஆகவே அரசாங்கத்தின் ஏனைய நிதி நெருக்கடிகளுக்கு மத்தியில் இவற்றை முதலில் கையாள வேண்டியுள்ளமையானது மிகப்பெரிய கடினத்தன்மையை உருவாக்கப் போகின்றது" எனவும் அவர் சுட்டிக்காட்டினார்.

பட மூலாதாரம்,Dhananath Fernando
படக்குறிப்பு,அட்வகாட்டா அமைப்பின் நிறைவேற்றுப் பணிப்பாளர் தனநாத் பெர்னாண்டோ
'வறுமை மற்றும் உணவுப் பாதுகாப்பின்மை மேலும் அதிகரிக்கக் கூடும்'
இப்பேரனர்த்தத்தின் விளைவாக விவசாயத்துறை வெகுவாகப் பாதிப்படைந்தமையினால் வறுமை மற்றும் உணவுப் பாதுகாப்பின்மை என்பன மேலும் அதிகரிக்கக்கூடும் எனவும் உலக வங்கியின் பூர்வாங்க அறிக்கையில் எச்சரிக்கை விடுக்கப்பட்டுள்ளது.
அதேபோன்று 'திட்வா' சூறாவளியினால் சுமார் 277,000 விவசாயிகள் பாதிக்கப்பட்டிருப்பதாகவும், மீன்பிடித்துறையில் 20.5 முதல் 21.5 மில்லியன் இலங்கை ரூபாய் வரையில் இழப்பு ஏற்பட்டிருப்பதாகவும் ஐ.நா உணவு மற்றும் விவசாய அமைப்பு மதிப்பிட்டுள்ளது.
மேலும் 2026-ஆம் ஆண்டின் பெரும்போகத்தை எதிர்பார்த்து பயிர்ச்செய்கையை மேற்கொண்ட மற்றும் பயிரிடுவதற்கு உத்தேசித்திருந்த விவசாயிகள் இப்பேரனர்த்தத்தினால் வெகுவாகப் பாதிக்கப்பட்டிருப்பதாக ஐ.நா உணவு மற்றும் விவசாய அமைப்பு சுட்டிக்காட்டியுள்ளது.
பேரனர்த்தத்தினால் 374,000 தொழிலாளர்கள் பாதிப்பு
அதேபோன்று, இப்பேரனர்த்தத்தினால் தொழிலாளர்கள் மத்தியிலும், தொழிற்சந்தையிலும் ஏற்பட்டிருக்கும் பாதிப்புகள் தொடர்பில் மதிப்பீடு ஒன்றை மேற்கொண்டிருக்கும் சர்வதேச தொழிலாளர் ஸ்தாபனம், அதனூடாகக் கண்டறியப்பட்ட அடிப்படைத் தகவல்கள் அடங்கிய பூர்வாங்க அறிக்கையை வெளியிட்டுள்ளது.
'அந்த அறிக்கையில் 'திட்வா' புயலை அடுத்து ஏற்பட்ட பேரனர்த்தமானது 16 சதவீத மொத்த உள்நாட்டு உற்பத்தியை அச்சுறுத்தல் நிலைக்குள் தள்ளியிருக்கிறது. இதன் பெறுமதி சுமார் 16 பில்லியன் டாலராகும்' என்று அதில் குறிப்பிடப்பட்டுள்ளது.
அதேபோன்று அனர்த்தத்தினால் பாதிக்கப்பட்டுள்ள பகுதிகளில் சுமார் 374,000 தொழிலாளர்கள் வசிப்பதாகவும், இதன் விளைவாக அவர்கள் தமது வாழ்வாதாரம் மற்றும் குடும்ப வருமானத்தை இழந்திருப்பதாகவும் அறிக்கையில் சுட்டிக்காட்டப்பட்டுள்ளது.
இதில் 244,000 ஆண்களையும், 130,000 பெண்களையும் உள்ளடக்கிய இத்தொழிலாளர்களின் மாதாந்த வருமான இழப்பு சுமார் 48 மில்லியன் அமெரிக்க டாலராகும்.

பட மூலாதாரம்,Getty Images
படக்குறிப்பு,இலங்கையில் அனர்த்தத்தினால் சுமார் 374,000 தொழிலாளர்கள் பாதிக்கப்பட்டுள்ளனர்.
துறை ரீதியாக நோக்குமிடத்து இவர்களில் 85,000 பேர் விவசாயத்துறை சார்ந்தும், 125,000 பேர் கைத்தொழில்துறை சார்ந்தும், 164,000 பேர் சேவைத்துறை சார்ந்தும் தொழில்களில் ஈடுபட்டவர்களாவர் என்ற தரவுகளை சர்வதேச தொழிலாளர் ஸ்தாபனம் வெளியிட்டுள்ளது.
விவசாயம் மற்றும் மீன்பிடி என்பன இந்நாட்டுப் பொருளாதாரத்தின் இரு பிரதான துறைகளாகும். மொத்த வேலைவாய்ப்பில் நான்கில் ஒரு பங்கானவை இவ்விரு துறைகளையும் சார்ந்தவையாகும்.
குறிப்பாக மத்திய மலைநாட்டில் மேற்கொள்ளப்படும் தேயிலைப் பயிர்ச்செய்கை மூலம் 2.5 மில்லியனுக்கும் மேற்பட்டோர் வேலைவாய்ப்பைப் பெற்றிருப்பதுடன், அத்துறையானது வருடாந்திதிர ஏற்றுமதிகளில் 1.3 பில்லியன் அமெரிக்க டாலர் பங்களிப்பைக் கொண்டிருக்கின்றது.
தற்போதைய பேரனர்த்தத்தினால் இத்துறை பரந்துபட்டளவில் பாதிப்படைந்திருக்கின்றது. அதேவேளை ஆரம்பகட்ட மதிப்பீடுகளின் பிரகாரம் நெற்பயிர்ச் செய்கை மேற்கொள்ளப்படும் பகுதிகளில் 23 சதவீதமானவை வெள்ளப்பெருக்கினால் பாதிக்கப்படக் கூடிய அச்சுறுத்தலைக் கொண்டிருக்கின்றன என்ற காரணிகளை சர்வதேச தொழிலாளர் ஸ்தாபனம் வெளிப்படுத்தியுள்ளது.
அத்தியாவசிய பொருள் விலையேற்றம் மக்களுக்கு நெருக்கடி தருமா?
இந்த அனர்த்தத்தின் விளைவாக நாட்டில் அத்தியாவசிய பொருட்களின் விலையேற்றம் மற்றும் வரி உயர்வுக்கு பொதுமக்கள் முகங்கொடுக்க நேரிடலாம் என எதிர்க்கட்சி நாடாளுமன்ற உறுப்பினர் கலாநிதி ஹர்ஷ டி சில்வா சுட்டிக்காட்டினார்.
"பாதிக்கப்பட்ட மக்களுக்கு நிவாரணங்களை வழங்கி அவர்களின் வாழ்வாதாரத்தை பாதுகாக்க அரசாங்கம் நடவடிக்கை எடுக்க வேண்டிய அதேநேரத்தில் மக்களின் அன்றாட வாழ்க்கையை பாதிக்காத வகையில் பொருளாதாரத்தையும் கையாள வேண்டும். இவ்வாறான ஒரு சூழ்நிலையில் மக்கள் அதிக பணம் கொடுத்து அத்தியாவசிய பொருட்களை பெற்றுக்கொள்ள முடியாது. எனினும் அத்தியாவசிய பொருட்களின் விலைகளை அதிகரிக்க அரசாங்கம் நடவடிக்கை எடுக்கப்போகின்றதா என்ற சந்தேகம் எழுதுள்ளது," என அவர் தெரிவித்தார்.

பட மூலாதாரம்,Getty Images
படக்குறிப்பு,அனர்த்தத்தின் விளைவாக நாட்டில் அத்தியாவசிய பொருட்களின் விலையேற்றம் மற்றும் வரி உயர்வுக்கு பொதுமக்கள் முகங்கொடுக்க நேரிடலாம் என எதிர்க்கட்சி நாடாளுமன்ற உறுப்பினர் கலாநிதி ஹர்ஷ டி சில்வா சுட்டிக்காட்டினார். (கோப்புப்படம்)
இலங்கை மீண்டும் ஒரு பொருளாதார வீழ்ச்சியை சந்திக்குமா?
இந்நிலையில், பேரனர்த்தத்தின் பின்னர் இலங்கை எதிர்கொண்டுள்ள பொருளாதார நெருக்கடியை தொடர்ந்து நோபல் பரிசு பெற்ற ஜோசப் ஸ்ரிக்ளிற்ஸ் உள்ளிட்ட 121 சர்வதேசப் பொருளாதார நிபுணர்கள் இலங்கையின் நிலைமையை தெளிவுபடுத்திய கூட்டறிக்கை ஒன்றினையும் விடுத்துள்ளனர்.
இலங்கையின் தற்போதைய கடன் மறுசீரமைப்பு ஒப்பந்தம் நாட்டின் கடன் நெருக்கடிக்கு நிலையான தீர்வைத் தரவில்லை. 'திட்வா' சூறாவளி உள்ளிட்ட இயற்கை அனர்த்தங்களால் இலங்கை கடுமையாகப் பாதிக்கப்பட்டுள்ள நிலையில், அரசாங்க வருமானத்தில் 25 சதவீதத்தை வெளியகக் கடன் செலுத்தலுக்குப் பயன்படுத்துவது உலகிலேயே மிக உயர்ந்த அளவாகும் என அந்த அறிக்கையின் ஊடாக அவர்கள் கரிசனை வெளியிட்டுள்ளனர்.
மேலும், "இது நாட்டின் மீள்கட்டமைப்பு, விவசாயம் மற்றும் சமூகப் பாதுகாப்பு நடவடிக்கைகளைப் பெரிதும் பாதிக்கிறது. மீண்டும் ஒரு கடன் நெருக்கடி ஏற்பட 50 சதவீத வாய்ப்புள்ளதாகச் சர்வதேச நாணய நிதியமே எச்சரித்துள்ள சூழலில், தற்போதைய கடன் செலுத்தலை உடனடியாக இடைநிறுத்திவிட்டு, நாட்டின் பொருளாதார ஸ்திரத்தன்மையை உறுதிப்படுத்தக்கூடிய புதிய கடன் மறுசீரமைப்பு செயன்முறைக்குச் செல்ல வேண்டும்." என அவர்கள் அந்த அறிக்கையில் வலியுறுத்தியுள்ளனர்.
"நாட்டை மீட்டெடுக்க அரசாங்கத்திடம் நிதி உள்ளது"

பட மூலாதாரம்,Anil Jayantha
படக்குறிப்பு,நிதி அமைச்சர் அனில் ஜயந்த
இவ்வாறான சவால்கள் குறித்து சர்வதேச மற்றும் தேசிய அளவில் நிபுணர்கள் எச்சரிக்கை விடுத்துள்ள நிலையில் அரசாங்கத்தின் செயற்பாடுகளை நிதி அமைச்சர் அனில் ஜயந்த பிபிசி தமிழிடம் விவரித்தார்.
"தேசிய மக்கள் சக்தி அரசாங்கம் நாட்டை பொறுப்பேற்கும் போது பொருளாதார ரீதியாக முழுமையாக வீழ்ச்சியடைந்த நாட்டையே பொறுப்பேற்றோம். ஆகவே நெருக்கடியில் இருந்த நாட்டை முதலில் மீட்டெடுக்கும் சவாலுக்கே முகங்கொடுக்க நேர்ந்தது. இம்முறை அரசாங்கம் முன்வைத்த வரவு செலவு திட்டமானது நாட்டின் ஸ்திரத்தன்மை உறுதிப்படுத்தும் வகையிலான வரவு செலவு திட்டமாகவே அமைந்தது." என்று அவர் தெரிவித்தார்.
தொடர்ந்து பேசிய அவர் "அதில் படிப்படியாக வெற்றிகண்டு வந்திருந்த நிலையில் தான் எதிர்பாராத விதமாக இயற்கை அனர்த்தத்திற்கு முகங்கொடுக்க நேர்ந்துள்ளது. ஆனால் இந்த அனர்த்தம் அரசாங்கத்தின் வெற்றிகரமான பயணத்தை தடுத்துள்ளது என்ற முடிவுக்கு வந்துவிடக் கூடாது. கடந்த ஆண்டு அரசாங்கம் கையாண்ட அரச நிதி முகாமைத்துவம் மற்றும் அனாவசிய செலவுகளைக் குறைத்து சேமித்த பணத்தில் ஒரு பங்கினை மக்களுக்காக செலவு செய்யக்கூடியதாக உள்ளது," என்றார்.
சர்வதேச நாடுகளின், அமைப்புகளின் நிதி உதவிகள் மற்றும் நீண்டகால கடன் அடிப்படையிலான நிதி உதவிகள் கிடைத்து வருகின்ற நிலையில் இந்த மோசமான நிலைமைகளை கையாள இலகுவாக உள்ளது என்று அனில் ஜயந்த தெரிவித்தார்.
முதலில் மக்களின் வாழ்வாதாரத்துக்கும், நாட்டின் பொருளாதாரத்தில் மிக முக்கியமான பங்கினை வகிக்கும் துறைகளுக்கு ஏற்பட்டுள்ள தாக்கங்களை சீர்செய்து நாட்டின் பொருளாதார ஸ்திரத்தன்மையை உறுதிப்படுதுவதற்கே அரசாங்கம் முன்னுரிமை வழங்கி வருகின்றது என்றும் அவர் குறிப்பிட்டார்.
இலங்கை முன்னுள்ள 3 வழிகள்
தற்போது செலவு செய்வதற்கான நிதி தம்மிடம் இருப்பதாக அரசாங்கம் கூறுகிறது. ஆனால் இந்த நிதி தற்போதைய பேரனர்த்தத்தில் பாதிக்கப்பட்ட மக்களுக்கான நிவாரணங்களை வழங்குவதற்கு போதுமானதாக இருந்தாலும் அவர்களின் வாழ்வாதாரத்தை கட்டியெழுப்ப முன்னெடுக்க வேண்டிய அடுத்தக்கட்ட வேலைத் திட்டங்களுக்கு இந்த நிதி போதுமானதாக இருக்காது என்பதை பொருளாதார ஆய்வு அமைப்புகள் சுட்டிக்காட்டுகின்றன.
இலங்கையின் பிரதான பொருளாதார ஆய்வு அமைப்புகளான 'அட்வகாட்டா' மற்றும் 'வெரிடே', பாதிக்கப்பட்ட மக்களின் வாழ்வாதாரத்தை சாதாரண நிலைமைக்கு கொண்டுவர மேலும் சில ஆண்டுகள் கட்டாயமாக தேவைப்படும், அதுவரையில் நாட்டின் பொருளாதாரத்திற்கு ஏற்படப் போகும் தாக்கங்களை சமாளிக்க மிகக் கடினமாக இருக்கும் எனத் தெரிவிக்கின்றனர்.
விவசாய நிலங்கள் பாரிய அளவில் சேதமடைந்துள்ள நிலையில் உணவு தட்டுப்பாடு மற்றும் உற்பத்தியில் பின்னடைவுகளுக்கு முகங்கொடுத்தே ஆகவேண்டிய சூழ்நிலை உருவாகும் என வெரிடே ஆய்வு மையத்தின் நிறைவேற்று பணிப்பாளர் நிஷான் டி மெல் பிபிசி தமிழிடம் தெரிவித்தார்.
"இந்த காலகட்டத்தில் சகல பொருட்களையும் இறக்குமதி செய்வதற்கே முன்னுரிமை கொடுக்கும் நிலைமை ஏற்படும்., இந்த நெருக்கடிகளை சமாளிக்க அரசாங்கம் புதிதாக பணத்தை அச்சடிக்க வேண்டும் அல்லது கடன் பெற வேண்டும். அவ்வாறு இல்லையென்றால் வரிகளை அதிகரிக்க வேண்டும். இது மூன்றும் இல்லாத மாற்றுவழி அரசாங்கத்திடம் இல்லை," என்கிறார் தனநாத் பெர்னாண்டோ.
- இது, பிபிசிக்காக கலெக்டிவ் நியூஸ்ரூம் வெளியீடு
https://www.bbc.com/tamil/articles/cp9kgjep5xno

By ஏராளன் · 1 hour ago1 hr
யாழ் கள T20 உலகக் கிண்ண கிரிக்கெட் போட்டி - 2026

முதல் சுற்றுப் போட்டி கேள்விகள் 1) முதல் 40) வரை.

1)
முதல் சுற்று குழு A:சனி 07 பெப்: 5:30 AM, கொழும்பு (SSC), நெதர்லாந்து எதிர் பாகிஸ்தான்
NED
PAK
PAK
2)
முதல் சுற்று குழு C:சனி 07 பெப்: 9:30 AM, ஏடென் கார்டன்ஸ், பங்களாதேஷ் எதிர் மேற்கிந்தியத் தீவுகள்
BAN
WI
WI
3)
முதல் சுற்று குழு A:சனி 07 பெப்: 1:30 PM, வாங்கெடே, இந்தியா எதிர் ஐக்கிய அமெரிக்கா
IND
USA
IND
4)
முதல் சுற்று குழு D:ஞாயிறு 08 பெப்: 5:30 AM, சென்னை, ஆப்கானிஸ்தான் எதிர் நியூஸிலாந்து
AFG
NZ
NZ
5)
முதல் சுற்று குழு C:ஞாயிறு 08 பெப்: 9:30 AM, வாங்கெடே, இங்கிலாந்து எதிர் நேபாளம்
ENG
NEP
ENG
6)
முதல் சுற்று குழு B:ஞாயிறு 08 பெப்: 1:30 PM, கொழும்பு (RPS), சிறிலங்கா எதிர் அயர்லாந்து
SL
IRE
SL
7)
முதல் சுற்று குழு C:திங்கள் 09 பெப்: 5:30 AM, ஏடென் கார்டன்ஸ், பங்களாதேஷ் எதிர் இத்தாலி
BAN
ITA
BAN
8)
முதல் சுற்று குழு B:திங்கள் 09 பெப்: 9:30 AM, கொழும்பு (SSC), ஓமான் எதிர் ஸிம்பாப்வே
OMA
ZIM
ZIM
9)
முதல் சுற்று குழு D:திங்கள் 09 பெப்: 1:30 PM, அஹமதாபாத், கனடா எதிர் தென்னாபிரிக்கா
CAN
SA
SA
10)
முதல் சுற்று குழு A:செவ்வாய் 10 பெப்: 5:30 AM, டெல்லி, நமீபியா எதிர் நெதர்லாந்து
NAM
NED
NED
11)
முதல் சுற்று குழு D:செவ்வாய் 10 பெப்: 9:30 AM, சென்னை, நியூஸிலாந்து எதிர் ஐக்கிய அமீரகம்
NZ
UAE
NZ
12)
முதல் சுற்று குழு A:செவ்வாய் 10 பெப்: 1:30 PM, கொழும்பு (SSC), பாகிஸ்தான் எதிர் ஐக்கிய அமெரிக்கா
PAK
USA
PAK
13)
முதல் சுற்று குழு D:புதன் 11 பெப்: 5:30 AM, அஹமதாபாத், ஆப்கானிஸ்தான் எதிர் தென்னாபிரிக்கா
AFG
SA
SA
14)
முதல் சுற்று குழு B:புதன் 11 பெப்: 9:30 AM, கொழும்பு (RPS), அவுஸ்திரேலியா எதிர் அயர்லாந்து
AUS
IRE
AUS
15)
முதல் சுற்று குழு C:புதன் 11 பெப்: 1:30 PM, வாங்கெடே, இங்கிலாந்து எதிர் மேற்கிந்தியத் தீவுகள்
ENG
WI
ENG
16)
முதல் சுற்று குழு B:வியாழன் 12 பெப்: 5:30 AM, பல்லேகல, சிறிலங்கா எதிர் ஓமான்
SL
OMA
SL
17)
முதல் சுற்று குழு C:வியாழன் 12 பெப்: 9:30 AM, வாங்கெடே, இத்தாலி எதிர் நேபாளம்
ITA
NEP
NEP
18)
முதல் சுற்று குழு A:வியாழன் 12 பெப்: 1:30 PM, டெல்லி, இந்தியா எதிர் நமீபியா
IND
NAM
IND
19)
முதல் சுற்று குழு B:வெள்ளி 13 பெப்: 5:30 AM, கொழும்பு (RPS), அவுஸ்திரேலியா எதிர் ஸிம்பாப்வே
AUS
ZIM
AUS
20)
முதல் சுற்று குழு D:வெள்ளி 13 பெப்: 9:30 AM, டெல்லி, கனடா எதிர் ஐக்கிய அமீரகம்
CAN
UAE
CAN
21)
முதல் சுற்று குழு A:வெள்ளி 13 பெப்: 1:30 PM, சென்னை, நெதர்லாந்து எதிர் ஐக்கிய அமெரிக்கா
NED
USA
NED
22)
முதல் சுற்று குழு B:சனி 14 பெப்: 5:30 AM, கொழும்பு (SSC), அயர்லாந்து எதிர் ஓமான்
IRE
OMA
IRE
23)
முதல் சுற்று குழு C:சனி 14 பெப்: 9:30 AM, ஏடென் கார்டன்ஸ், பங்களாதேஷ் எதிர் இங்கிலாந்து
BAN
ENG
ENG
24)
முதல் சுற்று குழு D:சனி 14 பெப்: 1:30 PM, அஹமதாபாத், நியூஸிலாந்து எதிர் தென்னாபிரிக்கா
NZ
SA
SA
25)
முதல் சுற்று குழு C:ஞாயிறு 15 பெப்: 5:30 AM, வாங்கெடே, நேபாளம் vd மேற்கிந்தியத் தீவுகள்
NEP
WI
WI
26)
முதல் சுற்று குழு A:ஞாயிறு 15 பெப்: 9:30 AM, சென்னை, நமீபியா எதிர் ஐக்கிய அமெரிக்கா
NAM
USA
NAM
27)
முதல் சுற்று குழு A:ஞாயிறு 15 பெப்: 1:30 PM, கொழும்பு (RPS), இந்தியா எதிர் பாகிஸ்தான்
IND
PAK
IND
28)
முதல் சுற்று குழு D:திங்கள் 16 பெப்: 5:30 AM, டெல்லி, ஆப்கானிஸ்தான் எதிர் ஐக்கிய அமீரகம்
AFG
UAE
AFG
29)
முதல் சுற்று குழு C:திங்கள் 16 பெப்: 9:30 AM, ஏடென் கார்டன்ஸ், இங்கிலாந்து எதிர் இத்தாலி
ENG
ITA
ENG
30)
முதல் சுற்று குழு B:திங்கள் 16 பெப்: 1:30 PM, பல்லேகல, அவுஸ்திரேலியா எதிர் சிறிலங்கா
AUS
SL
AUS
31)
முதல் சுற்று குழு D:செவ்வாய் 17 பெப்: 5:30 AM, சென்னை, கனடா எதிர் நியூஸிலாந்து
CAN
NZ
NZ
32)
முதல் சுற்று குழு B:செவ்வாய் 17 பெப்: 9:30 AM, பல்லேகல, அயர்லாந்து எதிர் ஸிம்பாப்வே
IRE
ZIM
ZIM
33)
முதல் சுற்று குழு C:செவ்வாய் 17 பெப்: 1:30 PM, வாங்கெடே, பங்களாதேஷ் எதிர் நேபாளம்
BAN
NEP
BAN
34)
முதல் சுற்று குழு D:புதன் 18 பெப்: 5:30 AM, டெல்லி, தென்னாபிரிக்கா எதிர் ஐக்கிய அமீரகம்
SA
UAE
SA
35)
முதல் சுற்று குழு A:புதன் 18 பெப்: 9:30 AM, கொழும்பு (SSC), நமீபியா எதிர் பாகிஸ்தான்
NAM
PAK
PAK
36)
முதல் சுற்று குழு A:புதன் 18 பெப்: 1:30 PM, அஹமதாபாத், இந்தியா எதிர் நெதர்லாந்து
IND
NED
IND
37)
முதல் சுற்று குழு C:வியாழன் 19 பெப்: 5:30 AM, ஏடென் கார்டன்ஸ், இத்தாலி எதிர் மேற்கிந்தியத் தீவுகள்
ITA
WI
WI
38)
முதல் சுற்று குழு B:வியாழன் 19 பெப்: 9:30 AM, கொழும்பு (RPS), சிறிலங்கா எதிர் ஸிம்பாப்வே
SL
ZIM
SL
39)
முதல் சுற்று குழு D:வியாழன் 19 பெப்: 1:30 PM, சென்னை, ஆப்கானிஸ்தான் எதிர் கனடா
AFG
CAN
AFG
40)
முதல் சுற்று குழு B:வெள்ளி 20 பெப்: 1:30 PM, பல்லேகல, அவுஸ்திரேலியா எதிர் ஓமான்
AUS
OMA
AUS
முதல் சுற்று குழு A:

41)
முதல் சுற்று குழு A போட்டிகளில் முன்னணியில் வரும் இரண்டு அணிகள் எவை? சரியான பதில் ஒவ்வொன்றுக்கும் தலா 2 புள்ளிகள் வீதம் வழங்கப்படும் (அதிகபட்சம் 4 புள்ளிகள் கிடைக்கலாம்)

IND
Select
IND
IND

PAK
Select
PAK
PAK

USA
Select
USA
Select

NED
Select
NED
Select

NAM
Select
NAM
Select
42)
முதல் சுற்று குழு A போட்டிகளில் முன்னணியில் வரும் இரண்டு அணிகளையும் சரியான வரிசையில் பட்டியல் இடுக. கேள்வி 41) க்கு பதிலாகக் கொடுக்கப்பட்ட அணிகள் மாத்திரமே ஏற்றுக்கொள்ளப்படும். (அதிக பட்சம் 3 புள்ளிகள் கிடைக்கலாம்)

குழு A: முதலிடம் - ? (2 புள்ளிகள்)

Group A - First IND

குழு A: இரண்டாமிடம் - ? (1 புள்ளிகள்)

Group A - Second PAK
43)
முதல் சுற்று குழு A போட்டிகளில் இறுதியாக வரும் அணி எது? சரியான பதிலுக்கு 1 புள்ளி வழங்கப்படும்!

USA
முதல் சுற்று குழு B:

44)
முதல் சுற்று குழு B போட்டிகளில் முன்னணியில் வரும் இரண்டு அணிகள் எவை? சரியான பதில் ஒவ்வொன்றுக்கும் தலா 2 புள்ளிகள் வீதம் வழங்கப்படும் (அதிகபட்சம் 4 புள்ளிகள் கிடைக்கலாம்)

AUS
Select
AUS
AUS

SL
Select
SL
SL

IRE
Select
IRE
Select

ZIM
Select
ZIM
Select

OMA
Select
OMA
Select
45)
முதல் சுற்று குழு B போட்டிகளில் முன்னணியில் வரும் இரண்டு அணிகளையும் சரியான வரிசையில் பட்டியல் இடுக. கேள்வி 16) க்கு பதிலாகக் கொடுக்கப்பட்ட அணிகள் மாத்திரமே ஏற்றுக்கொள்ளப்படும். (அதிக பட்சம் 3 புள்ளிகள் கிடைக்கலாம்)

குழு B: முதலிடம் - ? (2 புள்ளிகள்)

Group B - First AUS

குழு B: இரண்டாமிடம் - ? (1 புள்ளிகள்)

Group B - Second SL
46)
முதல் சுற்று குழு B போட்டிகளில் இறுதியாக வரும் அணி எது? சரியான பதிலுக்கு 1 புள்ளி வழங்கப்படும்!

OMA
முதல் சுற்று குழு C :

47)
முதல் சுற்று குழு C போட்டிகளில் முன்னணியில் வரும் இரண்டு அணிகள் எவை? சரியான பதில் ஒவ்வொன்றுக்கும் தலா 2 புள்ளிகள் வீதம் வழங்கப்படும் (அதிகபட்சம் 4 புள்ளிகள் கிடைக்கலாம்)

ENG
Select
ENG
ENG

WI
Select
WI
Select

BAN
Select
BAN
BAN

NEP
Select
NEP
Select

ITA
Select
ITA
Select
48)
முதல் சுற்று குழு C போட்டிகளில் முன்னணியில் வரும் இரண்டு அணிகளையும் சரியான வரிசையில் பட்டியல் இடுக. கேள்வி 47) க்கு பதிலாகக் கொடுக்கப்பட்ட அணிகள் மாத்திரமே ஏற்றுக்கொள்ளப்படும். (அதிக பட்சம் 3 புள்ளிகள் கிடைக்கலாம்)

குழு C: முதலிடம் - ? (2 புள்ளிகள்)

Group C - First ENG

குழு C: இரண்டாமிடம் - ? (1 புள்ளிகள்)

Group C - Second BAN
49)
முதல் சுற்று குழு C போட்டிகளில் இறுதியாக வரும் அணி எது? சரியான பதிலுக்கு 1 புள்ளி வழங்கப்படும்!

ITA
முதல் சுற்று குழு D :

50)
முதல் சுற்று குழு D போட்டிகளில் முன்னணியில் வரும் இரண்டு அணிகள் எவை? சரியான பதில் ஒவ்வொன்றுக்கும் தலா 2 புள்ளிகள் வீதம் வழங்கப்படும் (அதிகபட்சம் 4 புள்ளிகள் கிடைக்கலாம்)

NZ
Select
NZ
NZ

SA
Select
SA
SA

AFG
Select
AFG
Select

CAN
Select
CAN
Select

UAE
Select
UAE
Select
51)
முதல் சுற்று குழு D போட்டிகளில் முன்னணியில் வரும் இரண்டு அணிகளையும் சரியான வரிசையில் பட்டியல் இடுக. கேள்வி 50) க்கு பதிலாகக் கொடுக்கப்பட்ட அணிகள் மாத்திரமே ஏற்றுக்கொள்ளப்படும். (அதிக பட்சம் 3 புள்ளிகள் கிடைக்கலாம்)

குழு D: முதலிடம் - ? (2 புள்ளிகள்)

Group D - First NZ

குழு D: இரண்டாமிடம் - ? (1 புள்ளிகள்)

Group D - Second SA
52)
முதல் சுற்று குழு D போட்டிகளில் இறுதியாக வரும் அணி எது? சரியான பதிலுக்கு 1 புள்ளி வழங்கப்படும்!

CAN
சுப்பர் 8 சுற்றுப் போட்டி கேள்விகள் 53) முதல் 64) வரை.

53)
சுப்பர் 8: குழு 2:சனி 21 பெப்: 1:30 PM, கொழும்பு (RPS), Y2 எதிர் Y3
Y2
Y3
Y2
54)
சுப்பர் 8: குழு 2:ஞாயிறு 22 பெப்: 9:30 AM, பல்லேகல, Y1 எதிர் Y4
Y1
Y4
Y1
55)
சுப்பர் 8: குழு 1:ஞாயிறு 22 பெப்: 1:30 PM, அஹமதாபாத், X1 எதிர் X4
X1
X4
X1
56)
சுப்பர் 8: குழு 1:திங்கள் 23 பெப்: 1:30 PM, வாங்கெடே, X2 எதிர் X3
X2
X3
X2
57)
சுப்பர் 8: குழு 2:செவ்வாய் 24 பெப்: 1:30 PM, பல்லேகல, Y1 எதிர் Y3
Y1
Y3
Y3
58)
சுப்பர் 8: குழு 2:புதன் 25 பெப்: 1:30 PM, கொழும்பு (RPS), Y2 எதிர் Y4
Y2
Y4
Y4
59)
சுப்பர் 8: குழு 1:வியாழன் 26 பெப்: 9:30 AM, அஹமதாபாத், X3 எதிர் X4
X3
X4
X4
60)
சுப்பர் 8: குழு 1:வியாழன் 26 பெப்: 1:30 PM, சென்னை, X1 எதிர் X2
X1
X2
X2
61)
சுப்பர் 8: குழு 2:வெள்ளி 27 பெப்: 1:30 PM, கொழும்பு (RPS), Y1 எதிர் Y2
Y1
Y2
Y1
62)
சுப்பர் 8: குழு 2:சனி 28 பெப்: 1:30 PM, பல்லேகல, Y3 எதிர் Y4
Y3
Y4
Y3
63)
சுப்பர் 8: குழு 1:ஞாயிறு 01 மார்ச்: 9:30 AM, டெல்லி, X2 எதிர் X4
X2
X4
X2
64)
சுப்பர் 8: குழு 1:ஞாயிறு 01 மார்ச்: 1:30 PM, ஏடென் கார்டன்ஸ், X1 எதிர் X3
X1
X3
X1
சுப்பர் 8 குழு 1:

65)
சுப்பர் 8 சுற்று குழு 1 போட்டிகளில் முன்னணியில் வரும் இரண்டு அணிகள் எவை? சரியான பதில் ஒவ்வொன்றுக்கும் தலா 2 புள்ளிகள் வீதம் வழங்கப்படும் (அதிகபட்சம் 4 புள்ளிகள் கிடைக்கலாம்)

X1
Select
X1
X1

X2
Select
X2
X2

X3
Select
X3
Select

X4
Select
X4
Select
66)
சுப்பர் 8 சுற்று குழு 1 போட்டிகளில் முன்னணியில் வரும் இரண்டு அணிகளையும் சரியான வரிசையில் பட்டியல் இடுக. கேள்வி 65) க்கு பதிலாகக் கொடுக்கப்பட்ட அணிகள் மாத்திரமே ஏற்றுக்கொள்ளப்படும். (அதிக பட்சம் 5 புள்ளிகள் கிடைக்கலாம்)

சுப்பர் 8: குழு 1: முதலிடம் - ? (3 புள்ளிகள்)

Super 8: Group 1 - First X2

சுப்பர் 8: குழு 1: இரண்டாமிடம் - ? (2 புள்ளிகள்)

Super 8: Group 1 - Second X1
67)
சுப்பர் 8 சுற்று குழு 1 போட்டிகளில் இறுதியாக வரும் அணி எது? சரியான பதிலுக்கு 1 புள்ளி வழங்கப்படும்!

X3
சுப்பர் 8 குழு 2:

68)
சுப்பர் 8 சுற்று குழு 2 போட்டிகளில் முன்னணியில் வரும் இரண்டு அணிகள் எவை? சரியான பதில் ஒவ்வொன்றுக்கும் தலா 2 புள்ளிகள் வீதம் வழங்கப்படும் (அதிகபட்சம் 4 புள்ளிகள் கிடைக்கலாம்)

Y1
Select
Y1
Y1

Y2
Select
Y2
Select

Y3
Select
Y3
Y3

Y4
Select
Y4
Select
69)
சுப்பர் 8 சுற்று குழு 2 போட்டிகளில் முன்னணியில் வரும் இரண்டு அணிகளையும் சரியான வரிசையில் பட்டியல் இடுக. கேள்வி 68) க்கு பதிலாகக் கொடுக்கப்பட்ட அணிகள் மாத்திரமே ஏற்றுக்கொள்ளப்படும். (அதிக பட்சம் 5 புள்ளிகள் கிடைக்கலாம்)

சுப்பர் 8: குழு 2: முதலிடம் - ? (3 புள்ளிகள்)

Super 8: Group 2 - First Y3

சுப்பர் 8: குழு 2: இரண்டாமிடம் - ? (2 புள்ளிகள்)

Super 8: Group 2 - Second Y1
70)
சுப்பர் 8 சுற்று குழு 2 போட்டிகளில் இறுதியாக வரும் அணி எது? சரியான பதிலுக்கு 1 புள்ளி வழங்கப்படும்!

Y4
அரையிறுதிப் போட்டிகள்:

அரைரையிறுதிப் போட்டிக்குரிய அணிகள் கேள்விகள் 66)க்கும் 69) க்கும் கொடுக்கப்பட்ட விடைகளில் உள்ளன. இவற்றினையே பின்வரும் கேள்விகளுக்கு பதிலளிக்கப் பாவிக்கவேண்டும்.

71)
முதலாவது அரையிறுதிப் போட்டியில் வெற்றி பெறும் அணி எது? (3 புள்ளிகள்)
அரையிறுதி 1: புதன் 04 மார்ச்: 1:30 PM, ஏடென் கார்டன்ஸ்/கொழும்பு (RPS),
Super 8: Group 1 - First X2
Super 8: Group 2 - Second Y1
AUS
72)
இரண்டாவது அரையிறுதிப் போட்டியில் வெற்றி பெறும் அணி எது? (3 புள்ளிகள்)
அரையிறுதி 2: வியாழன் 05 மார்ச்: 1:30 PM, வாங்கெடே,
Super 8: Group 2 - First Y3
Super 8: Group 1 - Second X1
IND
இறுதிப் போட்டி:

இறுதிப் போட்டிக்குரிய அணிகள் கேள்விகள் 71)க்கும் 72) க்கும் கொடுக்கப்பட்ட விடைகளில் உள்ளன. இவற்றில் ஒன்றையே பதிலாகத் தரவேண்டும்.

73)
உலகக்கிண்ணப் போட்டியில் வெற்றி பெறும் அணி எது? (5 புள்ளிகள்)
ஞாயிறு 08 மார்ச்: 1:30 PM, அஹமதாபாத்/கொழும்பு (RPS)
அரையிறுதி 1 இல் வெற்றி பெறும் அணி எதிர் அரையிறுதி 2 இல் வெற்றி பெறும் அணி
AUS
IND
AUS
உலகக் கிண்ண சாதனை படைக்கும் அணிகள்/வீரர்கள்:

74)
இந்த தொடரில் ஏதாவது ஒரு போட்டியில் அதிக ஓட்டங்களை பெறும் அணி எது? (3 புள்ளிகள்)

IND
75)
இந்த தொடரில் ஏதாவது ஒரு போட்டியில் குறைந்த ஓட்டங்களை பெறும் அணி எது? (3 புள்ளிகள்)

ITA
76)
இந்த தொடரில் அதிக ஒட்டங்கள் பெறும் வீரர் யார்? ( சரியான பெயரைக் குறிப்பிடுபவருக்கு 4 புள்ளிகள்)

Travis Head
77)
இந்த தொடரில் அதிக ஒட்டங்கள் பெறுபவர் எந்த அணியை சேர்ந்தவர்? (3 புள்ளிகள், கேள்வி 76 க்கு கொடுக்கப்பட்ட வீரர் இந்தப் பதிலுக்கான அணியில் இருக்கவேண்டிய அவசியமில்லை! )

IND
78)
இந்த தொடரில் அதிக விக்கற்றுகள் பெறும் வீரர் யார்? (சரியான பெயரைக் குறிப்பிடுபவருக்கு 4 புள்ளிகள்)

அர்ஷ்தீப் சிங்
79)
இந்த தொடரில் அதிக விக்கற்றுகள் பெறுபவர் எந்த அணியை சேர்ந்தவர்? (3 புள்ளிகள், கேள்வி 78 க்கு கொடுக்கப்பட்ட வீரர் இந்தப் பதிலுக்கான அணியில் இருக்கவேண்டிய அவசியமில்லை! )

AUS
80)
இந்த தொடரில் ஏதாவது ஒரு போட்டியில் அதிக ஒட்டங்கள் பெறும் வீரர் யார்? (சரியான பெயரைக் குறிப்பிடுபவருக்கு 4 புள்ளிகள் )

அபிஷேக் சர்மா
81)
இந்த தொடரில் ஏதாவது ஒரு போட்டியில் அதிக ஒட்டங்கள் பெறுபவர் எந்த அணியை சேர்ந்தவர்? (3 புள்ளிகள், கேள்வி 80 க்கு கொடுக்கப்பட்ட வீரர் இந்தப் பதிலுக்கான அணியில் இருக்கவேண்டிய அவசியமில்லை! )

SA
82)
இந்த தொடரில் ஏதாவது ஒரு போட்டியில் அதிக விக்கெட் எடுக்கும் பந்து வீச்சாளர் யார்? (சரியான பெயரைக் குறிப்பிடுபவருக்கு 4 புள்ளிகள்)

ஜஸ்பிரித் பும்ரா
83)
இந்த தொடரில் ஏதாவது ஒரு போட்டியில் அதிக விக்கெட் எடுக்கும் பந்து வீச்சாளர் எந்த அணியை சேர்ந்தவர்? (3 புள்ளிகள், கேள்வி 82 க்கு கொடுக்கப்பட்ட வீரர் இந்தப் பதிலுக்கான அணியில் இருக்கவேண்டிய அவசியமில்லை! )

AUS
84)
இந்த தொடரில் சிறந்த ஆட்டக்காரர் (Player of the Tournament) யார்? (சரியான பெயரைக் குறிப்பிடுபவருக்கு 4 புள்ளிகள்)

IND
85)
இந்த தொடரில் சிறந்த ஆட்டக்காரர் (Player of the Tournament) எந்த அணியை சேர்ந்தவர்? (3 புள்ளிகள், கேள்வி 84 க்கு கொடுக்கப்பட்ட வீரர் இந்தப் பதிலுக்கான அணியில் இருக்கவேண்டிய அவசியமில்லை! )

AUS

By ஏராளன் · 1 hour ago1 hr
ஜெர்மனிக்கான பன்டேஸ்பேங்கின் முன்னறிவிப்பு: பொருளாதாரம் படிப்படியாக மீண்டு வரும்.அரசாங்க செலவினங்களும் ஏற்றுமதிகளும் வளர்ச்சியை ஆதரிக்கின்றன - பணவீக்கம் மெதுவாகக் குறைகிறது.

ஜெர்மனிக்கான பன்டேஸ்பேங்கின் முன்னறிவிப்பு: பொருளாதாரம் படிப்படியாக மீண்டு வரும்.அரசாங்க செலவினங்களும் ஏற்றுமதிகளும் வளர்ச்சியை ஆதரிக்கின்றன - பணவீக்கம் மெதுவாகக் குறைகிறது.

இலகுவான பிரச்சினைகளை இலகுவாக தீர்க்காமல் அதனை தீவிரமாக்குவதனால் எந்த பிரயோசனமும் இருக்காது, அரசியல்வாதிகள் எங்கும் ஒரே பிரச்சினைக்குரியவர்களாகவே இருக்கிறார்கள்.
அவுச்றேலியாவில் மொரிசன் என ஒரு பிரதமர் தற்போதய பிரதமருக்கு முன்னர் இருந்தார் (அவரது முழுப்பெயர் நினைவில்லை), நாடு பற்றியெரிந்த போது உலகசுற்றுலா போனார், வர்த்தக பங்காளி நாடான சீனாவுடன் சர்ச்சையினை உருவாக்கினார, ஆசிய பசுபிக் பிராந்தியத்தில் தேவையற்ற இராணுவ முறுகல் நிலையினை தோற்றுவித்தார்.
செய்திகளில் இந்த போர் அந்தா போர் என அவர்கள் பங்கிற்கு கதையளந்தார்கள், பின்னர் அவர் தேர்தலில் தோற்று எங்கோ காணாமல் போய்விட்டார்.
ஆனால் அவர் ஏற்படுத்திய சமூக பொருளாதார பிரச்சினைகள் இன்னும் தொடர்கிறது.
சொந்த நாட்டின் நலனை கவனியாது; நாட்டினை சிக்கலில் மாட்டி விட்டு பின்னர் எதாவது ஒன்றியங்களில் ஏதாவது மதிப்புமிக்க வேலைகளை தேடுவதற்காக சுயநலமாக செயல்படும் தலைவர்கள்.

By vasee · 2 hours ago2 hr

ஈழத்தமிழர் மீதான இனவழிப்புப் போரில் எனது தனிப்பட்ட அனுபவங்கள்
ஈழத்தமிழர் மீதான இனவழிப்புப் போரில் எனது தனிப்பட்ட அனுபவங்கள்

ஈழத்தமிழர் மீதான இனவழிப்புப் போரில் எனது தனிப்பட்ட அனுபவங்கள் அண்மையில் இஸ்ரேலுக்குப் பயணம் செய்த தனது அனுபவங்களை திரு நிராஜ் டேவிட் அவர்கள் காணொளிகள் வாயிலாக வெளியிட்டு வருகிறார். அவற்றில் சில காணொளிகளில் அவர் அங்கு தங்கியிருந்த‌ நாட்களில் பயணித்த பலவிடங்களையும் காட்சிப்படுத்தியிருந்தார். அவற்றுள் ஒன்று யூத மக்கள் மீது இரண்டாம் உலக யுத்த காலத்தில் நாசிகளால் மேற்கொள்ளப்பட்ட இனக்கொலை தொடர்பான சாட்சியங்கள், ஆதாரங்கள் ஆகியவற்றினை பாரிய நினைவாலயம் ஒன்றினுள் காட்சிப்படுத்தியிருந்தமை பதிவுசெய்யப்பட்டிருந்தது. தம்மீது நிகழ்த்தப்பட்ட இனக்கொலை தொடர்பாக தமது சந்ததிகள் தொடர்ச்சியாக அறிந்துகொள்ளவேண்டும் என்பதும், இனிமேல் அவ்வாறனதொரு இனக்கொலை தமது இனம் மீது நடக்காது தவிர்ப்பது எந்தளவு முக்கியமானது என்பதையும் தம் இன மக்களுக்கு தொடர்ச்சியாக வலியுறுத்துவதும் இந்நினைவாலயத்தின் நோக்கம் என்றும் அவர் தெரிவித்திருந்தார். கொல்லப்பட்ட அறுபது இலட்சம் யூதர்களில் ஒரு பகுதியினர் பயன்படுத்திய காலணிகள், அவர்களால் அணியப்பட்ட கறுப்பும் வெள்ளையும் சேர்ந்த வரிரியிலான ஆடைகள், அவர்கள் பயன்படுத்திய உணவருந்தும் பாத்திரங்கள், அவர்களின் புகைப்படங்கள் என்பவற்றோடு அவர்களை வதைப்படுத்திக் கொன்றுபோட்ட பல நாசிப் படைத் தளபதிகளின் புகைப்படங்களும் அங்கு மிக நேர்த்தியாக காட்சிப்படுத்தப்பட்டிருந்தது. இவற்றைத் தனது காணொளிகளில் காண்பித்த டேவிட் அவர்கள், எமதினத்திற்கு நடந்த அக்கிரமங்கள், அழிவுகள் குறித்து நாம் பேசுவதை எம்மில் ஒரு பகுதியினரே தடுத்து வருவதையும், சிங்கள இனத்தோடு நாம் ஒன்றித்து வாழ்வதை இவ்வாறான "பழங்கதைகள் பேசுதல்" எனும் முயற்சி தடுத்துவிடும் என்றும், அது இனவொற்றுமையினைக் குலைத்துவிடும் என்றும் காரணம் கூறிவ‌ருவதையும் குறிப்பிட்டு அங்கலாய்த்திருந்தார்.யூதர்கள் தமக்கு நடந்த அழிவினைத் தொடர்ச்சியாகப் பேசியும், காட்சிப்படுத்தியும், ஆவணப்படுத்தியும் வரும் நிலையில், நாமோ எம்மீது நடத்தப்பட்ட அழிவுகளை வேண்டுமென்றே மறுத்தோ அல்லது மறைத்தோ வாழத் தலைப்படுதல் ஈற்றில் எமது இருப்பிற்கே முடிவாய் அமைந்துவிடும் என்பதும் அவரது ஆதங்கமாக இருந்தது.இக்காணொளிகளின் இறுதிப்பகுதியில் தமிழ் மக்களை நோக்ல்கி வேண்டுகோள் ஒன்றினை அவர் முன்வைத்தார். அதுதான் நாம் அனைவரும், தனிப்பட்ட ரீதியிலோ அல்லது ஒரு குழுவாகவோ எம்மீது நடத்தப்பட்ட அனைத்து அக்கிரமங்களையும் ஏதோ ஒரு வகையில், ஏதோ ஒருவடிவில் கட்டாயம் ஆவணப்படுத்தியோ அல்லது காட்சிப்படுத்தியோ தீரவேண்டும் என்பது. அவரது காணொளிகளைப் பார்த்தபோது அவர் கூறுவது எனக்குச் சரியென்றே பட்டது. ஏனென்றால், எம்மீது நடத்தப்பட்ட அநீதிகளை நாமே பேசவோ அல்லது காட்சிப்படுத்தவோ மறுப்பின், வேறு யார்தான் இதைச் செய்யப்போகிறார் எனும் கேள்வி எனக்குள் வந்தது. ஆகவேதான் எம்மீது நடத்தப்பட்ட அக்கிரமங்கள் தொடர்பான எனது அனுபவங்களை இங்கு பதிவிடலாம் என்று நினைக்கிறேன். இத்தளத்தில் இருக்கும் ஏனையவர்களும் தமது தனிப்பட்ட அனுபவங்களை இங்கு பகிருமாறும் வேண்டிக்கொள்கிறேன்.
- 26 replies
ரஞ்சித்

December 7Dec 7
Featured by மோகன்

December 8Dec 8
சாத்தான் படை (IPKF)
சாத்தான் படை (IPKF)

* அன்பான உறவுகளே, இந்தப் புத்தகம் அன்றைய இந்திய அமைதிப்படை (ஆக்கிரமிப்புப் படை) கால சம்பவங்களையும், அன்று ஊடகங்களில் வெளியான செய்திகளையும் தொகுத்து செய்யப்பட்டுள்ளது. மிகுந்த சிரமங்களுக்கு மத்தியில், இன்றைய சூழல் கருதியும் தேவை கருதியும் ஈழத்திலிருந்து எடுப்பித்திருக்கிறோம். இதனை உங்களின் நண்பர்களுக்கும், தெரிந்தவர்களுக்கும் அனுப்பி உண்மைகளை அறியச் செய்யவேண்டும் என்று கேட்டுக்கொள்கிறோம். [குறிப்பாக உங்களுக்குத் தெரிந்த தமிழக நண்பர்களுக்கு, மக்களுக்கு, ஊடகங்களுக்கு, அரசியற் கட்சியனருக்கு, அமைப்புகளுக்கு அனுப்பிவைக்கவும்.]* * flash: http://ebook.yarl.com/ipkf/ * pdf zipped: Part 1 http://www.mediafire.com/?emj0zigyjyu Part 2 http://www.mediafire.com/?i5tzkzyjfny Part 3 http://www.mediafire.com/?tz1mvzdgggz * pdf: Part 1 http://ebook.yarl.com/ipkf/Satarnic-Force_Part1.pdf Part 2 http://ebook.yarl.com/ipkf/Satarnic-Force_Part2.pdf Part 3 http://ebook.yarl.com/ipkf/Satarnic-Force_Part3.pdf அன்பான உறவுகளே, தற்போதைய இலங்கையின் போர்ச்சூழல் பற்றி நீங்கள் அறிவீர்கள். திட்டமிட்ட வகையில் நடத்தப்படும் இனவழிப்பு / இனக்கருவறுப்புப் போரில் - ஒவ்வொரு நாளும் - குழந்தைகள், பெண்கள், முதியோர் என ஆயுதம் ஏந்தாத அப்பாவிப் பொதுமக்கள் - எந்தவிதப் பாகுபாடுமின்றி - கொத்துக்கொத்தாக கொத்தணிக் குண்டுகளாலும், பொஸ்பரஸ் அடங்கிய எரிகுண்டுகளாலும் படுகொலை செய்யப்படுகிறார்கள். "பாதுகாப்பு வலயம்" என அறிவித்து - அங்கும் மக்களை அரக்கத்தனமாகக் கொல்கிறார்கள். சிறிலங்கா அரசின் கட்டுப்பாட்டுப் பகுதிக்கு வரச்சொல்லி - ஆண்கள் பெண்களென வகைபிரித்து - பெண்களை பாலியல் வன்முறைக்கு உள்ளாக்கிப் பின் கொன்று புதைக்கிறார்கள். புதிய ஆண்டும் அவர்களுக்கு கொலைக்களமாகத்தான் பிறந்தது. இந்த ஆண்டின் இரண்டு மாத காலத்தில் மட்டும் - 1500 க்கும் அதிகமான மக்கள் சிறிலங்கா பேரினவாத அரசால் கொல்லப்பட்டுவிட்டார்கள். ஒரு இளம் சந்ததியே - ஒரு புதிய தலைமுறையே - கை, கால் இல்லாத சந்ததியாக மாற்றப்பட்டுக் கொண்டிருக்கிறது. இந்தச் சூழலில் - இந்த இன்னல் நிறைந்த காலகட்டத்தில் - தமிழகத்திலிருந்து எழும் ஒவ்வொரு ஆதரவுக் குரலும் புலம்பெயர் மக்களாகிய எமக்கு எவ்வளவு ஆறுதலாக இருக்கிறதென்பதை நீங்கள் அறீவீர்களோ தெரியாது. உங்களின் ஆதரவான ஒவ்வொரு சொல்லும் எங்கள் கண்ணீரைத் துடைக்க வல்லன. எமக்கு ஆதரவாக நீங்கள் வீதியில் இறங்கும் போதும் - உரக்கக் குரல் கொடுக்கும் போதும் - நாம் நம்பிக்கை கொள்கிறோம். சாதாரண நம்பிக்கையல்ல - சரித்திரம் படைக்கிற நம்பிக்கை. ஆனாலும் உறவுகளே - இன்னொரு கசப்பான உண்மையையும் நாம் உங்களுக்கு சொல்ல விரும்புகிறோம். உங்கள் ஆதரவான நம்பிக்கை தரும் குரல்களுக்கும் மத்தியிலிருந்து - தமிழகத்திலிருந்து - எம்மீது வெறுப்பைக் கக்குகிற சில குரல்கள் இன்னும் ஒலித்துக் கொண்டிருக்கின்றன. அவை, மீண்டும் மீண்டும் எம்மைக் காயப்படுத்துகின்றன. நாம் காயப்படுவதைப் பற்றி கவலைப்படவில்லை. அந்தக் குரல்கள் ஒட்டுமொத்தத் தமிழகத்தின் ஆதரவுக் குரலையும் பலவீனப்படுத்திவிடும் என்றே பயப்படுகிறோம். உலகத் தமிழினமே இன்று ஒன்றுபட்டு நிற்கையில் - பகைவளர்க்கும் இந்தச் சில குரல்கள் - தமிழினத்தின் விடுதலையில் கீறல்களை ஏற்படுத்திவிடக் கூடாதென்றே விரும்புகிறோம். ஈழத்தமிழர் பிரச்சனை/அவலம் பற்றி நீங்கள் பேசுகிற போதெல்லாம் - ராஜீவ்காந்தியின் கொலையை முன்னிறுத்தி - உங்களின் வாயை அடைக்கப் பார்க்கிறார்கள். ஈழத்தின் விடுதலை பற்றிப் பேசுகிறபோதெல்லாம் - ராஜீவ்காந்தியின் கொலையை முன்னிறுத்தி - கொச்சைப்படுத்துகிறார்கள். உங்களின் எழுச்சியை அவர்கள் ஒற்றை வார்த்தை கொண்டு ஒதுக்கிவிடப் பார்க்கிறார்கள். உலகத் தமிழரின் ஒற்றுமையை ஒற்றைவார்த்தையால், சாத்தியமற்றதாக்கிவிடலாம் என்று நினைக்கிறார்கள். எனவே அன்பான உறவுகளே, எந்தச் சூழ்நிலையிலும் நீங்கள் சோர்ந்துவிடக்கூடாது - எவருக்கு முன்னும் நீங்கள் தலைகுனியக்கூடாது - உண்மைகளை உணர்ந்துகொள்ளவேண்டும் என்கிற நோக்கோடு இந்தப் புத்தகத்தை மின்னூல் வடிவில் உங்கள் முன் வைக்கிறோம். ராஜீவ்காந்தியின் கொலையை யார் செய்தார்கள்? அவர் கொலை செய்யப்பட்டது சரியா பிழையா? யார் யாருக்கு அதில் பங்குள்ளது என்பது பற்றியெல்லாம் நாம் இங்கு பேச முனையவில்லை. அவற்றை ஒருபுறம் நாம் ஒதுக்கிவைத்துவிட்டு - எங்கிருந்து எல்லாம் தொடங்கியது என்று பார்த்தால் - சிலவேளை உண்மைகள் புரியக்கூடும். அமைதிப்படை என்கிற பேரில் ஈழத்து மண்ணில் கால்வைத்த இந்திய சாத்தான் படை - எப்படியெல்லாம் ஈழத்தமிழர்களைக் கொடூரமாகக் கொலை செய்ததென்பதைப் பாருங்கள். ஈழத்தமிழரின் விடுதலைப் போரைச் சிதைக்க எப்படியெல்லாம் துணைநின்றார்கள் என்பதைப் பாருங்கள். மீண்டும், அதே கொடுமையையும் துரோகத்தையும் - சிங்கள அரசுக்கு உதவுவதினூடாக/சிங்கள இராணுவத்தின் பின்னாலிருந்து யுத்தத்தை நடத்துவதினூடாக - இந்தியா செய்கிறது. இப்படியான சூழலில் நீங்கள் ஈழத்தமிழர்களுக்கு ஆதரவாக எழுப்புகிற குரலை நசுக்க ராஜீவ்காந்தியின் கொலையைத் தூக்கிப்பிடிக்கிறார்கள். இதை தொடர்ந்து கவனிக்கிற போது, ஈழத்தமிழர் பிரச்சனை தமிழகத்தில் பேசப்படக்கூடாது என்பதற்காகவும், ஈழத்தமிழர்களுக்கு தமிழகம் உதவக்கூடாது என்பதற்காகவும், ஈழத்தமிழர் பிரச்சனை பற்றி பேசப்படுகிறபோது ராஜீவ்காந்தி கொலை கண்ணுக்கு முன் வரவேண்டும் என்பதற்காகவும் - யாரோ திட்டமிட்டு நீண்டகால அரசியல் இலாபத்தோடு இதைச் செய்திருக்கிறார்கள் என்றே உணர முடிகிறது. இந்திய/தமிழக நண்பர்களே, உறவுகளே, ஊடகங்களே நாம் பழையதை நினைவுபடுத்தி, எமக்குள் உள்ள உறவைக் காயப்படுத்த விரும்பவில்லை. எனினும், உண்மைகளை நீங்கள் அறிந்துகொள்ளவேண்டும் என்று விரும்புகிறோம். உங்களின் ஆதரவுக் குரல்கள் "ராஜீவ்காந்தியின் கொலை" என்கிற ஒற்றை வார்த்தையைக் கொண்டு அடக்கப்பட்டுவிடக் கூடாது என்பதற்காகவே நாம் இந்தப் புத்தகத்தை உங்களுக்கு அனுப்புகிறோம். நாம் மீண்டும் மீண்டும் எல்லோராலும் ஏமாற்றப்படுகிறோம் என்பதை நீங்கள் புரிந்துகொள்ளவேண்டும். * அன்பான உறவுகளே, இந்தப் புத்தகம் அன்றைய இந்திய அமைதிப்படை (ஆக்கிரமிப்புப் படை) கால சம்பவங்களையும், அன்று ஊடகங்களில் வெளியான செய்திகளையும் தொகுத்து செய்யப்பட்டுள்ளது. மிகுந்த சிரமங்களுக்கு மத்தியில், இன்றைய சூழல் கருதியும் தேவை கருதியும் ஈழத்திலிருந்து எடுப்பித்திருக்கிறோம். இதனை உங்களின் நண்பர்களுக்கும், தெரிந்தவர்களுக்கும் அனுப்பி உண்மைகளை அறியச் செய்யவேண்டும் என்று கேட்டுக்கொள்கிறோம். --நன்றி: யாழ் இணையம்--
- 4 replies
இளைஞன்

February 15, 200916 yr
Featured by மோகன்

November 25Nov 25
🕯️ ஒவ்வொரு ஆன்மாவுக்கும் ஒரு தீபம் / “A Lamp for Every Soul”
🕯️ ஒவ்வொரு ஆன்மாவுக்கும் ஒரு தீபம் / “A Lamp for Every Soul”

🕯️ ஒவ்வொரு ஆன்மாவுக்கும் ஒரு தீபம் / “A Lamp for Every Soul” ஓ… முள்ளிவாய்க்கால் ஆன்மாக்களேகாற்றில் அலையும் ஜீவன்களே அலைகளுடன் நகரும் மென்மையானவர்களே உங்களின் முன் தலை குனிந்து வணங்குகிறோம்!உங்கள் துன்பம் மறக்கமுடியாதது உங்கள் பெயர்கள் மறையமுடியாததுஉங்கள் கனவுகள் எங்களால் வாழட்டும்!குழந்தைகளைப் பாதுகாத்த தாய்மார்களுக்கும் கதிரவனைக் காணாத குழந்தைகளுக்கும்நம்பிக்கையை மட்டுமே சுமந்த இளைஞர்களுக்கும்நாங்கள் இந்த தீபத்தை ஏற்றுகிறோம்!உங்களை கைவிட்ட உலகிற்கு இந்த தீபம் வழிநடத்தட்டும்!நாங்கள் வழங்க முடியாத பாதுகாப்பை அமைதி சூழ்ந்து கொடுக்கட்டும்! முள்ளிவாய்க்காலின் ஆன்மாக்களேநாங்கள் உங்களைப் போற்றுகிறோம்உங்களுக்காகப் பேசுகிறோம்!ஒவ்வொரு தீபத்திலும் ஒவ்வொரு கண்ணீரிலும்ஒவ்வொரு இதயத் துடிப்பிலும் உங்களை நினைவில் கொள்கிறோம்!🕯️ உங்கள் ஒளி நிலைத்திருக்கட்டும்🕯️ உங்கள் உண்மை உயரட்டும்🕯️ உங்கள் நினைவு என்றென்றும் ஒளிரட்டும்![கந்தையா தில்லைவிநாயகலிங்கம்,அத்தியடி, யாழ்ப்பாணம்] “A Lamp for Every Soul”O spirits of Mullivaikkal,restless in the wind,gentle in the waveswe bow our heads before you.May your sufferingnever be forgotten.May your namesnever fade from memory.May your dreamslive through us.To the mothers who shielded their children,to the babies who never saw the sunrise,to the youth who carried only hopewe light this lamp.May this flame guide youwhere the world failed you.May peace hold youin the embrace we could not give.O souls of Mullivaikkalwe honour you.We speak for you.We remember youin every lamp,every tear,every heartbeat.🕯️ Let your light endure.🕯️ Let your truth rise.🕯️ Let your memory shine forever.[Kandiah Thillaivinayagalingam,Athiady, Jaffna]துளி/DROP: 1910 [🕯️ ஒவ்வொரு ஆன்மாவுக்கும் ஒரு தீபம் / “A Lamp for Every Soul”]https://www.facebook.com/groups/978753388866632/posts/32502659262715967/?
- 0 replies
kandiah Thillaivinayagalingam

November 22Nov 22
Featured by மோகன்

November 23Nov 23
தாயகத்தின் தாய் – ச.பொட்டு
தாயகத்தின் தாய் – ச.பொட்டு

தாயகத்தின் தாய் – ச.பொட்டு அம்மா எமக்கு அறிமுகமான அந்தநாள் இப்போது நினைவில் இல்லை. அது மணிமனைக் கோவைகளை பரிசீலித்தே அறிய வேண்டியதான ஒன்றாக எம் நினைவுப்பதிவுகளில் இருந்து மறந்து போய்விட்டது. எதொவொரு இலக்கத்தாலும் நினைவில் வைத்திருக்க வாகாகத்தெரிவு செய்யப்பட்ட வழமையல்லாத ஏதோவொருயெராலும், கறிப்பிடப்பட்டிருக்கக்கூடிய அம்மாவின் கோவையும்பொல் ஒன்றாகத்தான் தூங்கும். ஆனால் அம்மா எல்லோரையும் போன்ரவரல்ல. என்றென்றும் மறக்கப்பட முடியாதவராக அந்த அம்மா எம் நிணைவுப்பதிவுகளில்…. கரீர் என்ற கறுப்பு நிறமும், மெலிவான மலர்ந்த முகமும் சளசள வென்ற ஒயாத கதையுமாய்… நகைச்சவை உணர்வுமிக்க ஒரு புலனாய்வாளனால் தமிழகத்து சிரிப்பு நடிகைகளது பெயரில் ஒன்றை புனைபெயராக அம்மாவில் வெளிப் பார்வைக்குத் தெரியும். சில பெண்பிள்ளைகளுடன் இளையவனாய் ஒரேயொரு மகன் என்பது அந்த மகன் மீது அதீத அன்புக்கு காரணமாய் அமைவது இயல்புதான். அம்மாவுக்கும் அப்படித்தான். சில பெண் சகோதரிகளுடனான அந்த ஒரேயொரு மகன் மீது கொள்ளைப் பாசம். காலத்தின் தேவையாக அந்த ஒரேயொரு மகன் போராளியாக ஆனபோது, அம்மாவின் அந்த அதீத பாசத்திற்க்கு சோதனை வந்தது. அந்தச் சோதனை எல்லா அம்மாமாருக்கும் வருவது போன்றபாசத்தின்தளத்தில் எழும்வேதனை மட்டுமல்ல. ****** அம்மா அந்தக் காலத்து பழசுதான். ஆனால் பழமையில் ஊறிய பிற்போக்கு வாதியல்ல. இளமைக்காலத்தில் இருந்தே சமூகத்தின் மீதான பார்வையை செலுத்தக்கூடியவர். எம்மினத்தின் அரசியல் பயணத்தின் அம்சங்களை காலத்தால் அறிந்தவர். மென்முறையில் எழுந்த அரசியல் கோரிக்கைகள் ஆக்கிரமிப்பு வன்முறைகளால் ஒடுக்கப்பட்டதை கண்ணால் கண்டறிந்து குமறியவர். அரசியல் மென்முறைகள் அக்கிரமிப்பு வன்முறைகளால் ஒடுக்கப்பட்டதன் மறவடிவமாக அரசியல் வன்முறை வடிவம் கொண்டதை ஆரம்ப காலத்தில் இருந்தே வியப்புடன் பார்த்தவர். காலம் தன்பாட்டில் ஓடி, அம்மா குடும்பமாகி, பிள்ளைகள் பெற்று வளர்த்து..ஒருசராசரி பெண்ணாக, தாயாக ஆனார். இது வரை அம்மாவால் அப்படியாக வாழவும் முடிந்தது. ஆனாலும் மனதில் ஆயுதப் போராட்ட நியாயத்தின் கடமைக்காய் தன் கடைசிப்பிள்ளை அம்மாவின் பாசத்தை கொள்ளை கொண்ட செல்லமகன் ஆயுதம் ஏந்தப்புறப்பட்டதை அம்மா எப்படி எதிர்கொள்வது? பெற்ற பாசமா? இனத்தின் சோகமா? என்ற தர்ம சோதனையில் அம்மா குழம்பி மகனது ஆயுதப்போர் வடிவத்தெரிவை மனதால் எற்று சமநிலைக்கு வர காலம் பிடித்தது. ***** இப்போது மகன் போராளி. தெருவில் போகவர அம்மாவை எதரிகொள்வான். மகன் இப்போது வளர்ந்து விட்டான். வளர்ந்தவனையே கூட கழந்தையாய் பார்க்கும் அம்மா மனம், இப்போது மகனைக் கண்டு வியந்தது தன்ர சின்னப்பிள்ளை இப்போது எபரிய ஆளாய், ஏதேதோ வேலையாய் அங்கிங்கு ஓடித்திரிவது அம்மாவுக்கு சொல்ல முடியாத பெருமைதான். இயக்கத்தில் இணைந்த காலத்தில் மகன் சின்னப்பெடியன். வயதுக்கே உரிய வேகமான செயற்பாடும் குழப்படியும் கொண்ட இளைய போரளி. அவன் செய்யும் குழப்படிகள், வாங்கும் தண்டனைகள் எதுவும் அம்மாவுக்குத் தெரியய நியாயமில்லைத்தான். அதே போல் வடமராச்சி பொறுப்பாளர் தண்டனை கொடுத்து களைத்துப்போயா அல்லது இவன்தான் தண்டனை செய்து களைத்தப்போயா என்னவோ ஆள் நெல்லியடியில் இருந்து சாவகச்சேரிக்கு நடந்தெ வந்து சேர்ந்தும் அம்மாவுக்கு தெரிய எந்தநியாயமும் இல்லைத்தான். இதற்கிடையில் மகன் சண்டைக்களத்தில் என்ற செய்தியை மட்டுமே கேள்விப்பட்டு கவலைப்பட்ட அம்மா. கடும் சண்டை என்ற செய்தியால் எல்லா அம்மாக்களையும் போல அம்மாவும் பதறிக் கொண்டிருந்த ஒரு பொழுதில் மகன் காயமடைந்த செய்தி, பதறிய மனதுடன் அம்மா ஓடித்திரிந்தும், மகனின் நண்பர்கள் மூலம் அவன் நிலையறிந்து துடித்ததுமாக கழிந்தது நாட்கள். அம்மாவுக்கு மகனின் சுகநலன் அறியும் தொடர்புகளும் ஏற்பட்டுவிட்டன. ‘இதுவொரு சின்னக்காயம் இன்னும் கொஞ்ச நாள்ள காம்புக்கு வந்திடுவான்” என்று பொறுப்பாளர் சொல்லும் பொய்யான கதையை மீறி’ வயிற்றுக்காயம்” பதிணைந்து தையலுக்கு மேல் போட்டிருக்கு” ‘இன்னும் சாப்பிடத் தெடங்கேல்ல” என்று உண்மைகளை அறிந்துவிடும் அளவுக்கு அம்மாவுக்குத் தொடர்புகள் எற்பட்டு அதனை தொடர்ந்து மருத்துவனைக்கு போய்வரவும் தொடங்கிவிட்டா. மருத்துவமனை’கெதியாக என்னை துண்டு வெட்டி விடுங்கோ உடனே சண்டைக்குப் போகவேணும்” உறுதியின் வெளிப்பாடுகள். "என்ர இடத்தில ஆமியின்ர பொடியும் ஆயுதமும் இருக்கு காவு குழு அனுப்புங்கோ” ‘……….” எம்மையா? எதிரியையா? என சிந்திக்க வைக்கும் எழுத்தில் சொல்லமுடியாத வசவுகள். மருந்தின் மயக்கத்தில் தம் நிலை மறந்து உளறல்கள். ’ஜயோ தங்கேலாமல் கிடக்கு பெத்தடினைப் போடுங்கோ…..ஓ…” வேதனை தாங்கேலாமல் கிடக்கு இந்தக் காலை வெட்டுங்கோ” கேட்போரின் கண்களில் இரத்தம் கசிய வைக்கும் வேதனைக்குரல்கள். மருந்துக்களின் நெடியை மீறிய புண்களின் மணம். ****** மகனைப் பிரிந்திருந்த அம்மா தனது பாச உணர்வுகளும் அடிமனத்து விடுதலை உணர்வுக்குமாக ஒரு வடிகாலை தேடிக்கொள்ள, காயமடைந்த போராளிகளை பராமரிப்பவர்களில் ஒருவராகிவிட்டார். இந்தக் காலம் அம்மாவுக்கு விடுதலைப் போரை முன்னை விட கூடுதலாகவே அறிமுகம் செய்து வைத்தது. காயமடைந்த போராளிகளுடனான பரிச்சயமும், பழக்கமும் அம்மாவுக்கு போராட்டத்தின் இன்னொரு பக்கத்தை அறிமுகம் செய்து வைக்க அவவுக்கே தெரியாமல் அம்மா கொஞ்சம் கொஞ்சமாய் மாறிப்போனார். வெளியில் இருந்து போராட்டச் செய்திகளை மட்டும் கேட்பதற்கும், வெற்றிகளை கேட்டு மகிழ்சி அடைவதற்கும் அப்பால் அந்தச் செய்திகளின் உருவாக்கத்தின் யதார்த்தம் அம்மாவை அதிகமாக சிந்திக்க வைத்தது. விட்டுக் கொடுக்கப்பட முடியாததான இவ்விடுதலைப் போராட்டம் இத்தனை கடினமானதா? இவ்வளவு கண்ணீரை வரவழைப்பதா? இழப்புக்களை குறைத்தோ அல்லது குறைக்கவோ ஏதாவது செய்யமுடியாதா? அம்மா அரசியல், இராணுவ வித்தகத்தடன் சிந்தித்தாவோ? இல்லையோ? அம்மாவாகச் சிந்தித்தா. எல்லாப் போராளிகளையும் தன் பிள்ளையாய் பார்த்த அம்மாவாக சிந்தித்தா.. ******* எம் தாயகத்தில் விளைவிக்கும் ஆக்கிரமிப்பு கொடுமையின் ஒரு சிறு பங்காவது எதிரியின் கோட்டைக்குள் திருப்பிக் கொடுக்கப்படுவது அம்மா திருப்தியுடன் பார்க்கும் செய்திதான். அதுவுமல்லாது எதிரியின் பெரும் நிலைகள் அவ்வப்போது ஆங்காங்கே அழிக்கப்படுவதும் அது எதிரிக்கு ஏற்படுத்தும் அதிர்ச்சியும் அம்மா அறிவார். அதில் எம் போராளிகள் இங்க போல் பெரும் இழப்புக்களை சந்திப்பதில்லை என்பதும் அம்மாவுக்கு தெரியும். ஏற்கனவே எரிபற்று நிலையில் இருந்த அம்மாவின் மனம்தான் இந்த வழியை நாடிப்போனதோ அல்லது அம்மாவை அறிந்து சந்தித்த அந்த போராளிகள்ததான் அம்மாவின் மனதில் தீயை மூட்டினரோ? என்னவோ? அம்மா இப்போது புலனாய்வுத்துறையின் ஆள், முகவராம் வெளிவேலைக்கான முகவாரம். அம்மா இப்போது மாறி விட்டா. முன்பு குடும்பம் அயலவர் என்று எல்லா இடமும் செய்தி சொல்லி மருத்துவமனை சென்று வருபவர். இப்போது சுருக்கமாக வேறெங்கோ தனியாகப் போய்வரத்தொடங்கிவிட்டா. மருத்துவமனை போய்வர நேரம் இருக்குதோ இல்லையோ அம்மா இப்ப அங்கை எல்லாம் போய்வரக்கூடாதம். மருத்துவமனை என்றில்லை. இயக்கம் இருக்கிற இடம் ஒன்றுக்கும் போய் வரவும் கூடாதாம்.இயக்கத்திற்கு ஆதரவாக கதைக்கக் கூடாதாம். அம்மாவுக்கு தன்னையே நம்ப முடியாதபடி ஆச்சிரியம் கலந்த பெருமை சி.ஜ.ஏ, கே.ஜி.பி மொசாட் என்று புலனாய்வு அமைப்புக்களை பட்டியலிடுவதுடன் எங்கட வேலைத்திட்டம் என்று ஏதோ விளக்கங்கள். அம்மாவுக்கு எதுவெது விளங்குகிறதோ? இல்லையோ? மனதுக்குள் குறுகுறுவென்று ஆர்வ முனைப்பு. அம்மாவுக்குள் இப்போது வேறொரு உலகம் அறிமுகம் செய்யப்பட்டு விட்டது. அவர் இப்போது இன்னொரு ஆளாகவும் செயற்படக் கூடியவராக ஆகிவிட்டார். தலைநகர் அதிர்ந்தது” தற்கொலையாளி அடையாளம் காணப்பட்டார் ‘புலிகளைத் தேடி வலைவிரிப்பு” சூத்திரதாரி தலைமறைவு” அடையாளம் காணப்பட்டவரின் பெயர் போலியானதென பொலிசார் தெரிவிப்பு” உலகமே செய்திகளை வியப்புடன் நோக்கும். சூழ உள்ள சுற்றத்தினரும் கூட தங்களுக்கு எல்லாம் தெரியும் என்பது போல செய்திகளும் கற்பனைகளுமாக கதைகதையாய் பீற்றித்திரிவார். எல்லாவற்றையும் அமைதியாக அமத்தலாக பார்த்தபடி பட்டுக்கொள்ளாமல் இருப்பா அம்மா. ஆக, அம்மாவுக்குள் இப்போ வேறொரு உலகம் அறிமுகம் செய்யப்பட்டுவிட்டது. அவ்வப்போது வந்து அன்பு மகனை பார்த்துக்கொள்வது தவிர மற்றும்படி எவ்வளவோ மாறிப்போனா அம்மா. ***** இதற்கிடையில் அம்மாவுடன் மகனுக்கு சரியான கோபமாம். அம்மாவின் அக்கா பெரியம்மா – மூலமாக செய்தியனுப்பியிருந்தான்.’ இட இவர் பெரிய மனுசானாகி இப்ப இவருக்கு கோபமும் வருமே” என செல்லமாய் சொல்லிவிட்டிருந்தா அம்மா. இவனது போராளி நண்பனொருவன் ஊர்ப்பக்கமாய் வந்தபோது’ சின்னதாய் ஒரு மூஸ் அடித்து அம்மாவிடம் போய் இவனது சுகநலன் சொல்லியுள்ளான். அவனுக்கு சாப்பாடு கொடுக்காமல் அனுப்பிவிட்டவவாம் அம்மா. போய்வந்தவன் குறையாகவோ இல்லை பகிடியாகவோ சொன்னானோ அல்லது அவன் சொல்லாமல்விட இவன்தான் கதைவிட்டு அறிந்தானோ என்னவோ? ஆளுக்கு சரியான கோபம். அம்மா வழமையில் அப்படியில்லை. எல்லோரையுயம்’ குறிப்பாக போராளிகளை” உபசரிப்பதில் அதுவும் சக்திக்கு மீறியே உபசரிப்பதில் முன்னிப்பவர்தான். அன்று அந்த ஏழைத்தாய்க்கு என்ன கஸ்ரமோ வசதிக்குறைவோ? வீம்புக்காக அம்மாவில் கோபம் போட்டாலும் அவ்வப்போது பெரியம்மாவின் வீடு வந்து’ அம்மாவில் இப்போதும் கோபம்தான்” என்று சொல்லிப் போவான். மகன் பெரியம்மா வீடு வந்து. அம்மாவில் கோபம் சொல்லி நிற்பதும். அம்மாவின் சமையல் வேலிக்குள்ளால் பயணித்துபெரியம்மா வீடு வந்து மகனிடம் சேர்வதும் நல்லதொரு நாடகம். அம்மாவின் கை மணம் தெரிந்தும் தெரியாதது போல நல்ல சாப்பாடு என பெரியம்மாவை புகழ்ந்து விட்டு போகும் பிள்ளையை வேலியால் பார்த்திருப்பா அம்மா. தான் பார்ப்பது தெரிந்தால் அவருக்கு இன்னும் எழுப்பமாய்ப் போய்விடும் என அம்மா, மறைவாய் நின்று சிரிப்பது தெரியாமல் அம்மாவை தேடுவான் பிள்ளை. அன்றைய சுகமும் இன்றைய சோகமுமாய் ஆகிப்போன சின்னச்சின்ன ஞாபகங்கள் இப்படி எத்தனை? ****** காலம் கொஞ்சம் ஓடிப் போக மகன் இப்போது முதிர்ந்தவனாகி விட்டான். அம்மா எதிர்பார்க்க முடியாதபடி என் அவனே கூட எதிர்பார்க்காமல் பொறுப்புள்ளவனாகிப் போனான். இயக்கத்தின் ஆசிரியர் அணியொன்றின் உதவியாளன் என்பதும், அவ் ஆசிரியர் அணியுடனும் அவர்தம் பணியுடனும் அவனுக்கேற்பட்ட ஈடுபாடுமாக அவனைப் படிப்படியாக முதிர்ந்தவனாக ஆக்கிவிட்டதோ? சண்டை அணியில் நிற்கும் போது நண்பர்கள் செய்தது போல அவனும் கரும்புலி விண்ணப்பக் கடிதம் எழுதிக் காத்திருந்தது பழையகதை. இப்போது மொழிப்பெயர்ப்புத் திரைப்பட உருவாக்கற்பொறுப்பை கைமாற்றிக் கொடுத்து விட்டு, அவன் கரும்புலிக்கான அழைப்பை ஏற்றுக்கொண்டதே புதிய நிலை. அணிசேர்ப்பு, தொடர்வகுப்பு,கடும்பயிற்சி,எதிரியின் தலைநகர் அறிமுகமென தயார்படுத்தல்களுடன், தனிமைப்படுத்தப்பட்ட முகாம் வாழ்வுமாக மகனும் இப்போ வேறொரு உலகிற்கு மாறிப்போனான். ******** மகன் வழிதெருவில் எதிர்படாமல் போனதும், வழமைபோல தேடிப்போன இடத்தில் சரியான பதில் இல்லாது போனதும் அம்மாவுக்கு என்னவோ போலானது. காணாத மகனை தெருவில் கண்டபோது அவனது புதிய கூட்டாளிகளும், வழமையல்லாத நடை, உடை,பாவனையும் அம்மாவுக்கு எதையெதையோ எண்ணவும் வைத்தது. அம்மாவும் இப்போதும் பழைய அப்பாவி அம்மா இல்லையே. மகன் இவ்வழியில் கரும்புலியாய் தெரிவு செய்யப்பட்டுவிட அம்மா வெளிவேலைகளில் இருந்து நிறுத்தப்படுவது தவிர்க்க முடியாததாக ஆனது.’ தேவை ஏற்படும் போது அவசரமாக அழைக்கப்படுவீர்கள்” என்ற விளக்கத்தை அம்மாவால் முற்றாக நம்பவோ, புறக்கணிக்கவோ முடியவில்லை. தனக்கு கூறப்படுவது போலிக்காரணம் என்று தெரிந்தாலும் அதற்கு மேல் அம்மாவாலும் ஒன்றும் செய்யமுடியாமல் போக அம்மா, வழமையான அம்மாவாக வாழத்தொடங்கிவிட்டா. அம்மாவின் சந்தேகத்தை இன்னும் அதிகரிக்க அல்லது தீர்த்து வைக்க காரணமாக இன்னொரு செய்தியும் வந்து சேர்ந்தது. அம்மாவின் உறவுக்கார பெண்மணியொருவர் கொழும்பில் இருந்து வந்திருந்தார். மகனை கொழும்பில் கண்டதை அம்மாவுக்குச் சொன்னது மட்டுமின்றி, தன்னைக் கண்டதை அம்மாவுக்குச் சொல்ல வேண்டாமென்று அவன் சொன்னதையும் வலு கவனமாய் மறக்காமல் சொல்லிவிட்டுப் போனார். அம்மாவின் மனப்புதிர் மெல்ல மெல்ல விடுபட்டுப்போகும் காலத்தின் ஒரு நாளில்,’சொல்லாமல் கொள்ளாமல் திடுதிப்பென்று” வீடு வந்தான் மகன். பழைய கோபத்தை நினைவூட்டுவதும் செல்லம் கொஞ்சுவதுமாய், அதே பழைய மகனாய்……..ஒரே கொண்டாட்டம். வீடு நிறைந்து போனது. அப்பாவி அப்பாவுக்கும் அக்காளுக்கும், உறவுகளுக்கும் மகனது வீடு வருகையின் காரணம் தெரியாமல் ஒரே கொண்டாட்டம். அம்மாவுக்கு மட்டும் என்ன தெரியும்? ஒன்றுமே தெரியாதுதானே.’மகனது புதிய நடை, உடை பாவனையில்,வித்தியாசம் விளங்காது”‘அவன் கொழும்புக்கு போனதும் தெரியாது”‘அவனது அன்ரி வந்து ஒன்றுமே சொல்லவும் இல்லை” ஒரே மகிழ்ச்சி வீடு நிறைந்த மகிழ்ச்சி.. பிள்ளை ‘அம்மாவை தனக்கு சாப்பாடு ஊட்டி விடக்கேட்டது’ அம்மாவுக்கு நான் தான் தீத்துவேன் என்று கூறி உணவூட்டிவிட்டதும் ஏன் என்று வீட்டில் மற்றயோருக்குத் தெரியாது.’தம்பி இப்ப தான் செல்லம் கொஞ்சுது என்று அவர்கள் பரிகசித்து பேசும் போதும் அம்மா கண்ணீர் மறைத்து, முகம் சிரித்து,’உணர்வு மறைத்து உணவூட்டி…. வீட்டில் ஒரே சிரிப்பும் கொண்டாட்டமும் தான். அம்மாவுக்குத்தான் ஒன்றும் தெரியாதே. மகன் முகாம் திரும்ப முன்புபோல் அவசரப்படவும் இல்லை. எல்லோரிடமும் விளையாட்டும் , கதையுமாய் கொண்டாடி, உணவுண்டு, பாய்போட்டு நித்திரை கொண்டு அவன் முகாம் திரும்பும் வேளையில் அன்றைய பொழுது இரவைத் தொட்டுவிட்டிருந்தது. அன்று அவன் சொல்லிவிட்டுப் போனது போல தனயாக வரவில்லை அரை டசினுக்கு அதிகமான அவனது நண்பர்களால் வீடு மீண்டும் களைகட்டியது. அவனது அம்மா,அப்பா, அக்காக்கள், வந்திருந்த அனைவருக்கும் அம்மா, அப்பா,அக்கா ஆயினர். அத்தனை பிள்ளைகளும் மாறி மாறியும் ஒன்றாயும் அம்மா…..என்று உறவு சொல்லி அழைக்க வீடு களைகட்டியது. ஒன்றும் தெரியாத அப்பாவி அப்பாவும் அக்காக்களும் அவனது புதிய நண்பர்களின் உற்சாகத்தில் கரைந்து போயினர் அம்மாவும் தான். அவவுக்கும் தான் ஒன்றுமே தெரியாதே. அவவும் சேர்ந்து அந்த உற்சாகத்தில்…….. வந்திருந்த எல்லோருக்கும் தடல்புடலாய் சமையல், சாப்பாடு என்று வீடு அமர்க்களப்பட்டபோதும், குசினியும் முற்றமுமாய் பம்பரமாய் சுழன்ற போதும் அப்பாவி அப்பாக்கும் அக்காக்களுக்கும் ஒன்றுமே தெரியாதே…. அம்மாவுடன் வீடே வாசல் வரை வழியனுப்ப அவர்கள் புறப்பட்டு போயினர். ****** அவர்கள் விடைபெற்று போயினர். அந்தத்தாயின் வழியனுப்பலின் பின்னர் அவர்கள் தாயகத்திடமும் விடை பெற்றுப் போய்……போய் விட்டனர். நல்ல சூரியனின் பெயரால் கொடியோரின் ஆக்கிரமிப்புக் கதிர்கள் விலிகாமத்து மண்ணை சுட்டெரித்த காலத்தின் ஒரு பொழுதில் அவர்கள் எதிரியின் கோட்டைக்குள் புதுவரலாறு படைத்தனர். வீரமும் அர்பணிப்பும் மட்டுமன்றி மனிதாபிமான நிதானமும் நிறைந்த அவர்களது வெற்றிச் செய்தியால் உலகமே உறைந்து நின்ற வேளையில், தமிழீழத்து எல்லோரையும் போலவே அவனது குடும்பத்திலும் மகிழ்ச்சி வளிப்பாடுகள். ஆனால் அம்மா மனதில்?… ****** மகனது பொறுப்பாளர்களை அம்மா சந்திக்கும் அந்த நாள் வந்தேவிட்டது. மகன் எங்கே? என்பதற்கான வழமையயான பதில்கள் அம்மாவிடம் எடுபடாமல் போக, சந்திக்க வேண்டியது தவிர்க்க முடியாததாக ஆகிப்போனது. மனுசியின்ர வாயை முதலே அடைச்சுப்போட வேணும். கதைக்க விட்டால் தப்பேலாது” என்ற சிந்தனையில் மகன் நிற்குமிடம் அவனைச்சந்திப்பதில் உள்ள வசதிக் குறைவு…என பொருத்தமற்ற பொய்யான பதில்களுடன் பொருப்பாளர். ‘மகன் தூரத்தில்…., மட்டகளப்பில்…நிற்கிறான்…வர கொஞ்சம் காலம் செல்லும்” அம்மாவின் முன்னால் இரத்தம் நீராகிப்போன பொருபாளரின் வார்த்தைகள். அவரது உயிரற்ற வார்த்தைகளை மீறி அம்மாவின் உறுதியான கேள்வி. ‘எப்படி என்ர மகன் கடைசி வரைக்கும் சரியாக செயற்பட்டவனே………? ‘எனக்கு எல்லாம் தெரியும். நான் பெத்து வளத்த பெடியன் அவன் சொல்கிறது பொய் எண்டு எனக்குத் தெரியாதே” ‘உப்பிடி எத்தனை பொய்களை எனக்கு நீங்கள் சொல்லித்தந்திருப்பியள்” ‘வீட்ட வந்து அவன் நித்திரை கொள்ளேக்க அவன்ர பொக்கற்றுக்குள்ள பார்த்தன் வட்டுக்கோட்டை அடையாள அட்டை வச்சிருந்தவன்” என்ர பிள்ளை அம்மாவுக்கு சொல்லேலாதெண்டு எனக்குத் தெரியும். அதில நான் ஏதும் பிழை விட்டிடக்கூடாது என்று தான் நானும் அவனோடை ஒன்றும் கதைக்கேல்லை. ‘செய்தியை கேட்டுப்போட்டு அக்கா வீட்டை ஒடிப்போய் ரூபவாகினிதான் பார்த்தனான்” முகம் தெரியாததால ஒருதருக்கும் விளங்கேல்லை – பெத்ததாய் எனக்கு தெரியாமல் போகுமே. ‘றெயில் தண்டவாளத்துக்குப் பக்கத்துல கிடக்கிறான் என்ரபிள்ளை…” அடக்கி வைத்ததெல்லாம் வெடித்ததால் குமுறி அழும் அம்மாவிடம் சொல்ல வார்த்தைகள் இல்லை. உலகத்தில் உள்ள பொய்கள் எல்லாம் எங்கோ ஓடிப்போக விக்கித்து நினறவரிடம் அம்மா அந்த கடிதத்தைக் கொடுத்தா. தன் வீரச்சாவு வெளிப்படும் வேளையில் அம்மாவுக்கு கொடுக்கவென மகன் எழுதிய கடிதம். எங்கோ பிசகுப்பட்டு முன்கூட்டியே அம்மாவின் கையில். எண்ணற்ற தடவைகள் படிந்துறைந்த போன அந்தக் கடிதத்தில் அவன் எல்லாம் எழுதியிருந்தான். முத்தாய்ப்பான வரிகள்… உன் கடன் தீர்க்காமல் போகின்றேனம்மா. தமிழீழத்தில் அடுத்த பிறப்பில் உன் வயிற்றில் பிள்ளையாகவே என்னைப் பெற்றிடு அம்மா இப்பிறப்பில் தீர்க்காத உன் கடன் எல்லாம் அப்பிறப்பில் தீர்த்திடுவேன் அம்மா அம்மா தாயே உங்களை எமாற்ற உங்களின் பிள்ளைகள் நாங்கள் எத்தனை திட்டங்கள் போட்டோமம்மா. ஒன்றுமே கூறாது நீ நின்றதும் வென்றதும் எவ்வண்ணம் தாயே. தாயகத்தின் தாயே உங்களிடம் நாங்கள் தோற்றுத்தான் போனோமம்மா… ********* ஆசிரியரை பற்றி…. விடுதலைப்புலிகளின் முக்கியஸ்தரான பொட்டம்மான் பற்றி உலகத்திற்கு தெரிந்தவவைகளில் அனேகமானவை புனைவுகளே. புலனாய்வு நடவடிக்கை பணிப்பாளர்களின் துரதிஸ்டம் அவரையும் வாழ்கை முழுவதும் பிடித்திருந்தது. இயற்கையான தனது வெளிப்பாடுகளையும், உணர்வுகளையும் வெளிப்படுத்தும் சுதந்திரம் மட்டுப்பட்டிருந்தது. அவர் ஒரு படைப்பளியாகவும், தீவிர வாசகராகவும் இருந்தார் என்பது பலர் அறியாதது. வன்னியிலிருந்த வெளியான பத்திரிகைகளிலும், இலக்கிய சஞ்சிகைகளிலும் எப்பொழுதாவது எழுதிக்கொண்டிருந்தார். வெளிச்சம் சஞ்சிகையில் அவர் எழுதிய சில கதைகளில் இதுவும் ஒன்று. http://pagetamil.com/?p=5409
- 12 replies
கிருபன்

June 5, 201411 yr
Featured by மோகன்

November 5Nov 5
இது ஒரு தீபாவளிக் கதை: பாவம் நரகாசுரன் -பேராசிரியர் சி. மௌனகுரு
இது ஒரு தீபாவளிக் கதை: பாவம் நரகாசுரன் -பேராசிரியர் சி. மௌனகுரு

இது ஒரு தீபாவளிக் கதை: பாவம் நரகாசுரன் -பேராசிரியர் சி. மௌனகுரு நாளைக்குத் தீபாவளி. அடிக்கடி நண்பர்களும் மாணவர்களும் தொலைபேசியில் வாழ்த்துகளைத் தெரிவிக்கிறார்கள். அனைவரும் மகிழ்ச்சிகரமாக இருகிறார்கள் போலத் தெரிகிறது. கொண்டாட்டம் என்பது மகிழ்ச்சிதானே? மகிழ்ச்சியாக எல்லோரும் இருப்பதைத்தானே நாம் விரும்புகின்றோம். மட்டக்களப்பில் நான் பிறந்த காலங்களில், அதாவது 1940களில், இற்றைக்கு 77 வருடங்களுக்கு முன்னர், தீபாவளியை யாரும் கொண்டாடவில்லை. நாங்களும் வீட்டில் இதைக் கொண்டாடியதாக ஞாபகம் இல்லை. எமக்கு அன்று கொண்டாட்டம், சித்திரை மாதப் புதுவருடம் தான். அன்று தான் எங்கள் வீட்டில் பலகாரம் சுடுவார்கள். முதல் நாளிரவு நான்கைந்து குடும்பங்கள் சேர்ந்து பலகாரம் சுட்டு, அதனைத் தமக்குள் பகிர்ந்து கொள்வார்கள். குடும்பங்களின் விழா அது; கிராமங்களின் விழா அது புது உடுப்புகளை, காலையில் முதலில் தென்னம்பிள்ளைகளுக்கு உடுத்திவிடச் சொல்லுவார் அம்மா. தென்னம்பிள்ளைகள் அணிந்த உடுப்பைத்தான் நாம் பின்னர் அணிவோம். இயற்கையை நேசித்த மனிதர்கள்; அன்றைய சித்திரை நாள், எங்களுக்குப் பெரும் கொண்டாட்ட நாள். தைப்பொங்கலும் கொண்டாட்ட நாள்தான். அதனை விவசாயிகள் கொண்டாடுவர். ஏனையோரும் வீட்டில் பொங்கி மகிழ்வர். ஆனால், சித்திரை வருடமளவுக்கு அது, அன்று பெரும் கொண்டாட்டமில்லை. சின்னவயதில் தமிழ்நாட்டிலிருந்து கல்கி தீபாவளி ஆண்டுமலர், ஆனந்தவிகடன் தீபாவளி ஆண்டுமலர் எனச் சில மலர்கள் வரும். அவற்றின் மூலம்தான் தமிழகத் தீபாவளி எமக்கு அறிமுகமாகியதாக ஞாபகம். அதன்மூலம்தான் தலைத்தீபாவளி, கங்காஸ்னானம், அத்திம்பேர், தீபாவளிச்சீடை முறுக்கு, குடும்பிவைத்து பூணூல் போட்ட தாத்தாமார், மடிசார் வைத்த பெண்கள் எனப் பல தீபாவளி சார்ந்த சமாச்சாரங்கள் சிறுவயது மனதில் படிய ஆரம்பித்தன. தீபாவளிச் சிறுகதைகள் வேறு, இவற்றை மனதில் அழுத்தின. நரகாசுரனைச் சத்தியபாமா துணையுடன் கிருஸ்ண பகவான் அழித்த கதையும் எம்மனதில் வேரூன்றியது. சற்றுவளர்ந்த பின்னர், 15ஆவது வயதில் திராவிடக் கழகக் கருத்துகளுக்கு அறிமுகமானபோது, நரகாசுரன் என்ற திராவிட குலத் தலைவனை, ஆரியனாகிய கண்ணன் அழித்த கதை எமக்கு அறிமுகமானது. நரகாசுரன் என்பவன் நரன்; அதாவது மனிதன். அசுர என்பதன் அர்த்தம், சுரன் அல்லாதவன். சுரர் என்றால் தேவர். தேவர்கள் என அழைக்கப்பட்ட ஆரியர்கள், சுரபானம் எனும் மதுவை அருந்தியதால் சுரர் என அழைக்கப்பட்டனர். திராவிடர்கள் ஒழுக்க சீலர்கள்; மதுஅருந்தாதோர். ஆகவே, அசுரர் என்றால் சுரம் அருந்தாதோர் என்பது அர்த்தம் (அ+ சுரம்) என்ற விளக்கங்களைத் திராவிடக்கழக நூல்கள் தந்தபோது, இளைஞரான நாம் அதனால் ஈர்க்கப்பட்டோம். இவற்றையெல்லாம் தாண்டி, மெல்லமெல்ல தமிழகத் தீபாவளி, தமிழ்ப் பண்பாட்டுக்குள் புகத்தொடங்கி, சித்திரை வருடத்துக்கு அடுத்த பெரும் கொண்டாட்டமாக இடம்பெறலாயிற்று. 1960களில் பேராதனைப் பல்கலைக்கழகத்தில் படித்துக் கொண்டிருந்த காலத்தில், எமக்கு தமிழ் இலக்கியங்கள், இலக்கணங்கள், சமணப் புலவர்களின் தனிப்பாடல்கள் என்பன அறிமுகமாகின. அவர்கள் பிராமண மதத்துக்கும் வைதீக மதத்துக்கும் எதிரானவர்கள்; நால்வகைப் வருணப் பாகுபாட்டை விரும்பாதவர்கள்; மக்கள்பால் நின்றவர்கள்; தமிழ்நாட்டில் பெரும் தாக்கத்தை அன்று எற்படுத்தியவர்கள் என்ற விவரங்களும் சமணத் தலைவரான மகாவீரர், ஸ்தாபித்த சமணமதம் அதன் தத்துவங்கள் என்பனவும் அறிமுகமாகின. இவற்றை எமக்கு அறிமுகம் செய்தவர்கள் பேராசிரியர்களான கணபதிப்பிள்ளை, வித்தியானந்தன், கைலாசபதி, வேலுப்பிள்ளை ஆகியோராவர். கைலாசபதி வகுப்பில் தொடர்ச்சியாகச் சமண தத்துவத்தை எமக்கு விளக்கினார். வேலுப்பிள்ளையும் தமிழ்ச் சமணம், தமிழ்ப் பௌத்தம் பற்றி ஆராய்ந்து எமக்குக் கூறினார். இதன் காரணமாக, சமண மகாஞானியான மகாவீரர் மீது ஒரு மதிப்பு உண்டானது. பேராசிரியர் கணபதிப்பிள்ளையின் வகுப்புகள் வெகுசுவராஸ்யமானவை. சிரித்துக்கொண்டு கதையோடு கதையாகப் பல ஆழமான விடயங்களை எளிமையாகக் கூறிசெல்வார். ஒருநாள், அவர் எங்களுக்குப் படிப்பித்துக் கொண்டிருக்கையில், “உந்தத் தீபாவளி எப்படி வந்தது என்று தெரியுமோடா”? என்று கேட்டார். நாங்கள் நரகாசுரன் கதையைக் கூறினோம். “அதெல்லாம் புழுகடா. சமண மதத்தின் தலைவரான மகாவீரர் சமாதி அடைந்த நாளை நினைவு கூரப் பல தீபங்களை ஏற்றி வைத்து, சமணர் கொண்டாடிய சமண விழாவை, சைவர்கள் தம்வசப்படுத்திக்கொண்ட கதை தாண்டா தீபாவளி. அதற்காக உருவாக்கப்பட்ட கதைதான் நரகாசுரன்கதை” என்றார். சைவம், சமண மதத்திலிருந்து பல விடயங்களைத் தன்வயப்படுத்திச் சைவமாக்கிக் கொண்டது என்பதற்கு நிறைய உதாரணங்கள் கூறி, இதுவும் அதில் ஒன்றடா என்றார். எங்களுக்கு வியப்பு அதிகமாயிற்று. தீபாவளியின் மூலம் பற்றி பேராசிரியர் வேலுப்பிள்ளை கூட, தனது நூலில் ஒரு கட்டுரை எழுதியமை ஞாபகம் வருகிறது. காலங்கள் பல கடந்து விட்டன.... இன்று 2020ஆம் ஆண்டு, இன்று, வடக்கு-கிழக்கு தமிழர் பிரதேசங்களில் தீபாவளி பெரும் கொண்டாட்டம். நரகாசுரனை அழித்த கதை, பாடசாலைகளிலும் சமயச் சொற்பொழிவுகளிலும் சர்வசாதாரணமாகச் சொல்லப்படுவதாயிற்று. அரசியல்வாதிகளும் ஆட்சியதிகாரத்தில் உள்ள பெரும்தலைவர்களும் சமயத் தலைவர்களும் நரகாசுரன் ஒழிந்த நாள் என்றே மக்களுக்கு வாழ்த்துத் தெரிவிக்கின்றனர். நரகாசுரனுடன் தீபாவளி இணைக்கப்பட்டுவிட்டது; பெரும் சமயக் கொண்டாட்டம் ஆகிவிட்டது. இக்கொண்டாட்டத்தை இனி மக்களிடமிருந்து பிரித்துவிட முடியாது. காரணங்கள் பல; ஒன்று, இது ஒரு பெரும் சமய விழாவாகி விட்டது. இரண்டு, இது ஒரு பெரும் கொண்டாடமாகிவிட்டது. கொண்டாட்டம் ஆனமையால் மக்கள் கூடுதல், அதனால் கிடைக்கும் பெருமகிழ்ச்ச்சி, ஒருவருக்கொருவர் மகிழ்ச்சி தெரிவித்தல் என்ற மனிதகுலம் விரும்பும் அடிமனநல்லியல்புகள் இதில் உள்ளன. மூன்று, பெரும் வணிக நிறுவனங்களின் இலாபம், இக்கொண்டாட்டத்தில் அடங்கியுள்ளது. உடுப்புகள், பட்டாசு, பலகார வகைகளுக்கான மூலப்பொருள் வியாபாரம் என்பன இதில் அடங்கும். நான்கு, கோவில் வருமானம், பூசகர் வருமானம் என்பன இன்னொருபுறம் உள்ளன. ஐந்து, பத்திரிகைகளின் தீபாவளிமலர் வருமானம், மற்றொரு புறம் உள்ளது. ஆறு, தொலைக்காட்சி போன்ற ஊடகங்களின் இடைவிடாத கருத்தேற்றமும் அவை, அவற்றால் அடையும் பெருவருமானமும் இன்னொரு புறம் உள்ளது. ஏழு, அதனை விரும்பி ஏற்றுப் புகழ்பெறச் செல்லும் நமது கலைஞர்களும் அறிஞர்களும் இன்னொரு புறம் பெருவாரியாகக் காணப்படுகின்றார்கள். எனவே, தீபாவளியைக் கொண்டாட வேண்டாம் என எப்படிச் சொன்னாலும் அக்கொண்டாட்டத்தை இலகுவில் போக்கிவிட முடியாது. அது, இந்து மக்கள் கொண்டாட்டமாகி விட்டது. கொண்டாட்டங்களை மிகவும் வரவேற்கும் பின் நவீன சிந்தனையாளர்களை நாம் காண்கிறோம். மக்கள் இணைகிறார்கள்; மக்கள் மகிழ்கிறார்கள் என அவர்கள் கொண்டாட்டங்களுக்கு ஒரு புது வியாக்கியானம் அளிக்கிறார்கள். ஆனால், கொண்டாட்டங்களுக்குப் பின்னால் மறைந்து கிடக்கும் சுரண்டலையும் பேதங்களையும் மறக்க வைக்கும் போதைநிலையையும் அவர்கள் தோலுரித்துக் காட்டுவதில்லை. தீபாவளியைக் கட்டுடைத்துப் பார்க்கலாம்; அதன் அதிகாரம் எங்கிருக்கிறது என்று பார்க்கலாம்; தீபாவளிக் கதை கூறும் நரகாசுரன் கதைப் பிரதியைக் கட்டுடைத்துப் பார்க்கலாம். இவை யாவும் ஒரு புலமைத்துவ இன்பப்பயிற்சியுமாகும் (Intelectual pleasure excersise). தீபாவளி அன்றுபோல் இன்றில்லை. நிறைய மாறி விட்டிருக்கிறது. இன்னும் மாறும்; இடையில் வந்து மாட்டிக்கொண்டான் நரகாசுரன்; பாவம் நரகாசுரன். அவனுக்கு ஆழ்ந்த அனுதாபங்கள். http://www.tamilmirror.lk/சிறப்பு-கட்டுரைகள்/இது-ஒரு-தீபாவளிக்-கதை-பாவம்-நரகாசுரன்/91-258874
- 2 replies
கிருபன்

November 14, 20205 yr
Featured by மோகன்

October 18Oct 18

View All

Sign In

கிறிஸ்துமஸ் ரெசிப்பி

Plum Cake Recipe | Christmas fruit Cake

Chocolate Plum Cake

கிறிஸ்துமஸ் ஸ்பெஷல்: சாக்லேட் கேக்

கிறிஸ்துமஸ் ஸ்பெஷல் ஃபுரூட் கேக்

கிறிஸ்துமஸ் ஸ்பெஷல்: வீட்டிலேயே செய்யலாம் கப் கேக்

கிறிஸ்துமஸ் ஸ்பெஷல்

எக்லெஸ் கேக் - குக்கீஸ் ரெசிப்பி

கிறிஸ்துமஸ் கேக்

கிறிஸ்துமஸ் ஸ்பெஷல்: வீட்டிலேயே ஃபுரூட் கேக் செய்வது எப்படி

கிறிஸ்துமஸ் ஸ்பெஷல்: பேரீச்சம்பழ கேக்

கிறிஸ்துமஸ் ஸ்பெஷல்: சாக்லேட் கப் கேக்

கிறிஸ்துமஸ் ஸ்பெஷல்: முட்டையில்லாத பிளாக் ஃபாரஸ்ட் கேக்

Archived

Important Information

Configure browser push notifications

Chrome (Android)

Chrome (Desktop)

Safari (iOS 16.4+)

Safari (macOS)

Edge (Android)

Edge (Desktop)

Firefox (Android)

Firefox (Desktop)