53 பேருக்குப் பிரித்துக் கொடுத்த பின்பும்முக்கிய அமைச்சுகள் மஹிந்த வசமே!

உலக சாதனைப் பதிவேடான கின்னஸ் புத் தகத்தில் பதியும் அளவுக்கு 53 அமைச்சர்களைக் கொண்ட இராட்சத அமைச்சரவையை ஸ்தாபித்து உலக சாதனை படைத்திருக்கிறார் ஜனாதிபதி மஹிந்த ராஜபக்ஷ என்று மக்கள் வாயைப் பிளந்தால், அதற்குள்ளும் மற்றொரு பெருஞ் சாதனை புரிந்து பலரையும் வியப்பிலும் அதிர்ச்சி ஆச்சரியத்திலும் மூழ்கடித்திருக்கின் றார் அவர்.

ஆளுக்கு ஒரு பெயரில் ஓர் அமைச்சை உருவாக்கி ஒவ்வொருவருக்கும் ஒவ்வொன்றைத் தூக்கிப் போட்ட அவர், அதற்குப் பின்னரும் முக்கியமான அமைச்சுக்களையும், திணைக்களங்களையும் தமக்குள்ளேயே அமுக்கிக் கொண்டிருக் கின்றார் என்ற உண்மை இப்போதுதான் அம்பலத் துக்கு வந்திருக்கிறது.

ஒவ்வொரு அமைச்சர்களுக்கும் ஒவ்வொரு "பந்தா" பெயரில் அமைச்சுக்களை ஒதுக்கிக் கொடுத்த போதிலும் அவற்றில் பெரும்பாலானவை அதிகாரம் ஏதுமற்றவை என்பது இப்போது தான் தெரியவந்திருக்கிறது.

மொத்தம் 53 பேருக்கு அமைச்சுக்களைப் பங்கிட்டுக் கொடுத்தபின்னர் மேலும் ஆறு முக்கிய அமைச்சுக்களை ஜனாதிபதியே தம் வசம் வைத்திருக்கிறார்.

அந்த அமைச்சுக்களும் அவற்றிற்கு ஒதுக்கப்பட்ட துறைகளும் வரு மாறு:

*முன்னர் பௌத்த, இந்து, இஸ்லாமிய விவகார அமைச்சுகளுக்காகத் தனித்தனியே இருந்தவை இப்போது ஒன்றாகி மத விவகார, சமூக நீதி மேம்பாடு அமைச்சாக ஜனாதிபதி யிடம் உள்ளது. இந்த அமைச்சின் கீழேயே பௌத்த, இந்து, இஸ்லாம், கிறிஸ்தவ விவகாரங்கள், பொது நம்பிக்கை நிதியத் திணைக்களம் என்பன வரு கின்றன.

* பாதுகாப்பு, பொது பந்தோபஸ்து, சட்ட, ஒழுங்கு அமைச்சு: முப்படைகள், பொலிஸ், கடேற்படை, கொத்தலாவலை பாதுகாப்பு அக் கடமி, தேசியப் புலனாய்வுப், பயங்கர வஸ்துகள் தடுப்புச் சபை, சிவில் பாதுகாப்புத் திணைக்களம், தளபதிகள் அதிகாரிகள் கல்லூரி, ரணவிரு சேவை அதிகாரசபை.

* நிதி, திட்டமிடல் அமைச்சு: திறைசேரி, தேசிய லொத்தர் சபை, சுங்கம், உள்நாட்டு இறை வரி, கலால் திணைக்களம், வரி மதிப்பீட்டுத் திணைக்களம், மத்தியவங்கி மற்றும் பாதுகாப்பு, அந்நிய செலாவணி ஆணைக்குழு.

*தேசியக் கட்டமைப்பு மற்றும் பெருந்தோட் டக் கட்டுமான அபிவிருத்தி அமைச்சு: புனர் நிர்மாண அபிவிருத்தி முகவர்கள், வடக்கு, கிழக்கில் உடனடி மனிதாபிமானத் தேவைகள் மற்றும் புனர்வாழ்வுக்கான செயலகங்கள், சமுர்த்தி அதிகாரசபை, ஆழிப் பேரலைப் பாதிப்புகளுக் கான வீடமைப்பு, கமநெகும் செயலகம், மாவட்ட திட்டமிடல் செயலகங்கள், பத்தாயிரம் குளங் கள் திட்டம்.

இவையே ஜனாதிபதி வசம் உள்ளவை. பெரும்தொகைப் பணம் புழங்கும் சமுர்த்தி விவ காரத்துக்கு முன்னர் தனி அமைப்பு இருந்தது. அதுவும் இப்போது ஜனாதிபதி வசம்.

இவ்வாறு ஜனாதிபதியிடம் ஒரு முகமாகக் குவிந்திருக்கும் அமைச்சுகளின் கீழ் மட்டும் 90 நியாயாதிக்க சபைகள் வருகின்றன.

ஆனால் அதேசமயம் அமைச்சுப் பதவிகளை ஏற்ற 53 அமைச்சர்களில் பெரும்பாலானவர்களி டம் அனேகமாக அனைவரிடமும் ஓரிரு திணைக்களங்களும் ஓரிரு அதிகார சபைகளுமே (நியாயாதிக்க சபைகளுமே) ஒப்படைக்கப்பட்டி ருக்கின்றன.

ஏற்கனவே அமைச்சரவை அந்தஸ்து உள்ள இருவரையும், அமைச்சரவை அந்தஸ்து அற்ற ஒருவரையும் அப்பதவிகளில் இருந்து நீக்கியுள்ள ஜனாதிபதி, அந்த அமைச்சுக்களையும் தம்வசமே வைத்துக்கொண்டிருக்கின்றார். இதனால், அவ ரின் கீழ் உள்ள அமைச்சுக்களுக்கு உட்பட்ட நியாயாதிக்க சபைகளின் எண்ணிக்கை 105 ஆக உயர்ந்துள்ளது.

ஆனால், அமைச்சர்களோ ஓரிரு திணைக்களங் கள், ஓரிரு நியாயாதிக்க சபைகளோடு தமது அதி காரத்தை முடக்கிக்கொள்ள வேண்டியதுதான்.

உதாரணத்துக்கு நீர் விநியோகம், வடிகால் அமைச்சுப் பொறுப்பை ஏற்றுள்ள அமைச்சர் ஏ. எல். எம். அதாவுல்லாவின் நிலையைப் பார்ப்போம். நீர் விநியோகம், வடிகாலமைப்பு அதிகாரசபை மட் டுமே அவரின் கீழ் வரும் விடயமாகும்.

ஐம்பதுக்கும் அதிக அமைச்சர்களை நியமித்து அவர்களுக்கு அள்ளித் தெளித்துவிட்டு, ஆறுக் கும் அதிக அமைச்சுக்களையும் நூறுக்கும் அதிக நியாயாதிக்க சபைகளையும் தம்முடன் வைத் திருக்கும் ஜனாதிபதியின் அதிகார தந்திரம், அதி காரத்தின் மேலான அவரின் நாட்டத்தை அதிகார ஆசையை அப்படியே நிரூபிக்கின்றது.

தன்னுடைய அமைச்சர்களுக்கே அதிகாரத்தை வழங்குவதில் உலோபியாக இருக்கும் இந்த ஜனாதிபதி, சிறுபான்மையினரான தமிழர்களுடன் அதிகாரத்தைப் பகிர்வதில் நியாயமாக நடந்துகொள்வார் என எதிர்பார்ப்பது அர்த்தமற்றது.

எது, எப்படியென்றாலும் அமைச்சரவைக்கு 53 பேரை நியமித்து, அவர்களுக்குக் கண்துடைப் புக்கேனும் அமைச்சுக்களைப் பெயரளவில் ஒதுக்கிய பின்னரும், முக்கிய அமைச்சுக்களை மடக்கித் தம்வசம் வைத்திருந்து, சுலபமாக அதிகாரம் செலுத்தும் ஜனாதிபதி மஹிந்தரின் அரசியல் "தந்திரம்' மெச்சத்தக்கதுதான்.

-உதயன்

பச்சைத் தண்ணியில் பலராரம் சுடுவது என்பது உதைத்தானோ? இல்லாவிட்டால் தெருவிற் கிடந்த தேங்காயை வழிப்பிள்ளையாருக்கு உடைத்தல் என்பது சரியான பழமொழியாக மகிந்துவுக்கு இங்கு பொருந்துமோ? யாராவது பெரியவர்கள் விளக்கம் தருக!

லங்கா சல்லி மகிந்த சல்லி யப்பா

அதுதாம் சமுர்தியை அவர் வச்சிருகிறார் முன்னாள் சகா திசாநாயக்கா சமுர்தியில கொள்ளையடிச்சு கட்டின வீட்டை பாத்திருகிறார் போல மகிந்த

வடகிழக்கு புனர்வாழ்வு அமைச்சு எங்கட டக்கியிடம் எல்லா இருந்தது அப்ப டக்கி என்ன அமைச்சர் இப்ப??