தினகரனை முதல்வராக்கும் முயற்சியில், சசிகலா தரப்பு

ஆர்.கே.நகர் இடைத்தேர்தல் ரத்து செய்யப் பட்டதால், பழனிசாமியை பதவியிறக்கி விட்டு, தினகரனை முதல்வராக்கும் முயற்சியில், சசிகலா தரப்பு இறங்கியுள்ளது. 'கூஜா துாக்கி' களின் இந்த திட்டத்தை முறியடிக்க, சசி எதிர்ப்பு எம்.எல்.ஏ.,க்கள் ஆதரவுடன், அமைச்சர் கள் பலர் தீவிரம் காட்டி வருகின்றனர்.

அ.தி.மு.க., தற்காலிக பொதுச்செயலராக அறிவிக்கப்பட்ட சசிகலா, சிறையில் அடைக்கப் பட்ட பின், கட்சியின் முழு கட்டுப்பாடும், தினகரன் கைக்கு வந்து விட்டது. சசிகலாவை ஆதரித்த அதே கும்பல், இப்போது தினகரனுக்கு ஆதரவாக செயல்பட்டு வருகிறது.

ஆர்.கே.நகர் இடைத்தேர்தலில், அவரை நிறுத்தி வெற்றி பெற வைக்கவும், பண பலத்துடன் களமிறங்கி யது. தினகரன் வெற்றி பெற்ற பின், அவரை முதல்வராக்கவும் திட்டமிட்டிருந்தனர். இதை அறிந்ததும், கொங்கு மண்டல அமைச்சர்கள், எம்.எல்.ஏ.,க்கள் அதிருப்தி அடைந்தனர்.

அதை சமாளிக்க, 'இடைத்தேர்தலில் வெற்றி பெற்றாலும், முதல்வராக பொறுப்பேற்க மாட்டேன்; பழனிசாமியே முதல்வராக இருப்பார்' என, தினகரன் அறிவித்தார்; ஆனால், அதை யாரும் நம்பவில்லை.இடைத்தேர்தலில், அவர் வெற்றி பெற்றால், முதல்வராகி விடுவார் என்பதால், கொங்கு மண்டல அமைச்சர்கள் அடக்கியே வாசித்தனர். தினகரன் விசுவாசி களும், அமைச்சர் பதவியை எதிர்பார்க்கும்

எம்.எல்.ஏ.,க்களும், வரிந்து கட்டி, தேர்தல் பணியாற்றினர்.

தினகரனின் வலது கரமாக செயல்பட்ட, அமைச்சர் விஜய பாஸ்கர், பணம் பட்டுவாடா முழுவதையும் கவனித்தார்.

அவர் வீட்டில், வருமான வரித்துறையினர் நடத்திய சோதனை யில், வாக்காளர்களுக்கு பணம் கொடுத்த ஆவணங்கள் சிக்கின.அதன் தொடர்ச்சியாக, இடைத்தேர்தல் ரத்து செய்யப்பட்டது. அமைச்சர் வீட்டில் சிக்கிய ஆவணங்களில், வாக்காளர்களுக்கு பணம் கொடுத்த அமைச்சர் கள்பட்டியலும் கிடைத்துள்ளது.அதில், முதல் வர் பெயரும் இடம் பெற்றிருப்பது, மக்களிடம் கடும் அதிர்ச்சியை ஏற்படுத்தி உள்ளது.

சட்டத்திற்கு புறம்பாக, வாக்காளர்களுக்கு பணம் கொடுத்த, அமைச்சர்கள் மற்றும் முதல் வர் பதவி விலக வேண்டும் என, எதிர்க்கட்சிகள் வலியுறுத்த துவங்கி உள்ளன.இந்தச் சூழ்நிலை யில், 'இடைத்தேர்தல் ரத்து செய்யப்பட்டதால், மீண்டும் எப்போது தேர்தல் நடைபெறும் என்பது தெரியாது.

எனவே, நேரடியாக முதல்வர் பொறுப்பேற்றுக் கொள்ளுங்கள். அதன்பின், வெற்றி வாய்ப்புள்ள தொகுதியை தேர்வு செய்து,அந்த தொகுதியில் நீங்கள் நிற்கலாம்' என, தினகரனிடம் கூஜா துாக்கிகள் சிலர் யோசனை தெரிவித்துள்ளனர்.

இந்த சந்தர்ப்பத்திற்காக காத்திருந்த தினகரனும், அதற்காக காய் நகர்த்தும்படி, தன் ஆதரவு கூஜா துாக்கிகளுக்கு உத்தரவிட்டுள் ளார். இதையடுத்து, இது குறித்து விவாதிப்பதற் காக, நேற்று முன்தினம், சென்னையில் உள்ள தலைமை அலுவலகத்திற்கு வரும்படி, அனைத்து அமைச்சர்களையும் தினகரன் அழைத்துள்ளனர். ஆனால், பெரும்பாலான அமைச்சர்கள் கூட்டத்திற்கு வரவில்லை.