மங்களவின் பதவி மாற்றம் நல்லிணக்கம் மீதான அடி

இலங்­கை­யில் புதிய அர­ச­மைப்பை உரு­வாக்­கு­வது மற்­றும் நல்­லி­ணக்­கத்தை ஏற்­ப­டுத்­து­வது தொடர்­பான தனது நிலைப்­பாட்­டில் இருந்து தற்­போ­தைய கூட்டு அரசு வில­கிச் செல்ல ஆரம்­பித்­தி­ருக்­கி­றது என்று உலக நெருக்­க­டி­கள் குழு அண்­மை­யில் அறிக்கை விட்­டி­ருந்த நிலை­யில், வெளி­வி­வ­கார அமைச்­சர் பத­வி­யில் இருந்து மங்­கள சம­ர­வீர மாற்­றப்­பட்­டி­ருக்­கி­றார்.

அமைதி மற்­றும் நல்­லி­ணக்க முயற்­சி­க­ளில் இருந்து அரசு வில­கிக் செலல்­வதை உறு­திப்­ப­டுத்­தும் வகை­யில் இந்த மாற்­றம் இருக்­கக்­கூ­டும் என்று அர­சி­யல் ஆய்­வா­ளர்­கள் கரு­து­கின்­ற­னர்.

இனப்­பி­ரச்­சி­னைக்கு கூட்­டாட்­சித் தத்­து­வத்­தின் கீழ் தமிழ் மக்­கள் விரும்­பு­வ­தைக் கொடுத்­துத் தீர்வு ஒன்­றைக் கண்­டு­வி­ட­வேண்­டும் என்று நினைக்­கக்­கூ­டிய, அர­சுக்­குள் இருக்­கும் வெகு சில­ரில் மங்­கள சம­ர­வீர முக்­கி­ய­மா­ன­வர். தமி­ழர்­க­ளின் பிரச்­சி­னை­க­ளைத் தீர்ப்­ப­தன் ஊடா­கத்­தான் இலங்­கையை அபி­வி­ருத்­தி­ய­டை­யச் செய்ய முடி­யும் என்று உறு­தி­யாக நம்­பு­கி­றார் அவர்.

அதன் அடிப்­ப­டை­யில்­தான் புதிய அர­ச­மைப்பு ஒன்று உரு­வாக்­கப்­ப­ட­வேண்­டும் என்று 2015ஆம் ஆண்டு நாடா­ளு­மன்­றத்­தில் ஆணித்­த­ர­மா­கக் கருத்­துத் தெரி­வித்­தார். மனித உரி­மை­கள் உள்­ளிட்ட பல்­வேறு விட­யங்­க­ளில் உல­கின் கருத்­தோடு போக்­கோடு ஒத்­தோ­டும் பண்­பை­யும் வெளிப்­ப­டுத்­தி­னார்.

2015ஆம் ஆண்டு ஐக்­கிய நாடு­கள் மனித உரி­மை­கள் சபை­யில் இலங்கை தொடர்­பான தீர்­மா­னம் நிறை­வேற்­றப்­பட்­ட­போது அதற்கு இணை அனு­ச­ரணை வழங்­கு­வது என்று இலங்கை தீர்­மா­னித்­த­தில் கணி­ச­மான பங்கை ஆற்­றி­யி­ருந்­த­வ­ரும் மங்­கள சம­ர­வீ­ரவே!

இனப் பிரச்­சினை விட­யத்­தில் உல­கின், குறிப்­பாக மேற்கு நாடு­க­ளின் கரி­ச­னைக்­குப் பதி­ல­ளிப்­ப­தன் மூலம் உலக அரங்­கில் இலங்­கை­யின் மதிப்­பைத் தூக்கி நிறுத்த முடி­யும் என்­றும் அவர் கரு­தி­னார். அதற்­கேற்­பவே போர்க்­குற்ற விசா­ர­ணை­யில் வெளி­நாட்டு நீதி­ப­தி­களை உள்­ள­டக்­கு­வ­தற்­கும், காணா­மற்­போ­ன­வர்­கள் தொடர்­பான அலு­வ­ல­கத்தை நிறு­வு­வ­தற்­கும் ஐக்­கிய நாடு­கள் மனித உரி­மை­கள் சபை­யில் 2015 தீர்­மா­னத்­தின் மூலம் இணங்­கி­னார்.

அவ­ரால் இணங்­கப்­பட்ட இந்த இரு விட­யங்­க­ளி­லும் அரச தலை­வர் மைத்­தி­ரி­பால சிறி­சே­ன­வுக்கு பெரி­ய­ள­வில் உடன்­பாடு இருக்­க­வில்லை. அதி­லும் குறிப்­பாக போர்க் குற்ற விசா­ர­ணை­க­ளில் வெளி­நாட்டு நீதி­ப­தி­களை உள்­ள­டக்க முடி­யாது என்­ப­தில் மைத்­திரி பிடி­வா­த­மாக இருந்­தார். தனக்­குத் தெரி­யா­மல் அல்­லது தன்னை மீறி இது விட­யத்­தில் ஐ.நா. மனித உரி­மை­கள் சபை­யில் வாக்­கு­றுதி அளிக்­கப்­பட்­டுள்­ளது என்­றார் அவர்.

இது விட­யத்­தில் மைத்­தி­ரிக்­கும் மங்­க­ள­வுக்­கும் இடை­யில் சில மோச­மான காலங்­கள் கடந்து சென்­றி­ருக்­கின்­றன. எப்­ப­டி­யி­ருந்­த­போ­தும், ஐக்­கிய நாடு­கள் மனித உரி­மை­க­கள் சபை­யில் தான் வழங்­கிய வாக்­கு­று­தி­யி­லி­ருந்து பின்­வாங்­க­வி­ல்லை. இந்த ஆண்டு மார்ச் மாதம் நடந்த ஐ.நா. மனித உரி­மை­கள் சபை­யின் ஜெனிவா அமர்­வி­லும்­கூட அதே வாக்­கு­று­தி­களை நிற­வேற்­றுவ­தாக உறுதி வழங்­கி­னார்.

2015ஆம் ஆண்­டுத் தீர்­மா­னத்தை அப்­ப­டியே நடை­மு­றைப்­ப­டுத்­து­வ­தற்­காக நிறைவேற்­றப்­பட்ட தீர்­மா­னத்துக்கும் மங்­கள இலங்கை அரசு சார்­பில் இணை அனு­ச­ரணை வழங்­கி­யி­ருந்­தார்.

இத்­த­கைய பின்­ன­ணி­யி­லேயே அவர் அய­லு­ற­வுத் துறை அமைச்­சுப் பத­வி­யில் இருந்து நீக்­கப்­பட்­டுள்­ளார். அவ­ரது பதவி நீக்­­கம், இலங்கை அரசு ஐ.நா. தீர்­மா­னத்தை முழு­மை­யாக நடை­மு­றைப்­ப­டுத்­து­வ­தில் இருந்து பின்­வாங்­கு­வ­தற்­கும், காணா­மற்­போ­னோர் தொடர்­பான அலு­வ­ல­கத்தை இயக்­கா­மல் அப்­ப­டியே கிடப்­பில் போட்­டு­வி­டு­வ­தற்­கும் உறு­து­ணை­யாக இருக்­கும் என்று எதிர்­வு­கூ­றப்­ப­டு­கின்­றது.

இந்த விட­யங்­க­ளில் மங்­கள அள­வுக்கு ஆர்­வம் உள்­ள­வர்­கள் அர­சுக்­குள் வேறு எவ­ரும் கிடை­யாது. மங்­க­ளவை நிதி அமைச்­ச­ராக்­கி­ய­தன் மூலம் இனி இந்த விட­யங்­க­ளில் இருந்த அவ­ரது கவ­னம் ஓரங்­கட்­டப்­ப­டும். இது நல்லிணக்க மற்றும் அமைதி முயற்சிகளின் மீது பலமாக வீழுந்துள்ள அடி. எதிர்காலத்தைக் கேள்விக்குறியாக்கியுள்ளது.