இலட்சங்களில் புரள்கின்ற மாகாணசபை உறுப்பினர்கள்

வடக்கு மாகா­ண­சபை என்­பது, அதன் உறுப்­பி­னர் கள் பல அணி­க­ளா­கப் பிள­வு­பட்டு தமக்­குள் மோதிக் கொள்­ளு­மொரு இடம் என்­ப­தற்கு அப்­பால், அதன் உறுப்­பி­னர்­க­ளுக்­குத் தார­ள­மாக பணத்தை வாரி வழங்கும் ஒன்று என்பதும் தற்­போது தெரி­ய­வந்­துள்­ளது.

தீர்­வை­யற்ற வாகன இறக்­கு­ம­திக்­கான அனு­ம­திப்­பத்­தி­ரத்­தின் மூல­மாக வடக்கு மாகா­ண­ சபை உறுப்­பி­னர்­கள் பல இலட்­சம் ரூபாய்­க­ளைச் சம்­பா­தித்­துள்­ள­னர்.

இதே­வேளை கிழக்கு மாகா­ண­சபை உறுப்­பி­னர்­க­ளுக்கு வழங்­கப்­பட்­டமை போன்று சமமான சலுகையை வழங்­கு­மாறு நிதி­ய­மைச்­ச­ரி ­டம் அவர்­கள் மனு­வொன்­றை­யும் கொடுத்துள்ளனர்.

இவற்­றை­யெல்­லாம் பார்க்­கும்­போது, அடுத்த மகா­ண­ச­பைத்­தேர்­த­லில் வேட்­பா­ளர் நிய­ம­னம் பெற்­றுக் கொள்­வ­தில் கடு­மை­ யான போட்டி நில­வு­ மென்­பதை இப்­போதே கூறிக்­கொள்­ள­ மு­டி­யும். ஏனென்­றால் பெரும் தொகைப் பணத்­தை இலேசா கச் சம்­பா­திப்­ப­தற்கு எவ­ருக்­குத்­தான் மனம் இல்­லா­மல் இருக்­கும்?

தமி­ழ் அரசுக் கட்­சி­யை நிறு விய தலை­வ­ரான தந்தை செல்வா பொது வாழ்­வில் இறங்­கித் தமது சொத்­துக்­க­ளை­யெல்­லாம் இழந்து இறு­திக் காலத்­தில் பெரும் நிதி நெருக்­க­டியை எதிர் கொண்­டார்.அவ­ரி­டம் சொந்த வாக­னம் கூட இருக்­க­வில்லை.

வாட­கைக்கு அமர்த்­திய வாக­னங்­க­ளில் சென்று மக்­கள் பணி­களை ஆற்றி வந்­தார். அவர் விரும்­பி­யி­ருந்­தால் அர­சி­ட­மி­ருந்து சலுகை விலை­யில் வாக­ன­மொன்­றைப் பெற்­றுக் கொண்­டி­ருக்க முடி­யும். ஆனால் அவர் தமது தன்­மா­னத்தை இழப்­ப­தற்கு ஒரு­போ­துமே விரும்­பி­ய­தில்லை.

மக்­கள் கஷ்­டப்­ப­டும்­போது தாம் மட்­டும் சொகுசு வாக­னத்தைப் பயன்படுத்துவது நியா­ய­மல்ல என்­பதே செல்­வா­வின் கொள்­கை­யாக அமைந்­தி­ருந்­தது. செல்­வா­வின் எளி­மைக்­கும் நேர்­மைக்­கும் ஓர் உதா­ர­ணத்­தைக் குறிப்­பி­டு­வார்­கள். செல்­லையா குமா­ர­சூ­ரி­யர் தபால் அமைச்­ச­ராக இருந்­த­போது இடம்­பெற்ற சம்­ப­வம் அது.

ஒரு­நாள் தபால் அமைச்­சின் அலு­வ­ல­கப் படி­க­ளில் தந்தை செல்வா ஏறி வந்து கொண்­டி­ருப்­பதை அமைச்­சர் குமா­ர­ சூ­ரி­யர் மேல் மாடியிலிருந்து கண்டு விட்­டார். அவர் உட­ன­டி­யா­கப் படி­க­ளில் இறங்­கிச் சென்று ‘‘சேர், நீங்­கள் சிர­மப் பட்டு ஏன் இங்கு வந்­தீர்­கள்? எனக்கு ஓர் தொலை­பேசி அழைப்பை விடுத்­தி­ருந்­தால், நானே வந்து உங்­க­ளைச் சந்­தித்­தி­ருப்­பேன்’’ எனக்­கூ­றி­னார்.

அதற்­குச் செல்வா ‘‘இல்லை… இல்லை… தாங்­கள் ஓர் அமைச்­ச­ராக உள்­ளீர்­கள். நானோ ஒரு சாதா­ரண நாடா­ளு­மன்ற உறுப்­பி­னர். அத­னால் நான் உங்­களை நாடி வரு­வதே நியா­ய­ மா­னது’’ என்­றார். செல்வா ஏதோ தமது சொந்த விட­ய­மா­கத்­தான் தம்­மைக் காண வந்­துள்­ளார் என நினைத்த குமா­ர­சூ­ரி­யர் ‘‘சேர்…. நான் உங்­க­ளுக்கு என்ன உத­வி­ செய்ய வேண்­டும்?’’ எனக்­கேட்­டார்.

‘‘அமைச்­சரே, தாங்­கள் எனக்கு ஒன்­றுமே செய்ய வேண்­டாம். மக்­க­ளுக்­குத் தேவை­யான ஓர் உத­வி­யைத் தங்­க­ளி­ட­மி­ருந்து பெறவே இங்கு வந்­துள்­ளேன்’’ எனப் பதி­ல­ளித்த செல்வா, தமது தொகு­தி­யில் உள்ள மிக­வும் பின்­தங்­கிய ஓர் இடத்­தைக் குறிப்­பிட்டு அங்கு வசிக்­கின்ற மக்­கள் தமது அஞ்­சல் தேவை­க­ளைப் பெறு­வ­தில் அதிக சிர­மங்­களை எதிர்­கொள்­கின்­ற­னர். எனவே அங்கு ஓர் உப அஞ் சல் அலு­வ­ல­கத்தை அமைப்­ப­தற்­குத் தாங்­கள் உதவ வேண்­டும் என­வும் வலி­யு­றுத்­திக் கேட்­டுக் கொண்­டார். அமைச்­சர் தந்­தை­யின் பெருந்­தன்மை கண்டு திகைத்து நின்­றார்.

ஆனால் இன்று தந்தை செல்­வா­வின் வழி­யில் செல்­வ­தா­கக் கூறிக் கொள்­ப­வர்­க­ளும், ஏனை­ய­வர்­க­ளும் தமது தீர்­வை­யற்ற வாகன அனு­ம­திப்­பத்­தி­ரத்­தின் கொள்வனவு தொகை மட்டம் மற்றும் வரிச் சலுகை என்பவற்றை அதி­க­ரிக்­கு­மாறு கேட்­டுக் கொழும்­பில் உள்ள நிதி­ய­மைச்­சின் அலு­வ­ல­கப் படி­க­ளில் காத்து நிற்­கின்­ற­னர்.

தமக்­குள் முட்டி மோதிக் கொள்­ளும் வடக்கு மாகாண சபை உறுப்­பி­னர்­கள்

போரால் மிக­வும் பாதிக்­கப்­பட்ட பகு­தி­யாக வடக்கு மாகா­ணம் காணப்­ப­டு­கின்­றது. வடக்­கில் வாழ்­கின்ற மக்­கள் போர் ஓய்ந்து எட்டு ஆண்­டு­கள் நிறை­வ­டைந்த நிலை­யி­லும், தமது பிரச்­சி­னை­க­ளுக்­குத் தீர்வு கிடைக்­காத நிலை­யில் அவ­லங்­களை எதிர்­கொண்டு வரு­கின்­ற­னர்.

கடந்த 2013ஆம் ஆண்டு செப்­ரெம்­பர் மாதம் உரு­வாக்­கப்­பட்ட வடக்கு மாகாண சபை­யா­லும் இந்த மக்­க­ளின் பிரச்­சி­னைக ளுக்­குத் தீர்வு காண­மு­டி­ய­வில்லை. மக்­க­ளின் பிரச்­சி­னை­க­ ளுக்­குத் தீர்வு காண­வேண்­டிய மாகா­ண­சபை உறுப்­பி­னர்­கள் சிறிய கருத்து வேறு­பா­டு­க­ளுக்­கும் தமக்­குள் மோதிக் கொண்டு மக்­க­ளை­யும் பிள­வு­ப­டுத்தி வரு­கின்­ற­னர்.

தமது வசதி வாய்ப்­புக்­களை பெருக்­கிக் கொள்­ளும் நோக்­கில் செயற்­ப­டுகின்றனர் உறுப்­பி­னர்­கள்

முத­ல­மைச்­ச­ருக்கு ஆத­ர­வா­னவர்கள் ஒரு புற­மும், எதி­ரா­ன­வர்­கள் மறு­பு­ற­மும் நின்று கொண்டு போட்டி போட்­டுச் செயற்­ப­டு­கின்­ற­னர். இவர்­கள் மக்­க­ளைப் பற்­றிச் சிந்­திப்­ப­தா­ கத் தெரி­ய­வில்லை. ஆனால் தத்தமது சொந்த நலன்கள் பற்றி நன்­றா­கவே சிந்­திக்­கின்­ற­ னர். தமக்கு வழங் கப்­ப­டு­கின்ற வேத­னம் போதா­தெ­னக் கு­றைப்­பட்­டுக் கொள்­கின்­ற­னர்.

மாகா­ண­சபை அமர்­வு­க­ளின் போது தமக்கு வழங்­கப்­ப­டு­கின்ற உணவு மற்­றும் சிற்­றுண்­டி­கள் தொடர்­பாக முறைப்­பாடு தெரி­விக்­கின்­ற­னர். தாமும் அமைச்­சர் பதவி யொன்றைப் பெற்று விட வேண்­டும் என்­ப­தற்­காக முத­ல­மைச்­ச­ரின் கடைக்­கண் பார்­வைக்­காக ஏங்கி நிற்­கின்­ற­னர்.

தற்­போது தீர்­வை­ குறைந்த அனு­ம­திப் பத்­தி­ரங்­களை விற்று இலட்­சக்­க­ணக்­கில் பணத்­தைச் சுருட்­டிக் கொண்ட போதி­லும், அதில் திருப்­தி­ய­டை­ யாது மேல­திக நிதியை வழங்­கு­மாறு கோரி நிற்­கின்­ற­னர். உண்­மை­யில் இவர்­கள் அதிர்ஷ்­ட­சா­லி­கள்­தான். எது­வுமே செய்­யாது, உடம்மை வருத்­தா­மல் பல இலட் சம் ரூபாய்­க­ளைச் சம்­பா­திப்­பது என்­பது சாதா­ரண விட­ய­மல்ல.

அடுத்த ஆண்டு மாகா­ண­ச­பைத்­தேர்­தல் இடம்­பெ­றும் போது மக்­க­ளி­டம் வாக்­குக் கேட்டு இவர்­கள் தான் வந்து நிற்­கப் போகின்­றார்­கள். மேடை­க­ளில் நின்று முழங்­கப் போகின்­றார்­கள். மண­லைக் கயி­றா­கத்­தி­ரிப்­போம், மலை­க­ளைப் புரட்­டிப் போடு­வோம் என்­றெல்­லாம் வீர வச­னங்­கள் பேசப் போகின்­றார்­கள். ஆனால் மக்­கள் இனி­யும் இவர் களை நம்­பு­வார்­களா என்­பது சந்­தே­கமே.

மக்­க­ளின் வரிப்­ப­ணத்தை வீணாக்கி வரு­கின்ற மாகா­ண­ச­பை­யில் உறுப்­பி­னர்­க­ளாக இருப்­ப­வர்­கள். இனி­யா­வது மக்­க­ளைப் பற்­றிச் சிந்­திப்­பார் களா? தமது மனச்­சாட்­சிக்கு இடம் கொடுப்­பார்­களா?