பெண்கள் மீது குடும்பச் சுமையை சுமத்திய போர் எனும் பேயாட்டம்

 

இலங்­கைத் தீவில் நடை பெற்ற ஆயுதப் போர் 2009 ஆம் ஆண்டு முடி­வுக்கு வந்­தா­லும், அது நாட்­டு­மக்­கள் மத்­தி­யில் ஏற்­ப­டுத்தி வைத்­துள்ள ஆழ­மான வடுக்­கள் என்­றும் மறை­யா­தவை.

பொரு­ளா­தார, உள­வி­யல் மற்­றும் சமூக ரீதி­யாக என்று பல்­வேறு நெருக்­க­டி­க­ளின் மத்­தி­யி­லேயே போரால் வித­வை­க­ளாக்­கப்­பட்­ட­வர்­கள் இன்று வாழ்­கின்­ற­னர்.

போர், வன்­முறை, அசா­தா­ரண கார­ணங்­கள், இயற்கை இடர்கள் என்­ப­வற்­றால் உல­கம் முழு­வ­தும் கோடிக்­க­ணக்­கான பெண்­கள் கண­வன்­மாரை இழந்து குடும்­பப் பொறுப்பை ஏற்­றுள்­ள­னர். இலங்­கை­யும் இதற்கு விதி­வி­லக்­கல்ல!

குறித்த பிரி­வுக்­குள் அடங்­கும் இந்­தப் பெண்­க­ளின் இன்­னல்­க­ளைத் துடைக்­கும் நோக்­கில், குடும்­பங்­க­ளுக்கு தலைமை தாங்­கும் பெண்­கள் எதிர்­நோக்­கும் பிரச்சினை­கள் மற்­றும் அவர்­க­ளது ஆற்­றலை மேம்­ப­டுத்­தல் தொடர்­பாக தனி­யார் துறை, ஊட­கம் மற்­றும் சிவில் சமூ­கம், பாலி­னம் ஆகி­ய­வற்­றின் ஊடாக அர­ சி­டம் கோரிக்­கை­களை முன்­வைக்­கும் வகை­யில், போர் இடம்­பெற்ற பிர­தே­சங்­க­ளில் 10 ஆண்­டு­க­ளுக்கு மேல் தள மேம்­பாட்­டுப் பயிற்­சி­யா­ள­ரா­கச் செயற்­பட்ட அனு­ப­வம் கொண்ட ஆய்­வா­ள­ராக ராதிகா ஹெட்­டி­யா­ராச்சி திகழ்­கி­றார். ஆயி­ரக்­க­ணக்­கான வித­வைப் பெண்­களை நேர­டி­யாக சந்­தித்து அவர்­க­ளது பிரச்­சி­னை­க­ளை­யும் வௌிக்­கொண்டு வந்­துள்­ளார்.

மலைக்க வைக்கும் விதவைகள் எண்ணிக்கை

போரால் 90ஆயிரம் பெண்­கள் வித­வை­கள் ஆக்­கப்­பட்­டுள்­ள­னர் என்று மக­ளிர் விவ­கார அமைச்சு குறிப்­பிட்­டுள்­ளது. கிழக்­கில் சுமார் 49ஆயிரம் பெண்­கள் வித­வை­க­ளாக்­கப்­பட்­டுள்­ள­து­டன் வடக்­கில் சுமார் 40ஆயிரம் பேர் வித­வை­க­ளாக்­கப்­பட்­டுள்­ள­னர்.

போர்ப் பாதிப்­பால் வித­வை­க­ளாக்­கப்­பட்ட இந்­தப் பெண்­க­ளில் 12ஆயிரம் பேர் 40 வயதை அண்­மித்­த­வர்­கள் என்­ப­தும், 8ஆயிரம் பேருக்கு மூன்று வயது பிள்­ளை­கள் இருப்­ப­தும் அர­சின் கணக்­கெ­டுப்பு மூலம் தெரிய வந்­துள்­ளது.

90 ஆயி­ரம் வித­வைப் பெண்­கள் தமது விவ­ரங்­களை அர­சி­டம் பதிவு செய்­தி­ருக்­கின்­ற­னர். இது­த­விர பதிவு செய்­யாத வித­வை­க­ளும் உள்­ள­னர். பெரும்­பா­லான சிறு­வர்­கள் மற்­றும் இளை­ஞர்­கள், தற்­போது உயர்­கல்­விக்கு வழி­யின்­றித் தடு­மா­று­கின்­ற­னர்.

கிளி­நொச்சி மாவட்­டத்­தின்

கிளி­நொச்சி மாவட் டத்­தில் மீள்­கு­டி­ யே­றி­யுள்ள 43 ஆயி­ரம் வரை­யான குடும்­பங்­க­ளில் போர் கார­ண­மாக வித­வை­க­ளாக்­கப்­பட்ட ஆயிரத்து 717 பேரும், போர் தவிர்ந்த கார­ணங்­க­ளால் 4 ஆயிரத்து 445 பேர் வித­வை­க­ளா­க­வும் காணப்­ப­டு­கின்­ற­னர் என மாவட்­டச் செய­ல­கப் புள்ளி விவ­ ரத்­தில் தெரி­விக்­கப்­பட்­டுள்­ளது.

இதற்­க­மைய, கரைச்­சிப்­பி­ர­தேச செய­லா­ளர் பிரி­வின் கீழ் 951 வித­வை­க­ளும், கண்­டா­வளை பிர­தேச செய­லா­ளர் பிரி­வின் கீழ் 349 வித­வை­க­ளும் புந­கரி பிர­தேச செய­லா­ளர் பிரி­வின் கீழ் 199 வித­வை­க­ளும் பச்­சி­லைப்­பள்ளி பிர­தேச செய­லா­ளர் பிரி­வின் கீழ் 218 வித­வை­க­ளும் காணப்­ப­டு­கின்­ற­னர்.

இது­த­விர, கரைச்சி, கண்­டா­வளை, பச்­சி­லைப்­பள்ளி மற்­றும் புந­கரி ஆகிய நான்கு பிர­தேச செய­லா­ளர் பிரி­வு­க­ளி­லும் போர் தவிர்ந்த கார­ணங்­க­ளால் 4 ஆயிரத்து 455 வித­வை­கள் காணப்­ப­டு­கின்­ற­னர் என மாவட்ட செய­ல­கப்­புள்ளி விவ­ரத்­தில் தெரி­விக்­கப்­பட்­டுள்­ளது.

முல்­லைத்­தீவு மாவட்­டத்­தின் புள்ளி விவ­ரங்­கள்

முல்­லைத்­தீவு மாவட்­டம், மாற்­றுத்­தி­ற­னா­ளி­கள், வித­வை­கள் மற்­றும் போசாக்­குக் குறை­பாடு உள்­ள­வர்­கள் அதி­க­மாக வாழும் மாவட்­டம் என ஐக்­கிய நாடு­கள் சபை அடை­யா­ளம் கண்­டுள்­ளது.

ஐக்­கிய நாடு­கள் சபை உலக வங்­கி­யு­டன் இணைந்து மேற்­கொண்ட ஆய்­வின் பின்­னர் வௌியிட்­டுள்ள அறிக்­கை­யில் இந்த தக­வல் தெரி­விக்­கப்­பட்­டுள்­ளது. குறித்த அறிக்கை இலங்கை அர­சி­டம் கைய­ளிக்­கப்­பட உள்­ளது.

வடக்கு கிழக்­கில் நடந்த போரில் வரை முல்­லைத்­தீவு மாவட்­டமே அதி­க­ள­வில் பாதிக்­கப்­பட்­டது என்பது வெளிப்படை போர் கார­ண­மாக அதி­க­ள­வில் கொல்­லப்­பட்ட ஆண்­க­ளும் சிறு­வர்­க­ளும் முல்­லைத்­தீவு மாவட்­டத்தை சேர்ந்­த­வர்­கள் எனக் கண்­ட­றி­யப்­பட்­டுள்­ளது.

குடும்ப தலை­வ­ராக ஆண் இல்­லாமை, பெண்­கள் குடும்­பத்­திற்கு தலைமை தாங்­கிச் செயற்­பட்டு வரு­வது, வாழ்­வா­தா­ரப் பிரச்­சினை என்­பவை கார­ண­மாக முல் லைத்­தீவு மக்­கள் பெரும் வறுமை நிலையை எதிர்­நோக்கி வரு­கின்­ற­னர்.

இதன் கார­ண­மா­கவே அங்கு போசாக்­கின்­மை­யும் அதி­க­ரித்­துள்­ள­தாக தொண்டு நிறு­வ­னங்­கள் கூறு­கின்­றன.

இலங்கையில் தமிழர்கள் சிறு­பான்­மை­ யி­ன­ராக இருக்­கும் அதே­வேளை, பெரும்­பான்­மை­யான வித­வை­கள் தமிழர்களாக இருப்­ப­தைக் காட்­டும் புள்­ளி ­வி­வரங்­கள் எண்ணற்ற செய்­தி­களை அழுத்­த­மாக எடுத்­து­ரைக்­கின்­றன.

பிரிட்டன் வௌியு­றவு மற்­றும் பொது­ந­ல­வா­யப்  பணி­ய­கத்­தின் அறிக்கை!

போரின் போது கண­வன்­மாரை இழந்த 90 ஆயி­ரம் வரை­யான பெண்­கள் இலங்­கை­யில் வடக்கு, கிழக்கு மாகா­ணங்­க­ளில் வாழ்கின்றனர் என்று பிரிட்டன் மற்­றும் பொது­ந­ல­வா­யப் பணி­ய­கத்­தால் வௌியி­டப்­பட்ட அறிக்­கை­ ஒன்றி்ல் தெரி­விக்­கப்­பட்­டுள்­ளது.

இலங்­கை­யில் காணா­மல் போன­வர்­கள், கடத்­தல் சம்­ப­வங்­கள் என்­பவை 2011ஆம் ஆண்­டின் இறு­தி­யில் அதி­க­ரித்­துக் காணப்­பட்­ட­தாக பிரிட்டன் அயலுறவுத்தறைச் செய­லர் வில்­லி­யம் ஹேக் அண்­மை­யில் வௌியிட்ட 2011 ஆம் ஆண்­டின் நில­வர அறிக்­கை­யில் குறிப்­பி­டப்­பட்­டுள்­ளார்.

கடந்த டிசெம்­ப­ரில், இலங்­கை­யின் வடக்­குப் பகு­தி­யில் பய­ணித்­துக் கொண்­டி ­ருந்த அர­சி­யற் செயற்­பாட்­டா­ளர்­கள் இரு­வர் காணா­மல் போயுள்­ள­னர். அத்­து­டன் 2010 இல் காணா­மல் போன கேலிச் சித்­தி­ர­வ­டி­வ­மைப்­பா­ள­ரான பிர­கீத் எக்­னெ­லி­கொ­ட­வின் வழக்கு விசா­ரணை உள்­ள­டங்­க­லாக, கடந்த காலங்­க­ளில் காணா­மல்­போ­னோர் தொடர்­பாக எந்­த­வொரு விசா­ர­ணை­க­ளும் மேற்­கொள்­ளப்­ப­ட­வில்லை.

இலங்கை அர­சால் நிய­மிக்­கப்­பட்ட கற்­றுக் கொண்ட பாடங்­கள் மற்­றும் நல்­லி­ணக்க ஆணைக்­குழு, யுத்த மீறல்­கள் தொடர்­பாக முழு­மை­யான விசா­ர­ணை­கள் மேற்­கொள்­ளப்­ப­ட­வில்லை எனச் சுட்­டிக்­காட்­டிய குறிப்­பிட்ட சில சம்­ப­வங்­கள் தொடர்­பாக, இலங்கை பொலி­ஸார் எந்­த­வொரு முறைப்­பாட்­டை­யும் பதிவு செய்ய மறுப்­ப­தா­க­வும் பிரிட்டன் அயலுறவுத் துறையால் வௌியி­டப்­பட்ட அந்த அறிக்­கை­யில் சுட்­டிக்­காட்­டப்­பட்­டுள்­ளது.

இலங்­கை­யின் வடக்­குப் பகு­தி­யில் நிலை­கொண்­டுள்ள படை­யி­ன­ரின் நட­ மாட்­டம், அங்­குள்ள பெண் களின் பாது­காப்­புக்கு அச்­சு­றுத்­த­லாக உள்­ள­தாக கற்­றுக் கொண்ட பாடங்­கள் தொடர்பில், நல்­லி­ணக்க ஆணைக்­குழு தனது அறிக்­கை­யில் குறிப்­பிட்­டுள்­ளது.

ஆனால், இலங்கை அரசு வடக்­கில் குவிக்­கப்­பட்­டுள்ள பாது­காப்­புப் படை­யி­ன­ரின் எண்­ணிக்­கை­யைக் குறைப்­பது தொடர்­பில் எந்­த­வொரு சிறு முன்­னேற்­றத்­தைக் கூடக் காண்­பிக்­க­வில்லை என அந்த அறிக்­கை­யில் மேலும் சுட்­டிக்­காட்­டப்­பட்­டுள்­ளது.
இலங்­கை­யின் வடக்கு மற்­றும் கிழக்­குப் பகு­தி­க­ளில் வாழும் பெண்­க­ளின் பாது­காப்பு தொடர்­பில் அனைத்­து­லக நெருக்­க­டி­கள் குழு­வும் தனது கவ­லையை வௌியிட்­டுள்­ளது.

இலங்­கை­யில் வாழும் பெண்­க­ளின் அபி­வி­ருத்தி தொடர்­பாக குறிப்­பிட்­டுள்ள பிரிட்டன் அறிக்கை, உலக பொரு­ளா­தார மன்­றத்­தால் மேற்­கொள்­ளப்­பட்ட பூகோள பால்­நி­லைச் சுட்­டி­யில் 16 ஆவது இடத்­தி­லி­ருந்த இலங்கை, தற்­போது 31 ஆவது இடத்­துக்­குப் பின்­தள்­ளப்­பட்­டுள்­ள­தா­க­வும் சுட்­டிக்­காட்­டி­யுள்­ளது.

இலங்­கை­யில் 2011 முழு­மை­யும் மனித உரி­மை­கள் செயற்­பாட்­டா­ளர்­க­ளுக்கு அச்­சு­றுத்­தல் விடுக்­கப்­பட்­ட­தா­க­வும், இலங்­கை­யில் மனித உரி­மை­யைப் பாது­காத்­தல் என்­பது கடந்த ஆண்­டில் கேள்­விக்­கு­றி­யா­கக் காணப்­பட்­ட­தா­க­வும் அந்த பிரிட்டன் அறிக்­கை­யில் குறிப்­பி­டப்­பட்­டுள்­ளது.

வாழ்­வா­தா­ரம் தொடர்­பான உண்மை நிலை

கடந்த 2009ஆம் ஆண்­டுக்கு முன்­னர் வடக்கு கிழக்கு பகு­தி­க­ளில் உக்­கி­ர­மாக நடந்த போர் கார­ண­மா­க­வும், மிதி வெடி­க­ளி­லும் சிக்­கி­யும் அதி­க­மான தமிழ் மக்­கள் தங்­கள் கால் கைகளை இழந்­தி­ருந்­த­னர்.

இந்த நிலை­யில் அவர்­கள் தங்­கள் வாழ்­வா­தா­ரத்தை முன்­னெ­டுத்­துச் செல்ல முடி­யாத அவல நிலைக்­குத் தள்­ளப்­பட்­டுள்­ளார். இது தவிர ஆண் துணை­யி­ழந்த பெண்­க­ளும், தங்­கள் குடும்­பத்­துக்­குத் தலை­மை­யேற்று நடத்­தும் நிலைக்­குத் தள்­ளப்­பட்­டுள்­ள­தால், வேலை­யில்­லாத் திண்­டாட்­டத்­தால் அவர்­கள் தவிக்­கின்­றார்­கள் என­வும் குறிப்­பி­டப்­பட்­டுள்­ளது.

போர் முடி­வுக்கு வந்து 8 வரு­டங்­கள் கடந்­தும், பாது­காப்பு, வாழ்­வா­தா­ர­மும் சமூக பாது­காப்­பும், சலு­கை­க­ளும் உத­வித் திட்­டங்­க­ளும், கல்வி, சுகா­தா­ர­மும் சத்­து­ண­வும், சமூக கலாச்­சார விட­யங்­கள் மற்­றும் காணா­மல் போனோர் தடுத்து வைக்­கப்­பட்­டுள்­ளோர் போன்ற விட­யங்­கள் மீதான விசேட செயற்­றிட்­டங்­கள் இன்­ன­மும் ஆமை வேகத்­தி­லேயே காணப்­ப­டு­கின்­றது என்­பது பல­ரது குற்­றச்­சாட்டு.

இலங்கை பெண்­கள் பணி­ய­கத்­தின் கீழ் செயற்­ப­டு­கின்ற வித­வை­கள் மற்­றும் பெண்­கள்தலைமை தாங்­கும் குடும்­பங்­களை பொரு­ளா­தார ரீதி­யில் வலு­ ட்­டு­வ­தற்­கான அவர்­க­ளது வாழ்­வா­தார வச­தி­களை மேம்­ப­டுத்த 2015 ஆம் ஆண்­டில் விசேட செயற்­றிட்­டத்­தின் கீழ் 50 மில்­லி­யன்­களை முத­லிட்டு சுமார் 2 ஆயிரம் பெண்­கள் பொரு­ளா­தார ரீதி­யில் வலு­வூட்­டப்­பட்­டுள்­ள­னர்.

இலங்கை பெண்­கள் பணி­ய­கத்­தி­னால் 2016 ஆண்­டில் பின்­வ­ரும் செயற்­றிட்­டங்­கள் வடக்கு கிழக்கு மாகா­ணங்­க­ளில் செயற்­ப­டுத்­தப்­ப­டு­கின்­றன. இலங்­கைத் தமி­ழர்­க­ளின் மறு­வாழ்­வுக்கு உத­வும் விதத்­தில் எவ்­வித நட­வ­ டிக்­கை­யை­யும் அரசு எடுக்­க­வில்லை.

பன்னாட்டுத் தொண்டு நிறு­வ­னங்­க­ளை­யும் உள்ளே விட அனு­மதி மறுக்­கின்­ற­னர் என்று நாடா­ளு­மன்ற உறுப்­பி­னர்­கள் மனம் திறந்து தங்­கள் குமு­றல்­களை வௌிப்­ப­டுத்­தி­னர். இலங்­கை­யில் தமி­ழர்­கள் சுதந்­தி­ரக் காற்­றைத் தற்­போது அனு­ப­வித்­தா­லும், அது உயி­ரோட்­ட­முள்ள பிரா­ண­வா­யுவே அல்ல என்­ப­து­தான் உண்மை.

கண­வரை இழந்த பெண்­கள் சமூ­கத்­தி­னால்
ஒதுக்­கப்­ப­டு­கின்­ற­னர்

கண­வரை இழந்த பெண்­கள் சமூ­கத்­தி­னால் ஒதுக்­கப்­ப­டு­கின்ற சந்­தர்ப்­பங்­கள் காணப்­ப­டு­கின்­றன. சில­ ச­ம­யங்­க­ளில் அவர்­க­ளது ஆடை­க­ளும் நடத்­தை­க­ளும் கூட விமர்­சிக்­கப்­ப­டு­கின்­றன.

மீண்­டும் மறு­மண குடும்ப பந்­தத்­தில் இணை­ய­வி­ரும்­பும் பெண்­கள் சமூ­கத்­தின் அவச்­சொல் குறித்து அஞ்­சும் நிலை இருக்­கின்­றது என்று ராதிகா ஹெட்­டி­யா­ராச்­சி­யின் மற்­றும் கடி­தங்­கள் மூலம் அம்பலப்படுத்தப்பட்டுள்ளது.