கூட்­ட­மைப்­பின் தலை­வர் மற்­றும் வட மாகாண முத­ல­மைச்­சர் ஆகி­யோ­ரு­டன் கூட்­ட­மைப்­பில் அங்­கம் வகிக்­கும் சகல கட்­சித் தலை­வர்­க­ளும் முத­ல­மைச்­சர் இல்­லத்­தில் கூடிக் கலைந்­தமை, கூட்­ட­மைப்­பின் ஒற்­று­மைக்கு வழி கோலி­யது என்­ப­தற்­கும் அப்­பால், கூட்­ட­மை­ப­பிற்­குள் நில­விய பனிப்­போர் மேடை­யேற்­றப்­ப­டு­வ­தற்­கான ஓர் சந்­தர்ப்­ப­மா­க­வும் அமைந்­த­தா­கக் கொள்­ளமு­டி­யும்.

குறித்த கலந்­து­ரை­யா­டல், தொடக்­கம் முதல் இறு­தி­வரை, அதி உச்ச சச்­ச­ர­வா­கவே காணப்­பட்­ட­போ­தி­லும், இறு­தி­யில் என்­னமோ, வள்­ளு­வ­ரின் இரு­வ­ரிக் குற­ளைத் தாண்டி மூன்­று­வ­ரித் தீர்­மா­ன­ மாக வெளி­யா­னது.

மாலை 6 மணிக்குக் கூடி, இரவு 9.30 மணிக்கு முடி­வ­டைந்த கூட்டத் தின் தொகுப்பு மூன்­று­வ­ரித் தீர்­மா­னம் மட்­டுமே என்­றால், அந்த மூன்றரை மணித்­தி­யால நேரம் உள்ளே என்­ன­தான் நடந்­தது? அதா­வது தமிழ்த்­தே­சி­யக் கூட்­ட­மைப்­பின் தலை­வ­ரும், கட்­சி­க­ளின் தலை­வர்­க­ளும், முத­ல­மைச்­ச­ரும் தமிழ்­மக்­க­ளின் நலன்­க­ருதி மேற்­கொண்­ட­ தீர்­மா­ன­ங்களாக முன்­வைக் கப்­பட்ட தீர்­மா­னங்­கள் சர்ச்­சை­யைக் குறைக்­குமா? அல்­லது மேலும் வலுக்­கச் செய்­யுமா? என்­பதே தற்­போ­தைய பெரும் கேள்­வி­யாகத் தலை­தூக்­கி­யுள்­ளது.

முத­ல­மைச்­சர் தனக்­கி­ருக்­கும் சட்­ட­ரீ­தி­யான தற்­து­ணிபு அதி­கா­ரங்­க­ளைப் பயன்­ப­டுத்தி அமைச்­
ச­ரவை மாற்­றத்தை ஏற்­ப­டுத்­தவோ, திருத்தி அமைப்­ப­தற்கோ அங்­கத்­து­வக் கட்­சி­கள் சம்­ம­தத்தை வெளிப்­ப­டுத்­து­கின்­றன. அமைச்­சர்­கள் மாற்­றப்­பட்­டால், அது, குறித்த அமைச்­சர் எந்த ஒரு குற்­றச்­சாட்­டை­யும் இழைத்­த­தாக அர்த்­தப்­ப­டாது.

அமைச்­ச­ரவை நிய­ம­னங்­களைப் பொறுத்தமட்­டில் அங்­கத்­து­வக்­கட்­சி­க­ளின் ஆலோ­ச­னை­க­ளை­யும் கருத்­தில் எடுத்து, அவை மேற்­கொள்­ளப்­ப­ட­வேண்­டும், எனத் தீர்­மா­னிக்­கப்­பட்­டுள்­ளது.

முத­ல­மைச்­ச­ரது நிலைப்­பாட்டை  ஏற்க மறுக்கின்றனர்
உறுப்­பி­னர்­கள்

 

இறு­தி­யில் இவ்­வா­றா­ன­தொரு இணக்­கம் எட்­டப்­பட்­ட போதி­லும் முத­ல­மைச்­ச­ரின் நிலைப் பாட்­டுக்குச் சில கட்­சி­க­ளின் தலை­வர்­கள் கடும் எதிர்ப்­புத் தெரி­வித்­த­னர். வேறு வழி­யில்­லா­மல் அந்த இடத்­தில் அவர்­கள் இணங்­கிப் போயி­ருந்­தா­லும், முழு­ம­ன­ தோடு அவர்­கள் இணங் கி­னார்­கள் என்று சொல்­வ­தற்­கில்லை.

எனவே இந்­தப் பிரச்­சினை இத்­தோடு முடிந்­து­ விடும் என்று கூறி­விட இய­லாது. அது தொடர்­வ­தற்­கான வாய்ப்­பு­களே அதி­கம் இருக்­கின்­றன. ரெலோ அமைப்­பி­னர், தமது கட்­சி­யின் சார்­பில் அமைச்­ச­ர­வை­யில் அங்­கம் வகிக்­கின்ற பா.டெனீஸ்­வ­ரனை நீக்க வேண்­டும் என்று வலி­யு­றுத்­தி­னர்.

அதே­போன்று அமைச்­ச­ரவை மாற்­றம் தொடர்­பில் பேசப்­பட்­ட­போது, விசா­ர­ணைக் குழு விடு­வித்த இரு அமைச்­சர்­க­ளை­யும் நீக்கி விட்டு, டெனீஸ்­வ­ர­னுக்­குப் பதி­லாக ரெலோ அமைப்பு பிரே­ரிப்­ப­வ­ருக்­கும், மற்­றைய அமைச்­சுப் பத­வியை புளொட் கட்­சிக்­கும் வழங்­கும் முடிவை முத­ல­மைச்­சர் முன்­வைத்­தார்.

இலங்­கைத் தமிழ் அர­சுக் கட்­சி­யின் தலை­வர் மாவை சேனா­தி­ராசா இதற்­குக் கடும் எதிர்ப்பு வெளி­யிட்­டுள்­ளார். தமது கட்­சி­யின் அமைச்­ச­ர­வைப் பிர­தி­ நிதித்­து­வத்தை மாற்றி வழங்­கு­வ­தற்கு அவர் எதிர்ப்பு வெளி­யிட்­டார்.

மாகாண சபை­யில் 15 உறுப்­பி­னர்­கள் தமிழ் அர­சுக் கட்­சி­யைச் சேர்ந்­த­வர்­க­ளாக இருக்­கும்­போது, அந்­தக் கட்­சிக்கு அமைச்­சர் பதவியொன்றை வழங்­கா­மல் விடு­வது மேலும் பிரச்­சி­னையைச் சிக்­க­லாக்­கும் என்று புளொட் கட்­சி­யின் தலை­வர் நேர­டி­யா­கவே கூறி­னார்.

தமி­ழ் அரசுக் கட்­சிக்­குள்­ளேயே
தொட­ர்கின்றன
கருத்து முரண்­பா­டு­கள்

இலங்­கைத் தமிழ் அர­சுக் கட்­சித் தலை­வர் மாவை.சேனா­தி­ராசா, திரு­மதி அனந்தி சசி­த­ரனைத் தமது கட்­சி­யின் அங்­கத்­த­வ­ராக இப்­போது கருத வேண்­டாம் என்­றும் கூறி­யுள்­ளார். எங்­கள் கட்சி சார்­பாக எவரை அமைச்­சர் பத­விக்­குப் பிரே­ரிப்­போம் என்­பதை வெளிப்­ப­டுத்­து­வோம் என்று கூறி­ய­போது, அந்த ஐவ­ரில் எவ­ரது பெய­ரைப் பிரே­ரித்­தா­லும் (மாகா­ண­ச­பை­யில் நாடா­ளு­மன்ற உறுப்­பி­னர் எம்.ஏ.சுமந்­தி­ரன் அணி என்று அடை­யா­ளப்­ப­டுத்­தப்­ப­டு­ப­வர்­கள்) அவர்களில் எவரையும் அமைச்சர் பதவிக்கு நிய­மிக்­கவே மாட்­டேன்.

எனக்­கெ­தி­ராக நம்­பிக்­கை­யில்­லாப் பிரே­ரணை கொண்­டு­வ­ரப்­பட்ட போது 43 குற்­றச்­சாட்­டுக்­கள் முன்­வைக்­கப்­பட்­டன. 43 கேள்­வி­க­ளுக்கு என்­றல்ல 400 கேள்­வி­க­ளுக்கு வேண்­டு­மா­னா­லும் என்­னால் பதி­ல­ளிக்க முடி­யும்.

தற்­போ­தைய நிலை­யில் வட­மா­காண சபை­யில் தமிழ் அரசுக் கட்சி சார்­பான உறுப்­பி­னர்­கள் 16 பேர் இருப்­ப­தால், எனக்­கெ­தி­ராக நம்­பிக்­கை­யில்­லாப் பிரே­ரணை கொண்­டு­ வந்து நிறைவேற்­ற­ வும் தமிழ் அரசுக் கட்சி யால் முடி­யும். ஆனா­லும் அவ்­வா­றான சவால் எத­னை­யும் சந்­திக்க நான் தயார் என்­றார் முத­ல­மைச்­சர்.

இவ்­வாறு உள்­ளுக்­குள் உச்­சக்­கட்ட மோத­லில் ஈடு­பட்ட பின்பு, வெளி­யில் வந்து வள்­ளு­வ­ரின் குறள்­போன்ற இரு­வ­ரி­க­ளில் 3 தீர்­மா­னங்­களை வெளி­யிட்­டா­லும் அது ஒரு­நாள்­கூட நீடித்­த­தாகத் தெரி­ய­வில்லை.

அதா­வது மறு­நாளே தமி­ழ் அர சுக் கட்­சி­யின் வட மாகாண சபை உறுப்­பி­னர்­கள் ஒன்­று­ கூடி, புதிய அமைச் சர­வை­யில் தமிழரசுக் கட்சியைச் சேர்ந்த உறுப்பினர்களில் எவ­ரும் பங்­கு­ கொள்­வ­தில்லை என்ற தீர்­மா­ னத்தை எட்­டி­யுள்­ள­னர், அதே­வேளை வட மாகாண சபை உரு­வாக்­கத்­தின் பின்­னர் மத்­திய அர­சி­ட­மி­ருந்து 2014, 2015 , 2016, 2017 ஆகிய 4 ஆண்­டு­க­ளி­லும் மாகாண சபைக்கு அபி­வி­ருத்தி நிதி­யாக வழங்­கப்­பட்ட மொத்த நிதி­யி­லும் பார்க்க சுகா­தார அமைச்­சர் தனி ஒரு அமைச்­ச­ராக மாகா­ணத்­திற்குத் தேடிக் கொடுத்த வரு­மா­னம் அதி­கம்.

ஆளை ஆள் குற்­றம்­சாட்டி
விமர்­சிக்­கும் தரப்­புக்­கள்

வட மாகாண சபை­யா­னது எந்­த­வொரு பெரிய அபி­வி­ருத்­தித் திட்­டத்­தை­யும் முன்­னெ­டுக்­கவோ அல்­லது அதற்கு ஒத்­து­ழைக்­கவோ கூடாது என்ற நிலைப்­பாட்­டில் இயங்­கு­வ­தாக சுமத்­தப்­ப­டும் குற்­றச்­சாட்டு வரி­சை­யில், தற்­போது சத்­தி­ய­லிங்­கத்­தின் பெயரும் பட்டியலில் இணைந்­து­கொள்­கின்­றது.

இந்­தக் கொள்­கை­யி­லேயே வட மாகாண முத­ல­மைச்­சர் இயங்­கு­கின்­றார் என குற்­றச்­சாட்டை முன்­வைப்­ப­ வர்­கள் அடுக்­கும் குற்றச்சாட்டுக்களின் பட்­டி­யலோ நீண்­டது. அந்­தப் பட்­டி­ய­லில் ஐ.நாவால் வழங்­கப்­ப­ட­வி­ருந்த ஆயிரத்து 500 மில்­லி­யன் யு. எஸ் டொலர் நிதியை வேண்­டாம் எனத் தெரி­வித்­தமை, முல்­லைத்­தீ­வில் இந்­தி­யத் துணைத் தூதர­கம் அமைக்க முன்­வந்த தொழில் நுட்­பக் கல்­லூ­ரிக்­கான காணியை வழங்­காது வேண்­டு­ மென்றே தடுத்து நிறுத்­தி­யமை, சாவ­கச்­சே­ரிப் பகு­தி­யில் அமைக்க உத்தே சித்த உப்­ப­ளத்துக்கான திட்டத்தை தடுத்­தமை , பலாலி விமான நிலைய விஸ்­த­ரிப் புக்கு முட்­டுக் கட்டை போட்­டமை என அந்­தப் பட்­டி­யல் நீள்­கின்­றது.

அவர் ஆனால் இதற்­குப் பதி­லாக இவ்­வா­றான பெரிய திட்­டங்­கள் எவற்­றை­யா­வது முத­ல­மைச்­ச­ரின் இந்த 4 ஆண்­டு­கள் கால நிர்வாகத்துக்குள் வட மாகா­ணத்துக்குள் கொண்டு வர முயற்­சித்­தாரா என்­றால் அதற்கு இல்லை என்­பதே பதி­லா­கும்.

அத்­தோடு காரிய நிதி­யீட்­டல்­க­ளைப் பெற்றுவரும் மற்­று­மோர் பெரிய நிதி­யாக 11 ஆயி­ரத்து 600 மில்­லி­யன் ரூபா நிதியை கிடைக்­கச் செய்ய அனைத்து ஒப்­பந்­தங்­க­ளும் பூர்த்தி செய்­யப்­பட்டு, அந்த நிதியை வழங்­கும் டென்­மார்க் அர­சும் மத்­திய அர­சும் அனு­ம­தி­யும் வழங்­கி­விட்ட நிலையில் கதா­நா­ய­க­னாக விளங்­கும் வட மாகாண சுகா­தார அமைச்­சர் வடக்­கில் பெரிய திட்­டங்­களை ஆரம்­பித்­தால் அரசு வட­மா­கா­ணத்தை அபி­வி­ருத்தி செய்­கின்­றது என்ற குற்­றச்­சாட்டு வந்­து­வி­டும் என்ற ஒரே நோக் கத்­திற்­கா­கவே அவ­ரது அமைச்­சிற்­கும் ஆப்பு வைக்­கப்­ப­டு­வ­தாக தற்­போது கூறப்­ப­டு­கின்­றது.

குப்­பை­யைக் கிண்டக் கிண்ட
குப்­பையே வெளிப்­ப­டும்

அவ்­வாறு இல்லை எனச் சொன்­னா­லும் நிச்­ச­ய­மாக திட்­டத்தை தயா­ரித்து அத்­தனை முன்­ன­கர்வுகளையும் செய்­த­வர் அந்த இடத்­தில் இருந்து நக­ரும்­போது அங்கே நிச்­ச­ய­மாக ஓர் தடங்­கல் ஏற்­ப­டும் என்­ப­தில் சந்­தே­கம் இல்லை.
அதா­வது ஒரு கால­தா­ம­தம் ஏற்­ப­டு­மே­யன்றி நிதி திரும்­பிச் செல்­லாது. அந்­தக் கால­தா­மத எல்­லைக் காலத்­தில் வட மாகாண சபை­யின் ஆயுள்­கா­லம் நிறை­வு­பெற்­று­வி­டும்.

அப்­போ­தும் இதனை ஓர் அர­சி­யல் பேசு­பொ­ரு­ளாக, அதா­வது எவை­யுமே இடம்­பெ­ற­வில்லை எனச் சுட்­டிக்­காட்­டும் உத்தி என தற்­போது இனம் காட்­டப்­ப­டு­கின்­றது.

இதன் கார­ண­மா­கவே 4 ஆண்­டு­கால ஆட்­சி­யில் மத்­திய அரசு வழங்­கிய 24ஆயிரத்து 800 மில்­லி­யன் ரூபா­வை­விட, தனி அமைச்­ச­ராக அதிக வரு­மா­னத்தை தேடிக் கொடுத்த சுகா­தார அமைச்­ச­ரும் இலக்கு வைக்­கப்­பட்­டுள்­ளாரா? என்ற கேள்­விக்கு பதி­ல­ளிக்க முடி­யா­மல் உள்­ளது.

இந்த நிலை­யில் மாகாண சபை­யின் தமி­ழ் அரசுக் கட்சி உறுப்­பி­னர்­கள் சற்றே சீற்­றம் கொண்­டுள்ள நிலை­யில், தமி­ழ் அரசுக் கட்­சி­யின் மாகாண சபை உறுப்­பி­னர்­களை கொழும் புக்கு அழைத்­துள்­ளார் கூட்­ட­மைப் பின் தலை­வர் இரா.சம்­பந்­தன். இவ்­வாறு அழைக்­கப்­பட்ட இடத்­தில் என்ன தீர்­மா­னம் எட்­டப்­பட்­டது.

என்­ப­தன் அடிப்­ப­டை­யி­லும், எதிர்­கால சபை நட­வ­டிக்­கை­யி­லுமே மாகாண சபை­யின் தலை­விதி தீர்­மா­னிக்­கப்­ப­ட­ வுள்ள நிலை ­யில், முத­ல­மைச்­ச­ரின் போக்கே அதன் ஆயுள் காலத்தை தீர்­மா­னிக் கும் என்­ப­தில் மட்­டும் சந்­தே­கம் இல்லை.

இதே­வேளை மாகாண சபை­யில் அமைச்­சர்­கள் பிரச்­சி­னைக்கு விசா­ரணை என்­கின்ற கோரிக்­கையே கார­ண­மாக அமைந்­தது . அந்­தக் கோரிக்­கை­யைத் தமி­ழ் அரசுக்­கட்­சியே சபை­யில் முத­லில் கொண்­டு­வந்­த­தாக கூட்­ட­மைப்­பில் அங்­கம் வகிக்­கும் சுரேஸ் பிறே­மச்­சந்­தி­ரன் தொடக்கம் வேறு பல­ரும் தவ­றா­கவே கருத்­து­ரைத்து வரு­கின்­ற­னர்.

உண்­மை­யில் கடந்த ஆண்டு பெப்­ர­வரி மாதம் 9ஆம் திக­தி­யன்று வட மாகாண சபை­யின் 45 ஆவது அமர்­வில் புளட் அமைப்­பின் உறுப்­பி­னர் ஜி.ரி.லிங்­க­நா­தனே அமைச்­சர்­கள் மீதான விசா­ர­ணையை தீர்­மா­ன­ மா­கக் கொண்­டு­வந்­தார்.

இது சபை நட­வ­டிக்கை குறிப்­பேட்­டில் பதி­வில் இருக்­கும் என்­ப­தில் ஐயம் இல்லை. இவ்­வாறு ஆவண ரீதி­யா­க­வுள்ள ஓர் விட­யத்­தி­லேயே பொய் உரைப்­ப­தன் உள்­நோக்­கம் என்ன என்­ப­தும் தனியே ஆரா­யப்­பட வேண்­டிய விட­ய­மா­கக் கொள்­ளக்­கத்­தக்­கது.

ந.லோகதயாளன்