ஸ்லீப்பர் செல்லில் அமைச்சர் நடராஜன்? : சசிகலா புகழ்பாடும் மொபைல் பேச்சு அம்பலம்

திருச்சி: 'சசிகலாவை எல்லாம் பதவியை விட்டு எடுக்க மாட்டோம்' என, அமைச்சர் நடராஜன் மொபைல் போனில் பேசியது, 'லீக்' ஆகியுள்ளதால், அவர், தினகரனின், 'ஸ்லீப்பர் செல்'களில் ஒருவரா என்ற சந்தேகம் எழுந்துள்ளது.

திருச்சியைச் சேர்ந்தவர், சுற்றுலா துறை அமைச்சர் நடராஜன். சமீபத்தில், தினகரனை கடுமையாக விமர்சித்தார். இதையடுத்து, இவரது மாவட்ட செயலர் பதவியை பறிப்பதாக, தினகரன் அறிவித்தார். இந்நிலையில், சசிகலாவுக்கு ஆதரவாக மொபைல் போனில், தினகரன் ஆதரவாளருடன் நடராஜன் பேசியது, சமூக வலைதளங்களில் பரவி வருகிறது.
 

அதன் விபரம்:

தினகரன் ஆதரவாளர்: சார் வணக்கம், திருச்சி ரெங்கராஜ் பேசுறேன்.
அமைச்சர் நடராஜன்: திருச்சி ரெங்கராஜ்னா...?
ஆதரவாளர்: தினகரன் பேரவை நடத்துற ரெங்கராஜ் சார்.
அமைச்சர்: அப்படி சொன்னாத்தானே தெரியும்.
ஆதரவாளர்: என்ன சார் சின்னம்மாவுக்கு எதிரா இப்படி பண்றீங்களே சார். சங்கடமா இருக்கு சார்.
அமைச்சர்: அண்ணே, நான் வந்து, சி.எம்.,மோட கூட இருக்குறப்ப, சி.எம்., பேசுறப்ப, நானு,

குமாரு எல்லாம் சேர்ந்து இருக்குறப்ப, எல்லாம் சேர்ந்து பேசுறப்ப, நானும் ரெண்டு வார்த்தை பேசினேன். சின்னம்மாவ நான் எதிர்த்தேனா. நல்லா கவனிச்சு பாருங்க. நான் சின்னம்மாவ எதிர்த்தேனா. சின்னம்மா படத்தை போடாம ஓட்டு கேட்டுப்புட்டு, இப்பவந்து சின்னம்மாவ துாக்கி வைச்சு ஆட கூடாது.
சின்னம்மான்றது அவங்க தனி அண்ணே. நான் சொல்றது நியாயமா இல்லையா?
ஆதரவாளர்: இல்ல, இல்ல...அந்த கால கட்டத்துல, உங்களுக்கு தெரியும், மக்கள் வந்து சின்னம்மா மேல கொஞ்சம் அதிருப்தி இருந்தது. அதனால், சின்னம்மா படம் போடல.
அமைச்சர்: இல்ல, இல்ல.சின்னம்மா மேல, இன்னும் எனக்கு மரியாதை ஜாஸ்தி. சின்னம்மாவை பொறுத்தமட்டில், இந்த கட்சியில் அம்மாவுக்கு அடுத்தது சின்னம்மா தான். அத பயன் படுத்தி, மத்தவங்க வர்றதுக்கு தான், நான் எதிர்ப்பு தெரிவிச்சேன்.
ஆதரவாளர்: ஆனா வந்து, என் கருத்து, தினகரனுக்கு மக்கள் மத்தியில் எழுச்சி உள்ளது.
அமைச்சர்: அது வேற, இப்போதைக்கு கட்சியை காப்பாத்தணும், ஆட்சியை காப்பாத்தணும். ரெட்டலை வேணும். ஒண்ணாகணும். ஆட்சி கவுந்து ரும், கவர்னர போய் பார்க்கிறதுன்னு கலாட்டா பண்ணினா, அம்மா ஆட்சியை காலி பண்ணணுமா.
ஆதரவாளர்: பரவலா, பி.ஜே.பி., பேச்ச கேட்டு நடக்குறாங்கன்னு சொல்றாங்க.
அமைச்சர்: நான் சொல்றத கேளு. இன்னைக்கு ஆட்சியை காப்பாத்தணும். அப்படின்றப்ப எல்லாம் ஒண்ணா இருக்கணும்ல.
ஆதரவாளர்: ஒன்றாக இருக்கணும்னா, சின்னம் மாவை நீக்கணும்னு ஏன் முதல்வர் பண்றாரு.
அமைச்சர்: கிடையவே கிடையாது. நீங்களா தப்பா எடுத்துக்கிட்டு இருக்கீங்க. எங்காவது சொல்லி யிருக்கோமா சொல்லுங்க.
ஆதரவாளர்: இல்ல, அவரு வைத்திலிங்கமே சொல்றாரே.
அமைச்சர்: அண்ணே, எடப்பாடி யாரு. நம்மால உருவானவரு. அதுவுமில்லாம கட்சியில் உள்ள