இலங்கையின் பின்னடைவுக்கு இனவாதமும் ஊழலுமே காரணம்

 

 

ஊழல், மோச­டி­கள், மனித உரிமை மீறல் கள், இன­வா­தம் என்­பவை ஒரு நாட்­டில் மலிந்து காணப்­ப­டு­மா­யின், அந்த நாடு இழி நிலைக்­குத் தள்­ளப்­பட்­டு­வி­டும் என்­ப­தற்கு இலங்­கை ஒரு சிறந்த உதா­ர­ணமாகும்.

நாற்­பு­ற­மும் கட­லால் சூழப்­பட்டு ஐந்து வகை நிலங்­க­ளில் நான்­கைக் குறை­வின்­றிக் கொண்­டது இலங்கைத்தீவு. யாழ்.குடா­நாடு எதிர்காலத்தில் பாலை­வ­ன­மாக மாறி­வி­டு­மா­யின் ஐந்­தா­வது நில­மும் இங்கு அமை­யக் கூடும்.

ஏனென்­றால், யாழ். கு­டாநாடு பாலை­வ­ன­மாக மாறி விடு­மென நீண்ட கால­மா­கவே எதிர்வு கூறப்­பட்டு வரு­கின்­றமை இங்கு குறிப்­பி­டத்­தக்­கது.

பல்­லின மக்­கள் வாழு­கின்ற நாடு என்ற வகை­யில் சிங்­க­ள­வர், தமி­ழர், முஸ்­லிம்­கள் ஆகிய மூன்று இனத்­த­வர்­க­ளும் நாட்­டின் முதன்மை இடத்தை வகித்து வரு­கின்­ற­னர்.

சிங்­கள மக்­கள் நாட்டின் மொத்தச் சனத் தொகை யில் சுமார் நான்­கில் மூன்று பங்­கி­ன­ரா­கக் காணப்­ப­டு­கின்­ற­னர். இவர்­க­ள்பெரும்­பான்­மை­யி­னர் எனவும், தமி­ழர்­க­ளும் முஸ்­லிம்­க­ளும் சிறு­பான்­மை­யி­னர் என்ற வரை­ய­றைக்­குள் உள்­ள­டக்­கப்­பட்­டுள்­ள­னர்.

இலங்­கையை பீடித்­துள்ள சாபக்­கேடு இன­வா­தமே

இன­வா­தம் இந்த நாட்­டைப் பீடித்­துள்ள சாபக்­கேடு என்­று­தான் கூற­வேண்­டும். நாடு சுதந்­தி­ரம் அடைந்த நாளில் இருந்து, பெரும்­பான்மை சிங்­கள அர­சி­யல் தலை­வர்­க­ளால் கிர­ம­மாக ஓதப்­பட்­டு­வ­ரும் மந்­தி­ரம் இந்த இன­வா­தம்­தான். நீண்ட கொடிய போர் ஒன்­றுக்கு வழி­வ­குத்ததும் இந்த இன­வா­தம் தான்.

தற்­போ­தைய அரசு பத­வி­யேற்ற நாள் முதல், முந்தைய அர­சின் காலத்­தில் இடம்­பெற்ற ஊழல், மோச­டி­கள் தொடர்பாக முந் தைய அரசின் முக்­கி­யஸ்­தர்­கள் பலர் மீது குற்­றச்­சாட்­டுக்­க­ளும் தெரி­விக்­கப்­பட்­டன. ஆனால் இவர்­கள் மீதான விசா­ர­ணை­கள் ஆமை வேகத்­தி­லேயே நகர்ந்து கொண்­டி­ருந்­தன.

தற்­போது சிறிது சூடு­பி­டிக்க ஆரம்­பித் துள்­ள­போ­தி­லும், அவை வேகம் பெறுமா என்­பதை நம்­பத் தயக்­க­மாக உள்­ளது. முன்­னாள் முதற்­பெண்­ம­ணி­யான சிராந்தி மீதான விசா­ர­ணை­கள் தற்­போது முன்­னெ­டுக்­கப்­பட்டு வரு­கின்­றன.

அதில் பல மில்­லி­யன் ரூபா கொடுத்து அவர் கொள்­வ­னவு செய்த சொகுசு வீடு தொடர்­பான விசா­ரணை முக்கியமானது. தாம் தமது உற­வி­னர்­க­ளி­டம் கடன்­பெற்றே, குறித்த வீட்­டைக் கொள்­வ­னவு செய்ததா­கச் சிராந்தி விசா­ரணை அதி­கா­ரி­க­ளி­டம் தெரி­வித்­துள்­ளார்.

முறை­யான விசா­ர­ணை­ கள் இடம்­பெ­று­மா­யின் இந்த வீடு கொள்­வ­னவு விட­யத்­தில் சிராந்­தி­யால் தப்­பிக்க முடி­யாது. நிதி­ய­மைச்­சர் ரவி கரு­ணா­நா­யக்­க­வும் வீடு ஒன்­றைக் கொள்­வ­னவு செய்­தமை தொடர்­பா­கவே தமது அமைச்சர் பத­வியை இழக்க நேர்ந்தது.

முன்­னாள் அரச தலை­வர் மகிந்த ராஜ­பக்­ச­வின் ஆட்­சிக் காலத்­தில் இடம்­பெற்ற ஊழல் மோச­டி­கள் குறித்­துப் பல திடுக்­கி­டும் தக­வல்­கள் வெளி­யா­கு­மென்ற எதிர்­பார்ப்பு நிலவி வரு­கின்­றது. ஆனால் இது விட­யத்­தில் கூட்டு அரசு முறை­யான விசா­ர­ணை ­க­ளுக்கு ஏற்­பாடு செய்­யுமா? என்ற கேள்­வி­யும் எழா­ம­லில்லை.

பரஸ்­ப­ரம் குற்­றச்­சாட்­டும் முன்­னாள் மற்­றும் தற்­போ­தைய ஆட்­சி­யா­ளர்­கள்

மத்­திய வங்­கி­யின் பிணை­முறி ஊழல் விவ­கா­ரம் நாட்­டின் பொரு­ளா­தா­ரத்தை வெகு­வா­கப் பாதித்து விட்­ட­தாக எதி­ர­ணி­யி­னர் குற்­றம் சாட்­டு­கின்­ற­னர். ஆனால் மகிந்த ஆட்­சிக் காலத்­தில் நிகழ்ந்­த­தா­கக் கூறப்­ப­டும் ஊழல், மோச­டி­கள் தொடர்­பாக இவர்­கள் வாயே திறப்­ப ­தில்லை.

ஆனால் தற்­போ­தைய கூட்டு அர­சின் நிர்­வா­கத்­தி­லும் கறை­கள் பீடிக்க ஆரம்­பித்­துள்­ள­மை குறிப்பிடத்தக்கது. இறு­திப் போரின்­போது தமிழ் மக்­க­ளுக்கு எதி­ராக நடத்­தப்­பட்ட மனித உரிமை மீறல் சம்பவங்­கள் மனித குலத்­தால் ஏற்­கத்­தக்­க­வை­ யல்ல.

இவை தொடர்­பாக ஐ.நா மனித உரி­மை­கள் சபை­யில் இலங்­கைக்கு எதி­ரான தீர்­மா­ன­மும் நிறை­வேற்­றப் பட்­டது. ஆனால் குறித்த தீர்­மா­னம் தொடர்­பான விசா­ர­ணை­ கள் இடம்­பெ­ற­வில்லை. இடம்­பெ­று­மென்ற நம்­பிக்­கை­யும் மெல்ல மெல்­லக் குறைந்து வரு­கின்­றது.

கட­லால் சூழப்­பட்ட இந்த நாட்­டில் கடல் வளங்­க­ளுக்­குக் குறை­வில்லை. ஆனால் கடல் உண­வு­ களை இறக்­கு­மதி செய்ய வேண்­டிய பரி­தாப நிலை­யில் நாம் உள்­ளோம். அந்த அள­வுக்கு நிர்­வா­கச் சீர்­கே­டு­கள் நாட்­டில் மலிந்து காணப்­ப­டு­கின்­றன.

இலங்கை சிங்­கப்­பூர் போன்று மாற இங்கு இன­வா­தம் ஒழிய வேண்­டும்

இந்த நிலை­யில் இலங்­கை­யைச் சிங்­கப்­பூ­ராக்­கிக் காட்­டு­வோம் என இலங்­கைக்­கான சீனத் தூது­வர் தெரி­வித்­துள்­ளார். தமது நாடு இலங்­கைக்­கு­அ­திக உத­வி­களை வழங்­கு­மெ­ன­வும் அவர் குறிப்­பிட்­டுள்­ளார். ஏற்­க­னவே சீனா வழங்­கிய கடன் கார­ண­மான சுமை­யால் இலங்கை தடு­மாறி வரு­கின்­றது.

இந்­தக் கடன்­கள் அதிக வட்­டிக்கு ப் பெறப்பட்டுள்­ள­தாக முறைப்­பாடு தெரி­விக்­கப்­பட்­டுள்­ளமை இங்கு குறிப்­பி ­டத்­தக்­கது. இந்த நிலை­யில் அடுத்த 15 ஆண்­டு­க­ளுக்­குள் இலங்­கை­யைச் சிங்­கப்­பூர் போன்று மாற்­றிக் காட்­டு­வ­தாக இலங்­கைக்­கான சீனத் தூது­வர் தெரி­வித்­துள்­ள­மை நகைப்­புக்குரி­ய­தொன்­றா­கும்.

இலங்­கை, பொரு­ளா­தார ரீதி­யி­லும், வேறு துறை­க­ளி­லும் பிர­கா­சிக்க வேண்­டு­மா­னால், சகல இனத்­த­வர்­க­ளும் சம­மாக நடத்­தப்­பட வேண்­டும். இன­வா­தம் பூண்­டோடு ஒழிக்­கப்­பட வேண்­டும். சகல மட்­டங்­க­ளி­லும் ஊழல், மோச­டி­கள் இடம்­பெ­றா­த­வாறு கண்­கா­ணிக்­கப்­பட வேண்­டும்.

விளை­யாட்­டுத் துறை­யி­லும், அர­சி­ய­லி­லும் ஊழ­லும் மோசடி களும் கலந்­துள்­ள­தால் இலங்­கை ­யின் கிரிக்­கெட் அணி தொடர்த் தோல்­வி­க­ளைச் சந்­தித்து வரு­கின்­றது. மக்­கள் இன­வா­தி­க­ளை­யும் ஊழல்­வா­தி­க­ளை­யும் அர­சி­ய­லில் இருந்து முற்­றா­கவே புற­மொ­துக்­கி­விட வேண்­டும்.

எங்­கும் நேர்மை, எதி­லும் நேர்மை என்ற குறிக்­கோ­ளு­டன் இலங்­கை­யர்­கள் செயற்­பட வேண்­டும். அப்­போ­து­தான் சிங்­கப்பூரைவிட இலங்­கை­யால் சாதித்­துக் காட்ட முடி­யும்.

http://newuthayan.com/story/25857.html

சிங்களவர் ஆரோ சொல்லுகினம், மகிந்த படம் வேற... அட யாராப்பா அரசமரத்துக்கு கீழ ஒக்காந்தது என்று பார்த்தால்..... இது உதயனின் 'பிரசங்கம்'.