ஆடுகளுக்கான ஓநாய்களின் அழுகை

புதிய அர­ச­மைப்பு ஒன்று வந்­து­வி­டா­மல் இருப்­பதை உறு­திப்­ப­டுத்­து­வ­தற்­கா­க­வென்றே உரு­வாக்­கப்­பட்­ட­து­தான் எலிய என்­கிற அமைப்பு.

பாது­காப்பு அமைச்­சின் முன்­னாள் செய­ல­ரும் முன்­னாள் அரச தலை­வர் மகிந்த ராஜ­பக்­ச­வின் தம்­பி­யு­மான கோத்­த­பாய ராஜ­பக்­ச­வின் தலை­மை­யில் இயங்­கு­கின்­றது இந்த அமைப்பு.

இனப் பிரச் சி­னைக்­கான தீர்­வாக புதிய அர­ச­மைப்பு ஒன்று வந்­து­வி­டக்­கூ­டாது என்­ப­தற்­கா­கவே கங்­க­ணம் கட்­டிக்­கொண்டு கள­மி­றங்­கி­யி­ருக்­கி­றது இந்த அமைப்பு.

அந்த அமைப்­பைச் சேர்ந்­த­வ­ரான வண. மெத­கொட அபே­திஸ்ஸ தேரர் நேற்­று­முன்­தி­னம் செய்­தி­யா­ளர்­க­ளி­டம் பேசி­னார்.

கொழும்பு தேசிய நூலக ஆவண நிலை­யத்­தில் நடந்த இந்­தச் சந்­திப்­பில் அவர் முக்­கி­ய­மா­ன­தொரு கருத்­தைச் சொன்­னார்.

இன ரீதி­யாக நாட்­டைப் பிரிப்­ப­தை­விட தமிழ் பேசும் அரச தலை­வரோ தலைமை அமைச்­சரோ பத­வி­யில் இருந்­து­விட்­டுப் போகட்­டும் என்­றார் அவர்.

அவர் இதனை உணர்ந்து சொன்­னாரா என்று தெரி­ய­வில்லை.

உண்­மை­யி­லேயே இத்­த­கைய அணு­கு­மு­றை­யோடு இந்த நாடும் அதன் அர­சி­ய­லும் முன்­ன­கர்ந்­தி­ருந்­தால் பிரி­வினை பற்­றியோ ஆயு­தப் போராட்­டம் பற்­றியோ சிந்­திக்க வேண்­டிய தேவையே தமி­ழர்­க­ளுக்கு ஏற்­பட்­டி­ருக்­காது.

பிரிட்­டி­ஷா­ரின் பிடி­யில் இருந்து இந்­தியா விடு­தலை பெறு­கின்ற நிலை வந்­த­போ­தும் இது­போன்­ற­தொரு கருத்து நிலைப்­பாட்டை இந்­தி­யத் தலை­வர் காந்தி முன்­வைத்­தார்.

முகம்­மது அலி ஜின்னா பாகிஸ்­தா­னைத் தனி­நா­டா­கப் பிரித்­துத் தரும்­படி அடம்­பி­டித்­துக் கொண்­டி­ருந்த நேரம் அது.

சிறு­பான்­மை­யி­ன­ரான முஸ்­லிம்­க­ளால் இந்­தி­யா­வில் ஒரு­போ­தும் ஆட்­சிக்கு வர­மு­டி­யாது என்­ப­த­னா­லேயே ஜின்னா பிரி­வி­னை­யைக் கேட்­கி­றார், அவரை இந்­தி­யா­வின் தலைமை அமைச்­ச­ராக்­கி­வி­டுங்­கள் இந்­தியா பிரி­யாது என்று யோசனை சொன்­னார் காந்தி.

ஆனால் ஜவகர்லால் நேரு உள்­ளிட்ட தலை­வர்­கள் அந்த யோச­னையை ஏற்­றுக்­கொள்­ளத் தயா­ராக இருக்­க­வில்லை. அத­னால் இந்­தியா இரண்­டா­கப் பிரிந்து பாகிஸ்­தான் தனி­நா­டா­கி­யது.

வடக்கு – கிழக்கு மாகா­ணங்­க­ளின் இணைவை வலி­யு­றுத்தி வரும் தமிழ்த் தேசி­யக் கூட்­ட­மைப்­பின் தலை­வர் இரா.சம்­பந்­தன்­கூட இது­போன்­ற­தொரு முன்­மொ­ழிவை அண்­மை­யில் வைத்­தி­ருந்­தார்.

இணைந்த வடக்கு கிழக்கு மாகா­ணத்­தில் முஸ்­லிம் முத­ல­மைச்­சரை சுழற்­சி­மு­றை­யில் அனு­ம­திப்­ப­தைப் பற்­றிப் பரி­சீ­லிப்­ப­தற்­குக்­கூ­டத் தயார் என்று அவர் தெரி­வித்­தி­ருந்­தார்.

வடக்கு கிழக்கு இணைந்­தால் தமக்கு முத­ல­மைச்­சர் மற்­றும் அமைச்­சர் பத­வி­கள் கிடைக்­காதோ என்று முஸ்­லிம்­கள் அஞ்­சத் தேவை­யில்லை என்­பதே சம்­பந்­தர் சொல்ல முற்­பட்ட செய்தி.

துர­திர்ஷ்­ட­வ­ச­மாக அத்­த­கைய யோச­னை­கள் வர­வேற்­கப்­ப­ட­வில்லை. இந்­தி­யா­வி­லும் சரி ஈழத்­தி­லும் சரி அதற்கு ஆத­ரவு கிட்­ட­வில்லை.

இப்­போது கோத்­த­பா­ய­வின் அமைப்­புக்­கூட உள­மார அத்­த­கைய ஒரு யோச­னையை முன்­வைக்­கி­றது என்று சொல்ல முடி­யாது.

நாட்­டைப் பிரிப்­ப­தும் ஒட்­டு­மொத்த நாட்­டை­யும் தமி­ழர்­க­ளி­டம் ஒப்­ப­டைப்­ப­தும் ஒன்­று­தான் என்று சிங்­கள பௌத்­தர்­களை உசுப்­பேற்­றி­வி­டத்­தான் அத­னைச் சொல்­கி­றது.

அதற்­கூ­டாக ராஜ­பக்­சக்­கள் தமது அர­சி­யல் நலனை முன்­ன­கர்த்த முயற்­சிக்­கி­றார்­கள்.

ஆனால், சிறு­பான்மை இனங்­க­ளின் அச்­சத்­தைப் போக்கி அவற்றை அர­வ­ணைத்­துச் செல்­லும் அர­சி­யல் கலாசாரம் மேலோங்கியிருக்கும் நாடு­களே அமை­தி­யை­யும் பொரு­ளா­தார சுபீட்­சத்­தை­யும் அனு­ப­விக்­கின்­றன.

இலங்கை 3 தசாப்­த­கா­லப் போரால் கடும் துன்­பங்­க­ளை­யும் இழப்­புக்­க­ளை­யும் சந்­தித்­த­போ­தும் பட்­ட­றி­வில் இருந்து அத்­த­கைய அனு­பவ முதிர்ச்­சியை அடை­ய­வில்லை என்­பது வேத­னைக்­கு­ரி­யது.

மீண்­டும் மீண்­டும் சக­திக்­குள் புரள்­வ­தற்­கா­கவே எலிய போன்ற அமைப்­பு­கள் புதிய அர­ச­மைப்பை எதிர்க்க முயற்­சிக்­கின்­றன.