7 தமிழரையும் கருணை அடிப்படையில் விடுதலை செய்ய உதவுங்கள் – சோனியாவுக்கு நீதிபதி தோமஸ் கடிதம்:-

 

7 தமிழரையும் கருணை அடிப்படையில் விடுவிக்குமாறு சோனியாவுக்கு நீதிபதி தோமஸ் கடிதம் எழுதியுள்ளார். ராஜீவ் காந்தி கொலை வழக்கில் தண்டனை பெற்று வரும் 7 தமிழரையும் கருணை அடிப்படையில் விடுவிக்க உதவ கோரி காங்கிரஸ் தலைவர் சோனியாவுக்கு உச்சநீதிமன்ற முன்னாள் நீதிபதி தோமஸ் கடிதம் எழுதியுள்ளார்.

கடந்த 1991-ஆம் ஆண்டு ஸ்ரீபெரும்புதூரில் நடைபெற்ற தேர்தல் பிரச்சாரத்தில் கலந்து கொண்ட ராஜீவ் காந்தி படுகொலை செய்யப்பட்டமை தொடர்பில் முருகன், நளினி, சாந்தன், பேரறிவாளன் ஆகிய 4 பேருக்கு தூக்குத் தண்டனையை உச்சநீதிமன்றம் உறுதி செய்தது. ராஜீவ் வழக்கில் தூக்கு தண்டனை விதிக்கப்பட்ட நளினிக்கு 2000-ஆம் ஆண்டிலும், மற்ற 3 பேருக்கும் கடந்த 2014- ஆம் ஆண்டிலும் தூக்கு தண்டனை ரத்து செய்யப்பட்டு ஆயுள் தண்டனையாக குறைக்கப்பட்டது.

இவர்கள் 7 பேரையும் விடுதலை செய்ய கடந்த 2014-ஆம் ஆண்டு தமிழக அரசு சட்டசபையில் தீர்மானம் கொண்டு வந்த நிலையில் அதற்கு எதிர்ப்பு தெரிவித்த அப்போதைய காங்கிரஸ் தலைமையிலான மத்திய அரசு உச்சநீதிமன்றத்தில தாக்கல் செய்த மனு வழக்கு நீதிமன்றத்தில் நிலுவையில் உள்ளது.
இந்நிலையிலேயே முன்னாள் நீதிபதி தோமஸ் கடந்த ஒக்டோபர் 18-ஆம் திகதி சோனியாவுக்கு கடிதம் எழுதியுள்ளார். அதில் கடந்த 1991-ஆம் ஆண்டு முதல் குற்றவாளிகள் 7 பேரும் சிறையில் உள்ளனர். அவர்களை விடுவிக்க வேண்டுமென கோரிக்கை விடுத்துள்ளார்.

காந்தியடிகளை நாதுராம் கோட்சே சுட்டுக் கொன்ற வழக்கில் அவரது சகோதரர் கோபால் கோட்சேவுக்கு 14 ஆண்டுகள் சிறை தண்டனை விதிக்கப்பட்ட போதும் நேரு தலைமையிலான மத்திய அரசு கோபால் கோட்சேவை விடுவித்தமையையும் அவர் தனது கடிதத்தில் சுட்டிக்காட்டியுள்ளார்.

http://globaltamilnews.net/archives/50057

18 minutes ago, நவீனன் said:

7 தமிழரையும் கருணை அடிப்படையில் விடுதலை செய்ய உதவுங்கள் – சோனியாவுக்கு நீதிபதி தோமஸ் கடிதம்:-

http://globaltamilnews.net/archives/50057

சிங்களவராயிருந்தால் எப்போதோ விட்டிருப்பார்கள் அல்லது விடுவித்திரப்பார்கள்.

புது தில்லி: ராஜீவ் காந்தி கொலை வழக்கில் குற்றம்சாட்டப்பட்டவர்களுக்கு தூக்கு தண்டனை விதித்து தீர்ப்பளித்த நீதிபதிகளில் ஒருவரான தாமஸ், காங்கிரஸ் கட்சித் தலைவர் சோனியாவுக்குக் கடிதம் ஒன்றை எழுதியுள்ளார்.

ராஜீவ் காந்தி கொலை வழக்கை விசாரித்து, குற்றம்சாட்டப்பட்டவர்களுக்கு தூக்கு தண்டனை விதித்து தீர்ப்பளித்த உச்ச நீதிமன்றத்தின் மூன்று நீதிபதிகள் கொண்ட அமர்வுக்கு தலைமை வகித்த கே.டி. தாமஸ், முன்னாள் பிரதமர் ராஜீவ் காந்தியின் மனைவியும், காங்கிரஸ் தலைவருமான சோனியாவுக்கு எழுதியிருக்கும் கடிதத்தில் "கருணை காட்டுங்கள்" என்று வலியுறுத்தியுள்ளார்.

ராஜீவ் கொலை வழக்கில் கைது செய்யப்பட்டு கடந்த 1991ம் ஆண்டு முதல் சிறையில் அடைக்கப்பட்டிருப்பவர்களின் தண்டனையை குறைக்க தனது ஒப்புதலை அளிக்கும்படி அவர் கோரிக்கை வைத்துள்ளார்.

ஓய்வு பெற்ற நீதிபதி கே.டி. தாமஸ், சோனியாவுக்கு அக்டோபர் 18ம் தேதியிட்டு அனுப்பிய கடிதத்தில், குற்றம்சாட்டப்பட்டவர்களின் தண்டனையை குறைத்து விடுதலை செய்ய 2014ம் ஆண்டு தமிழக அரசு நடவடிக்கை எடுத்த போது, அதனை மத்திய அரசு எதிர்த்தது. இந்த வழக்கு உச்ச நீதிமன்றத்தில் நிலுவையில் உள்ளது.

ஒருவேளை நீங்களும், ராகுலும், (முடிந்தால் பிரியங்காவும்), தங்கள் வாழ்நாளின் பெரும்பகுதியை சிறைச்சாலையிலேயே கழித்துவிட்ட அவர்களது தண்டனையைக் குறைக்க ஒப்புதல் அளிப்பதாக குடியரசுத் தலைவருக்கு கடிதம் அனுப்பினால், மத்திய அரசும், குற்றம்சாட்டப்பட்டவர்களை விடுவிக்க அனுமதிக்கும்.

இது மனிதநேயத்தோடு அணுக வேண்டிய, உங்கள் ஒருவரால் மட்டுமே உதவக் கூடிய விஷயமாக உள்ளது. ஒரு நீதிபதியாக, இந்த நபர்களுக்கு எதிராக நான் தீர்ப்பை வழங்கியிருந்தாலும், தற்பொழுதிருக்கும் சூழ்நிலையில், உங்கள் கருணையைக் கேட்டு கடிதம் எழுத வேண்டும் என்று தோன்றியது என்று குறிப்பிட்டுள்ளார்.

ஆங்கில ஊடகத்திடம் தாமஸ் அளித்த பேட்டியில் இந்த தகவலை உறுதி செய்துள்ளார். மேலும், சிபிஐ விசாரணையில் சில முக்கியக் குறைகள் இருப்பதையும் அவர் எடுத்துக் கூறியுள்ளார்.

அந்த கடிதத்தை ஓய்வு பெற்ற நீதிபதியான தாமஸ் இவ்வாறு முடித்துள்ளார். அதாவது, இவர்கள் மீது கருணைக் காட்ட எல்லாம் வல்ல கடவுள்தான் அருள்புரிய வேண்டும். நான் இந்த கடிதத்தில் ஏதேனும் தவறாகக் கூறியிருந்தால் மன்னித்துவிடுங்கள் என்று தெரிவித்துள்ளார்.

http://www.dinamani.com/india/2017/nov/16/ராஜீவ்-கொலை-கருணை-கேட்டு-சோனியாவுக்கு-முன்னாள்-நீதிபதி-எழுதிய-நெஞ்சை-உருக்கும்-கடிதம்-2809090.html