முள்ளியவளை மாவீரர் துயிலுமில்லத்தில் பசீலனின் தாயார் ஈகைச் சுடரேற்றினார்!

 

தமிழீழ தேசிய மாவீரர் நாள் நினைவேந்தல் முல்லைத்தீவு முள்ளியவளை மாவீரர் துயிலுமில்லத்தில் மிகவும் எழுச்சியுடன் இடம்பெற்றுள்ளது.

பொதுமக்கள், முன்னாள் போராளிகள் மற்றும் மாவீரர் உறவினர்களால் ஒன்றிணைந்து அமைக்கப்பட்ட மாவீரர் பணிக்குழுவின் ஏற்பாட்டில் குறித்த துயிலும் இல்லத்தில் நினைவேந்தல் நிகழ்வு நடைபெற்றுள்ளது.

இன்றைய நினைவேந்தல் நிகழ்வில் மாவீரர்களை நினைவில் சுமந்து அகவணக்கத்தினைச் செலுத்துமுகமாக நூற்றுக்கணக்கான பொதுமக்கள் குறித்த மாவீரர் துயிலுமில்லத்தில் கூடி உணர்வுபூர்வமாக மாவீரர்களை அஞ்சலித்தனர்.

இதன்படி மாவீரர்களுக்கான ஈகச்சுடரினை மாவீரர் பசீலனின் தாயார் ஏற்றிவைத்தார்.

இதேவேளை மாவீரர் உறுதிமொழிப் பாடலும் குறித்த மாவீரர் துயிலும் இல்லத்தில் குறித்த நேரத்தில் ஒலிக்கவிடப்பட்டமை குறிப்பிடத்தக்கதாகும்.

https://news.ibctamil.com/ta/internal-affairs/maveerar-nov27-mulliyavalai

Edited November 27, 20178 yr by நவீனன்

முல்லைத்தீவில் உணர்வெழுச்சியுடன் இடம்பெற்ற மாவீரர் நாள்

முல்லைதீவு  முள்ளியவளை மாவீரர் துயிலுமில்லத்தில்  மாவீரர்களின் பெற்றோார்கள் உறவினா்கள், முன்னாள் போராளிகள், பொது மக்கள் என ஆயிரக்கணக்கானவர்கள் உணர்வுபூர்வமாக ஒன்று திரண்டு உயரிய இலட்சியத்திற்காக தங்களின் இன்னுயிர்களை தியாகம் செய்தவர்களுக்கு தங்களின் அஞ்சலிகளை செலுத்தினர்.

அந்த வகையில் முல்லைத்தீவு முள்ளியவளை  மாவீரர் துயிலுமில்லத்தில் மாலை 6.05 மணிக்கு மணியோசை எழுப்பப்பட்டு, அகவணக்கம் செலுத்தப்பட்ட பின்னா் பிரதான பொதுச் சுடரை மூத்த தளபதி மேஜர் பசீலனின் தாயார் தங்கம்மா  ஏற்றி வைக்க ஏனைய சுடர்களை மாவீரர்களின் பெற்றோா்கள் மற்றும் கலந்துகொண்டவா்களால் ஏற்றி வைக்கப்பட்டது.

தொடர்ந்து துயிலுமில்ல பாடலான தாயக கனவுடன் சாவினைத் தழுவிய சந்தன பேழைகளே எனும் பாடல் ஒலிபரப்பாகியது. 

இதன் போது மாவீரர்களின் பெற்றோர்கள் உறவினா்கள் மற்றும் கலந்துகொண்டவா்கள் மிகவும் அமைதியாக கண்ணீர் மல்க மாவீரர்களை நினைவு கூர்ந்தமையினை காணக் கூடியதாக இருந்தது.

சுமாா் ஆயிரத்துக்கும் அதிகமான  பொது மக்கள் உணர்வெழுச்சியுடன் கலந்துகொண்டமை குறிப்பிடத்தக்கது.