மன்னார்  ஆண்டான்குளம் மாவீர் துயிலும் இல்லத்தில் நினைவேந்தல் நிகழ்வுகள்!

 

மன்னார் ஆண்டான்குளத்தில் அமைந்துள்ள   மாவீர் துயிலும் இல்லத்தில்  நினைவேந்தல் நிகழ்வுகள் இடம்பெற்றுள்ளன.

மாவீர்களின் பெற்றோர்கள், உறவினர்கள் , முன்னாள்   போராளிகள்,  அரசியல்வாதிகள் , மத தலைவர்களின் பங்குபற்றுதலுடன்  இந்த நிகழ்வு 6.05ற்கு  ஆரம்பிக்கப்பட்டது.

இதன்போது மாவீரர்களுக்கான மலர்தூவி, ஈகைச் சுடர் ஏற்றி  அஞ்சலி செலுத்தப்பட்டது.

இறுத்திக்கப்பட்ட யுத்தம் நிறைவடைந்தபோது மன்னார் – ஆண்டாங்குளம் மாவீரர் துயிலும் இல்லம் ஸ்ரீலங்கா இராணுவத்தினால் உரைத்து  சேதப்படுத்தப்பட்டு காணப்பட்டது.

அது மாத்திரம்   இன்றி   கடந்த   காலங்களில்  மாவீர்களின்  நினைவுத்தூபிகள் அமைக்கப்பட்டுள்ள இடத்திற்கு  செல்வதற்கு  பொதுமக்களுக்கு  அனுமதி மறுக்கப்பட்டிருந்தது.

இந்த நிலையில், உடைக்கப்பட்ட கல்லறைக்  கற்கைள்  ஆங்காங்கே  சிதறி காணப்பட்ட போது  இதனை ஓரிடத்தில் குவித்த  மாவீர்களின் பெற்றோர்கள்  இன்று  மாலை அந்த இடத்தில் இந்த அஞ்சலி நிகழ்வை  நடத்தியருந்தமை குறிப்பிடத்தக்கது.

 

 

https://news.ibctamil.com/ta/internal-affairs/Events-celebrated-house-Andaman-Mavoor

மன்னாரில் இரு மாவீரர் துயிலும் இல்லங்களில் இடம்பெற்ற உணர்வுபூர்வமான நினைவேந்தல்

 

 

மன்னார் மாவட்டத்தில் உள்ள இரண்டு மாவீரர் துயிலும் இல்லங்களிலும் உணர்வு பூர்வமாக இன்று திங்கட்கிழமை மாலை மாவீரர் தினம் நினைவு கூரப்பட்டது.

மன்னார் மாவட்ட மாவீரர் நினைவேந்தல்  ஏற்பாட்டுக் குழுவின் தலைவர் வி.எஸ்.சிவகரன் தலைமையில் இடம்பெற்ற குறித்த நினைவேந்தல் நிகழ்வில் பல்லாயிரக்கணக்கானவர்கள் கலந்துகொண்டு மாவீரர்களுக்கு அஞ்சலி செலுத்தினர்.

மன்னார் மாவட்டம் ஆட்காட்டிவெளி மாவீரர் துயிலும் இல்லத்திலும்,பெரிய பண்டிவிரிச்சான் மாவீரர் துயிலும் இல்லத்திலும் மாவீரர் தின நினைவேந்தல்கள் மிக உணர்வு பூர்வமாக அனுஷ்டிக்கப்பட்டது.

ஆட்காட்டிவெளி மாவீரர் துயிலும் இல்லத்தில் இடம்பெற்ற மாவீரர் தின நினைவேந்தல்களின் போது பொதுச் சுடரினை மூன்று மாவீரர்களின் தந்தையான எஸ்.ஞானப்பிரகாசம் ராசு ஏற்றி வைத்தார்.

அதனைத்தொடர்ந்து மாவீரர்களின் உறவினர்கள் சுடர் ஏற்றி,மலர் தூவி அஞ்சலி செலுத்தினர்.

பல ஆயிரக்கணக்கானவர்கள் கலந்துகொண்டு அஞ்சலி செலுத்தினர். குறிப்பாக மன்னார் மாவட்டத்தில் மட்டுமின்றி வேறு மாவட்டங்களில் இருந்தும் மக்கள் வருகை தந்து மாவீரர்களுக்கு அஞ்சலி செலுத்தினர்.

மேலும் அருட்தந்தையர்கள், அருட்சகோதரிகள் , தமிழ் தேசியக்கூட்டமைப்பின் வன்னி மாவட்ட பாராளுமன்ற உறுப்பினர் சாள்ஸ் நிர்மலநாதன், வடமாகாண அமைச்சர்களான வைத்திய கலாநிதி ஜீ.குணசீலன், அனந்தி சசிதரன், வடக்கு மாகாணசபை உறுப்பினர் சட்டத்தரணி எஸ்.பிரிமூஸ் சிறாய்வா, உட்பட பொது அமைப்பினர், மனித உரிமைகள் செயற்பாட்டாளர்கள் பொது மக்கள் என பலர் கலந்து கொண்டு அஞ்சலி செலுத்தினர்.

பெரிய பண்டிவிரிச்சான் மாவீரர் துயிலும் இல்லத்தில் பொதுச் சுடரினை கரும்புலி மாவீரரின் தாயர் திருமதி லூசியா ஏற்றி வைத்தமை குறிப்பிடத்தக்கது.

 

http://www.virakesari.lk/article/27590