நாட்டின் சகல மக்­களும் எதிர்­பார்க்கும் தீர்­வுகள் அனைத்­தையும் புதிய அர­சியல் அமைப்பின் மூல­மாக பெற்­றுக்­கொ­டுக்­கவே நான் முயற்­சித்து வரு­கின்றேன். சகல அர­சியல் கட்­சி­களின் ஒத்­து­ழைப்­புடன் இந்த செயற்­பாட்டை வெற்­றி­கொள்வோம் என பிர­தமர் ரணில் விக்­கி­ர­ம­சிங்க தெரி­வித்தார். தமிழ் மக்கள் எதிர்­பார்க்கும் அர­சியல் தீர்வு விரைவில் பெற்­றுத்­த­ரப்­படும் எனவும் அவர் குறிப்­பிட்டார். 

தேசிய தைப்­பொங்கல் நிகழ்வு நேற்று அல­ரி­மா­ளி­கையில் இடம்­பெற்­றது. இதில் உரை நிகழ்த்­தும்­போதே அவர் இதனைக் குறிப்­பிட்டார். அவர் மேலும் கூறு­கையில், தைப்­பொங்கல் நிகழ்வை தமிழ் மக்­களின் முக்­கி­ய­மான நிகழ்­வாக கரு­து­வ­தாக முதலில் உரை­யாற்­றிய சிலர் கூறினர். எனினும் தைப்­பொங்கல் நிகழ்வு ஒரு தேசிய விழா­வாக நான் கரு­து­கின்றேன். தமிழ் மக்­களின் இந்த கலா­சாரம் நூற்­றாண்டு கால­மாக பாது­காக்­கப்­பட்டு வரு­கின்­றது. மன்னர் ஆட்­சியின் போதும் அதன் பின்­னரும் தமிழர் கலா­சாரம் பாது­காக்­கப்­பட்டு இன்று எமக்­காக வழங்­கப்­பட்டு வரு­கின்­றது. 

அதேபோல் சிங்கள், தமிழ் மக்­களின் மத்­தியில் கூட சில ஒற்­று­மை­யான தொடர்­புகள் காணப்­ப­டு­கின்­றன. ஆகவே அதனை முன்­னெ­டுத்து செல்ல வேண்டும். மேலும் இந்த நாட்டில் மக்கள் அனை­வரும் ஒற்­று­மை­யாக வாழ­வேண்டும். எனினும் கடந்த மூன்று தசாப்த யுத்­தத்தில் மக்கள் அதி­க­மாக பாதிக்­கப்­பட்­டனர். குறிப்­பாக வடக்கு, கிழக்கு மக்கள் அதி­க­மாக பாதிக்­கப்­பட்­டனர்.  எமது நாட்டில் காணப்­பட்ட யுத்­தத்­தினால் வடக்கு மற்றும் கிழக்கு மாகா­ணங்கள் மிகவும் பாரிய அழி­வு­களை சந்­தித்­தன.  இன்று அவற்றை மீள கட்­டி­யெ­ழுப்பி மக்­களின் வாழ்­வா­தா­ரத்தை கட்­டி­யெ­ழுப்பும் நட­வ­டிக்­கை­களை நாம் முன்­னெ­டுத்து வரு­கின்றோம். அதேபோல் மலை­யக தமிழ் மக்­களின் உரி­மை­க­ளையும் நாம் பேணி வரு­கின்றோம். 

மேலும் இலங்­கையில் காணப்­படும் அனைத்து சம­யங்­களும் சம­மாக பேணப்­பட வேண்டும். இதற்கு ஜனா­தி­ப­தியும் நானும் அதிக முக்­கி­யத்­துவம் கொடுத்து வரு­கின்றோம். மேலும் சம்­பந்தன் கருத்­து­ரைக்கும்  போது சில விட­யங்­களை கூறினார். அவற்றை நான் ஏற்­று­க்கொள்­கின்றேன். மேலும் நாம் தீர்­வுகள் வழங்கும் நகர்­வு­களை ஆரம்­பித்து முன்­னெ­டுத்து சென்­று­கொண்­டுள்ளோம்.  அர­சியல் அமைப்பு விவ­கா­ரத்தில் நாம் ஆரம்­பித்த சில விட­யங்கள் பூர­ணப்­ப­டுத்­தப்­பட வேண்டும். அர­சியல் அமைப்பின் மூல­மாக சகல மக்­க­ளுக்கும் தீர்­வு­களை பெற்­றுத்­தரும் முயற்­சி­களை நான் முன்­னெ­டுத்து வரு­கின்றோம். அவை பூர்த்­தி­செய்­யப்­பட வேண்டும். அர­சியல் அமைப்பு குறித்து ஆராயும் குழுக்கள் நிய­மித்து அதன் மூல­மாக அறிக்கை தயா­ரிக்­கப்­பட்டு இன்று அத­னூ­டாக கட்­சி­களின் எண்­ணங்­களை பெற்று ஒரு தீர்வை பெற்­றுத்­தர பாடு­பட்டு வரு­கின்றேன். அவற்றில் வெற்றி கிடைக்கும் என்­பது எனது எதிர்­பார்ப்­பாகும். இது இலங்­கையின் அர­சியல் வர­லாற்றில் ஜன­நா­யக ரீதி­யாக செயற்­படும் முதல் சந்­தர்ப்பம் என நான் கரு­து­கிறேன். 

மத கலா­சா­ரங்­களை பாது­காத்து நாட்­டினை மீளக்­கட்­டி­யெ­ழுப்பும் பொறுப்பு எமக்கு உள்­ளது. வடக்கு, கிழக்கு பாதிக்­கப்­பட்டு பொரு­ளா­தார ரீதியில் மக்கள் பாரிய நெருக்­க­டி­களை சந்­தித்து வந்­தனர். ஆகவே அவற்றை கட்­டி­யெ­ழுப்ப வேண்டும். அதேபோல் அர­சியல் தீர்வும் விரைவில் பெற்­றுத்­த­ரப்­படும். அர­சியல் தீர்வு என்­பது சகல விட­யங்­க­ளிலும் இணைந்து செல்­லக்­கூ­டி­யது. கலா­சாரம், மதம், இனம் அனைத்தும் இணைந்து செல்­லக்­கூ­டி­ய­வை­யாகும். ஆகவே அவற்றை கருத்திற்கொண்டும் வடக்கு, கிழக்கின் பொருளாதரத்தை இலக்கு வைத்தும் கல்வி, சுகாதாரத்தை இலக்கு வைத்தும் நல்லிணக்க தீர்வுகளை பெற்றுத்தரும் நகர்வுகள் முன்னெடுக்கப்பட்டு வருகின்றன. விரைவில் நான் அரசியல் தீர்வை பெற்றுத் தருவேன் எனவும் அவர் குறிப்பிட்டார்.