தமிழர் மரபுரிமை தினம்

“இன்மையுள் இன்மை பிறிதொன் றில்லைநம்

தொன்மை மறக்கப் பெறின்” - மனக் குரல் -

வெறுமையிலும் மிக கொடிய வெறுமை என்னவென்றால் ஒருவன் தான்சார்ந்த இனத்தின் பூர்வீக கலை கலாச்சார அடையாளங்களை அறியாதிருப்பது. இதுதான் இந்த மனக்குரலின் ஆதங்கம்.

தமிழர் தாயகத்தில் ஆதித்தமிழர் வாழ்வியலை மீள்பார்வை செய்யும் வரலாற்று பழமைமிக்க மாபெரும் ஒளிப்படக் கண்காட்சியும் கலை கலாச்சார விளையாட்டு நிகழ்ச்சிகளும் இடம்பெற உள்ளன.

பெய்யும் வானம் பொய்ப்பினும் தன்வளம் குன்றா

நெய்தல் நிலம் சூழ்ந்த நம்தாயகத்தின் பழம்பெருமை

புலம்பெயர்ந்த தேசத்தில் புத்தொளிபெறட்டும்.

மறைவாக நமக்குள்ளே பழங்கதைகள் பேசிப் பயனென்ன? நிறைவான தமிழர் பூர்வீகப் பெருமைகளை அறிந்துலகம் போற்றும்வகை செய்வோம் வாரீர்!!

மொழியும், மொழிவழிவந்த தொன்மைமிகு கலையும், ஆதித்தமிழர் வாழ்வியல்புகளின் வரலாற்றுத் தடயங்களும் தமிழ்த் தேசியமுகங்களின் முகவரி என்றால்…...

எங்கள் முகவரிகளை தேடி……முனைப்போடு பயணிப்போம் வாரீர்!!

காலம்காலமாக தொடர்ந்த அரசியல் நெருக்குவாரங்களால் அன்றைகளை இழந்தோம்!

போர்ச் சூறைக்காற்றுக்கு முகம்கொடுக்க முடியாமல் புலம்பெயர்ந்ததனால் நேற்றைகளையும் இழந்தோம்!

இப்பொழுதும் எங்கள் தாயகப் புராதனங்களை அறிமுகப்படுத்த தவறிவிடுவோமானால் இன்றைகளை மட்டுமல்ல, நம் நாளைகளையும் தொலைத்துவிட்டு, முகவரி தெரியாத முகங்களோடு சர்வதேச அரங்கில் நம் எதிர்கால தலைமுறை தலைகுனிந்து நிற்பதற்கும் நாமே காரணமாகிவிடுவோம்.

மண்மூடிக்கிடந்த கல்வெட்டுக்களை கல்லி எடுத்து

காட்சிக்கு வைத்தும், கறையான் பசிக்கு இரையாகி அழிந்துபோகும் ஏட்டுக் கோவைகளை காகித மேடையில் அச்சேற்றியும்…….

நம் முன்னோர் உதவவில்லை என்றால்….. தமிழின் பெருமைகளையும் தமிழ் காவிய அழகுகளையும் நாம் அறிந்திருக்கவா முடியும்

இந்தவரலாற்று கடமையை செய்வதற்கு புலம்பெயர்ந்து வாழும் தமிழர்கள் அனைவரும் ஒன்றுபட்டு உழைப்போம்.

எங்கள் தாயகப் பிரதேசத்தின் சரித்திரப் பிரசித்திபெற்றதென தாங்கள் கருதும் பழமைவாய்ந்த ஒளிப்படங்கள் தங்களிடம் இருந்தாலோ, அல்லது தங்களால் சேகரித்து தரமுடிந்தாலோ உடனடியாக அவற்றை பெற்றுத் தந்துதவுங்கள்

இந்த ஒளிப்படக் கண்காட்சி வெற்றிபெற உலகத் தமிழர் அனைவரதும் ஒத்துழைப்பை நாடிநிற்கின்றோம்.

இடம் : Toronto மாநகரில் மிகப் பெரிய உல்லாச மையம்

Ontario Place அரங்கில்

காலம் : 2007, Jun 23ம் நாள்,

அன்புடன் அழைக்கின்றது

“வல்வெட்டித்துறை நலன்புரிச் சங்கம்”

கனடா.

தலைவர்

கலைஅரங்கம் விஸ்ணு

905-501-1338

Edited March 23, 200718 yr by valvaizagara

நல்ல விடயம். பாராட்டுக்கள்

முயற்சி வெற்றிபெற எனது வாழ்த்துக்கள்.....