உள்­ளூ­ராட்­சித் தேர்­த­லில் கூட்­மைப்பு பின்­ன­டை­வைச் சந்­தித்­த­மைக்கு வடக்கு மாகாண சபை­யும் ஒரு கார­ண­மென தமி­ழ­ர­சுக் கட்­சி­யின் தலை­வ­ரும், நாடா­ளு­மன்ற உறுப்­பி­ன­ரு­மான மாவை சேனா­தி­ராசா அண்மை யில் தெரி­வித்­துள்­ளமை கவ­னத்­தில் கொள்­ளத்­தக்­கது.

வடக்கு மாகாண சபை­யில் கூட்­ட­மைப்­பின் ஆட்சி இடம்­பெ­று­வ­தன் கார­ண­மா­கவே அவர் இவ்­வாறு தெரிவித்தி ருக்கலாம் எனக் கொள்ள முடி­கி­றது.

அர­சி­ய­லுக்­குப் புதி­ய­வ­ரான விக்­னேஸ்­வ­ரன் வடக்கு மாகாண சபை­யின்
முத­ல­மைச்­ச­ரா­னார்

வடக்கு மாகாண சபைத் தேர்­த­லில் அமோக வெற்­றி­பெற்ற கூட்­ட­ மைப்பு, ஆட்­சி­யை­யும் அமைத்­துக் கொண்­டது. முன்­னாள் உயர் நீதி­மன்ற நீதி­ய­ர­ச­ரான சீ. வி. விக்­னேஸ்­வ­ரன் முத­ல­மைச்­சர் பத­வி­யில் அமர்ந்து கொண்­டார்.

அர­சி­யல்­வா­தி­யல்­லாத அவர், அதற்கு முன்­னர் தமி­ழர் அர­சி­ய­லில் எவ்­வித பங்­க­ளிப்­பை­யும் வழங்­கி­யி­ருக்­காத நிலை­யில் ஒரு மாகாண முத­ல­மைச்­சர் என்ற உயர்ந்த பத­வி­யில் அமர்த்­தப்­பட்­டமை, அப்­போது பல­ருக்­கும் வியப்பை அளித்­தது.

அவர் உயர்­மன்ற நீதி­ய­ர­ச­ராக இருந்­த­வர் என்­ப­தால் அவர்­மீ­தான எதிர்­பார்ப்பு மக்­க­ளி­டம் அதி­க­மா­கக் காணப்­பட்­டது. இதன் கார­ண­மா­கவே மிகப்­பெ­ரிய எண்­ணிக்­கை­யான விருப்பு வாக்­கு­களை அவ­ரால் பெற­மு­டிந்­தது.

அப்­போது தமிழ்த் தேசி­யக் கூட்­ட­மைப்­பில், தமி­ழ­ர­சுக் கட்சி, ரெலோ, ஈபி ஆர் எல் எப், புளட் ஆகிய கட்­சி­கள் அங்­கம் வகித்­தன. வேட்­பா­ளர் தெரி­வின்­போ­தும், அமைச்­ச­ர­வையை அமைக்­கும் போதும் கூட்­ட­ணிக்­கட்­சி­க­ளுக்­கி­டையே குழப்­பங்­கள் ஏற்­பட்­ட­போ­தி­லும், பின்­னர் நிலமை ஓர­ளவு கட்­டுப்­பாட்­டி­னுள் கொண்­டு­வ­ரப்­பட்­டது.

இந்த நிலை­யில் வடக்கு மாகாண சபை­யின் அமைச்­ச­ர­வை­யின் அமைச்­சர்­கள் சிலர் மீதான ஊழல் முறைப்பாடுகள் சல­ச­லப்பை ஏற்­ப­டுத்­தி­விட்­டன.

இது தொடர்­பாக முத­ல­ மைச்­ச­ரால் எடுக்­கப்­பட்ட நட­வ­டிக்­கை­களை எதிர்த்­துத் தமி­ழ் அரசுக் கட்­சி­யி­ன­ரால் முத­ல­மைச்­ச­ருக்கு எதி­ராக நம்­பிக்­கை­யில்­லாத் தீர்­மா­னம் கொண்­டு­வ­ரப்­பட்­டது. கூட்­ட­ மைப்­பில் அங்­கம் வகித்த சில கட்­சி­கள் இதற்கு ஆத­ரவு தெரி­விக்­க­வில்லை.

கூட்­ட­மைப்­புக்கு எதி­ரா­ன­வர்­கள் இதைத் தமக்­குச் சாத­க­மா­கப் பயன்­ப­டுத்­திக் கொண்­ட­னர். விக்­னேஸ்­வ­ ர­னுக்கு ஆத­ரவு என்ற போர்­வை­யில் கூட்­ட­ மைப்­புக்கு எதி­ராக அவர்­கள் அணி­தி­ரண்­ட­னர். விக்னே­ஸ் வர­னும், இதைக் கண்டு மனம் குளிர்ந்து போனா­ராம்.

முத­ல­மைச்­சர் விக்­னேஸ்­வ­ ரன் பத­வி­யில் தொடர்ந்­தி­ருப்­ப­தற்­கான காய்­க­ளைத் தற்­போது நகர்த்­திக் கொண்­டி­ருக்­கின்­றார். இத­னால் கூட்­ட­ மைப்­பை­ யும் தாம் சார்ந்த கட்­சி­யை­யும் ஒரு­பொ­ருட்­டாக அவர் மதிப்­ப­தில்லை.

அடிப்­ப­டைக் கொள்­கை­யையே கைவிட்­டது தமிழ்­மக்­கள் பேரவை

ஆரம்­பத்­தில் அர­சி­ய­லில் ஈடு­ப­டு­வ­தில்லை என்ற கொள்­கை­யு­டன் அமைக்­கப்­பட்ட தமிழ் மக்­கள் பேர­வை­யின் உண்­மை­யான நோக்­கம் உள்­ளூ­ராட்­சித் தேர்­த­லின்­போது வௌிப்­பட்­டது. அதன் ஆத­ரவு பெற்­ற­வர்­கள் கூட்­ட­மைப்­புக்கு எதி­ரா­கத் தேர்­த­லில் நிறுத்­தப்­பட்­ட­ னர்.

இதற்­குக்­கூட விக்னேஸ்­வ­ரன் புதி­ய­தொரு விளக்­கத்­தைக் கொடுத்­தார். கூட்­ட­மைப்­பின் பரப்­பு­ரைக் கூட்­டங்­க­ளி­லும் அவர் பங்­கேற்­க­வில்லை. கூட்­ட­மைப்­புக்கு எதி­ரா­ன­வர்­க­ளுக்கு அவ­ரது மறை­முக ஆத­ரவு கிடைத்­து­வந்­தது.

பெரும் எதிர்­பார்ப்­பு­டன் உரு­வாக்­கப்­பட்ட வடக்கு மாகா­ண­சபை, மக்­க­ளின் விருப்­பத்தை நிறை­வேற்­று­வ­தில் முற்­றா­கவே தவ­றி­விட்­டது.

தமக்­கு­ரிய அதி­கா­ரங்­களை வழங்­கா­மை­யால் தம்­மால் எதை­யும் செய்­ய­மு­டி­ய­வில்­லை­யென மாகா­ண­சபை நிர்­வா­கம் தொடர்ந்து கூறிக் கொண்டி ருப்­ப­தைத் தொடர்ந்­தும் அனு­ம­திக்க முடி­யாது.

மாதாந்த ஊதி­யத்­தை­யும், ஏனைய சலு­கை­க­ளை­யும் அனு­ப­விப்­ப­தற்­காக மக்­கள் இவர்­க­ளைத் தெரி­வு­செய்து அனுப்­ப­வில்லை.

தமக்­குள்ள அதி­கா­ரங்­க­ளைப் பயன்­ப­டுத்தி வடக்கு மாகா­ண­ச­பை­யால்தமிழ்­மக்­க­ளது பல்­வேறு பிரச்­சி­னை­க­ளுக்­குத் தீர்­வு­காண இய­லும் பொது­மக்­க­ளுக்கு எவ்­வ­ளவோ பிரச்­சி­னை­கள் உள்­ளன.

இவற்­றுக்­குச் சிறிய தீர்­வொன்­றை­யா­வது காண்­ப­தற்கு மாகா­ண­சபை முயற்­சி­களை மேற்­கொள்ள வேண்­டும். முல்­லைத்­தீ­வில் கொக்­கி­ளாய், கொக்­குத்­தொ­டு­வாய், கரு­நாட்­டுக்­கேணி ஆகிய கிரா­மங்­களை உள்­ள­டக்­கி­ய­தாக மிகப்­பெ­ரிய சிங்­க­ளக் குடி­யேற்­றத்தை ஏற்­ப­டுத்­து­வ­தற்­கான முயற்­சி­கள் இடம்­பெ­று­வ­தைக் காண­மு­டி­கின்­றது.

இதை ஆரம்­பத்­தி­லேயே தடுத்து நிறுத்­து­ வ­தில் மாகா­ண­சபை முக்­கிய பங்கை வகிக்க வேண்­டும். காணா­மல் போன­வர்­க­ளின் உற­வு­கள் மேற்­கொண்­டு­வ­ரும் போராட்­டம், கேப்­பாபி­லவு மக்­க­ளின் நில மீட்­புக்­கான போராட்­டம் ஆகி­ய­வற்­றி­லும் கூட மாகா­ண­சபை முக்­கிய பங்கை வகிக்க முடி­யும். இதை­விட மக்­க­ளின் அன்­றா­டப் பிரச்­சி­னை­ க­ளுக்­குத் தீர்வு காண்­ப­தி­லும் பங்­க­ளிக்க முடி­யும்.

இவற்­றை­யெல்­லாம் விடுத்து பெரும் நிதி­யைச் செல­வ­ழித்து இடம்­பெ­று­கின்ற மாகா­ண­ச­பை­யின் அமர்­வு­க­ளில் குழப்­பங்­களை ஏற்­ப­டுத்தி உறுப்­பி­னர்­கள் ஒரு­வ­ரோடு ஒரு­வர் முரண்­ப­டு­வ­தும், தீர்­மா­னங்­களை நிறை­வேற்றி அடுக்கி வைப்­ப­தும் மக்­க­ளால் ஏற்க முடி­யா­தவை.

மாகா­ண­ச­பை­யில் கூட்­ட­மைப்­பின் ஆட்­சியே இடம்­பெ­று­வ­தால், அதன் தவ­றான செயற்­பா­டு­க­ளுக்கு கூட்­ட­மைப்பே பொறுப்­புக் கூற வேண்­டும். இது­வும் உள்­ளூ­ராட்­சித் தேர்­த­லில் கூட்­ட­ மைப்­பின் பின்­ன­டை­ வுக்கு ஒரு கார­ண­மாக அமைந்­து­விட்­டமை உண்­மை­யா­னதே.