தலைமை அமைச்­சர் ரணில் விக்­கி­ர­ம­சிங்­க­வுக்கு எதி­ரான நம்­பிக்­கை­யில்­லாத் தீர்­மா­னம் இன்­னும் நான்கு நாள் களில் வாக்­கெ­டுப்­புக்கு வர­வுள்­ளது. இந்­தத் தரு­ணத்­தில் தமி­ழர் தரப்பு அதனை ஆத­ரிப்­பதா இல்­லையா என்­கிற கேள்வி பல­மாக எழுந்து நிற்­கி­றது.

ரணி­லைக் காப்­பாற்றி விடும் இந்த வாய்ப்­பைப் பயன்­ப­டுத்­திக்­கொண்டு தமி­ழர்­க­ளுக்கு ஏதா­வது நன்­மை­களை அவ­ரி­டம் இருந்து பெற்­றுக் கொள்­ளும் வகை­யில் பேரம் பேச­வேண்­டும் தமி­ழர் தரப்பு, அதா­வது தமிழ்த் தேசி­யக் கூட்­மைப்பு என்­கிற ஒரு கருத்­தும் பகி­ரப்­பட்­டு­வ­ரு­கின்­றது.

ஆட்­சி­யில் ரணில் தொடர்­வ­தற்­குக் கூட்­ட­மைப்பு ஆத­ரவு தரு­வ­தற்­குப் பதி­லாக இரா­ணு­வம் வசம் உள்ள காணி­களை விடு­விப்­பது, அர­சி­யல் கைதி­க­ளின் விடு­தலை, அர­சி­யல் தீர்வு ஆகி­ய­வற்றை அவர் சாத்­தி­ய­மாக்க வேண்­டும் என்­பதே இந்­தக் கருத்தை முன்­வைப்­ப­வர்­க­ளின் வாதம்.

தமிழ்த் தேசி­யக் கூட்­ட­மைப்­புக்­குள்­ளேயே இது விட­யத்­தில் இந்­தக் கருத்­தைக் கொண்ட ஒரு தரப்­பி­ன­ரும் ஆட்­சிக்கு வரு­வ­ தற்­குத் தமி­ழர்­கள் முழு­மை­யான ஆத­ர­வைத் தந்­த­போ­தும் அவர் களுக்­காக எதை­யும் செய்து கொடுக்­காத ரணி­லுக்கு ஆத­ர­வ­ளிக்க வேண்­டி­ய­தில்லை என்­கிற ஒரு தரப்­பி­ன­ரும் உள்­ள­னர்.

இப்­ப­டிப்­பட்­ட­தொரு நிலை­யில் இந்­தத் தரு­ணத்­தில் ரணிலை ஆத­ரிப்­ப­தற்­கா­கப் பேரம் பேசு­வ­தன் மூலம் உண்­மை­யி­லேயே தமி­ழர்­க­ளுக்கு ஏதா­வது கிடைக்­குமா என்று பார்த்­தால், அத­னூ­டா­கக் கிடைக்­கப்­போ­வது கடை­சி­யில் ஏமாற்­றம் மட்­டுமே என்­பது தெளி­வா­கும்.
அர­சி­யல் கைதி­கள் விடு­விப்பு விட­யத்தை முத­லில் பார்க்­க­லாம். சிறை­க­ளில் இப்­போ­துள்­ள­வர்­க­ளின் எண்­ணிக்கை ஒரு சில நூறு.

அவர்­க­ளி­லும் கிட்­டத்­தட்ட மூன்­றி­லொரு பகு­தி­யி­னர் தண்­ட­னைக் கைதி­கள். அவர்­கள் விடு­விக்­க­ப்ப­ட­வேண்­டும் என்­றால் அவர்­களை அரச தலை­வர் மைத்­தி­ரி­பால சிறி­சே­ன­தான் மன்­னித்­தாக வேண்­டும். மற்­றொரு மூன்­றி­லொரு பகு­திக்­கும் மேலா­ன­வர்­கள் தொடர்­பில் வழக்­கு­கள் நடந்து வரு­கின்­றன.

இவர்­கள் மீதான வழக்­கு­களை நீக்­கு­வ­தற்­கும் வழக்­கு­களே தாக்­கல் செய்­யப்­ப­டா­மல் இருக்­கக்­கூ­டிய மிகச் சொற்­பத் தொகை­யி­னரை விடு­விப்­ப­தற்­கும் ரணி­லுக்கு இனி­மேல் முடி­யு­ மாக இருந்­தால், அதனை அவர் ஏன் இது­வரை செய்­ய­வில்லை என்­கிற கேள்­விக்­கான பதிலே அவர் அதனை இனி­மே­லும் செய்­ய­மு­டி­யாது என்­கிற உண்­மையை உண­ரப் போது­மா­னது. எனவே ரணி­லைக் காப்­பாற்­று­வ­தன் மூலம் அர­சி­யல் கைதி­களை உட­ன­டி­யா­கக்­கூட விடு­விக்­க­மு­டி­யாது.

இரண்­டா­வது விட­யம் இரா­ணு­வம் வசம் உள்ள காணி­களை விடு­விப்­பது. தற்­போது இரா­ணு­வத்­தி­னர் வசம் உள்ள காணி­ க­ளில் அவர்­கள் விடு­விப்­ப­தற்கு எண்­ணி­யுள்ள காணி­களை விடு­ விப்­ப­தற்­கான கால அட்­ட­வணை ஒன்­றைத் தாம் ஏற்­க­னவே தயா­ரித்­துள்­ள­தாக ஏற்­க­னவே இரா­ணு­வத் தள­பதி அறி­வித்­துள்­ளார்.

அந்த நிகழ்ச்சி நிர­லின் கீழேயே இரா­ணு­வம் செயற்­ப­டும். அதற்­கும் மேலாக முப்­ப­டை­க­ளி­ன­தும் தள­பதி என்­கிற வகை­யில் அரச தலை­வர் மைத்­தி­ரி­பால சிறி­சே­ன­வி­டமே இரா­ணு­வத்­தின் மூக்­க­ணாங்­க­யிறு இருக்­கின்­றது. எனவே ரணி­லைக் காப்­பாற்­று­வ­தன் மூலம் இரா­ணு­வத்தை இயக்­கி­வி­ட­மு­டி­யாது.

மூன்­றா­வ­தும் முக்­கி­ய­மா­ன­தும் அர­சி­யல் தீர்வு விவ­கா­ரம். ரணி ­லைக் காப்­பாற்றி ஆட்­சி­யைத் தொடர அனு­ம­திப்­ப­தன் மூலம் இது­வும் சாத்­தி­யப்­ப­டாது. புதிய அர­ச­மைப்­பைக் கொண்டு வரு­ வ­தற்­கான மூன்­றில் இரண்டு பெரும்­பான்மை சிறி­லங்கா சுதந்­தி­ரக் கட்­சி­யின் ஆத­ர­வின்­றிச் சாத்­தி­யப்­ப­டாது. மூன்­றில் இரண்டு பெரும்­பான்மை இன்றி புதிய அர­ச­மைப்­பைக் கொண்டு வரவே முடி­யாது.

அதற்­கும்­மேல் அத்­த­கை­ய­தொரு அர­ச­மைப்பைப் பொதுக் கருத்­துக் கணிப்பு ஒன்­றின் மூலம் சிங்­கள மக்­கள் அங்­கீ­க­ரிக்­க­வேண்­டும் என்று கூட்­ட­மைப்­பின் தலை­வர் இரா.சம்­பந்­தன் விடாது வலி­யு­றுத்தி வரு­கின்­றார். சுதந்­தி­ரக் கட்­சி­யின் ஆத­ர­வின்றி அத்­த­கைய அங்­கீ­கா­ரத்­தைக் கன­வி­லும் நினைத்­துப் பார்க்க முடி­யாது. சுதந்­தி­ரக் கட்சி ஆத­ரித்­தா­லுமே நினைத்­துப் பார்க்க முடி­யுமா என்­ப­து­தான் யதார்த்த நிலை.

இதற்கு மேல் போர்க் குற்ற விசா­ர­ணைக்­கான தனி நீதி­மன்­றத்தை அமைப்­பது போன்ற ஐக்­கிய நாடு­கள் மனித உரி­மை­கள் சபைத் தீர்­மா­னத்தை நடை­மு­றைப்­ப­டுத்த ரணில் மூலம் முயற்­சிக்­க­லாம் என்­றாலோ, 2015ஆம் ஆண்டு தனது அமைச்­சர் மங்­கள சம­ர­வீர மூலம் ஐ.நா. மனித உரி­மை­கள் சபைக்கு எல்லா வாக்­கு­று­தி­க­ளை­யும் வழங்­கி­விட்டு, கலப்பு நீதி­மன்­றம் போன்ற விசா­ர­ணைப் பொறி­முறை இலங்­கைக்­குப் பொருந்­தாது என்று சொன்­ன­வர்­தான் ரணில். எனவே இனி­யும் இது­போன்ற வாக்­கு­று­தி­க­ளைத் தந்­து­விட்டு ஏமாற்­றா­மல் இருப்­ப­தற்கு அவர் ஒன்­றும் கன­வான் அர­சி­யல்­வாதி அல்­லர்.

ஆக­மொத்­தத்­தில் தமி­ழர்­க­ளுக்­கா­கப் பேரம் பேசிக்­கொண்டு ரணிலை ஆத­ரிப்­பது என்­பது வெறும் ஏமாற்று வேலை மட்­டுமே.